رواية تتجوزيني الفصل الأول 1 بقلم زمزم عبد الراضي

رواية تتجوزيني الجزء الأول

رواية تتجوزيني البارت الأول

رواية تتجوزيني الحلقة الأولى

ناهد : حور يا حورية قلب ماما اصحى ياللا ياحبيبتي
حور : ايه يا ماما بقا عايزه انام يوووه
ناهد : يابت بطلي دلع وقومي الضهر اذن وانتي لسه نايمه طب حتى قومي افطري
حور : اووف يا ماما يعني لسه يدوب الساعه 1 وعامله كل ده سيبيني انام حبه بس
ناهد : اصحى ياحور وبطلي غلبه مش كل يوم ياحبيبتي وبعدين انتي لازم تتعودي ع انك تصحي بدري ولا نسيتي أن عندك جامعه خلاص بعد بكره
حور : هههههه اصحى بدري عشان الجامعه يا ماما دي جامعه مش مدرسه وطابور
ناهد : بقا كده بتضحكي عليا ياست حور
حور : حبيبتي يا مامتي وانا اقدر بردو امووووواه
اه ياني انا صحيت خلاص عاجبك كده ياست ماما مكلمتش نوم
ناهد : وانتي بتنامي متأخر ليه ياغلبي من النت اللي لحس دماغك ده
حور : حرام عليكي يا ماما ده هو اللي بيسليني طول الإجازة وانا قاعده كده مبخرجش ولا اعمل حاجه
ناهد : طيب خلاص وجعتي دماغي قومي ياللا ع الحمام عشان تفطري
حور : تمااااام يافندم .. علم وينفذ
إلا قوليلي صحيح بابا نزل ؟
ناهد: ايوه من بد——————
عنده شغل
اطمني ياختي ساب لك فلوس انا حافظاكي
حور : هههههه اه منك انتي نونه يا عفريته
خلاص بقا هروح انا عشان ننزل نجيب حاجات الجامعه
هييييه
ناهد : ربنا يوفقك ياحبيبتي ويوقفلك ولاد الحلال
حور : بقولك ايه يا نونه فكك من جو الأمهات ده
وعاتي بوسه
امووووووووووووواه .
وهربت الصغيرة سريعا للحمام….
ناهد : هههههههه مجنونه ربنا يحميكي يابنتي
وتحولت ضحكتها لحزن مفاجئ وعميق واكملت
: ويبعد عنك كل شر ومياخدكيش بذنبنا
————————-
تناولت حور إفطارها مع والدتها وسط ضحكاتهن معا
ثم ارتدت كل منهما ملابسها وخرجتا لشراء ما تحتاجه الصغيرة لعام دراسي جديد . . . . . . . .
ليس كاي عام و إنما هو أول عام لها في الجامعه
وعادتا بعد وقت ليس بقصير
ناهد: اه ياااااني يا رجليا هديتي حيلي يا مفترية
حور ( متصنعة الحزن ) : كده يانونه ربنا يسامحك يعني عايزاني اروح الجامعه بحاجات أي كلام
دانا حور والأجر على الله
ناهد : خلاص ياختي اديكي جبتي اللي نفسك فيه
حلو كده
حور : حلو اوي يا ماما يا حبيبة قلبي المهم بس متكونيش زعلانه من الهدوم
ناهد: انا مش عارفه ازاي طاوعتك ع الهدوم دي
بس هعمل ايه وانا هقدر عليكي
حور : حبيبة قلبي والله انا ما ليا غيرك امووواه
ناهد: اه يا بكاشه عقبال ما نشتريلك فستان فرحك يا حبيبتي
حور : اه قولي كده بقا عايزه تخلصي مني وتستفردي بالبيت ده بعينك يا مزة قعدالك هه
ناهد : يابت بطلي الطريقه دي وهو مين هيرضي بيكي وانتي بتتكلمي زي الولاد كده
حور : هههههه بس اطلعي انتي منها كلهم هيموتوا عليا بس انا أدى نظرة رضا
ناهد : شوفي البت طب اتكسفي دانا امك
حور : يا ماما يا حبيبتي يعني أكدب ماهي بنت مزة بردو محدش يقدر يقاوم
ناهد : امشي من وشي يابت فلقتيني
هروح أجهز الأكل زمان باباكي جاي
حور : هههههههه حاضر حاضر بس متزوءيش ماهو من لقي احبابه بقا
ناهد ( وبعد أن رحلت حور وذهبت هي إلى المطبخ)
: احبابه ….. وأنا ليا غيرك أحبه لولاكي مكنتش اتحملت كل ده يارب يارب احميها ****
—————–
(في إحدى مكاتب بنك من بنوك البلدة)
تدخل إحدى النساء والتي يبدو من ملابسها الضيقة ومكياجها الصارخ انها لا تبالي بأخلاق ولا غيرها
يوجد بالمكتب رجل وسيم رغم أنه ليس بشاب خمسيني تقريبا
لولا : مساء الخير يا استاذ
محمود : مساء الورد تؤمري حضرتك
لولا : اه انا كنت جايه افتح حساب عندكم
محمود : ده البنك نور يا مدام ….
لولا : قولي لولا على طول انا مبحبش الرسميات دي
محمود : ومين سمعك وانا محمود ورهن اشارتك في كل اللي تحتاجيه
لولا : ميرسي
وانت بتعامل كل العملاء كده
محمود : كده ازاي يعني ؟
لولا : يعني بالحنية والكرم ده
محمود : بصراحه لا الغاليين بس
لولا : هههههههه وانا من الغاليين دول
محمود : طبعا دانتي أولهم واحنا نطول تبقى عندنا عميلة زي القمر كده
لولا: دمك خفيف اوى شكلنا هنتعامل مع بعض كتير
محمود : اكيد كتير اوى
انا بقول اخد رقم تليفونك عشان التعامل ده واعرف أوصلك بسرعه
لولا : اه طبعا ده ضروري
أدى الرقم أهو .. وهستني مكالمه
باي بقا يا …….. حوده هههههههه
وذهبت هذه ال لولا وعلى ثغرها ابتسامة النصر
وهو بصره معلق بها وإلى تفاصيل جسدها الظاهرة جدا
بنظرة تثير الاشمئزاز . . .
حور رايحه تانيه جامعة وهي البنت الوحيدة ل باباها ومامتها
باباها بيشتغل مدير بنك وهي دلوعتهم وكل طلباتها مجابة
محبوبة من كل اللي حواليها جمالها يلفت نظر أي حد
عيونها اللي بلون السما وكلها براءة وملامحها الهادية
وشها اللي كان نحته فنان ……..
سبحان الخالق
حور بنت متحررة دلوعة بقا وطلباتها أوامر حور رايحة الجامعة اول يوم في الدراسة
وطبعا لابسه الهدوم اللي اشترتها وهي بنطلون جينز وشيميس بناتي قصير
والمفروض انها حاطة علي شعرها طرحة للأسف طالعه منها قصه !!!!!
حور شافت صحابها وراحت لهم
حور : ازيكم ياعيال وحشتوووني مووت
رودي : وانتي كمان ياريري كده منشوفكيش طول الإجازة
منه :ياستي وهي فاضيه لنا دي ناس بتروح تصيف وتتفسح
حور : ياباي ع القر كده في وشي الله أكبر
وائل : انتوا: ايه مبتتهدوش …..
ازيك ياهانم جبتي لنا معاكي ايه هدايا بقا
حور : وانا اللي افتكرتك بتطمن عليا ماشي يا وائل طب مفيش حاجه هه
وائل : لا لا لا خلاص انا غلطان كله إلا زعلك انتي والهدية
حور : هههههههه اذا كان كده ماشي
وانت يا أمجد مش عاوز الهدية انت كمان
أمجد : متشكر ياحور المهم انك رجعتي بالسلامه حمد الله على سلامتك
حور : شايفين أدي الصحاب بجد مش زيكم والنبي انت اللي فيهم يا امجودتي
منه : امجودتك كتك انتي نيله انتي وهو اشبعي بيه ياختي
حور : موتي بغيظك هو اخوكي اه بس صاحبي وانتيمي انا مش كده يا ميجو
أمجد : وانتي ب تساليني ليه انتي تقولي اللي يعجبك
رودي بصوت مخنوق :عن اذنكم هجيب حاجه اشربها. ……. ومشيت من غير ما تستني رد
وائل : مالها دي قلبت كده مرة واحده
حور ب تفكير : عادي يا وائل هي كده رودي مبتعرفش ترغي كتير
وبعدين ياللا بيتك بيتك ياللا كل واحد يشوف جدوله
ياللا سلام يا شباب اشوفكم بكرة بقا باي
كلهم :باي
=====================
وفي مكان مش بعيد عن المكان اللي كانت فيه حور وصحابها
كانوا واقفين اتنين شباب صحاب
كريم : يابني اهدي لا يطق لك عرق
سامح : اهدي ايه يا كريم يعني منتاش شايف الهانم عامله عليا انا محترمة
وهي عماله تتمايص مع الشلة بتاعتها بس هانت اوي ياست حور
كريم : قصدك ايه لا انا لازم أفهم بقا
سامح : هههههههه هقولك انت حبيبي عشان تتعلم بس
اصل عيلة الهانم المصون طلعت ولا مؤاخذه بعت واحده تبعي ل باباها في الشغل وهتظبطه والراجل ما صدق اصلا وريل عليها ولما المزة تتشرد بين باباها ومامتها اخدها انا بيضة مقشرة
كريم : وده هيحصل ازاي أن شاء الله
سامح : لا ازاي دي بعدين خالص
=====================
بعد كام يوم ………
علي التليفون
محمود : الو مدام لولا انا محمود بتاع البنك لو تفتكري
لولا : طبعا فاكراك ياحوده بس ايه مدام دي لا انا كده ازعل
محمود :لا وانا ميرضينيش زعلك
بس اوعي أكون معطلك
لولا : لا لا معطلني ايه انا فاضيه لو مش فاضيه افضالك وانا عندي أعز منك يعني
محمود : تسلمي لي يا قمر ويفضل الود كده موصول يا جميل
لولا بضحكه رنانة : الله الله دانت بتعاكس بقا
محمود : وهو فيه حد يكلم القمر ده ومش يعاكس ده لازم يكتب فيكي شعر كمان
لولا : ههههههههههه دانت بكاش اوي
قولي هشوفك امتي بقا ؟؟
محمود : اه ياريت احسن انتي وحشتينا اوي والدنيا ضلمت من بعد ما مشيتي
لولا : هههههههه لا لو كده اجي بكرة عشان اللمب تنور تاني
محمود : ده نور الشمس اللي هيهل علينا ياست الكل انا هستناكي بكرة علي نار
لولا : اوك بكره اتفقنا باي
محمود : باي باي ياعسل
وقفلت لولا وبصت للي كان جمبها
لولا : ها تمام كده يا باشا
سامح : تمام اوي يا لولا بس التقيا جاي ورا انا عايزه يطلق مراته وكده هتستفيدي بردو هيبقي ليكي لوحدك تقصقصي ريشه
لولا : بس حقي اللي اتفقنا عليه هاخده بردو
سامح : يخرب بيت طمعك عارف عارف هتاخديه متقلقيش انا ادفع نص عمري وتبقي بتاعتي
لولا : هي مين دي يابيه
سامح :هاااه لا محدش …. تعالي تعالي
لولا : اوامرك ياباشا
=====================
ورجعت حور من كليتها وسلمت علي مامتها ودخلت اوضتها
وبعد شويه فتحت حساب الفيس بتاعها
لقت رسالة مبعوته
” ممكن تطمنيني عليكي عشان انا بقلق انتي ازاي تسيبيني كل ده من غير ما اطمن عليكي”
حور فضلت باصه للرسالة كتير
وبدأت تقول ل نفسها : يااااه يا حبيبي قد ايه انت حنين اوي انت غير أي واحد انت رجعت لي الثقه في نفسي انا بحبك اوي
…… انتي بتضحكي علي نفسك ياحور ده زيه زي أي حد بس عشان هو بعيد عشان عشان أصغر منك عشان متأكده انه مش هييجي في يوم يقولك نرتبط
بس دانا بتنسي أن حتي الحب مش من حقك القلب المريض مش من حقه يحب يا غبيه
وردت ع الرسالة ”
أيوه يا إسلام معلش دوشة الكلية اخدتني وبعدين دول يومين بس
ها وانت أخبار الثانوية معاك ايه ؟؟
اوعي تكون مركز مع البنات وناسي الدروس انا صحبتك متخبيش هههههه”
وقفلت حاسبها
والدموع في عنيها
و فجأة الدنيا دارت بيها ووقعت مغمي عليها
جت ناهد علي صوت خبطه حور ع الأرض
وأول ما شافتها صرخت : حووووووووووور
‎هدى بتفتح باب البيت ونازله بتتكلم في التليفون
‎هدى : ايوه يا ماما جايه أهو طمنيني يا ماما على بابا والنبي هو كويس صح ؟
……….. : …………………
‎لا لا جايه اهو سلام هركب تاكسي
……… : …………..
===================
‎ناهد: الحقني يا محمود حور اغمي عليها انا خدتها ع المستشفى
‎محمود : خلاص يا ناهد مدام خدتيها انا مقدرش اسيب الشغل
‎,, معاكي فلوس ولا ابعتلك ؟
‎ناهد : مش عاوزه زفت بقولك بنتك تعبانه تقول فلوس وشغل
‎محمود : يعني هي أول مرة ماحنا عارفين انها تعبانه
‎هتبقى كويسه كمان شويه
‎ناهد : بس المرة دى غير دي اتعورت
‎وقعت ومعاها كوبايه اتكسرت وازازها عورها
‎البنت بتنزف يا محمود
‎محمود : خلاص يا ناهد هخلص شغل واجي وانتي معاها أهو بطلي جنانك ده
‎ناهد : محمود اقفل احسن انا فيا اللي مكفيني
=========================
‎………. هدى وصلت المستشفى وبتعيط شافت مامتها جريت عليها
‎هدي : ماما بابا فين بابا ماله يا حبيبي يا بابا ااااه طمنيني يا ماما عليه
‎مامتها : ادعيله يابنتي ادعيله ربنا يقومه لينا بالسلامه
‎هدى : يااااااارب انا مليش غيره يارب ماما هو ايه اللي حصل
‎مامتها : كان في الشغل يا حبة عيني وحس قلبه بيوجعه ووقع من طوله والناس اللي معاه الله يكرمهم جابوه على هنا وكلموني
‎ااه انا كنت حاسه انه تعبان بقاله كام يوم
‎هدى : معقول يا ماما كنتي عارفه ومش قولتيله يروح لدكتور ولا يطمنا عليه
‎مامتها : يا بنتي مانتي عارفه ابوكي كل أما اكلمه يقولي بيتهيالك انا زي البمب
‎هدى : ربنا يجيب العواقب سليمة يارب آمال فين الباشا مش قادر ييجي ساعه يطمن على باباه
‎مامتها: يا بنتى الغايب حجته معاه محدش عارف ظروفه
‎هدى : ظروف ظروف ايه دي اللي تمنعه انه يشوف باباه انه ييجي يقف جمبنا اه ولا الهانم مراته بقا هي الظروف بس عارفه احنا مش محتاجينه في حاجه
‎مامتها : متقوليش كده يا هدى ده اخوكي مهما كان
‎هدي : ماما ابوس ايدك بطلي بقا انتي طول عمرك كده
‎انا هروح اشوف الحسابات والناس اللي جابوه كتر خيرهم
‎الغريب احسن من القريب احسن من الدم الواحد
‎ومشيت هدى ومامتها بتدعيلهم بالهداية ……………….
=======================
‎الدكتور خرج من عند حور وبيكلم مامتها بعصبية
‎الدكتور : البنت عندها ضعف شديد في عضلة القلب وانتوا عارفين
‎وقلت قبل كده لازم تخلوا بالكم منها لا انفعال عصبي ولا زعل ولا مجهود ولا أي حاجه
‎فيه إهمال كده حتى هي مش عاوزه تحافظ على نفسها
‎ناهد بتعيط : والله يا دكتور معاها على طول بس هي اللي بتحب تقعد لوحدها ودايما في اوضتها
‎بس مفيش حاجه زعلتها كانت كويسه من شويه صغيره
‎الدكتور : عموما المشكله مش في كده المشكله أنها نزفت كتير وفصيلتها مش موجوده انا هروح اشوف يمكن اعرف أتصرف
‎ادعيلها الموضوع المرة دى مش سهل
‎ناهد: يا حبيبتي يا بنتي يااااااارب استرها معانا يارب
‎وسابها الدكتور ومشي ونهله انهارت من العياط خوف على حور
………………
‎هدى نزلت الاستقبال سألت ع الحساب قالولها انه مدفوع
‎واحد من اللي جابوا والدها دفعه
‎سألت هدى عن مكانهم وموظف الاستقبال شاورلها على اتنين قاعدين
‎راجل كبير قد باباها و معاه شاب
‎هدي راحت ناحيتهم وهي محرجه جدا بس لازم تديهم الفلوس وتشكرهم
‎هدي : السلام عليكم
‎فتحي الراجل الكبير ) : وعليكم السلام يا بنتى
‎هدي : انا هدى بنت محمد الراجل الي جبتوه هنا
‎فتحي : يا أهلا يا بنتى أن شاء الله ربنا يطمنكوا عليه
‎ابوكي راجل ولا كل الرجال وصاحب ميتعوضش ابدا
‎هدى : ربنا يخليك حضرتك متشكرة على اللي عملتوه مع بابا
‎فتحي : متقوليش كده يا بنتي محمد ده اخ وأحمد ابني زي ابنه بردو
‎وشاور ع اللي واقف جمبه