رواية قلبي ومفتاحه الفصل الحادي والثلاثون 31 بقلم روز أمين
رواية قلبي ومفتاحه الجزء الحادي والثلاثون
رواية قلبي ومفتاحه البارت الحادي والثلاثون
رواية قلبي ومفتاحه الحلقة الحادية والثلاثون
🔹️البارت الحادي والثلاثون🔹️
مر أكثر من ساعة،،ومازالت علي جلستها تبكي وتنتحب حالها،، وقلبها ينزف علي ذلك الأدهم،،
لما فعل هذا بي؟ ولما أرسل لأبي لخطبتي بما أن له خطيبه أخري؟؟
أه أدهم،،كم ساتوجعني بعد يا رجل،،كم من قصه وروايه أخري لم أدري بها بعد !!
رن هاتفها،، وجدته أدهم لم ترد وظلت تبكي !!
عند أدهم
بعد خروجه من الجامعه،، رجع لمسكنه بدل ملابسه،،وضع كمادات علي وجهه لكي لا يبقي أثر من الكدمات الموجوده نتيجة اللكمات التي سددها له عماد !!
ظل يهاتف تلك العنيدة،، التي لم تعطيه فرصه ليفسر لها ويطلعها علي القصه بأكملها،،لكن تلك الساحرة لم تجب علي إتصالاته العديدة !!
نزل من سكنه،، قاد سيارته متوجها ل فيلا عماد،، حتي ينهي هذا الصراع الدائم والذي فاق حدود صبرة،،
فقرر أن يدخل خاله حسين، لردع تلك العماد عن الإستمرار في أذيته !!
مازال وهو يقود يحاول إتصاله ب مها ولكن بلا رد !!
وصل أدهم لفيلا خاله وترجل لداخل الهول،،وجد العائله بأكملها تجلس،، حتي مروة وريهام وجدهم ،،
تفاجأ الجميع بوجوده،، ولكن من هيئته يبدو عليه الغضب،، ألقي عليهم السلام !!
وقف خاله وعاصم يستقبلاه بترحاب !!
تحدث حسين بترحاب٠٠٠ أهلا أهلا يا أدهم،، أيه المفاجأه الحلوة دي،، إتفضل يا حبيبي !!
أدهم بإحترام٠٠٠أهلا بحضرتك يا خالي،، إزي صحة حضرتك؟؟
حسين بوجه بشوش ٠٠٠بخير يا حبيبي،، منور !!
نظرت له عزه وتحدثت بترحاب٠٠٠دكتور أدهم،، ده أيه المفاجأه الجميله دي،،نورت بيتك يا حبيبي !!
إبتسم لها أدهم وسلم عليها وعلي الجميع بإحترام،،
حتي وصل إلي ريهام التي لم يراها منذ أخر لقاء لهما في شقته،،حين ذهبت له تترجاه أن يرجعها لحياته من جديد،، ولكنه رفض !!
ريهام بعيون متلهفه ومشتاقه لحبيب سنين مضت،،وخيال حالم مازال موجود،،مدت له يدها وتلمست يده بشوق سنين،،ومن جانبه،، نظر لها بحنين لأيام مضت،، لذكريات من عمرة،،لكن ليس عشق أو شوق لها،، بل ل أيام وذكري صباه فقط لا غير !!
ريهام بعيون مشتاقه٠٠٠إزيك يا أدهم !!
أدهم ٠٠٠الحمد لله يا ريهام،، إزيك إنتي وإزي إبنك !!
وكأنه يذكرها أنها زوجه وأم،، لتستفيق من حالاتها تلك !!
ثم نظر سريعآ لخاله وتحدث٠٠٠ أنا جاي أشتكي لحضرتك من عماد يا خالي،، وبتمني من حضرتك تخليه يبعد عني خالص !!
تحدثت عزه ٠٠إهدي طيب يا دكتور وإتفضل أقعد،،وفهمنا أيه الحكاية !!
حسين٠٠٠خير يا أدهم،، ماله عماد ،عملك أيه مزعلك منه أوي كده ؟؟
عاصم ٠٠٠أقعد يا أدهم،، مش هاتتكلم وأنت واقف كده !!
سمع عماد صوت أدهم فنزل الدرج بكل كبرياء وتحدث من عليه،
عماد٠٠٠٠وليك عين تيجي لحد هنا كمان ؟؟
نظر له أدهم وتحدث بغضب٠٠٠جاي أشهد عليك كبيرك،،علشان أكون عملت اللي عليا من ناحية صلة الرحم،،وأقسم بربي هي الوحيدة اللي حاشتني عنك إنهاردة يا عماد !!
عماد بغضب٠٠٠ولا كنت تقدر تعمل حاجه،، إنت بق علي الفاضي يا أدهم يا سليم،، ولو كنت راجل بجد وريني أخرك !!
قالها ووقف بوجهه وفتح ذراعيه علي مصرعيهم
حسين بغضب٠٠٠٠عماااد،، عيب عليك تكلم إبن عمتك كده قدامي،،أيه مافيش إحترام ليا خالص !
وأكمل ٠٠٠إتفضلو أنتو الاتنين أقعدو وإحكولي أيه اللي حصل !!
عماد بسخريه٠٠٠البيه زعلان أوي وجاي شايط علشان كشفته وكشفت كدبه قدام مها المخدوعه فيه،،قولتلها حقيقة إنه خاطب بنت عمه !!
أدهم بغضب٠٠٠وإنت أساسآ تدخل نفسك في مواضيع ماتخصكش ليه،، ثم نظر إلي مروة وتحدث
أدهم٠٠٠وإنتي يامروة،،إزاي تسمحي لعماد إنه يستخدمك في ألاعيبه بالشكل ده،،يخليكي تتصلي ب سميه وتستدرجيها في الكلام وتعرفي منها إذا كنت فعلا خاطب بنت عمي ولا لا ،،إنتي أكبر وأعقل من كدة يا مروة !!
تحدثت مروة بخجل٠٠٠أنا أسفه يا أدهم،، أكيد ما كنتش أقصد أذيتك،، ولا كنت أعرف إن عماد هيستغل معرفته بموضوع خطوبتك ويروح يقول ل مها !!
ريهام بعدم فهم٠٠٠مها مين؟ وخطوبه أيه اللي بتتكلمي عنها يا مروة ؟؟
مروة ناظرة لريهام بخوف٠٠٠هافهمك كل حاجه بعدين !!
حسين ٠٠٠أنا مش فاهم حاجة يا أدهم من الكلام ده كله،، لو سمحت فهمني !!
قص له أدهم كل ماحدث وقص له أيضآ عن خطبته ل مها وعن تهور عماد وضربه أمام الطلبه !!
تحدث حسين ٠٠٠هي حصلت يا عماد تضرب إبن عمتك قدام الناس زي البلطجيه !!
تحدث عماد بغضب٠٠٠ أه ضربته،، ولو ما بعدش عن مها ورحمة بابا لأقتله !!
تحدث أدهم بتحذير مشيراً إليه بأصبع يده٠٠٠مها كلها أسبوع وهكتب كتابي عليها وهاتبقي مراتي،،وقدام خالي وكل اللي موجودين بشهدكم عليه،،
وتحدث بتحذير٠٠٠ لو قربت من مها أو حاولت تضايقها بأي شكل من الأشكال،، ساعتها بس متلومش غير نفسك يا عماد !!
عماد بغضب٠٠٠ هي مين دي اللي هاتبقي مراتك،، ده علي جثتي لو قربت منها يا أدهم !!
تحدث حسين بغصب٠٠٠إنت أيه يا أبني،،البنت مش عوزاك هو بالعافيه،،ياريت تخلي عندك كرامه وتبعد عنهم،، وبعدين إنت راجل خاطب عاوز أيه منهم !!
وبعد حديث كثير،،ومناوشات من الجميع وأدهم وعماد،،لام الجميع فيها عماد ونصحوة بأن يبتعد عن أدهم ويحترم صلة الرحم بينهم ،،
خرج أدهم بعد وعد من حسين علي إبعاد عماد عنه وعن مها نهائيآ !!
لحقت به ريهام في الحديقه إستوقفته !!
ريهام بعيون مغيمه بالدموع٠٠٠إنت فعلا حبيت وهاتتجوز يا أدهم؟؟ قدرت تنساني بالسهوله دي وتحب غيري ،،طب ليه أنا مش قادرة أنساك !!
أدهم بتفهم لحالتها٠٠٠دي سنة الحياة يا ريهام،، أنا حبيت فعلا وهتجوز وهعيش حياتي،، إنتي كمان إتجوزتي وخلفتي،،
حاولي تنسي الماضي اللي ساجنه نفسك فيه وعيشي حياتك يا ريهام ،،صدقيني إنتي واهمه نفسك بقصة حبنا اللي كانت،، في الأخر هي مجرد قصه وإنتهت !!
إنهيها من جواكي وعيشي لجوزك وإبنك،، وقتها بس هترتاحي وتريحي جوزك ،،
وهاتحسي بكل شيئ حلو في حياتك،، ربنا مديكي نعم كتير في حياتك،، زي مثلا جوزك اللي بيحبك وصابر في حبه ليكي،، وإبنك نعمة ربنا ليكي ،، فوقي يا ريهام وعيشي،، ودعها وذهب مسرعآ لتلك المتمرده !!
ذهب أدهم مباشرتآ إلي حيث تسكن غاليته،، لم يستطع صبرآ للإنتظار للغد،، فكان قلقآ من أجلها،،
وبنفس الوقت غاضبآ منها لعدم ثقتها به،، وعدم ردها عليه وإعطائه فرصه لإفهامها،، ولكنه عذرها أيضآ !!
وصل إلي فيلا نور،،كان الوقت مازال باكرآ فقد كانت الساعة السابعة بعد الغروب،،أبلغ حارس الفيلا برغبته بالتحدث إلي مها،، دلف الحارس وأخبر نور، التي بدورها ذهبت ل أدهم عند البوابه لتتعرف منه من يكون ؟وماذا يريد ؟؟
نور بإستغراب٠٠٠أهلا يا أفندم،، ممكن أعرف مين حضرتك؟
أدهم بإحترام٠٠٠أهلا بحضرتك،،أنا دكتور أدهم سليم دكتور مها في الجامعه،،وكنت محتاج أتكلم معاها ضروري لو سمحتي،،فلو تسمحي تندهيلها هاتكلم معاها هنا وهامشي علي طول بعدها !!
نور بحرج٠٠٠مع إن ده ممنوع،،لأن زي ما حضرتك عارف ده سكن بنات،،لكن باين علي حضرتك إنك محترم ،،ثواني هابعت لمها !!
صعدت عفاف تستدعي مها وتخبرها بأن أدهم ينتظرها،،جن جنونها عندما أخبرتها عفاف،، ما تلك الجرأه التي لديك أدهم لتأتي إلي هنا؟؟ يالك من وقح !!
إرتدت حجابها علي ثيابها البيتيه ونزلت له !!
خرجت من باب الفيلا تحت أنظار الواقف بإنتظارها مع نور،، التي إستلمته أسئلة كمحقق نيابة،،
كانت أتيه بإتجاهه تنظر له وعيناها تطلق عليه سهامآ،،وأقسم بربي لو النظرات تقتل لصابه سهمآ ووقع صريع غضبها !!
وصلت إليه وحاولت تهدئة حالها وتحدثت بهدوء ٠٠٠أهلا دكتور أدهم،،خير يا دكتور فيه حاجه؟؟
تحدثت نور٠٠٠دكتور أدهم بيقول إنه عاوزك في حاجه مهمه بخصوص البحث بتاعك يا ماهي !!
كان ينظر لها وتحدث بقلة صبر٠٠٠مها لو سمحتي يا ريت نتكلم شويه لوحدنا !!
نور بإحراج٠٠٠أنا كنت داخله حالآ ،، قهوة حضرتك أيه يا دكتور؟؟
أدهم بشكر٠٠٠لا متشكر يا أفندم ملوش لزوم !!
نور٠٠لا ما يصحش يا دكتور،، حضرتك اول مرة تشرفنا هنا !!
وتحدثت عن قصد٠٠٠أينعم إحنا محدش بيشرفنا هنا أصلآ،، علشان حضرتك عارف ده سكن طالبات،، وأهاليهم سيبينهم أمانه عندي،، فلازم أكون أد الأمانه دي،،
لكن حضرتك باين عليك محترم وإبن ناس،،علشان كده سمحت ل مها تنزل تقابلك !!
أدهم بإحترام٠٠٠طبعآ ده شيئ يحسب لحضرتك،،لكن صدقيني أنا لولا متضر ما كنتش جيت،،وبعدين أنا واقف أهو عند البوابه مرديتش أدخل الجنينة زي ماحضرتك عزمتي عليا !!
نور٠٠٠بعد إذنكم ،،ماهي أنا جنبك هنا تمام ،،وأنصرفت !!
نظرت له مها وتحدثت بغضب٠٠٠ أيه اللي جابك،، عايز مني أيه تاني ؟؟
أدهم يحاول تهدئة حاله من معاملتها العدائيه٠٠٠مها إحنا لازم نتكلم،،فيه حاجات لازم أفهمهالك !!
أجابت مها بإنفعال٠٠٠خلاص يا دكتور،، مش عوزه أسمع ولا أفهم منك أي حاجه،، إنت واحد كداب،، كل يوم يظهرلك حكايه وقصه جديده،، لا،،وكل ده كوم وإنك تطلع خاطب ومغفلني ده كوم تاني !!
أدهم بنفاذ صبر ٠٠٠مها،،إهدي وإسمعيني وبلاش تغلطي علشان ماترجعيش تندمي !
مها٠٠٠أغلط،،ولما أنا كده بغلط سيادتك بتعمل أيه ها،، ممكن تجاوبني !!
وبعدين أسمع أيه،، أنا أصلآ مابقتش بثق في كلامك،،يعني مالوش لازمه كلامنا من الأساس !
تحدث أدهم بعصبيه٠٠٠لأخر مرة هاقولك إهدي وحافظي علي كلامك !
أمسك هاتفه وضغط على زر الإتصال وهي في قمة غضبها وتحادثه٠٠
إنت بتكلم مين ؟
أدهم لم يعيرها أي إهتمام وتحدث بوقار٠٠٠مساء الخير يا أفندم إزي حضرتك ،،
وبعد مدة٠٠أنا أسف جدا علي الإزعاج،، مها جنبي وعماد حكالها عن موضوع بنت عمي اللي كنت كلمت حضرتك عنه،، وهي غضبانه ورافضه تسمعني،، فياريت بعد إذن حضرتك تفهميها الموضوع !!
أعطي لها الهاتف نظرت له بتساؤل ٠٠مين دي؟؟
أدهم بنظرة توحي علي إشتعاله داخليآ ٠٠٠مدام مني حرم سعادة السفير !!
أخذت الهاتف وردت٠٠٠أيوه يا طنط !
مني علي الهاتف٠٠٠مزعله أدهم ليه يا مها،،علي فكرة أدهم حكالي كل حاجه عن الموضوع ده يوم ما جه عندي،، وبجد الحكايه مش مستاهله زعل،،دي كانت مجرد خطوبه تقليديه،،عرف عندهم،،وهو لما سافر نهي الموضوع وكلمني من هناك وطمني إن الموضوع إنتهي !!
تحدثت مها بحزن٠٠٠طب كان قالي يا طنط،،كان حطني معاه في الصورة،، بدل ما يخليني شكلي وحش كده !!
هنا أشار لها بيده وأخذ منها الهاتف وهو يرمقها بنظرات كادت أن تحرقها !
أدهم ٠٠٠أنا أسف مره تانيه لحضرتك، وأوعدك إن دي هاتكون أخر مرة نزعج فيها سيادتك،،
كان يقول كلماته وينظر لمها نظرات ذات معني،، مما جعل الرعب يتسلل لقلبها !!
مني بود ٠٠٠أوعي تقول كده يا دكتور،، أنا دايما موجوده وتحت أمرك،، ولو فيه مشكله أنا ممكن أجيب مها عندي وأتكلم معاها وأفهمها !!
أدهم ٠٠٠متشكر يا أفندم،،مها أنا هاتكلم معاها،،ومرة تانيه أسف جدآ لحضرتك !!
أغلق الهاتف ونظر بغيظ علي تلك الواقفه تربع يدها علي صدرها وتنظر له هي الاخري بغيظ في جو مليئ بالمشاحنات !!
سألت مها بغضب٠٠٠ليه ماقولتليش ؟؟
أدهم بغضب ووجه عابس ٠٠٠علشان غبي،،وخوفت علي مشاعر سيادتك،، قولت لنفسي مافيش داعي أوترها وأضايقها بسبب موضوع تافه هايتحل بمجرد ما أقعد مع أبويا ،،
وفعلا يا هانم،، روحت وحليته،،وإلا ماكانش أبويا بعت لأهل سيادتك وطلبك منهم،،
وأظن كمان إني بلغت سيادتك إني عاوز أكلمك في موضوع مهم،، بس عماد باشا كان أسرع طبعآ كالعادة !
مها بحزن ٠٠٠بردو كان لازم تقولي من الأول خالص !!
أدهم بغضب ٠٠٠إنتي لسه ليكي عين تتكلمي وتجادلي !!
وأكمل بعصبيه ٠٠٠عاجبك منظري وأنا بكلم مدام مني زي التلميذ الخيبان اللي جايب ولي أمرة يدافع عنه قدام المدرس بتاعه،، يارب تكوني مبسوطه باللي وصلتيني ليه حضرتك !!!
نظرت له بعيون غاضبه وشفاه ممدوده للأمام ،وصمتت !!
أكمل هو بأمر٠٠٠إتفضلي إطلعي بدلي هدومك دي علشان نخرج نتكلم في أي مكان برة،، بدل مانا واقف متراقب من شارلوك هولمز بتاعتك دي كمان،،
ونظر علي نور الموجهه بصرها عليهم من بعيد،، تتفحص كل حركه وتعد عليهم أنفاسهم !!
تحدثت بعند٠٠٠مش هاخرج يا أدهم،، ومش عوزه أتكلم !!
أدهم بعيون تخرج شرزاً وبأمرٍ حازم٠٠٠أنا برة في العربيه،، ربع ساعة بالظبط وتكوني قدامي !
وتحدث بتهديد٠٠٠وإلا تنسي كل حاجه بينا وللأبد،،
قالها وخرج بسرعة البرق دون إنتظار ردها،، مما جعلها تدق بأرجلها الأرض بغيظ !
ثم جرت مٌسرعة لأعلي لتبديل ثيابها،، وبأقل من عشرة دقائق وجدها تخرج من باب الفيلا،، تنهد براحه وشعر بإنتصارة علي تلك المهرة الجامحه،،التي تحتاج لمرود،،وأقسم بداخله سيكون هو مرودها !!
فتحت باب السيارة وجلست بجانبة،،مما جعله سعيدآ داخليآ،،ولكن ظل علي وضع جلسته ولم ينظر لها ،،كان ساندآ ذراعه علي الشباك واضعآ يده علي ذقنه ويفركها بحركة عصبيه ووجه كاشر !!
أدار محرك سيارته وأتجه بها لمكان هادئ،، صف السيارة جانيآ،،عدي بضعة دقائق من الصمت التام،،
كل منهما ينظر أمامه بغضب،،حتي خرجت هي عن صمتها وتحدثت بغضب !
مها بغضب٠٠٠هو سيادتك جايبني هنا علشان تسمعني سكاتك ؟؟
كان يكتم غيظه لكي لا ينفجر بها ويحزنها،،لكن بكلماتها تلك أخرجته عن صمته،، فقد فاض به الكيل ووصل لذروة غضبه منها !!
نظر لها بعيون مٌكتظه بالغضب وتحدث بعصبيه٠٠٠بصي بقا يا بنت الناس،،الإسلوب اللي بتتكلمي معايا بيه ده ما ينفعنيش نهائي،، مش أنا الراجل اللي يتعامل بالطريقة دي خاااالص !!
إذا كان خيالك أوحالك إنك ممكن تمشيني علي مزاجك،،أو شيطانك قالك يابت ده بيحبك وبيعشقك ومش هايقدر يبعد عنك،، لدرجة إنه ضعف وعيط في حضنك،،
فابراحتك بقا،، بهدلي فيه وعلي صوتك عليه وأغضبي وهينيه،،وهو زيه زي الجزمه هايرجعلك تاني،، وييجي ويعيط في حضنك تاني،،
فأحب أقولك إنك غبيه وما بتفهميش !!
موضوع دموعي في حضنك ده ما كانش ضعف مني بالعكس،، دي قوة !!
أنا لما أترميت في حضنك وأتعريت قدامك بدموعي،،فده لإني كنت عارف ومتأكد إنك أصيله وذكيه،، وهاتفهمي إني معملتش كده غير لما حسيت إننا شخص وكيان واحد،،
روح واحدة في جسدين،، والمفروض إن ده شيئ يبسطك ويطمنك،،
ويحسسك إنتي أد أيه بقيتي حد مهم وقريب مني،، ووصلتي لمكانه عاليا عندي،،
وكمان يحفزك ويخليكي تحاولي تطوري علاقتنا أكتر،، وتنمي قرب أرواحنا أكتر !!
وأكمل بخيبة أمل ٠٠٠بس الظاهر إني كنت غلطان !!
وتحدث بتهديد٠٠٠ فاهي كلمة واحده،،يا تحترميني وتحافظي علي كل كلمه بتخرج منك قدامي،، يا إما من دالوقتي كل واحد فينا يروح لحاله،،وننهي الموضوع !!
كانت تستمع له وقلبها يرتعب خوفآ من قلبته المفاجئه وغضبه العارم،،
إرتعبت من فكرة غضبه وإستطاعته حقآ تركها !!
إرتعبت لأنها لم تعد تري لحياتها معني بدونه !!
وفي لحظه،، قررت أن تستعمل ذكاء الأنثي لإمتصاص غضبه !!
مها بصوت ملئ بالانوثه والإغراء٠٠٠للدرجادي زعلان مني ؟؟
عاوز تعاقبني بإنك تسيبني علشان بحبك وبغير عليك ؟؟
نظر لها وتحدث بغضب٠٠٠غيرة ؟؟غيرت أيه اللي بتتكلمي عليها ؟ومن مين ؟؟
من واحده مافيش بيني وبينها أي رابط غير إنها بنت عمي ؟؟
ثم أكمل بعتاب٠٠٠ جيتي وسألتيني وفهمتي الموضوع مني،، لاء،،غضبتي وزعلتي وقولتي كلام فارغ ،،ومشيتي وخليتي شكلي زي الزفت قدام القذر اللي إسمه عماد ،،
وما أكتفتيش بده،،لا،، خلتيني أكلم مامت أريج زي العيل الخيبان،،
وأكمل بلوم٠٠٠كنتي مبسوطه والست شايفاني ضعيف أوي كده قدامك ؟؟فين ثقتك فيا يا مها ؟؟
وهز رأسه بنفي وتحدث٠٠٠لاء يا مها،، لو هانكمل حياتنا من غير مايكون فيه بينا ثقه،، يبقي بلاش منها أحسن !!
وضعت أناملها الناعمه تتلمس ذقنه النابته وتحدثت بنعومه ٠٠٠وأهون عليك يا حبيبي،،عاوز تسيبني وأنت عارف إنك بقيت ليا النفس اللي بتنفسه علشان أقدر أعيش !!
كانت كل عضله بجسدة متشنجه نتيجة غضبه منها،، وبتلك اللمسه المهلكه بدء جسده بالإرتخاء،،
فلمستها تذيبه حقآ،، فهو عاشق لكل إنشٍ بها،، وهي الوحيده القادرة لتحويل نارة لتلج بلحظات !!!
جاهد في تماسكه أمام إنوثتها المهلكة لعدم كسر رجولته أمامها أكثر ،،فأشاح بوجهه بعيدآ عنها بغضب !!
إقتربت منه أكثر وأدارت وجهه لها بنعومه وتحدثت٠٠٠بتبعد عيونك عني ليه؟؟بصلي يا حبيبي !!
نظر لها بعيون متجمده
فأكملت هي بنعومه٠٠٠أنا أسفه يا حبيبي،،بس أرجوك ماتحاسبنيش علي حبي ليك وغيرتي عليك،،
ونظرت له بتساؤل٠٠٠طب كنت عاوزني أعمل أيه؟؟أنا إتجننت لما عرفت إنك ممكن تكون لمست إيد واحدة غيري،،
أنا بحبك بجنون يا أدهم ،،بحبك وبموت من غيرتي عليك !!
تحولت نظرته لها من غضب إلي إشتياق وجنون،، كان جسدة بأكمله ينبض ويطلب إحتياجه لها
نطق بعيون مشتاقه٠٠٠إوعي تعملي فيا كده تاني،،ماتختبريش صبري علي إهانتك لرجولتي تاني،،فاهمه،، قالها بتهديد مع عيون متلهفه !!
ردت بذكاء أنثي٠٠٠كلامك كله أمر وسيف علي رقبتي،،اللي إنت عاوزه كله هنفذه ومن غير كلام،،
ونظرت له بدلع٠٠٠بس بلاش تهددني بإنك تسيبني تاني ،،
وأكملت بثقه٠٠٠علشان أنا عارفه ومتأكدة إنك مش هاتقدر تعملها،، لأنك ببساطة بتحبني،، وجدآ كمان !!
نظر لها بتحذير وقال بكل قوة٠٠٠لاء هاقدر يا مها،،
وأكمل بتحدي٠٠٠لما الموضوع يرتبط برجولتي هادوس علي قلبي وهاقدر !!
نظرت له بحزن،، وأنزلت يدها وكادت أن تبتعد عنه ،،لم يتحمل هو وشدها من يدها بعنف ألصقها بصدرة،،إرتدمت بصدرة بعنف،، لف ذراعيه القويه حولها بتملك،، وشدد من إحتضانه لها !!
وتحدث بحب٠٠٠علشان خاطري يا مها بلاش تخليني أخسرك،، أنا بحبك أوي وبجد مش عاوز أخسرك !!
إستكانت داخل أحضانه،، ووضعت كف يدها علي صدرة بحركه أذابته وكسرت حصونه،،
فشدد أكثر من ضمته لها،، عدي بعض الوقت،، لم تشعر إلا وهو يخرجها من بين أحضانه سريعآ خشية عليها من تهورة !!
حمحمت بحرج مٌبتعدة عنه سريعآ !!
وأخرج هو تنهيده شقت صدره،،أخرجت معها لهيبآ،، ينم عن مدي إشتعال صدرة من شدة إشتياقه لها !!
أما هي فأبتعدت بنظرها خارج الشباك وهي تلعن ضعفها أمامه،،
كانت بقمة حرجها وندمها علي إطاعة قلبها العاشق له،،ضاربآ بكل شيئ عرض الحائط !!
شعر بها وبحرجها،، فقرر يخرجها ويخرج حاله من تلك الحاله
أدهم وقد أمسك ذقنها وحول بصرها له وتحدث بحب٠٠٠ هو حبيبي مكسوف ،،هو فيه حد يتكسف من حبيبه بردو !!
تحدثت بحرج وهي ناظره للأسفل٠٠٠٠أدهم ،،أنا لازم أروح علشان نور متقلقش،، وكمان عندي مذاكرة !!
عذرها وعذر خجلها،، ووافقها وأوصلها دون كلام،، فحقآ كانت بحاله لا يثري بها
◇◇◇◇◇◇◇◇◇◇◇◇◇
بعد أربعة أيام
كانت مها بمنزل أبيها،، تتجهز لزيارة أدهم وعائلته،،حيث وافق أبيها علي إتمام الخطبه،،بعد سؤاله عن أدهم وعائلته،، وتأكد من أنه سايزوج إبنته ل رجل عاقل ذو سمعة طيبه،، وعائله كريمه ،،
وكان رأفت قد أخذ رأي مها قبل السماح لهم بالزيارة،، حتي لا تحرجه أمامهم وترفض كالعادة،،لكن تلك المرة وافقت مها بالتاكيد،،
كانت مها قد أبلغت أدهم سابقآ أنها لن تستطيع الذهاب إلي الجامعه،، خشيتآ نظرات الطلبه نحوها بعد ما حدث بينه وبين عماد بسببها ،،
فأقترح عليها أدهم أن تذهب لمنزل أبيها لتستريح وتمكث به حتي عقد قرانه عليها،، حينها فقط يدخل بها الي الجامعه واضعآ يدها بيده أمام الجميع وبهكذا يخرصون جميع الألسنه،، وافقته بالطبع !!
◇◇◇◇◇◇◇◇
حضر أدهم بإصطحاب والده ووالدته وأخاه أحمد،، وسميه وبسمه،، وأحد أعمامه وخاله عزت،،
جلسو جميعآ بغرفة الضيافه،، كانت ذو مساحه واسعه للغايه،،تحتوي علي أثاث فاخر،، يليق بمنزل الحاج رأفت كبير عائلته،، وقد قابلهم رأفت وعائلته بترحاب كبير،،وقدمو لهم واجب الضيافه علي أكمل وجه،،
خرجت ماجده لتستدعي مها لتدلف للداخل !!
ماجده بفرحه٠٠٠العريس زي القمر ماشاء الله ،،ربنا يتمملك علي خير يا روحي ،،
مها بإرتباك ٠٠٠حبيبتي يا ماما،، ربنا يخليكي ليا إنتي وبابا !!
ماجده٠٠٠ يلا يا حبيبتي علشان تدخلي تسلمي عليهم،، مامت العريس بتسأل عليكي !!
أومأت لها مها بالموافقه،،دلفت وهي خجلة للغايه،، فحقآ هذا الموقف دائمآ ما يكون حرجآ جدآ علي أي فتاة مهما كانت جرئتها !
دلفت للداخل بطلتها البهيه ووجهها الملائكي وعيونها الساحرة،،
طلت كشمس أنارت بوجودها المكان،، كان جمال وصفاء روحها طاغيين علي جمال وجهها،،
كانت مرتديه فستانآ أنيقآ للغايه،، ويظهر كم هي فاتنه وجميله،، نظر لها كالمسحور،،
أما والدته وأختيه،، فقد نظرو لها بكامل الرضي،، حدثو حالهم إن تلك الفتاه هي حقآ من تليق وتستحق الزواج من أدهم !!
مها بإبتسامة ساحرة وعيون خجله٠٠٠مساء الخير !!
وقفو جميعآ ليتعرفو عليها !!
وقف هو وذهب إليها تحت أنظارهم وإستغرابهم جميعآ وتحدث ٠٠٠إزيك يا مها،،
نظرت له بخجل وتحدثت٠٠٠الحمد لله يا دكتور !!
أشار لها بيده ليعرفها علي عائلته ٠٠٠ده والدي الحاج سليم رضوان !!
مها بوجه بشوش وبسمه أنارت وجهها تحدثت بإحترام ٠٠٠أهلآ وسهلآ بحضرتك،، نورتنا يا أفندم !!
سليم بنظرة رضي،،بعد رؤية من خطفت قلب ولده،،وبعد أن تأكد من بشاشة وجهها ونقاء روحها،،
فارجل حكيم مثل سليم تكفيه نظرة واحده،،ليعرف منها أصل ومعدن من أمامه !!
تحدث سليم برضي٠٠٠يا أهلا يا اأهلا بعروسة الغالي،،كيفك يا بتي،، زينه ؟؟
ردت مها بأدب٠٠٠الحمد لله كويسه،، إتشرفت بمعرفة حضرتك !!
وصلت لليلي وقد قدمها أدهم وأشار لها بيدة بحب ٠٠٠٠دي أمي يا مها،،الحاجه ليلي الغاليه !!
نظرت ليلي لمها بحب،، فكم تمنت رؤية تلك ال مها التي أذابت ولدها عشقآ،، وأدخلت علي قلبه الحب والعشق والسرور !!
ليلي بوجه ضاحك فرح،، أخذتها داخل أحضانها بشوق وتحدثت٠٠٠الله أكبر بسم الله ماشاء الله،، تعالي في حضني يا عروسة الغالي !!
كانت تحتضنها بقلب أم،، مما أسعد مها وأشعرها بالإطمئنان !!
ثم أخرجتها ونظرت لها وقالت٠٠ أدهم حكالي عنك وعن جمالك وعجلك،، بس الحجيجه طلعت أجمل من الوصف بكتير !!
تحدثت مها ببشاشه٠٠٠متشكرة لحضرتك يا طنط،،الحقيقه إن حضرتك اللي زي القمر ماشاء الله !!
سميه ببسمة رضي٠٠٠ألف مبروك يا مها،، ربنا يتمم بخير يا حبيبتي !!
إبتسمت لها مها وتحدثت٠٠٠متشكرة جدآ،، الله يبارك في حضرتك !!
بسمه٠٠٠أني بجا بسمه وشكلنا هنبجي أصحاب جوي !!
مها بسعاده٠٠٠ده شيئ يشرفني طبعآ،، نورتي يا بسمه !!
ثم جلست،، وبدأو الرجال بالحديث عن التفاصيل،، وقد حدثهم سليم برغبتهم بعقد القران خلال إسبوع !!
رأفت بتعقل٠٠٠إحنا طبعآ يشرفنا نسبكم الغالي،، لكن أنا شايف إن كفايه خطوبه،، ومدام بتقولو هاتجوزو في شهر 7 يبقي نستني ونكتب كتاب بالمرة وقت الفرح !!
أدهم بإقناعه بإحترام٠٠٠بعد إذن حضرتك يا عمي،، أنا ومها مع بعض في الجامعه،، مش معقول ما فيش في مرة هاعزمها علي الغدا برة،، أو حتي لما تكون جايه هنا عند حضرتك أكيد مش هاسيبها تيجي مواصلات وأنا معايا عربيتي،، فأنا شايف إن ده أحسن وأسلم،، ده طبعآ بعد إذن حضرتك !!
إقتنع رأفت بكلام أدهم،،وافق وبدأو بقراءة الفاتحه،، وأتفقو علي عقد القران بعد إسبوع من يومهم هذا،،
وأنطلقت الزغاريد والمباركات والتهاني الي أدهم ومها !!
أدهم ذهب لوالدته التي أخرجت من حقيبتها علبة من القطيفه الأنيقه وذهب ل مها، وفتح العلبه التي كانت تحتوي علي طاقم من الذهب البندقي المرصع بحبات الألماس،،ذو ذوق رفيع،، مكون من خمس قطع عقد وإسواره وخاتم وفرط،،وألبسه إياه مع تبادل النظرات والابتسامات بينهم !!
وجاء عند وضعه الخاتم بأصبعها وقبل يدها بإحترام !!
قدمت والدته لها هي الاخري طقم عبارة عن إسوارة وخاتم !!
ثم تحدثت ليلي ٠٠٠ديت طبعآ مش الشبكه،،دي هديه إكده مني ومن أدهم للغاليه مها،، بكرة أدهم ياخدني أنا وإنتي يا مها وماما،،ونروحو ننجو أحلا وأغلي شبكه فيكي يا مصر !!
مها بإحترام٠٠٠كفايه عليا كلام حضرتك ده يا طنط،، وصدقيني دول كفايه جدا !!
جلس أدهم بجانب مها بعيدآ عنهم بعض الشيئ
أدهم بعيون تشع سعادة٠٠٠مبروك يا قلبي،،أخيرآ بقيتي ليا يا مها !!
مها بفرحه عارمه٠٠٠أنا مش مصدقه نفسي،، حاسه نفسي بحلم،،أدهم،، إنت بجد هنا معايا !!
أدهم بعشق٠٠٠أيوه يا فرحة عمري،، أنا هنا معاكي،،وكمان أسبوع وهاتكوني مراتي حلالي،، ووقتها بس هاخدك في حضني وأنسي بيكي الدنيا يا نور عيوني !!
وأكمل بحب ٠٠٠يا مها ♡
ردت عليه بنعومه وعيون هائمه٠٠٠نعم ♡
أدهم ٠٠٠بحبك،،بحبك أوي ♡♡
وجلستا العائلتان في جو مليئ بالسعادة والود والتقدير !!
أما مها وأدهم فكانا هائمان في بحر عشقهما،،سارحان في ملكوتهم الخاص بهم،، ينتظران الغد الذي سيجمعهما معآ وللأبد ،،ليقطفا ثمار حبهما العنيد ♡♡
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلبي ومفتاحه)
