رواية قصيرة القامة طويلة اللسان الفصل الخامس والعشرون 25 بقلم شيماء صبحي

رواية قصيرة القامة طويلة اللسان الجزء الخامس والعشرون

رواية قصيرة القامة طويلة اللسان البارت الخامس والعشرون

رواية قصيرة القامة طويلة اللسان الحلقة الخامسة والعشرون

مش عيب يا صافي تقللي من قدرات ابنك !!
صافي ضربته علي صدره وقربت من احمد وقالت” ابنك قليل الادب يا حج!!
احمد ضحك علي كلمتها وقال” انا بقيت حج!!
الشباب ضحكوا عليهم ولاكن اول مشافوا ساندي وشاهي نازلين كلو كشر واولهم هادي…
شاهي بصت لصافي اختها وقالت بابتسامه” بتضحكوا علي ايه ضحكونا معاكوا..
هادي لف وشه وبص لقمر وقال بهدوء ” تعالي نقعد يا حبيبتي علشان ناكل.!
الشباب بصوا لهادي وقمر وقررو انهم يقعدو هما كمان وياكلو ”
وفضلت صافي واقفه وهيا باصه لشاهي وهيا مش عارفه ترد عليها تقول ايه ولاكن ساندي قالت” مش يلا بق يا مامي ناكل !
شاهي بصت لصافي وقالت” يلا يا حبيبتي !
صافي بصت لاحمد وهزت راسها بمعني انهم يقعدوا هما كمان واول ما شاهي وساندي قعدو بصوا لبعض بنظرات هما بس اللي فاهمينها ‘
قمر كانت بتاكل وبتبص علي الشباب بهدوء ولاكنها لاحظت نضراتهم لساندي واللي كانت كلها تقزز ومش مريحه!!!!
رفعت عينها علي هادي وهيا بتحاول تفهم ليه بيبصو علي ساندي بالطريقه دي ” ف لاقته مش بياكل.
ابتسمت وهيا بتمد ايديها وهيا فيها اكل وبتقول” مش بتاكل ليه يا هادي!!
هادي بص لايديها وابتسم وقال” هاكل اهو يا حبيبتي. بس مش هكسف ايدك”
قمر ابتسمت واكلته في بوقة وهيا محروجة جدا ولاكنها اول ما بصت علي ساندي ولاحظت نظراته عليهم الي مكنش حلوه خالص.. بعدت ايدها وهيا مستغربه ليه كلو بيبص علي التاني وبنظرات مش حلوه’
هادي اخد قمر في حض”نه وهو بيقول لشاهي” صحيح يا شاهي انتي متعرفيش ان انا وقمر اتجوزنا..
شاهي بصت علي بنتها ساندي باستغراب ورفعت حاجبها دليل علي انها بتسألها لو كلامه صح!!
ساندي بصت في الأكل اللي قدامها وهزت راسها ببطئ بمعني ان كلامه صح..
هادي كان متابع نظراتهم لبعض وفضل مركز مع شاهي الي قالتك الف مبروك يا حبيبي الف مبروك يا قمر ربنا يخليكم لبعض!!
قمر ابتسمت ل شاهي وقالت ” الله يخليكي يا رب عقبال ساندي’
ساندي اول ماسمعت جملتها شرقت ومدت ايديها بسرعه اخدت مايه وشربتها!
قمر قالت بقلق” انتي كويسه يا ساندي اجي اساعدك!
ساندي رفعت ايديها وقالت برفض” لا شكرا انا كويسه!
قمر هزت راسها ورجعت تاني كملت اكل وشاهي همست لساندي بضيق وقالت” كنتي عارفه!
ساندي هزت راسها وقالت” لسا عارفه من شويه ملحقتش أقولك يا !!
شاهي بصت لقمر بضيق ولاحظت اهتمام هادي وقربه منها جدا فقالت بابتسامه” دي احلوت اوي!!
_______
خلص العشاء والكل قام من علي السفره وهادي ابتسمت وهوا بيقول لقمر” يلا يا حبيبتي نطلع أوضتنا…. قمر ابتسمت ليه وهزت راسها بخجل وهوا مسك ايدهيا وقال وهو بيبص علي اهله” احنا هنطلع احنا تصبحوا علي خير !
صافي واحمد ابتسموا وهما بيبصوا عليهم وبيهزو راسهم ولاكن ساندي كانت بتبصلهم بضيق ” هادي بص للشباب وقال” انا اجازه بكره في الشركه عايز كل حاجه تجيلي علي هنا!
الشباب بصوا لبعض وهزو راسهم ووقتها محمد قرر يبعتله كل حاجه علي اللاب بتاعه وهوا هيتصرف!!
صافي قالت” طيب يا حبيبي واحنا كمان هنطلع تصبحو علي خير يا جماعه”
كلو هز راسه وقال” وانتو من اهل الخير.
قمر مسكت ايد هادي وطلعو علي السلالم ‘ والشباب كل واحد طلع اوضته وصافي واحمد طلعوا علي جناحهم وفضلت شاهي وساندي قاعدين مكانهم’
فضلوا ساكتين لحدما اتاكدو ان الاصوات كلها اختفت وان كلو دخل اوضته !!! شاهي بصوت غاضب”
ليه معرفتنيش انه اتجوزها بتخبي عليا ليه يا ساندي !!!
ساندي قالت بهمس ” اهدي يا مامي وبعدين بقولك لسا عارفه وانا طالعه وبعدين انا معرفتش دا وبس في حاجة تانيه عرفتها صدمتني اكتر!!
شاهي بصتلها وقالت باستغراب ” حاجة ايه دي اللي عرفتيها!
ساندي اخدت نفس وقالت” كل الممتلكات والشركات والمصانع حتي القصر بقوا ملك هادي مش أحمد؟؟؟
شاهي فتخت عينيها بصدمه وقالت” مش معقول الكلام اللي بتقوليه دا ازاي بقوا ملكو هوا انتي متاكده ان الاكلام دا صح !
ساندي ردت عنيها وقالت بكل ثقه ” ايوا صح انتي ناسيه لما جينا هنا وصافي قابلتنا ولما حكينالها علي الحصل قالت انها هتطلع تنادي لهادي علشان يشوف حل لموضوعنا .. ودا معناه انها لما هيا ندهتله وهو وافق اننا نقعد كان علشان هوا صاحب القصر وهو اللي المفروض يبق ليه الحق ف اننا مقعد او لأ
!
شاهي عينيها لمعت وقالت” بس ازاي صافي متقوليش حاجه زي كدا هيا خلاص نسيت اني ابق اختها الوحيده ولا ايه معقول علاقتنا بقت كدا!!
“ساندي بصت لمامتها وقالت بهدوء ” يامامي انتي ناسيه ان في اخر فتره كانت علاقتكم متوتره واكيد خالتو برضوا زعلانه مننا!
شاهي هزت راسها وقالتك انتي عندك حق يا حبيبتي هيا لسا زعلانه مني ولازم اصالحها”
ساندي ابتسمت وقالتك هو دا الصح يا مامي مينفعش تفضلوا متخاصمين كتير خصوصا انكم ماكوش غير بعض!
شاهي هزت راسها وهيا مبتسمه وقالت” طيب قومي خلينا نطلع نرتاح علشان بكرا هنقابل عزيز متنسيش!
ساندي هزت راسها بابتسامه وقامت وشاهي مسكت في دراعها وطلعوا مع بعض لحدما دخلوا اوضتهم “” وكان واقف بعيد عنهم بمسافه صغيره محمد ونزل وهوا مصدوم باللي بيقولوه لبعض ومستغرب ليه كلامهم اتغير وكانهم بيخططو لحاجه.. واللي كان صدمه هوا انهم بيقولوا هيقابلو عزيز وازاي هيقابلوه وهوا المفروض ضاربهم ومبهدلهم!!!
محمد اخد تليفونه اللي نساه علي السفره وطلع وهوا مصدوم ولاكنه قرر يبعت لهادي كل حاجه بتحصل الصبح ويعرفه باللي سمعه من ساندي ومامتها ؟؟
__________
في جناح هادي !!
كان واقف قدام قمر وهو بيقول بهدوء ” انا عندي شقه صغيرة كدا في عماره بعيدة شويه عن هنا كنت هاخدك ونروح نفعد هناك لحدما بيتنا الجديد يجهز؟
قمر بصتله باستغراب وهيا بتسأله.، ليه يا هادي هنمشي من هنا ليه هو في حاجه حصلت!
هادي هز راسه بابتسامه وقال” لا مفيش حاجه حصلت بس انا هكون مرتاح اكتر واحنا هناك”
قمر هزت راسها وقالت” خلاص اللي انت تشوفه لو حابب اننا نعيش في البيت عندي انا موافقه ؟
هادي ضحك وقال ” متحرمش منك يا حبيبتي بس شقتي هاديه بكتير عن المنطقة وهتكوني مرتاحه هناك اكتر وكمان علشان احنا لسا عرسان جداد ولازم نكون لوحدنا في المكان علشان انتي تاخدي راحتك في انك تخرجي من اوضتك وتمشي في الشقه وانا كمان نفسي اخد راحتي في كل حته!!
قمر هزت راسها بالموافقه وهوا ابتسم وقال” بكرا انشاء الله هنروح ولاكن دلوقت بق مفيش اي حاجه تصبيره كدا!
قمر بصتله بتعب وقالت” ممكن اديلك بو”سه بسيطه انما اكتر من كدا لأ!
هادي هز راسه وقل”ع التيشرت وهو بيقول ” هو انتي عارفه ام ترتر يا قمر !
قمر هزت راسها بلأ وقالت” اسمع عنها بس معرفهاش !
هادي هز راسه وقال وهو بيقوب منها ” خلاص يبق عندها بق!
قمر بتساؤل ” هي مين دي وعندها ايه مش فاهمه حاجة !
هادي قرب منها أكتر وشالها حطها علي السرير وقال” البو”سه دي الي كنتي عايزه تديهالي ابقي اديها بق لام ترتر هيا اولي بيها انما انا باخد كل حاجه بو”سه واحده لا تكفيني ..
قمر بصتله بضحك وقالت” اي دا اهدي بس انا مش قصدي حاجه والله ‘
هادي قرب من النور طفاه وقال” ولا تقصدي بق ..!
________
في نص الليل صحيت قمر وهيا بتقول بهمس” مش قادره اه يا جسمي ”
قامت قمر من علي السرير بصعوبه وهيا حاسه بنشران في جسمها فتحت النور بهدوء وهيا بتدور علي اي علاج تاخده علشان الوجع الي حاسه بيه ولاكنها ملقتش حاجه..’
قررت انها تنزل تحت في المطبخ تشوف لو حاطين اي حاجه فيه تاخدها لان وجع جسمها بيزيد..
نزلت بهدوء من علي السلم وهيا بتحاول متصدرش اي صوت لحدما وصلت عند المطبخ… شغلت النور وبدات تدور بعيونها علي اي دوا موجود لحدما ما لفت نظرها صندوق اسعافات موجود في ركن بسيط في المطبخ قربت منه وهيا بتقول بشكر” الحمدلله اني لقيتك”
فتحته بهدوء ولاقت فيه مسكن اخدت حبايتين وقربت من المايه وشربت وبعدها قالت بتعب” اللهم اشفيني واشفي مرضانا ومرضي المسلمين!
خرجت بهدوء بعدما طفت الانوار وقررت انها تخرج الجنينه تشم هوا شويه وبعدين تطلع عند هادي تاني.
خرجت وهيا بتستنشق الهوا براحه كبيره لحدما سمعت صوت شخص جاي من بعيد!
رفعت عينيها بقلق وهيا بتحاول تشوف ايه اللي بيحصل”
عدي وقت بسيط وهيا مش عارفه تحدد مين هوالشخص الي موجود في الجنينه!
قربت من مكان ما الشخص دا موجود ووقفت بعيد عنه بحجات بسيطه وهيا بتحاول تشوف مين دا!!
كانت ساندي واقفه مع عزيز واللي كان بيديلها شريحه تحطها في اللاب توب بتاع هادي اول ما تستلم الشغل!
ساندي هزت راسها وقالت” انا هعمل كدا بس انت اوعي ترجع في كلامكك””
عزيز هز راسه وقال” انا عمري مهرجع في كلامي يا ساندي وبعدين انتي وقفتي جمبي واقفه ١٠٠ راجل مستحيل انساكي!!
ساندي هزت راسها وقالت” انا مش قصدي علي الفيلا والعربيه يا عزيز!
عزيز بصلها بتساؤل وقال” انمل تقصدي ايه مش دول كل اللي انتي عايزاه !!
ساندي قالت بهدوء ” لا يا عزيز في حاجه تانيه اهم من دا كله .انا حامل !!
قمر كانت بتشوف الي بحصل بينهم وكانت سامعه صوت ساندي وقدرت تميزه ببساطه لانها كانت بتتكلم بدلع .. ولاكن صدمها اكتر ان ساندي بتقول انها حامل وازاي من غير جواز!!
حاولت قمر انها تعرف مين الشخص اللي واقف مع ساندي وهيا بتقول انها حامل منه دا ولاكنه للاسف كان مش باين لانه واقف في حته ضالمه اوي
!!
عزيزقال بصدمه وهوا بيمسك في دراع ساندي بغضب ” حامل ازاي ومن مين؟؟؟
ساندي رفعت حاجبها بصدمه وقالت” هكون حامل من مين يا عزيز انت مفيش غيرك اللي ل”مستي !
عزيز هز راسه وهوا بيبصلها بضيق” خلاص يا ساندي هتجوزك بس لازم تنزلي الطفل دا انا مش عايزه دلوقت”
ساندي هزت راسها بجمود وقالت بس انا كدا هاخد فلوس اكتر جمب كل اللي اتفقنا عليه!
عزيز ابتسم بخبث وقال” تنفذي اللي انا عايزه الاول وبعدها نشوف الموضوع دا!!
ساندي هزت راسها وقالت” متقلقش انا مخططة لكل حاجه المهم عندي انك تخلص بدري!!
عزيز ابتسم وقال” متقلقيش كل حاجه هتتحولك انتي وامك في وقتها اول ما اخد المشروع علي طول!!
ساندي قربت منه تسلم عليه وهمست في ودنه بكلام مش واضح وبعدها قالت بصوت واضح اكتر” يلا بق علشان اخرجك من هنا قبل ما حد يشوفك”
عزيز هز راسه ومشي معاها وفضلت قمر واقفه مكانها مصدومه ومش مصدقة ان ممكن بنت جميله زي ساندي تعمل في نفسها كدا .. بس اللي صدمها اكتر هو هادي وايه علاقة الشاب دا بيه وليه ساندي بتتفق مع الشاب الغريب دا ضده وبعد وقت قدرت قمر تفهم ان ساندي والشاب دا عايزين يسرقوا المشروع الجديد بتاع هادي..
قمر قلبها اتقفل لما حست ان هادي فيه خطر علي حياته وشغله”
جريت بسرعه تطلع علي الاوضه قبل ما ساندي ترجع وتشوفها وتعرف انها سمعتهم”
قمر قفلت باب الاوضه وقلبها بيدق جامد ولحدما هديت قربت من هادي ولاقته نايم ومش داري باي حاجت بتحصل حواليه قربت منه بحزن وحض”نته وهيا بتقول” ربنا يحفظك يا هادي يا ابن صافي يا رب ويبعد عنك شر ولاد الحرام
هادي ضغط علي حضنها وهيا ابتسمت وغمضت عينيها علي صدره بحنيه ونامت…
____________
تاني يوم صحي محمد بدري وفتح اللاب بتوب بتاعه وبدأ يبعت لهادي كل اللي عبدالله لقاه علي الاب توب بتاع المحاسب واللاب توب بتاع ساره .. وبعتله في الاخر الكلام اللي سمعه من ساندي وشاهي امبارح بالليل وبعدها قفل اللاب توب وبدأ يجهز لشغله..
وعند هادي كان صحي بدري هو كمان وسمع صوت الرسايل الي وصلت علي الايميل بتاعه فتح تيلفونه يشوف مين اللي باعت لقي ملفات كبيره مبعوته من محمد فقرر انه هيشوفها من علي اللاب بس بعدما يغسل وشه ويفوق…
دخل هادي الحمام وقرر ياخد دش ساقع وبعدما خرج بص علي حبيبته لقاها لسا نايمه فقرب منها وبا”سها من خدها وبعدها قرر يفتح اللاب ويشوف ايه هيا الملفات علشان لو هيا شغل يخلصها وهو فاضي!!
مسك هادي اللاب وفتحه وبدا يفتح الملفات واول واحد كان عباره عن رشوة كبيره ارتشاها المحاسب اللي في شركتهم علشان يبعت ل ادهم النجار ربع اموال الشركه. ودا تم من عن طريق حساب مجهول قدر المحاسب يحول الفلوس بسهوله عليه ..
وتاني واحد كان ضد ادهم النجار كان مذكور فيه انه هدد ثلاث موظفين وممضيهم علي عقد احتقار تم نسخه من عن طريق اللاب توب بتاع المحاسب برضوا..
فضل هادي يفتح الملفات ويتصدم من كميه الخيانه الي ابوه اخدها من الموظفين اللي كان بيثق فيهم…
.. رجع مسك اللاب توب وقرأ اللي محمد كاتبه بايديه وذاكر انه سمع شاهي وساندي وهما بيتكلمو عنه وبيقولو انهم هيقابلو عزيز..
وقف هادي ولبس هدومه خروج وبعدما خلص مسكراللاب توب بتاعه وخرج ”
كان محمد وسعيد واقفين ومستنين عبدالله يخرج واول مشافو هادي محمد عرف من شكله انه شاف الرسايل”
هادي قرب منه وقال” جبت كل المعلومات دي منين”
محمد همس وعرفه ان عبدالله قدر يهكر اللاب توب بتاع المحاسب اللي هوا كان شغال عليه وقدر ياخد كل النسخ المحزوفه اللي كانت عليه ووقتها محمد طلب منه يشوف اللاب توب بتاع ساره وهوا كان لسا شغال عليه وقدر يعرف منه عن الاتفاقات اللي حصل بين الموظفين لان المحاسب دا كان بيستخدم اللاب توب بتاع ساره كتير !
هادي هز واسه وقال” طيب احنا هنروح الشركة وهنتعامل عادي ولاكن انا عايزك يا محمد تراقبلي ساندي وشاهي وتعرفلي بيروحو فين وبيقابلو مين وبيقولو ايه!
محمد هز راسه وبعدين عبدالله وصل ولما شاف هادي وعلي وشه الغضب عرف ان الشباب حكاتله كل حاجة”
هادي بص لعبدالله والي قال” صباح الخير يا رجاله”
هادي والشباب ردو عليه بـ صباح النور يا عبدالله’
محمد شاور لعبدالله يتكلم عادي لو في اي حاجه عرفها ولاكنه شاف ان ساندي ومامتها خارجين من اوضتهم فهادي قال” طيب نكمل كلامنا في الشركه وانت يا محمد زي منفقنا!!
محمد هز راسه وبعدها بقيت الشباب خرجت”
سعيد وعبدالله ركبو عربيه وهادي ركب عربيه .. واتحركوا كلهم للشركة !
_____________
محمد فضل واقف لحدما شاف ساندي ومامتها مقربين عليه وساندي قالت بصوت ناعم” صباح الخير !
محمد رد عليها بهدوء وقال” صباح النور.
ساندي قالت بتساؤل هوا هادي راح فين ‘انا كنت شايفاه واقف هنا تقريبا!
محمد هز راسه وقال ” هادي وبقيت الشباب راحو الشركة لان عندهم شغل كتير .
شاهي بصت لعبدالله وقالت” وانت مروحتش ليه مش المفروض تكون معاهم !
محمد هز راسه وقال” اكيد هروح بس ورايا كام حاجه هخلصها الاول”
شاهي وساندي بصوله بتركيز وهوا قال” بعد ازنكم ‘
بعدو وهوا عدي دخل اوضته وساندي بص لشاهي وقالت” انا كدا متضره استني لما هوا يرجع علشان اقوله يشغلني معاه في الشركة”
شاهي هزت راسها وقالت” طيب خلينا ننزل نفطر ونتمشي شويه في الجنينه علشان مخنوقه اوي..
ساندي هزت راسها برفض وقالت” انزلي انتي يا مامي لاني تعبانه شويه فهرجع اوضتي وارتاح”
شاهي هزت راسها ونزلت ولاكن ياندي ابتسمت بخبث وبصت علي اوضة محمد وقالت” هو دا اللي هبدأ بيه”
محمد كان بيغير هدومه وبيلبس هدوم عاديه ولاكن فجاه لقي الباب بيتفتح عليه وبتدخل ساندي وكان وقتها لابس البنطلون بس ..
ساندي بصت علي صدر”ه بكسوف وقالت” اسفه مش قصدي ادخل كدا..
محمد بصلها بضيق وهز راسه وهيا دخلت وقالت” بس انا كنت عايزه اسألك كام سؤال كدا !!
محمد هز راسه ومسك التيشيرت علشان يلبسه بس هيا مسكت ايديه وقالت” ثواني بس انت مستعجل ليه!!
محمد قال بصدمه في اي انتي بتتعاملي معايا كدا ليه ممكن افهم’
ساندي قفلت الباب ورجعت لم”ست صد’ره بطريقه جريئة وقالت” انت اللي عايز مني ايه ‘
محمد بصدمة انا كلمتك يا بنتي انتي الي جايه اوضتي..
ساندي قالت بصوت عالي شويه ” سيبني ارجوك معتملش فيا كدا..
محمد مكنش مصدق اللي هيا بتعمله لحد ما لقاها بتفق الحزام بتاع وهوا بعد ايديها بغضب وقال” انتي مجننونه انتي فاكره اني هبص لواحده زيك انتي واحده قذ.رة’؟؟
ساندي رفعت عينيها بغضب وقالت” بق انت بترفضني!
محمد زقها بعيد وقرب من الباب فتحه وقال بعصبيه” من فضلك اطلعي برا انا مش عاوز شوشره احنا لسا علي الصبح’!
ساندي مسكت البلوزه بتاعها وشدتها جامد لدرجة انها اتقطعت وبعدها نزلت البنطلون بتاعها ومسحت الروج جامد لدرجه انها عور”رت شفايفها وكل دا ومحمد مش فاهم هيا بتعمل اي لحدما طلعت ازازه فيها سائل احمر وكبت نقطه علي السرير بتاعه وبعدها صرخت وهيا بتقول” ليه عملت فيا كدا حرام عليه دمرتني ليه!!
بدات تعلي صراخها وهوا واقف مصدوم مش مستوعب اللي هيا عملته في نفسها ”
لحدما فجاه لقي صافي واحمد وشاهي واقفين وراه ومصدومين من اللي شايفينه ”
كان محمد واقف وبيبصلها ومصدوم وهيا واقفه بتضرب فيه وكل هدومها متقطعه ومبتبهدلة!!