رواية قلب سوي الفصل الخامس 5 بقلم دودو محمد
رواية قلب سوي الجزء الخامس
رواية قلب سوي البارت الخامس
رواية قلب سوي الحلقة الخامسة
باليوم التالى
استيقظت بتول من نومها على صوت طرقات على الباب انتفضت بخوف شديد ونهضت بقدم مرتعشه وقالت من خلف الباب
-م م مين
أتاها صوت محبب لها وهو يقول
مراد:-افتحى أنا
فتحت الباب سريعا ونظرت له بقلق وقالت
بتول :-عملت ايه اوعى تقول انك ناوى تمشى وتسيبنى
اومأ رأسه بالتأكيد وقال
مراد :-طبعا أنا همشى مستحيل اقعد فى البيت ده تانى، انا نمت هنا امبارح علشان كنتى خايفه ومنهاره
حركت رأسها بالرفض وقالت بترجى
بتول:-خليك قاعد هنا ارجوك متسبنيش مع اخوك لوحدى
وفى ذلك الوقت سمعوا صوته الغليظ وهو يقول لهم
وليد :-يا سلام على الرومانسيه اومال عامله شريفه عليا ليه بقى ده انتى نايمه فى اوضه طول الليل، وانت يا سى مراد ايه مقدرتش على بعد السنيوره رجعتلها تانى اومال حب ايه اللى كنت بتحبه لمراتك والصياح اللى مصدعنا بى طول السنين اللى فاتت دى
تخفت خلف ظهره وامسكت به بشده وقالت بترجى
بتول :-بترجاك يا مراد متسبنيش معاه لوحدى
صر على أسنانه بغضب وقال
مراد:-انت اخرت اللى بتعمله ده ايه عايز توصل لايه مش خلاص قت/لت أمها وانتقمت منها سيبها بقى تروح لحالها
تعالت ضحكاته بسخريه وقال
وليد :-تصدق ضحكتنى انت عبيط اوى ازاى كده اسيب مين انت بتحلم الحلوه دى مش هتخرج من هنا حيه أنا بس مستنى اخد منها اللى أنا عايزه ورصاصه هتخلصنى منها خالص
تكلمت من خلف ظهر مراد وقالت
بتول :-لا خلص عليا دلوقتى ارجوك انا كده كده مش عايزه اعيش فى الدنيا دى وانا وحيده بعد ما اخد منى ماما وابوك اخد منى بابا الموت اهون عليا من اللى انت عايز تعمله فيا
تكلم بنبره هادئه وقال
مراد :-بلاش تعمل اللى انت عايزه ده بلاش تمشى وراه شيطانك هى غلطت وانت انتقمت منها كفايه يا وليد سيبها
نظر لهم بغضب وقال
وليد :-عجباك أنا معنديش اعتراض وممكن كمان اسيبها وتتجوزوا وتعيشوا فى تبات ونبات وتخلفوا صبيان وبنات بس بشرط
نظر له بترقب وقال
مراد :-شرط ايه !؟
اجابه بتوضيح وقال
وليد :-تتجوزها وتعيشوا معانا هنا وترجع شغلها بس تكون فى صالحنا وتشتغل معانا
ثم اقترب إليها واكمل حديثه قائلا
-بس لو فكرتى تلعبى علينا ولا دماغك توزك كده ولا كده متلوميش الا نفسك
تكلم سريعا وقال
مراد :-وانا موافق
نظرت لهم بصدمه وقالت
بتول :-هو ايه اللى تتجوزها وانت تقول موافق انتوا مين سمح ليكم تتحكموا فى حياتى اصلا أنا عندى الموت اهون من اعمل حاجه زى كده، معاك سلاحك اضغط على الزناد واخلص وخلصنى
نظر إلى أخيه وقال بعدم اهتمام
وليد :-براحتها هى اللى مش عايزه واختارت مصيرها بنفسها
امسك يدها سريعا وقال
مراد :-تعالى معايا امشى
ارغمها على التحرك معه وخرجوا يتحدثون ببهو القصر
نظرت له بضيق وقالت
بتول :-انا مش هخون بلدى متحاولش أنا حلفت يمين أن احافظ عليها وعلى أمنها لاخر لحظه فى عمرى
اومأ رأسه بالتأكيد ونظر حوله حتى يتأكد أن لا يوجد احد يستمع عليهم ثم اقترب اكثر لها وقال
مراد :-وانا مش هخليكى تعملى زى ما هو قال انتى مش كنتى عايزه تمشى من هنا انا هساعدك تعملى كده
نظرت له بعدم فهم وقالت
بتول :-ايوه يعنى ناوى تعمل ايه مدام مش هتنفذ اللى قال عليه
اقترب اكثر إليها وقال بصوت هامس
مراد :-هتجوزك جواز صورى بس وبعد كده هتبقى انتى عندك حرية الخروج من القصر هترجعى شغلك وهساعدك توصلى لأكبر راس فى العصابه وتخلصى البلد منهم كلهم وبكده هيكون وليد مافيش ضهر يتسند عليه ومش هيقدر يأذيكى وبعد كده كل واحد مننا يروح لحاله
ردت عليه بأستغراب وقالت بتساؤل
بتول :-وايه المقابل لمساعدتك ليا دى
أجابها بصوت غاضب وقال
مراد :- تسبينى انتقم من كل اللى لمسوا مراتى وعملوا فيها كده انا فاكر شكل عيونها واقدر اعرفهم لو بين ملايين الناس وبعد كده هسلم نفسي ليكى
تكلمت بتوتر وقالت
بتول :-بس انا كده هبقى بساعدك وهكون مذنبه زيك بالظبط
حرك رأسه بالرفض وقال
مراد:-لا خالص انا هوصلهم بطريقتى وبعد كده هسلم نفسي ليكى وتبقى القضيه انتهت واتقفلت نهائى
نظرت له بقلق واومأت رأسها بالموافقه وقالت
بتول :-موافقه بس جواز على ورق بس
ابتسم لها وقال بتوضيح
مراد :-متقلقيش اصلا هيكون جواز باطل علشان من غير وكيل ليكى بس هو كده هيكون مقتنع اننا متجوزين حقيقى
تنهدت بأرتياح وقالت
بتول :-ماشى موافقه
عادوا إلى الداخل وأبلغوا وليد موافقتهم .
……………………………………………………………….
بعد عدة أيام غادر المأذون القصر نهضت بتول بضيق وقالت بصوت مختنق
-انا طالعه انام
وتحركت بأتجاه الدرج لكن أوقفها صوت وليد وهو يقول لها
-استنى يا مرات اخويا رايحه فين بسرعه كده
تكلمت بصوت مختنق وقالت
بتول :-تعبانه وعايزه انام
اقترب إليها واخرج قلاده من جيبه وقال بأبتسامه
وليد :-دى هدية الجواز حاجه بسيطه كده يارب تعجبك
نظرت لها بضيق وابتسمت له ابتسامه مزيفه اخذتها منه وقالت
بتول :-شكرا
تكلم سريعا وقال بأصرار
وليد :-لا شكرا ايه انتى دلوقتى مرات اخويا ومعزتك من معزته وعلشان احس انك سامحتينى وافرح البسيها دلوقتى ومتقلعهاش من رقبتك خالص
ثم استدار إلى أخيه وقال
-ما تيجى يا ابنى لبس لمراتك هديتى
اقترب إليهم وأخذ القلاده ووضعها حول عنقها وقال
مراد:-يلا بينا ننام تصبح على خير
صعدوا إلى غرفتهم واغلق الباب خلفهم وقبل أن يتحدث نظرت له أن يصمت وأشارت بعينيها إلى القلاده
حرك رأسه بعدم فهم وقال بصوت هامس
-فيه ايه مش فاهم
احتضنته سريعا واقتربت من أذنيه وقالت بصوت هامس
بتول :-السلسله دى اخوك مركب فيها جهاز تصنت علشان يسمعنا احنا بنقول ايه
حملق عينه بصدمه وقال بهمس
مراد :-والعمل ايه دلوقتى كده هيكتشف كل حاجه
حركت رأسها بالنفى وقالت
بتول :-نتكلم عادى من غير ما نلفت نظره لاى حاجه وبعد كده نقول اننا هنام
ابتعد عنها وقال بتساؤل
مراد :-هتدخلى الحمام تغيرى هدومك ولا ادخل أنا
تكلمت سريعا وقالت بخجل مزيف
بتول :-ل ل لا هدخل أنا اغير هدومى فى الحمام
واتجهت إلى المرحاض بدلت ملابسها وخرجت مره اخرى وقالت
-انا غيرت هدومى لو عايز تدخل الحمام
حرك رأسه بالرفض وقال
مراد :-لا مش عايز انا غيرت هدومى خلاص
تمدت على السرير وابتسمت له بتوتر وقالت
بتول :-ا ا اطفى النور علشان ننام
اومأ رأسه بالموافقه واغلق الضوء
نهضت سريعا من على السرير واتجهت إلى الأريكة وتسطحت عليها
نظر لها بأستغراب وقال بتساؤل
مراد :-بتعملى ايه
حركت رأسها له أن يأخذ حذره وقالت
بتول :-ا ا ايه يا مراد ع ع عايز منى ايه هنام
نظر لها واومأ رأسه بتفهم وقال
مراد :-تنامى ايه، النهارده المأذون كتب كتابنا وبقيتى مراتى يعنى النهارده ليلة دخلتنا
ابتسمت ابتسامه مزيفه وقالت بكذب
بتول :-ابعد يا مراد أنا تعبانه النهارده وعندى ظروف مش هينفع تقرب منى تصبح على خير
وأعطته اشاره أن يكمل كلامه
أجابها بصوت مزيف وقال
مراد :-ظروف !! ماشى الايام جايه كتير تصبحى على خير
اشارات له بالرضا وابتسمت له وقالت بهمس
بتول :-وانت من أهله
اتجه إلى السرير وتسطح عليه وظل ينظر إلى الأعلى حتى غالبه النوم
نظرت له وهو نائما ظلت تتابعه تعالت دقات قلبها وشعرت بشئ يجتاح داخلها لم تفهم معناه ابتسمت ابتسامه هادئه ثم أغلقت عينيها حتى تذهب إلى النوم لكنها سمعت أصوات انفاس مراد تعلو نظرت له بأستغراب ونهضت من على الأريكة واتجهت إليه وجدت العرق متناثر فوق جبينه ويلهث وكأنه يركض فى سباق ربت على صدره بهدوء وقالت بصوت هامس
-مراد يا مراد اصحى يا مراد
ظل يحرك رأسه بالرفض كأنه يستغيث بأحد أن ينقذه
حركته بقوه وقالت بصوت هامس
-مررررراد رد عليا اصحى
انتفض مكانه وأمسك بها كالطفل الصغير وظل يبكى داخل أحضانها
نظرت له بصدمه ابتلعت ريقها بتوتر وقالت
بتول :-مراد فوق ده شكله كان كابوس
تمسك بها أكثر وتعالت شهقاته وقال
مراد :-حقك عليا يا هند مقدرتش انقذك منهم كنت متكتف وضعيف سامحينى ارجوكى
ربت على ظهره بشفقه وقالت بصوت هادئ
بتول :-انت مكنتش ضعيف كان غصب عنك لو كان ده حصل وانت صاحى اكيد مكانش حد فيهم قدر يقرب منكم إنما هما الجبناء علشان اخدوكم على خوانه وغدروا بيكم خليك واثق انك راجل جدع وشهم، اقوى كده علشان أنا كمان هستقوى بيك
شعرت بسكونه داخل أحضانها نظرت عليه وجدته ذهب بالنوم مره اخرى وضعت رأسه على الوساده ونظرت له بشفقه إزالة عباراته من على وجه وعادت مره أخرى إلى الأريكة وظلت تتابعه حتى ذهبت إلى نوم عميق.
………………………………………………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلب سوي)
