رواية قلب بريء الجزء الثاني الفصل الثاني 2 بقلم لوريتا يونس
رواية قلب بريء الجزء الثاني البارت الثاني
رواية قلب بريء الجزء الثاني الجزء الثاني
رواية قلب بريء الجزء الثاني الحلقة الثانية
سليمة بصدمة : مستحيل !! الولد ده هوا يلي دافع عني الصبح
سارة باستغراب : دافع عنك ليه ؟
سليمة بحزن: انا كنت في الجامعه وخبطت في ولد من غير قصد ، فا فضل يزعقلي فَ انا قولتله اتكلم باسلوب كويس ..
وكملت بدموع : فا قالي اني مبقعة وان الك.لب حتى يقرف يبص في وشي
سارة بغضب: يبن الكـ ـلب ..ها كملي يا عيوني
سليمة : ساعتها بقى جه يونس وفضل يضرب فيه ودافع عني
سارة :اممم ، يعني طلعتي عرفاه ؟ يا دبلة الخطوبة عقبالنا كلنا
سليمة بضيق : بس يا سارة ، يونس ولد جدع ودافع عني مش اكتر من كدا ، ومتقوليش كدا تاني .
سارة : ماشي يا ستي بهزر الله ! المهم وافقتي ولا لا
سليمة : هفكر وارد عليكي ، باي
سارة بمقاطعة : يبنتي استن…
..قفلت في وشها السكة ودموعها نزلت على خدها واتكلمت بكسرة : انا مش عايزة احب ولا اتحب كفاية يلي حصل قبل كدا ، انا مش عايزة اعيد نفس الغلطة دي تاني
..وبعد إلحاح شديد من سارة لسليمة وافقت سليمة واتفقوا كلهم يتقابلو في مكان معين .
سيف بابتسامة : ازيك عاملة اي انا سيف
سليمة بابتسامه: وانا سليمة
حسام بمزاح : وانا حسام اكبر واحد في الشله هنا وبدور على عروسة
سليمة بضحك : إن شاء تلاقيها يلي امها دعيالها دي
سيف : قصدك يلي داعية عليها
..بصراحه كانو كمية في اللطف والطيبه ومحستش انهم مثلا متقززين مني او حاجة بلعكس ، كنت فرحانة اوي لاني عمري ما كان عندي صُحاب غير سارة واخيرا هيبقى عندي شلة واصدقاء، لاكن للاسف الحلو مش بيكمل للآخر
سارة : ودي بقى ليلى الموديل يلي حكيتلك عنها
سليمة : اه افتكرتها طبعا ، ازيك يا ليلى
..مديت ايدي ليها بلطف مستنياها تسلم عليا ، بصت لايدي بشمئزاز واتكلمت بقلة زوق رهيبة : اسفة مش بسلم بالإيد
..اتحرجت جدا بس مبينتش وابتسامتلها ، اتخطتني وراحت حضنت يونس بمنتهى قلة الادب ما شاء الله عليها متربتش ربع ساعة .
ليلى بدلع : ازيك يا يونس
يونس بابتسامة : الحمدلله يا لولو انتي عاملة اي
ليلى بمياعة وهيا بتحط ايديها على كتفه : وحشه خالص من غيرك يا يويو ، كدا بردو كل الفترة دي متسألش عليا
يونس بخبث وهوا بيقرب منها: معلش بقى يا لولو يا حبيبتي مشاغل
..مش عرفة ليه بس كان هاين عليا اجبها من شعرها ، وروح اقولها انتي بتتكلمي كدا ليه يا ولية ..بس مسكت نفسي بالعافية
سارة ضربتني في كتفي بخفة وقال سيف بصوت مسموع : ودا بقى يا ستي يونس اصيع واحد في الشلة
…يونس بصلي وغمزلي ، اتكسفت وبصيت في الارض بخدود حمرة
يونس بغمزة : نورتينا يا قمر
سليمة بكسوف : بنورك يا استاذ يونس
..ضحكو كل يلي في المكان ما عدا ليلى يلي كانت واقفه مشتعله من غيظها .
يونس بضحك : استاذ يونس ! شيفاني مدرس انجليزي يبنتي ..قوليلي يونس بس
سليمة بخجل : ماشي يا.. يونس
يونس بابتسامة : اسمي طالع من بقك زي العسل
ليلى بغيظ : احم هوا احنا مش هنقعد بقى ولا اي
يونس : اه طبعا
..اتكلمت سليمة بتوتر : جماعة انا ليا شرط عشان اعرف اصور معاكو
يونس باستغراب : شرط ! شرط اي
سليمة : اني اخفي البهاق يلي فوشي
ليلى : بصراحه عندك انا شايفة كدا برضو ، احنا موافقين
يونس بغضب : بس يَ ليلى
سارة : اي يا سليمة يلي انتي بتقوليه ده ، انتي دا مكانش تفكيرك طول عمرك بتقولي انها حاجة بتميزك ..مين يلي لعب في عقلك وقالك الكلام الاهبل ده
سليمة وهيا بتقوم : انا قولت يلي عندي يا جماعه وتقدرو تبعتو الرد مع سارة ..سلام
..مشيت سليمة من قدامهم وكلهم مشيو معادا يونس يلي كان ماشي خلف سليمة ، لحد ما وصلت مكان عند البحر قعدت ولحسن حظها إنه مكانش فيه حد في المكان غيرها ..لانها بتحب الوحدة جدا ومتعودة عليها، ومبتحبش مكانها المفضل يكون فيه دوشة او زحام
بصت قدامها بشرود قطعه صوت حمحمة التاني ، بصتله بصدمه : يونس ..انت عرفت مكاني ازاي؟
يونس : بصراحة كدا انا مشيت وراكي ، وعندي فضول اعرف قولتي انك عايزة تخفي البهاق يلي في وشك ليه!! مع انك علفكرة دي حاجة بتميزك
..مقدرتش تستحمل اكتر من كدا وانفجرت دموعها يلي كانت حبساها واتكلمت بشهقات مبين دموعها : انا مش مميزة ..انا بشعة ..انا وحشة ..انا مبقعة ..انا الناس بتكرهني وبتقرف تبصلي وتسلم عليا ..ولما نكون قاعدين في مكان الامهات بتبعد اطفالها عني كأني وحش كل يوم تنمر في حياتي ، وفوق دا كله عايزني كمان استحمل تنمر السوشيال ميديا ..مستحيل ..مستحيل اعمل في نفسي كدا انا مينفعش ابينلهم اني عندي بهاق ..هيتريقوا عليا
يونس حضنها جامد وملس على شعرها بحنان وهيا كانها مصدقت فضلت تعيط جامد لحد ما هديت واستوعبت هيا بتعمل اي ، بعدت عنه بسرعة ومسحت دموعها بكف ايديها
يونس بحنية : والله العظيم انتي ما وحشة بالعكس انتي اجمل بنت في الدنيا ، وانا مش بقول كدا عشان انتي صعبانة عليا لا ..انا بقول كدا عشان انا فعلا شايفك حلوة ومفكيش اي عيب بالعكس ..كل الناس فيها عيوب ومش شرط تبقى من برا بتبقى من جواها ، عندك ليلى مثلا اهي مزة اهييي ..بس سبحان الله محدش بيطيقها
سليمة : بس انت حضنتها علفكرة
يونس بضحكة : وهوا انا عشان حضنتها ابقى بحبها لا خالص والله دي انا بتسلى بيها باخد غرضي منها وبس
سليمة بعدم فهم : يعني اي ؟
يونس : ابقى افهمك بعدين ..نرجع لموضوعنا بصي انا مش هضغط عليكي لو انتي هتبقى مرتاحة لو عملتي كدا براحتك ..انا هبقى مبسوط طول ما انتي مبسوطة
هزت راسها بابتسامة ابتسم لها التاني وباسها من خدها ومشي وسابها
واتكلمت بغضب شديد وكسوف : اي ..اي قلة الادب دي وكتاب الله واحد مترباش ربع ساعة ، بس بصراحة الواد طيب ومز اوي
..رجعت بيتها وتاني يوم راحت للشلة وصورا الفيديو وبالفعل الفديو جاب مشاهدات كتير بسبب ليلى طبعا لانها مشهورة وعدا اسابيع كتير وهما صوروا فيديوهات اكتر واتشهروا اكتر بس في يوم …
دخلت سليمة الحمام ودخلت وراها ليلى واستخبت من سليمة عشان متلاحظهاش وبحركة سريعة كانت مسكت موبايلها وصورتها وهيا بتمسح الميكاب يلي كان مداري وشها من البهاق قدام المراية ، قفلت الفيديو بعد ما صورتها وابتسمت بخبث ومشيت بسرعة واول ما روحت مسكت موبايلها بسرعة وكتبت من اكونت فيك على التيك توك
” شاهد فضيحة سليمة عمر.. البنت يلي انشهرت بين يوم وليلة بسبب البلوجر ليلى المنشاوي ..بتخفي مرضها بالميكاب !!”
كتبت كدا على الفيديو ونزلته ونامت تاني يوم ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلب بريء الجزء الثاني)
