روايات

رواية قصر المغربي الفصل الثالث عشر 13 بقلم ريل محمد

رواية قصر المغربي الفصل الثالث عشر 13 بقلم ريل محمد

رواية قصر المغربي الجزء الثالث عشر

رواية قصر المغربي البارت الثالث عشر

رواية قصر المغربي الحلقة الثالثة عشر

بعد ما منة فاقت حاولو يقنعوها تنزل الفرح. ردت و هي بتبص لابوها
: هنزل بس مش معاه
الجد : المهم تنزلي مش عايزين فضايح الصحافة تحت و في ناس مهمين تحت عايزك تهدي و كأن محصلش حاجة
بعدها عدلولها الميكب و نزلت الفرح مع أدهم و هي بتحاول تبتسم للمعزيم اللي بتبارك لهم
_________________________________
: هو احنا هنلف كدا كتير
: لحد ما تقتنعي أن احنا نرجع القصر
: انا مش راجعة هناك تاني. و نزلني هنا انا حاخد تكسي
: انت عارفه الساعة كام دلوقتي
: مش عارفة و مش فارق معايا
و قف العربية : الساعة داخلة على 12 و انتي اصلا مبتعرفيش تروحي لوحدك
قاطعته : ليه طفلة
: متقاطعنيش انا بقالي ساعتين بقنع فيكي اننا نرجع و مراعي حالتك النفسية و مش عايز اغصبك حاجة بس احنا هنرجع كدا كدا ليه بقى
بسخرية : ليه

 

 

: لأن جدي قال ترجعي و انت لسه متعرفيش جدي لو قال حاجة و متنفذتش هيقوم القيامة فوق راسنا
: بس انا مش عايزة ارجع. انت تعرف احساس ان ابوك يبص فعينك و يبقى خايف يقول انك ابنه تعرف القهر اللي حسيت بيه. انا مش عايز اشوفو دلوقتي و مش هقدر اوجهو
حزن لأجلها : عارف انك اتوجعتي بس مش لازم تهربي لازم تواجهيه و تعرفي ليه خبا عليكي
: مش هقدر
: لازم تقدري احنا هنرجع دلوقتي و كل حاجة هتتحل
و شغل العربية و رجعو و كان الفرح خلص و المعازيم بتمشي
______________________________________
كانت كل العائلة مجتمعة و كانت منار تنظر لأحمد بغضب
منة كانت بتعيط و أدهم بيحاول يهديها
دخل زين و خلفه ورد نظرت لها منار بغضب و كانت عايزة تمد ايدها عليها كان زين قريب منها فوقف في وجه مرات عمه عشان متقربلهاش قال أحمد بغضب
: أياكي تمدي ايدك عليها دي بنتي زيها زي منة مش هسمحلك تتعدى عليها بأي شكل فاهمة اصلا كل حاجة بسببك قاطعه بدخوله و قال بغضب مش بسببها بسببك انت واحد جبان

 

 

: جبان عشان خايف اخسر بنتي ……. لما نقلت شغلي في الصعيد كان عشان مكنتش قادر استحمل تصرفاتها و انانيتها و حتى الطفل اللي عايزه كانت بتقولي انها صغيرة و مش عايزة تخلف عشان جسمها ميبوظش.. لما كنت هناك اتعرفت على عمي حسين و كان راجل طيب و كل البلد بتحبه و تحترمه و كنت انا اللي بعالجه و كانت معاه بنته و مش هكدب انا حبتها و طلبتها من ابوها ووافق كنت عايز اقول لك بس هو تعب فجاءة ووصاني عليها و كتبت عليها قبل ما يموت و مشفتش منها غير كل خير و حب و لما قلت لك على اللي حصل قلت لي طلقها لما رفضت ضغطت عليا و ان لازم أطلقها عشان لو ابو منار عرف شغلك هيتاثر و هتحصل مشاكل فضلت مصلحت الشغل على مصلحت ابنك للمرة التانية وقتها منار بقت حامل و مكنش ينفع أقلها و خفت انها تعمل حاجة فنفسها أو البيبي و فكرت اني اسيب هدى و اسمع كلامك بس هي كمان بقت حامل فكذبت عليك و قلت لك اني طلقتها و فهمتها كل حاجة و هي قالت لي اسمع كلام ابوك و ان أطلقها بس انا لا يمكن أطلقها قلت لها اني فهمتك اني طلقتها و الموضوع انتهى بعد ما منار ولدت خفت اني اقول لها تاخد بنتي عشان كدا خبيت على الكل و محدش بقى عارف لما جبت ورد لجامعة كنت ناوي اني اكشف كل حاجة بس كل يوم بقول بكرة وبعدو لحد ما أدهم عرف بالصدفة و حذرني اني لازم اقول الحقيقة بس انا قلت له اني هقول بس بعد ما منة تتجوز و اطمن عليها
بصت منة بغضب لأدهم : انت تعرف وخبيت عليا
: لا مكنش قصدي اخبي عليكي بس هو وعدني انه هيقولك بنفسه
قاطعهم الجد : اللي حصل حصل خلاص وانا مش هحاسبك هسيبك تصفي حسابك مع مراتكو بناتك و إذا كانو هيسامحوك

 

 

ولالا بكرة الصبح تروح تجيب مراتك لأنها هتعيش هنا معانا
: بس احنا مش هنعيش معاكم
: انا قلت اللي عندي ومش عايز نقاش اي حد من العيلة هيعيش في القصر دا
منار بغضب : يا عمي
بص عليها بحدة و كمل : و امك مرات ابني زيها زي منار و نرمين و انت حفيدتي زي ملك و منة و دا بيتك زيهم

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية قصر المغربي)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى