رواية قلبي تحداني الفصل الرابع 4 بقلم زهرة الربيع

رواية قلبي تحداني الجزء الرابع

رواية قلبي تحداني البارت الرابع

رواية قلبي تحداني الحلقة الرابعة

ملاك مقدرتش تستحمل وشدت بدلتو ولبستها وضمتها عليها وطلعت جري على البيت
نور جري وراها وهو بيقول بصوت عالي..ملاك …ملاك استني.. ملاااااااك .وغمض عنيه بغضب لما شافها دخلت البيت بص لداليا وقال بغضب..غوري من هنا..امشي مش عايز اشوف وشك..و جري ورا ملاك وهو خايف عليها و هيتجننن من الي عملو
ملاك دخلت البيت وهيه بتبكي وضامه الجاكيت عليها
عمها وقف وقال..مالك يا بنتي ايه الي مبهدلك كده
ملاك بكت اكتر وطلعت على اوضتها جري
نور دخل جري ورها وابوه نادالو وقال بغضب..نور استنى انت عملت كده
نور وقف وبلع ريقه وقال..بابا ممكن تخليني اطلع اشوفها بس وهحكيلك الي حصل بعدين ارجوك
ابوه قال بغضب..متقلقش هسيبك تطلع لها ..وزي ما بكيتها لازم تصالحها واسمع ضحكتها كمان وبصلو بغضب وقال بحده…ملاك بنت اخويا الله يرحمه..ورفضت تعيش مع اي واحد من اعمامها ورضيت تقعد عندي لانها بترتاح معايا..فلو حضرتك هتفضل تضايقها..انت الي هتمشي من هنا يا نور
نور اتنهد و قال…اكيد مبيكنش بقصدي اضايقها انت عارف انا بحبها قد ايه واكيد هصالحها متقلقش
قال كده وطلع وراها
نور نايمه على السرير وبتبكي جامد والباب مفتوح لان نور كسرلها القفل بتاعو
نور دخل وقال بحزن..ملاك..ممكن نتكلم
ملاك مردتش وبقت تبكي اكتر
اتنهد بحزن وقال…طب..احم طب انتي بتعيطي ليه طيب..ارجوكي اهدي وهنتفاهم و
ملاك بصتله بزهول ودموع وقالت لا بجد بعيط ليه عارف باعيط ليه علشان اول مره احس اني يتيمه من يوم بابا وماما ماسابوني وعمي كان جنبي وانت كمان عمركم ما حسستوني لاحساس ده بس النهارده حسيته النهارده اتمنيت لو ليا اهل ارجع لهم ويحموني منك
نور كان قلبه بيتقطع من كلامها وبكاها وقال… يحموكي مني.. مني انا يا ملاك.. يا ملاك انا بحبك معقوله مش واخده بالك
ملاك وقفت وقالت بغضب ودموع… لا واخده بالي ومش عايزه… مش عايزه الحب ده …مش عايزه الحب اللي يذلني ويهني احنا مش في فيلم من الهلس اللي بتعمله علشان تذلني واعشقك وادوب في هواك انا عندي كرامه وما اقبلش اني ارتبط بواحد كل ليله مع واحده ما اقبلش موقف همجي زي اللي عملته النهارده ولا اقبل تيجي واحده رخيصه ساقطه تقولي اللي قالته ده ..مقبلش على نفسي اتواجه مع عشيقتك..انا ادوس على قلبي بالجزمه ولا اخليه يحب واحد مريض زيك
نور اتنرفز من كلامها رغم ان عندها حق وقال بضيق ملوش لزوم الكلام ده يا ملاك انا راجل وعندي احتياجاتي انتي صغيره ومش هتفهمي الكلام ده
ملاك ضحكت بشده والم وقالت احتياجات… الانسان المحترم السوي واللي بيخاف ربنا يأجل احتياجاتو دي لحد ما تبقى في الحلال ..بس انا بتكلم مع مين اصلا امشي من هنا يا نور انا بعد اللي حصل من شويه مش عايزه اشوف وشك اصلا
نور ابتسم وقال..هو ايه الي حصل من شويه…. ده كله هزار لولا اني بحبك ومش متعوده اخوفك كنت وريتك الجد… يا بت انا بحبك ادمنت قربك ..و نفسي يجي اليوم اللي تبقي ليه وبين ايديا و تبقي راضيه ومطمنه معايا
ملاك فضلت باصه في عيونه بتوهان ونور قال انا هخليكي اسعد واحده والله
ملاك قالت بخبث…وايه الجديد كل الي كنت معاهم قالولي كده
هنا نور اتعصب جدا ومسكها من دراعها بقوه وقال ملاك متطلعيش جناني عليكي يا ملاك.. حتى لو عايزه تضايقيني وتنتقمي مني اختاري طريقه ثانيه ما تخلينيش احبسك في البيت ومتشوفيش الشارع ثاني فاهمه
ملاك قالت بدلال وانا هنتقم منك ليه انا فعلا عندي علاقاتي واعرف رجاله كثير
بس نور قاطعها وقال… مش معنى اني بتعصب يبقى مصدقك ده بس غيرتي عليك بتخرجني عن شعوري.. انا متاكد اني الوحيد في حياتك..وعارف انك عايزه تثبتيلي العكس وعارف كمان اسبابك ومقدرها وفاهم ليه بتتصرفي كده يا ملاك
ملاك بصتله بزهول وقالت عارف..عارف ايه
نور بصلها جامد وقال..عارف انك بتنتقمي مني علشان اللي شوفتيه من اسبوع لما كنت في اوضه الخدم في الجنينه شوفتك لما جريتي وسمعت صوت شهقتك عرفت انك شوفتيني انا وداليا..احم انا عارف انه غلط تشوفي كده حقك عليا
ملاك اتجمعت الدموع في عينيها وضربته في صدر وقالت دموع …غلط اشوف كده..لا يا نور ..لا انت اللي ما كانش ينفع تعمل كده اصلا..و نزلت دموعها بغزاره وقالت ازاي عايزني اكون معاك بعد اللي شوفته انا كنت هموت لما شوفتها معاك ..قلبي وجعني قوي
نورنزلت دمعه من عنيه على حالتها وقرب منها وقال انا اسف ..اسف اوي عارف انها صعبه وحسيت بصعوبتها بعد اللي قولتيه..لما فكرت ان ممكن يكون غير لمسك حسيت بالنار اللي اتكويتي بيها سامحيني يا ملاك والله عمري ما اكررها
ملاك قالت بغضب ودموع..لا يا نور انا عمري ما هكون ليك ..انا عايزه واحد يكون مؤدب وثقه..واحد اكون اول حد في حياته
نور ضحك وقال…اولا مش هتلاقي ثانيا انا بعتبرك اول واخر واحده في حياتي لاني مش بحس مع اي واحده اللي بحس وانتي بين ايديا
ملاك كانت بتبص لعيونه الي كانو بيصفو حبو بصدق وهو قرب منها و قال.. ارجوكي انسي كل حاجه انا بحبك يا ملاك
ملاك قالت بتوتر…بس خلبك بعيد
ضحك وقال.. تمام بس مش هنبعد كتير انتي ليا وهتجوزك بس المرادي هتوافقي
ملاك ابتسمتله وامأت بالموافقه وهو فرح من قلبه وخرج بسعاده وسابها بتاخد نفسها بتوتر شديد
تاني يوم كانو نور وخالد قاعدين سوا
خالد كان متضايق جدا ونور قال يلا خلاص قلتلك مكانش قصدي اضربك كله من بنت المجانين اللي فوق دي هرموناتها كل دقيقه على حاله قالتلي انها هتتجوزك وانت عارف الموضوع ده بيعمل فيا ايه ..حظك بقى انك وصلت وقتها خلاص بقى متحبكهاش
خالد قال يا عم خلاص مش زعلان ويكون في علمك من افسد شيء عليه اصلاحه وانا نضارتي اتكسرت وعايز غيرها
نور قال بسرعه يا عم اجيبلك غيرها ولا يهمك..بس قطع كلامه وقال باستغراب ..بس انت مكنتش لابس النظاره اصلا
خالد قال اه ماهيه اتكسرت في خناقه مع واحد سواق كان عايز يركن قبلي
نور قال وده داخله ايه بموضوعنا
خالد قال…ولا اي حاجه… بس هو كده ما ليش فيه هو يوم كان باين من اوله
نور ضحك وقال..يا عم هجيب غيرها و .بس قطع كلامه لما جاتله رساله من دليا بتقول… انا في الجنينه من امبارح اطلع قابلني خلينا نتفاهم احين ادخلك انا واعملك فضيحه محصلتش
نور ضم اديه بغضب وقال لخالد طيب يا خالد انا ثانيه واحده واراجع لك
خالد قال تمام وفضل مستنيه بس نزلت ملاك وقالت بخوف وهو نور فين يا خالد
خالد قال شويه وراجع تقريبا طلع الجنينه جاله تليفون او حاجه
ملاك قالت بخوف مصيبه يا خالد المستر بتاعي كان طلبني للجواز وانا لمحتلو اني موافقه..و دلوقتي فاجئني لما رنلي وقاللي انو على وصول علشان يطلبني من عمي
خالد قال بحماس ممتاز قوي ده الي كنا عايزينه انتي مش كنتي عايزه تشعلليه اهي جاتلك لحد عندك
قالت بارتباك …لا طبعا انا كنت قاصده اغيظ اه بس امبارح هو صالحني ووعدني انه مش هيعرف اي بنت تاني..انا دلوقتي خايغه على دكتور علي..ده لو قابلو هيخرشمه
خااد قال بسرعه… طب استاذن انا يا ملاك معايا مشوار من سنه نسيت اقضيه
ملاك مسكت فيه وقالت… بطل جبن بقى هتسيبني لوحدي
خالد قال بخوف…لا مليش دعوه انا وشي لسه ما خفش اصلا نتقابل في خناقه تانيه بقى
ملاك قالت ..لا بجد والنبي يا خالد انا خايفه لاقي حل
خالد قال طب بصي هو تقريبا جاله تليفون وطلع الجنينه روحي وراه وسبقي انتي..وحاولي تهديه وبسطيهالو شويه قبل ما يتواجه معاه وتحصل مصيبه
ملاك قالت بخوف انت متاكد اعمل كده
خالد قال.. للاسف هو ده الحل وربنا يرحمك ويغفر لك مقدما
ملاك بصصتلو بغيظ وراحت الجنينه وبقت تدور عليه
اما نور فكان ورا شجره واقف مع داليا وقال زي ما سمعتي هتجوزها ومش عايز غيرها يا ريت بقى اتحلي عني وتسيبينا في حالنا ومشوفش وشك هنا تاني
داليا لسه هترد شافت ملاك جايه عليهم ابتسمت بخبث وقربت منه وقالت بدلال وتهون عليك ليالينا يا نور
وقربت منو بطريقه وقحه وكانت طبعا ظابطه توقيتها على وصول ملاك
ملاك اول ما شافتهم كانت هتقع من طولها ..حطت ايدها على بقها بصدمه ووووو