رواية قصيرة القامة طويلة اللسان الفصل السادس عشر 16 بقلم شيماء صبحي
رواية قصيرة القامة طويلة اللسان الجزء السادس عشر
رواية قصيرة القامة طويلة اللسان البارت السادس عشر
رواية قصيرة القامة طويلة اللسان الحلقة السادسة عشر
قربت من الشابين الضخمين الي كانو واقفين قدام بيتها وهيا بصالهم بإستغراب قالت وهيا عيونها عليهم ” انتو مين وايه الي موقفكوا كدا قدام بيتي!!
واحد منهم بصلها وقال” دي أوامر هادي بيه يا أنسه قمر ومهمتنا هنا اننا نحميكي ونكون معاكي في اي وقت او مكان تروحيه!!
قمر رفعت حاجبها وبصت لصاحبتها سهر وهيا بتقول” انا قولتله مجيبش حد شايفه بيعمل ايه!!
سهر قربت منها وهمست وهيا بتقول ” انتي ايه الي مضايقك دلوقت بيقولولك هيحموكي .. طب يريت يجوا يحموني انا من مرات ابويا وبنتها علي الأقل مش هنام في قلق؟
قمر بصتلها وقالت بتفكير” وايه المشكله خديهم يحموكي” سهر بصتلها بصدمه وقالت” بتتكلمي بجد يا قمر”
قمر ابتسمت وقالت امال بهزر يعني !
سهر بصتلها وهيا مش مستوعبه ان قمر ممكن تعمل كدا !!
قمر بصت للرجاله دي وقالت” انا مش محتاجه حد يحميني بس صاحبتي محتاجه روحو احموها علي الأقل هيا غلبانه ومعاها ناس تستاهل الحرق!!
الرجاله بصت لبعضها وهما مش مستوعبين كلامها وقالو بصدمه” نحمي مين يا أنسه احنا هنا لحمايتك أنتي فقط ..؟
ودي أوامر هادي بيه ومينفعش اننا نعمل اي حاجه غير لما هوا يدينا الأمر بدا “”
قمر بصتلهم بغضب وبصت لسهر وقالت” دول شكلهم مجانين باين… !
بقولك ايه انا هطلع انا اروق الشقه بتاعت جمال أخويا وانتي روحي شغلك واما تخلصي ابقي تعالي نقعد مع بعض بدل منا هبق قاعده لوحدي ”
سهر ضحكت وقالت” خلاص ماشي و يلا بق انا همشي علشان اتاخرت علي الشغل وأبق أشوفك بالليل!
قمر ودعتها وبعدها بصت للرجاله دي وقالت” هتفضلوا هنا طول الوقت”
الرجاله هزت راسها وهيا قالت” رجليكو هتوجعكوا!
بصولها من غير اي ريأكشن وهزو راسهم وهيا لما لقت مفيش منهم فايده سابتهم وطلعت ؟؟؟
_________
وفي الشركه وصل هادي وبقيت الشباب ونزلوا كلهم من العربيه وهادي طلب منهم انهم هيدخلو معاه وكل واحد ساب شنطته في العربيه ودخلوا الشركه””
وفي الشركه من الداخل كانوا كل الموظفين قاعدين علي مكاتبهم وساره كانت واقفه وماسكه تليفونها واول ما سمعت صوت خطوات جايه انتبهت ولقت انه هادي ومعاه ناس!!
ساره قربت من الموظفين وهيا بتقول بسعاده” هادي بيه وصل !
الموظفين اتجمعوا جمب بعض وهما عيونهم علي الباب لحدما هادي دخل واول مشافهم ابتسم وقال” حمدالله علي السلامه جميعااا”
الموظفين ردو عليه السلام وهوا شاور للشباب يقفوا معاهم علشان هيبدأ يتكلم”
الشباب وقفت والكل انتبه لهادي والي قال”
هادي ” انا عارف ان الشركه الفتره الي فاتت دي خسرت كل عملائها وحتي ارباحها واتداينت للبنوك بس خلاص انا حليت كل المشاكل دي وقدرت اني ارجع الشركه وبقيت المصانع التابعه ليها ودلوقت الشركه هتبدأ من جديد بمعني اصح هتبدأ من الصفر !!
وفي الحقيقه انا طلبت من ساره انها تتواصل معاكوا وتجيبكوا هنا علشان اقولكوا اني متكفل بمرتبكوا الي مأخدتهوش في خلال الكام شهر الي فاتو وانا حابب أشكركوا علي صبركوا كل الشهور دي !! … وانا بعتذر عن كل الي حصل .. بس أنا هعرض عليكوا انكوا تشتغلوا معايا من جديد كأنكوا أول مره هتشتغلوا في الشركه ؟؟ ‘ وطبعا انا هحترم قراركوا في الاختيار !! وقبل ما توافق او ترفض متنسوش ان يعتبر الشركه لسا واقعه وانا مستعد ابذل كل جهدي علشان ارجعها تاني اقوي من الأول وطلبي منكوا انكوا هتبذلوا جهدكم معايا لحد بس ما نقدر نرجع تاني واسمنا ينزل السوق من جديد وبعدها أوعدكوا بمرتب وتأمين اكبر واحسن من الأول بس كل الي طالبو انكم تقفوا معايا وتساعدوني ارجع كل حاجه تاني!!
الشباب كانو مركزين مع كل كلمه قالها هادي وطبعا كانو معاه والموظفين كلهم بصوا لبعض وهادي قال” انا هسيبكوا تفكروا براحتكم وتاخدو وقتكم علشان القرار الي هتخدوه هو الي هيحدد اذا كان في أمل او لأ!!
الموظفين بصوله وساره اتعاطفت مع هادي جدا وخصوصا انه أتغير عن الاول ‘”
هادي راح مكتبه والشباب راحوا وراه وفضلت ساره مركزه مع الموظفين الي منهم كان رافض ومنهم كان موافق علي كلام هادي!!
ساره قربت منهم وقالت” انا مقدره خوفكم من كلامه ولاكن انا واثقه فيه وانه قادر فعلا يرجع الشركه تشتغل من جديد وصدقوني هوا فعلا محتاجكوا معاه لان انتو اكتر ناس فاهمه الشغل كويس وفاهمين كل حاجه هنا ماشيه ازاي وطبعا متنسوش وقفة أحمد بيه مع كل واحد فيكوا وازاي ساعدكوا كلكوا وانا شايفه انكم تقفوا جمب مستر هادي وتساعدوه وهو طبعا وعده ليكوا بانه هيردلكوا مرتباتكوا وكمان هيديكوا راتب ولاكن مش كبير زي الاول بس انشاء الله لما الشركه ترجع تاني كل مرتباتكوا هتعلي وهتكون أكبر من الأول!!
الموظفين بصولها باقتناع والي كانو رافضين ابتسموا وقالو” احنا كنا خايفين نبذل جهدنا علي الفاضي وان مفيش اي حاجه تطور بس انتي عندك حق يا ساره احمد بيه كان خيره مغرقنا من كل حاجه وفعلا احنا لازم نردله الجميل ونقف جمب ابنه ونساعده في الشركه !!
ساره ابتسمت وقالت” يعني انتو مستعدين تبدأو من جديد!الموظفين في صوت واحد” مستعدين!!!
هادي والشباب سمعوا صوتهم الي كان عالي وهما بيقولوا مستعدين ”
خرج هادي بسرعه وهوا مصدوم لانه شافهم بدأو يشغلوا جهاز الكومبيوتر ويظبتوا مكتبهم لاستعدادهم للشغل”
هادي وقف قدامهم وساره قربت منه وقالت” كل حاجه تمام يا مستر هادي متقلقش الموظفين قررو يساعدوك ”
هادي بصلها وابتسم وبص للموظفين الي كانو بصين عليه بابتسامه وهو قال” انا كدا أقدر اقول انكوا موافقين”
كلو هز راسه وقال” موافقين يا مستر هادي ”
هادي بص لساره بفرحه وبص للشباب برضوا وقال!!
محمد وسعيد وخالد وعبدالله مهمتكوا معايا ولاكن الموظفين كل واحد عارف شغله طبعا وعاوزكوا ترتبوا كل حاجه وتستنو مني المشروع الجديد الي هنشتغل عليه ”
ساره قالت” هو حضرتك ناوي تعمل ايه يا مستر هادي !
هادي بصلها وهز راسه وقال ” في مستسمر كان في شركة ادهم النجار ولسا سايبه من أسبوع لان أدهم بدأ يطمع ويطلب مبالغ كبيره فهوا كان أول مستسمر يرفض التعاون معاه بعض طلباته لفلوس زياده وطبعا أدهم رفض وجوده وقرر انه يخرجه برا الشركه بسهوله ولاكن المستسمر دا متغاظ من أدهم لانه كان من اكتر المستسمرين الي وقفوا مع ادهم وساعدوه في حجات كتير ولاكن للاسف ادهم مطمرش فيه اي حاجه ”
فانا قررت أستغل الوضع واروح للمستسمر دا واقنعه انه يستسمر في شركتي وطبعا انا هعلن عن رجوع شركه الجارحي قريب بس في صوره أكبر علشان الكل يعرف انها رجعت وبقوه !!
ودلوقت انا كل الي محتاجه هوا كام عميل وطبعا مستسمر واحد كفايه !!
ساره ابتسمت وقالت” انا اكتر واحده بشجعك يا مستر هادي وانشاء الله انت قدها ”
هادي ابتسم وقال” انا مش عارف اشكرك ازاي يا ساره انتي بجد بنت جدعه اوي!
ساره ابتسمت وقالت” احمد بيه جميلو كبير اوي عليا وانا يعتبر بردله حاجه بسيطه”
هادي ابتسم وقال” طيب بما انك بتردي الجميل محتاجك تروقي المكتب بتاعي لان الظاهر ان الشركه بتعت التنظيف نسيت تروقه”
ساره قالت بصدمه” بجد المكتب متنظفش ”
هادي هز راسه وقال” للاسف ايوا”
ساره قالت ” متقلقش يا مستر هادي انا هنظفه بنفسي واوعدك اني هرجعه احسن من الاول”
هادي ابتسم وهيا اتحركت من قدامه وهيا بتجري كالعاده وكان شكلها يضحك ..
بص هادي للشباب والي قربو عليه وهو قال” انا عايزكوا دلوقت تفضلوا هنا وانت يا محمد هتروح قسم الحسابات اعتقد ان انت بتفهم فيها”
محمد هز راسه وقال” ايوا اشتغلت محاسب قبل كدا بس انت عارف برضوا “”
هادي بصله بتفهم وقال” انا فاهم انك منجحتش في شغلك كـ محاسب بس انا متاكد ان انت اتعلمت حجات كتير وواثق انك هتقدر تنفذ كل الي محتاجه منك ”
محمد هز راسه وقال”. انشاء الله بس ايه الي هعمله هناك طيب!!
هادي” هتطلب من الموظفين الي هناك انهم يدولك كل الملفات بتاع المصروفات بتاع اخر خمس سنين فاتو وعايزك تراجعهم كويس وتحسبلي الدفعات الي الشركه دفعتها وفي نفس الوقت المكسب بتاعها وتبعتهم علي مكتبي ”
محمد هز راسه وقال” الي تؤمر بيه يا هادي !
هادي بصله بابتسامث ثقه وبعدها محمد مشي وفضل هادي اقف وقدامه سعيد وخالد وعبدالله!
هادي بص لسعيد وقال” سعيد انت هتروح لقسم المبيعات وتعرفلي مين اخر خمس عملاء الشركه عملتلهم مشاريع في الفتره الي فاتت !!
سعيد هز راسه بتفهم ومشي .. وهادي قال لخالد ” وانت بق يا خالد عايزك تتابع هنا الموظفين ومتنساش تبلغني باي حاجه تحصل وساره السكرتيره بتاعتي معاك وهيا فاهمه شغلها كويس ولاكن عايزك انت تكون هنا عيني الي بشوف بيها وتبلغني اي حاجه بتحصل وتخليك مع الموظفين لو احتاجو اي مساعده!! وانا هاخد عبدالله وهنروح للمستسمر دا علشان نتكلم معاه!!
خالد هز راسه ومشي وهادي بص لعبدالله وقال” وانت يا عبدالله تعالا معايا خلينا نتحرك””
عبدالله هز راسه ومشي مع هادي وركبو هما الاتنين العربيه واتحركوا !!!
_________
في قصر الجارحي !
وصلت ساندي ومعاها عزيز والي كان مستغرب حالة القصربتاع احمد الجارحي ”
ساندي بحرج” تعالا يا عزيز مامي وخالتو جوا مستنينك”
عزيز هز راسه بابتسامه ومشي جمبها وهيا اول ما دخلت لقت صافي واحمد جوزها ومامتها كانو لابسين ومتشيكين وقاعدين يضحكوا ويهزرو”
ساندي بصت لعزيز بابتسامه وقالت بصوت عالي” مامي !!
شاهي مامتها وقفت بإنتباه وهيا بصالها بابتسامه”
ساندي مسكت ايد عزيز وقربوا منهم وهيا بتقول” مامي عزيز كان عايز يقابلك انتي وخالتو و عمو احمد !!!
احمد بصلها بإنتباه واول ماشاف عزيز اتصدم”
كان عزيز باصص لأحمد وساكت وساندي كانت ملاحظة نظرات أحمد لعزيز ”
فقالت بابتسامه علشان تغير الموضوع”
ازيك يا عمو احمد ‘….
احمد بصلها وقال” انا كويس الحمدلله وانتي عامله ايه !
ساندي ابتسمت وقالت” انا الحمدلله انا لسا راجعه من الرحلة الي طلعتها مع أصحابي وبالصدفه قابلت عزيز وقالي انه عايز يقابل حضرتك”
احمد بص لصافي مراته وبص لشاهي اختها بغضب وقال” انتي عارفه عزيز دا يبق ابن مين يا ساندي!!
ساندي لفت وشها بضيق وقالت” انا عارفه يا عمو انه يبق ابن عدوك بس هو ملوش دعوه بباباه وهو بيحبي وحتي كان جاي علشان يطلب ايدي!!
احمد قال ” انا ميلزمنيش ابوه ولا هوه بس انتي لو مقتنعه بيه وعايزاه بجد فيروح يطلبك من باباكي ماكس في إيطاليا !!
ساندي بصت لأحمد وقالت بصدمه” بس بابي مش موجود دلوقت يا عمو وبعدين انت عارف اني بعتبرك زي بابي بالظبط؟
صافي بصت لساندي وقالت” انتي مقتنعه باللي بتقوليه دا يا ساندي انتي مش عارفه ان عزيز دا ابوه هو السبب في تدمير حياتنا !!
ساندي بصتلها وقالت” بس هو والله ملوش دعوه بباباه هو عنده شغله الخاص!!
شاهي بصت لاختها وجوزها وقالت” وفيها ايه لما ترتبط بيه ما الي حصل حصل وبعدين البنت بتحبه””
صافي بصت لاختها بصدمه واحمد قال” انت موافقه انها تتجوزه دا شاب مش كويس !!
عزيز اتعصب من كلام احمد وبص لساندي وقال” انا همشي يا ساندي انا مش هستحمل الاهانه اكتر من كدا!!
ساندي مسكت في ايده وقالت” استني بس يا حبيبي وبعدين مامي موافقه”
احمد قال بغضب” انا قولت كلامي يا ساندي ولو انتي فعلا عايزه تربطي بالولد دا فتتفضلي بره بيتي! بقلم شيماء صبحي
شاهي بصت لاحمد بصدمه وقالت” انت بتطرد بنتي يا احمد!!
صافي بصت لاختها وقالت” احمد عنده حق يا شاهي وبعدين انتي ازاي موافقه علي الكلام الأهبل الي هيا بتقوله دا يعني ايه تتجوز ابن عدونا””
ساندي بصت لاحمد وقالت” انا فعلا هخرج يا عمي انا همشي مع عزيز يامامي لو انتي هتفضلي هنا فانا مش هفضل هنا ثانيه واحده”
شاهي بصت لاختها وقالت” انا هروح مع بنتي يا صافي وعلي فكره انتو انانين اوي!!
صافي اتصدمت من كلام أختها وقالت” احنا برضوا يا شاهي احنا الي انانيين وانتو ايه بق باللي بتعملوه دا ميموش انانيه !
شاهي مردتش عليها وطلعت اوضتها وقالت” يلا يا شاهي خلينا ناخد هدومنا ونمشي!!
ساندي هزت راسها وطلبت من عزيز انو يستناها في العربيه وهيا هتيجي معاه بس هتطلع تجيب حاجتها
عزيز هز راسه بابتسامه ورجع بص لأحمد بانتصار ولاكن احمد كان بصصله بغضب وعزيز خرج من القصر وركب عربيته وفضل قاعد مستني ساندي ومامتها ”
وفي القصر كان احمد فضل باصص لصافي بصدمه وقال” هيا اختك اتجننت ولا ايه يا صافي يعني ايه موافقه تجوز بنتها الولد داا!
صافي بصتله بحزن وقالت” للاسف يا احمد ساندي مخدوعه في الولد اكيد قلها انه هيعيشها في قصر احلي ووهمها بالحجان دي !!
احمد قال ” بس علي فكره احنا شركاتنا كلها رجعت وهادي دلوقت في الشركه””
صافي قالت بصدمه بحد بس هو هادي رجع امتي”
احمد ” رجع النهارده الصبح وحتي استلم قدامي العقود الي بتسبت ان الحجات رجعت تانب بس مش عارف رجعهم ازاي بس هو قالي ان كل حاجه رجعت بإسمه هو مش باسمي وقالي انه هيدير الشركه بنفسه ويرجعها احسن من الاول”
صافي فرحت جدا وحض”نته وقالت” انا مبسوطه جدا باللي حصل .. بس هادي مقلش هيرجع امتي!!
احمد بصلها بحزن وقال” مقاليش بس هوا قالي خد ماما واطلعوا خدو شاور علشان تفوقوا” اصل احنا كنا شاربين يا صافي!!
صافي بصتله بحزن وقالت” احنا كنا مضغوطين نفسيا وطبعا مش قاصدين نكون في الحاله دي!!
احمد هز راسه وقال” احنا دلوقت لازم نبعد عن الي كنا بنعمله ونسيب هادي يتصرف انا مصدقت انه اخيرا شال المسؤليه!!
صافي هزت راسها بالموافقه وقالت” انت عندك حق يا احمد هادي لازم يشيل المسؤليه ويعتمد علي نفسه!!
احمد ابتسم وبعدها شاف شاهي وساندي وهما ماسكين شنطهم وبيبصولهم بغضب”
صافي قالت لشاهي” خلاص ماشيه يا شاهي ومصدقه كلام الولد دا !
شاهي قالت بضيق” ايوا يا صافي ومش هدخل القصر دا تاني ولو عايزه تقابليني نبق نتقابل في اي مكان تاني بعيد عن هنا ”
صافي بصتلها بحزن وشاهي مسكت ايد ساندي وطلعوا برا وكان عزيز مستنيهم بابتسامه ونزل اخد منهم الشنط وحطها في العربيه وبعدها فتح الباب لشاهي قعدت ورا وساندي قعدت جمبه وبعدها هوا ركب وساق العربيه واتحركوا
___________
بقلم شيماء صبحي
في منطقة قمر كانت قمر زهقانه لانها مش متعوده انها تبق لوحدها هيا خلاص اتعودت علي لمة الشباب حواليها والورشه”
نزلت قمر للرجاله الي واقفه وقالت” مش عايزين تاكلو انا عملت أكل كتير يكفي خمس اشخاص بس أعتقد انكوا هتقومو بالواجب”
الرجاله هزت راسها بالرفض وقالو” شكرا يا انسه احنا مهمتنا نحميكي مش ناكل من ايديكي !
قمر بصتلهم بغيظ وقالت” هو انتو مالكوا زي الصنم كدا ليه علي فكره انتو الي خسارنين انتو متعرفوش حاجه عن أكلي وطعامته!!
الرجاله بصت في الارض ومردوش علي كلامها وهيا اتعصبت لما لقت ان مفيش منهم فايده “”
ف سابتهم ودخلت تاني وهيا هتججن من القاعده لوحدها””
دخلت شقتها وقفلت الباب جامد وبصت علي السفره بحزن وهيا عماله تتخيل ان حواليها الشباب وهما بياكلو قربت من السفره وهيا بتبص للاكل بحزن وهيا بتقول” حرام الاكل دا يترمي وبعدين هما الخسرانين طبعا اتحرموا من طعامة اكلي!!
قالت كلامها بسخريه وبدأت تاكل بسرعه وهيا ناويه انها تخلص كل الأكل لوحدها!!!
•••••••••••
وفي مطعم فخم كان هادي وعبدالله قاعدين وقدامهم المستسمر والمساعده بتاعته”
هادي بابتسامه” انا هادي الجارحي وحاليا صاحب شركة الحارحي جروب وسمعت عنك وعرفت انك بتدور علي شركه تستسمر فيها فلوسك وطبعا انا بعرض عليك انك تستسمر في شركتي واضمنلك الارباح الي مكنتش تتخيلها ولا تسمع عنها!!
المستسمر بصله بسخريه وقال” وانا ايه الي هيضمنلي ان كلامك صح مايمكن بتحور او بتنصب عليا”
هادي ابتسم وبص لعبدالله وقال” شكل الباشا مش واثق فيا!!
المستسمر بصله وقال” وهيا شركتك دي اموالها كام وازاي عايز تخليني استسمر من غير ما اضمن ان الشركه هترجع تاني تشتغل وتدخل ارباح كويسه !!
هادي بصله بثقه وقال” دي شغلتي انا وبس ودي المعلومات الي محدش يعرفها غيري بس انت من حقك تشوف ضمان لفلوسك قبل ما تدفعها بس انا هوريك نسبه بسيطة من اموال الشركه”
المستسمر بصله بإستغراب ولاكن هادي خرج دفتر بنكي من جيبه ووراه للمستسمر وقال” الشركه حاليا تمتلك 50مليون دولار وحقيقي انا مش محتاج لفلوس علشان اقومها علي رجليها بس كل غرضي هوا الاستفاده من وجودك كدعاية وفي نفس الوقت انت عندك عملاء كتير فدا هيفيدني طبعاا!!
المستسمر بصله بصدمه وقال” انا بصراحه كنت فاكر انك هتبدأ الشركه بفلوسي بس بعد المبلغ الي انا شوفته دا فطبعا موافق!!
هادي ابتسم وبصله وقال” وانا يشرفني انك تستسمر في شركتي”
المستسمر بص للمساعده بتاعته وقال” عايز العقود تكون جاهزه خلال نص ساعه لحدما ناكل حاجه انا وهادي بيه!
هادي ابتسم وبص لعبدالله وقال” تحب تاكل ايه يا عبدالله!
عبدالله قال بفرحه” في هنا حواوشي!
المستسمر بص لعبدالله بإستغراب من طلبه للاكل ولاكن هادي بصلها بابتسامه وقال ” تصدق برضوا انا نفسي رايحه للحواوشي!!
عبدالله ضحك وقال” انا مكلتوش من فتره ونفسي برضوا هفاني عليه”
هادي ضحك وقال ” بس المكان هنا مش بتاع حواوشي ممكن اطلبلك اكل علي زوقي انا”
عبدالله قال بابتسامه” موافق يا صاحبي انا واثق فيك !
هادي ابتسم ونده علي الويتر وقاله علي طلبه وبعدها المستسمر طلب اكل ليه وللمساعده بتاعته”
وبعد وقت ”
عبدالله قال بابتسامه” تسلم ايدك يا هادي الأكل تعمه حلو …
هادي ضحك وقال ” الله يخليك بس مش انا الي عامله”
عبدالله قال” منا عارف بس انت الي طلبته”
هادي ضحك وقال” طول عمرك زوق يا عبدالله!
عبدالله بصلها بابتسامه وقال” بس هوا ايه الي انا أكلته دا!!
هادي همس في ودنه وقال” دي باستا سي فود !
عبدالله قال بابتسامه” حلوه اوي الي بسطه فود دي 😘
هادي ضحك وخبط علي ضهره بحب وقال” مبحبش حد غيرك والله لعظيم ..
عبدالله قال” والله دا انا الي بحبك رغم اني مكنتش طايقك بي انت طلعت عيل جدع”
هادي ابتسم والمستسمر والمساعده بتاعته كانو متابعين الحوار اللي بين هادي وعبدالله وهما مش فاهيمن حاجه”
هادي لاحظ نظراتهم وقال” تحبوا نمضي العقد ولا نمشي!
المستسمر اخذ العقود من السكرتيره واداله القلم وقال” لا هنمضي اتفضل يا يا مستر هادي،،،
هادي بصله بجديه ومضي وبعدها وقف وقالك” مبروك يا هندسه”
المستسمر قال بفرحه” مبروك علينا احنا الاتنين يا هادي بيه ”
هادي هز راسه بابتسامه وبص لعبدالله وقال” يلا بينا يا عبده خلينا نمشي!
عبدالله هز راسه وهادي خرج من جيبه مبلغ علشان يدفع الحساب ولاكن المستسمر مسك ايديه وقال” عيب يا مستر هادي انا خلاص دفعت”
هادي ابتسم وقال” طيب متشكرين علي الاكل اللذيذ دا..!
المستسمر هز راسه بابتسامه وبعدها هادي قال” بعد اذنك بق علشان ورانا شغل كتير”
المستسمر هز راسه وبعدها هادي اخد عبدالله وخرجوا”!!
عبدالله ركب العربيه وبعدها هادي وقبل ما هادي يشغل العربيه لقي إتصال من الراجل الي بيحمي قمر !!
هادي قال بقلق” خير اللهم اجعله خير”
عبدالله انتبه لهادي واللي فتح المكالمه وهو بيقول” خير يا محمود طمني!
محمود قال بقلق” انا اسف يباشا علي الخبر الي هقولهولك بس الانسه الي بلغتنا نحميها كانت بتصرخ ولما طلعنا نشوف ايه الي بيحصل لقيناها واكله أكل كتير جدا وبطنها كانت وجعاها جدا واحنا حاليا واخدنها وفي طريقنا للمستشفي…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قصيرة القامة طويلة اللسان)
