رواية قلب عيالي حجر الفصل الثاني 2 بقلم هويدا زغلول
رواية قلب عيالي حجر البارت الثاني
رواية قلب عيالي حجر الجزء الثاني
رواية قلب عيالي حجر الحلقة الثانية
الام
اخس عليك يا يوسف بتقولي أما الكلام ده
عملت اي غلط هو عيب ان أنا فرحانه ليك
يوسف
لو سمحت انزلي شقتك لحد ما ضيوفي يمشوا
ارجوكي مش عايزك تكوني موجوده هنا
الام
حاضر يا حبيبي هنزل ، وفعلا بعدها نزلت
وقام واحد صحبه وقالو
رؤوف
ليه عملت كده ده انا نفسي امي
ترجع تاني واشوف فرحتها دي
يوسف
ارجوك بلاش كلامك ده انت مش شايف
انها طالعه تبارك ليا وشكلها عامل ازاي
رؤوف
اه شايف وكمان شايف شقتك قد اي كبيره
واكيد مش انت لوحدك اللي فرشتها
يوسف
بقولك اي مش كل الناس هتقول زيك كده
بوص وراك وهتلاقي اصحابنا عاملين يبصوا
لبعض ويضحكوا واكيد بيضحكوا عليها
رؤوف
عارف لو كانت أمي الله يرحمها اللي عملت
كده كنت وطيت علي رجلها بوستها قدام
اصحابنا كلهم الموضوع مش بالمظاهر
بلاش تكون كده
يوسف
والنبي بلاش كلامك ده انا مش ناقص
رؤوف
مبروك يا صاحبي. خليك بقي مع اصاحبك
اللي شبهك أنا مليش مكان في وسطكم
هنا ، وبعدها نزل رؤوف وكان باب شقتي
مفتوح ولقيته دخل وانا كنت بعيط وقالي
رؤوف
مساء الخير يا امي تسمحي اقولك يا امي
اصل ماما وحشتني اوي وانتي بتفكرني بيها
الام
تعالي يا حبيبي ربنا يخليك ويديك الصحه
رؤوف
أنا كنت ماشي وقولت لازم ادخل ادوق من
الحاجات الحلوه اللي كنتي مطلعه منها
ل يوسف
الام
طيب ليه يا حبيبي ما اكلتش من حاجه اللي عنده فوق شاريها من محلات كويسه وهتكون احسن من حاجه البيت كمان
رؤوف
مين اللي قال كده اكيد نفسك في الاكل هيكون حلو وبعدها اكل كحكه من التربيزه وقالي
الله تسلم ايدك بجد الاكل تحفه اوي
الام
ربنا يجبر بخاطرك بابني ويحميك ويبارك
في عمرك يارب
رؤوف
انا همشي علشان ورايا شغل وبعد اذنك ابقى اجي اطمن عليكي
الام
تنور في اي وقت يا حبيبي ، وبعدها مشي وعملت الاكل والكل نزل ولقيت الفت قالت
الفت
قولت لماما علي اللي اتفقنا عليه يا عماد
ولا اي
عماد
مش وقته يا الفت كلي وانتي ساكته
احسن
الفت
فيه اي يا ولاد ما تقولوا ليا
عماد
مافيش يا ماما انتي عارفه أن أنا محامي
في مكتب شرك وعايز افتح مكتب ليا لوحدي
يكون خاص بيا
الام
وماله يا حبيبي ما انت عارف ان الشقه اللي في اول دور مقفوله خدها وافتحها مكتب
عماد
اه يا ماما ده الموضوع اللي انا كنت عايزه اكلمك فيه بصراحه كده مش هينفع اول دور
الام
امال ايه يا حبيبي عايز تفتح شقتك وتسكن انت في اول دور
الفت
والله يا حماتي فكرت في الموضوع ده بس انتي عارفه انا ما ينفعش اقعد تحت ايه رايك انتي تسيبي الشقه دي لعماد وتقعدي في اول دور
عماد
واظن يا ماما انت مش محتاجه شقه كبيره محتاجه اوضه وصاله على الاقل
الام
حبيبي بس انت عارف ان دي شقه ابوك وانا بحبها
عماد
طيب انا اتصرف ازاي دلوقتي بجد انا مش حابب اكون في مكتب شرك مع حد ، وفي الوقت
ده احمد قال
احمد
طيب واحنا ذنبنا ايه انك تاخد شقتين انت نصيبك شقه واحده بس
عماد
هدفعلك ايجارها يا استاذ احمد مش عايز كلامك انت بقى
رانيا
ايجار ايه اللي انت بتتكلم عنه بس يا عماد وبعدين ايه يا احمد الكلام اللي انت بتقوله ده المفروض تكون فرحان ان اخوك محامي كبير
وهيكون ليه مكتب لوحدو
الام
بس بقى خلاص مش عايزه كلام كثير شوف يا عماد عايز تعمل ايه وانا معاك ما فيش مشكله
احمد
اه بس الشقه اللي تحت مكركبه توضبها لامك
مينفعش تعيش فيها كده
عماد
اه طبعا طبعا هعمل كده ربنا يخليكي ليا يا امي وما يحرمني منك ابدا
الام
ويخليكوا ليا يا عيالي يارب وفي الوقت ده نزل
يوسف وانا قولت
الام
ايه ده يا حبيبي هو انت نازل وسايب عروستك فوق ليه
يوسف
لا يا ماما نيره مصممه نسافر شهر عسل انا وهي
والمفروض أننا هنسافر دلوقتي
الام
تسافر وتتهنى يا حبيبي بس تعالى عايزاك جوه دقيقه واحده وبعدها دخلنا اوضه النوم ويوسف قال
يوسف
انا عارف يا ماما عايزه تكلميني في ايه انا اسف في اللي انا قولته ليكي حقك عليا
الام
انا عمري ما ازعل منك يا حبيبي بعدها طلعت فلوس واديتها له خد يا حبيبي علشان تقدر تجيب ل مراتك كل اللي نفسها فيه
يوسف
ربنا يخليكي يا ماما بس انا معايا فلوس
الام
دي نقطتك يا حبيبي علشان فرحك انا كنت طالعه عشان انقطك انت وعروستك بس حصل بعدها ،،،،،،،،يلا بقى اللي حصل حصل
يوسف
والله يا امي مش عارفه اقول لك ايه ربنا يخليكي ليا وما يحرمني منك ابدا
الام
ويخليك ليا يا رب وبعدها مشي يوسف وطلعت رانيا واحمد شقتهم ودخلوا اوضه النوم ، وأحمد قال
احمد
ممكن افهم ايه الكلام اللي انت قلتيه ده بالظبط انتي ازاي توافقي ان عماد ياخد شقه تانيه
رانيا
والله يا حبيبي انا بعمل علشان مستقبلك لما انت تسيب له الشقه النهارده هو هيسيبلك الارض بكره
احمد
وهو انتي ناسيه يا يوسف ولا ايه ما هو اكيد طبعا هيطلب حقه
رانيا
لا يا حبيبي مش ناسيه وبرده مش ناسيه الفلوس اللي كانت في البنك يوسف اخدتها
احمد
فلوس ايه هو انتي جبت الكلام ده منين ، وطلعت ورق من الدولاب
رانيا
خذ ده كشف حساب بتاع امك وسحبت الفلوس
دي علشان اخوك يوسف
احمد
وايه اللي معاكي ده كمان
رانيا
ده الختم بتاع امك وهقولك دلوقتي هنعمل بيه ايه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلب عيالي حجر)
