رواية قصتنا تشبه بعض الفصل الثالث 3 بقلم إيمان شلبي
رواية قصتنا تشبه بعض الجزء الثالث
رواية قصتنا تشبه بعض البارت الثالث
رواية قصتنا تشبه بعض الحلقة الثالثة
فيه في حياتنا ناس موت*ونا بحُب زايف
حُب آخره يكون كلام فوق الشفايف
كتفونا بأنهم ماسكين أيدينا
يعشقونا في سجننا المقفول علينا
واما تعطل حاجه فينا
يسحبونا علي الضمان
كانت مجرد كلمات للشاعر ” عمرو حسن ” لكنها كانت كفيله تعبر عن مشاعر وكلام كتير جوايا
وفي الحقيقه مش جوايا لوحدي ،ده جوا كل شخص مر بتجربة وحب زايف ،استنزف طاقته ،مشاعره ،قلبه ،وروحه!
-رفضتي يوسف ليه يا إيمان ؟
اتنهدت بحزن وانا بسند ايدي علي سور البلكونه :
-مش عايزه ادخل تجربه تستنزف مني حبه الطاقه اللي جوايا
سكت لحظه ولفيت ابصلها والدموع بتلمع في عيني :
-مش عايزه اتحول لبني ادمه عايشه من غير روح
-مش كل الناس زي بعض يا إيمان ،مش عشان مريتي بتجارب مع أشخاص مؤذيه استنزفت مشاعرك يبقي كل الناس زيهم مؤذيه !
هزيت راسي بابتسامه كلها سخريه :
-كلهم في البدايه بيزرعوا في قلوبنا ورود !
-في أشخاص بتفضل تهتم بالورود للنهايه عشان متدبلش
-ومنين نجيبهم الاشخاص دي ،ده بيبقي شخص مشاعره حقيقيه من ضمن ملوين شخص مشاعرهم مزيفه
-مش جايز يكون يوسف الشخص ده
-ومش جايز يكون مش هو
-مش هتخسري حاجه لو جربتي
-هخسر كتير اوي ،مشاعر ،دموع ،طاقه
-ليه بتقدري البلا قبل وقوعه
-عشان اللي مريت بيه مكانش هين أبداً
-للدرجادي خوفك مانعك بالرغم من كل الكلام الكويس اللي اتقال عن يوسف ؟؟
ضحكت بسخرية وانا ببص قدامي :
-طب ما الاتنين اللي كنت مخطوبالهم قبل ما اعرف يونس الناس قالت عليهم كلام كويس ،طب ما يونس كل الناس كانت بتشكر في أخلاقه
في الآخر خطيبي الاولاني اكتشفت أن أخلاقه زي الزفت بيشتمني دايما ،بيشك فيا ،والتاني كان بارد ومشاعره زي لوح التلج ،وعمره ما حسسني اني بنت حلوه زي باقي البنات وبخيل ومعندهوش شخصيه،ويونس لحد قبل الفرح بيوم كان محسسني انه ميقدرش يعيش من غيري وفي الآخر سابني عشان بيحب واحده تانيه
-وياتري انتي حبيتي مين فيهم ؟
هزيت راسي بدموع :
-يونس طبعا
-لسه بتحبيه رغم كل اللى عمله فيكي
-للاسف يالمار قلبي مش قادر يكرهه
-مبينسيش شخص غير شخص تاني وانتي بنفسك ….
ضحكت وانا بقاطعها :
-انا اللي كنت بقول كده في رواياتي عارفه
-مش جايز يبقي يوسف ده العوض اللي ربنا شايلهولك
-خايفه يالمار ،خايفه اوافق واتخطب ليوسف ويقدر ينسيني يونس ويخليني احبه وبعدها يسيبني لاي سبب من الأسباب وارجع لنقطه الصفر من تاني ،وقتها عمري ما هرجع زي زمان أبداً
مسكت ايدي وهي بتضغط عليها بابتسامه مطمنه :
-مش انتي طول عمرك بتتفألي بسوره يوسف
-ايوه بحبها اوي
-عشان هي في آخرها جبر صح
-صح
-يبقي توافقي علي يوسف لأن ده العوض اللي ربنا كاتبهولك
رديت بتوتر وامل جوايا :
-تفتكري
-طبعا
-ت تمام
ردت بفرحه :
-اروح ابلغ بابا ياخد من يوسف معاد
هزيت راسي وانا بتنهد وبغمض عيني براحه غريبه
ــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الخميس
في تمام السادسه مساءً
كنت واقفه قدام المرايه بضيف لمساتي الآخيره لشكلي
كنت لابسه فستان تايجر واسع ،وطرحه سودا وشوذ اسود ،حاطه ميك اب رقيق وهادي
بصيت لشكلي في المرايه
كنت مرتبكه بشكل غريب !
بالرغم انها مش المره الاولي اللي هقابل فيها عريس لكنها كانت المره الوحيده اللي من كتر خوفي وتوتري اتمني الأرض تنشق وتبلعني
اخدت نفس عميق وانا بقول لنفسي :
-اهدي اهدي مفيش حاجه دي مجرد مقابله زي اي مقابله
في الوقت ده حضر صراع بين قلبي وعقلي
قلبي :
-تفتكري ده العوض
عقلي بسخريه :
-هه طموح اوي انت ياعم القلب كلهم زي بعض
قلبي بغيظ :
-اسكت انت ،مفيش حد زي التاني أبداً ،في أشخاص كويسه
عقلي :
-متتعشمش انك تقابل أشخاص كويسه في رحلتك ،كل واحد مؤذي بطريقه مختلفه
قلبي بتوتر :
-ب بس يوسف كويس انا متأكد أنه مش هيأذيني
-إيمان انتي لسه مجهزتيش
فوقت من شرودي والصراع اللي داير ما بين اتنين عكس بعض نهائياً
عقلي اوقات بيكون منطقي وبيتغلب علي قلبي
لكن اوقات تانيه مشاعري بتتغلب وبتخرس صوت العقل
بلعت ريقي وانا برد بتوتر :
-ج جهزت
لمار وهي بتقرب مني بابتسامه :
-شكلك حلو اوي
-بجد؟
-طبعا
ابتسمت ابتسامه مهزوزه وانا بمسك ايديها تعبيراً عن الامتنان وأنها مسابتنيش لحظه واحده في عز حزني وضعفي وخوفي اللي مبينتهيش
-ربنا يخليكي ليا
اخدتني في حضنها وهي بتبوس راسي :
-ويخليكي ليا ويعوضك خير يارب
رفعت راسي لفوق وانا بدعي من كل قلبي:
-يارب
ــــــــــــــــــــــــــــــــــــــــــــــــــــــــــــــــــــــــــــــــــــــــ
-هي السجاده لونها حلو للدرجادي ؟
قالها يوسف بمرح واحنا قاعدين لوحدنا بعد ما بابا سابنا نتعرف اكتر علي بعض
رفعت راسي أبص في عيونه وانا ببتسم بتوتر :
-ا اه حلو
-انتي بتحبي اللون اللافندر ؟
رديت بتلقائيه:
-جدا انت مش بتحبه؟
-امممم مش اوي بس مستعد احبه لو أنتي بتحبيه
ابتسمت بخجل وانا بحط عيني في الأرض وبفرك ايدي بتوتر
-ا احم حابه تسأليني عن أي حاجه
هزيت راسي بهدوء :
-اه
ابتسم ابتسامه لطيفه خطفت قلبي :
-اتفضلي
-هو اول مره اتقابلنا فيها لما لما يعني احم …
قاطعني بابتسامه :
-لما خليتك تمثلي انك خطيبتي
-ا احم ايوه
-اه كملي !
-ه هو هو انت ي يعني انت لسه بتحب البنت ديه ا اصل انت يومها قولتلي انك عمرك ما بطلت تحبها و الفتره مش كبيره انك تنساها وتتقدم لغيرها وخاصه انك متعرفش عني اي حاجه غير اني كاتبه
-هتصدقيني لو قولتلك مش فاكرها
-معقوله ،ده انت يومها وانت بتتكلم عنها وعيونك اللي كانت بتلمع تدل انك عمرك ما هتقدر تنساها ولا تحب غيرها
-ده حقيقه لكن لما شيلت قلبي شويه علي جنب عرفت انها مكانتش تستحق كل الحب ده ،تخيلي حبت غيري وهي معايا ويوم خطوبتنا كلمتني قالتلي مش عايزاك !
اصلا من البدايه كانت علاقه كلها غلط في غلط وربنا عمره ما بيبارك في العلاقات اللي زي دي
-هو انت فعلا شيخ ؟
ابتسم بلطف ومرح :
-يعني علي قدي كده
-اتعرفت عليها أمتي
-من حوالي سنه ،كانت معايا في الكليه
-هو انت في نفس الكليه بتاعتي
-ايوه
-غريبه عمري ما لمحتك
ضحك :
-بس انا شوفتك كتير جدا
قفلت عيني نص قفله بشك :
-يعني انت مشوفتنيش في معرض الكتاب
-لا شوفتك لكن مش اول مره
امممم طب ليه مدخلتش كليه هنا ؟
-مجموعي في ثانوي مجابش هنا
-اه
-كملي
رديت باستغراب :
-اكمل ايه
-اسئله ،اسألي كل اللي يجي في بالك وانا هجاوب بكل صراحه
-بصراحه انا مستغربه
-اني نسيتها بالسرعه ديه
-اه
-مكنتش لوحدي وقتها
-يعني ايه
-بصي انا هجاوبك بصراحه،انا جه عليا فتره كنت مهمل اوي ،في الصلاه ،والفروض اللي عليا ،كنت بعمل تصرفات غلط من غير ما افكر ،واولها اني ارتبطت بساندي ،لكن لما راجعت نفسي بدأت أحس ببشاعه تصرفاتي ،عشان كده قررت ابعد نفسي عن أي ذنوب رجعت لربنا وهو اللي ساعدني اني انسي بأقصي سرعه لأن ساندي مكانش شبهي ولا كانت خير ليا
ابتسمت بحزن :
-فعلا ربنا بيطبطب علي قلوبنا كلنا في أوقات الحزن والضياع والخوف
-هو دايما موجود في كل وقت وفي كل مكان
-ا احم ا انا كنت عايزه اقولك علي حاجه
ابتسم وهز راسه بتفاهم:
-عارف
رديت باستغراب :
-عارف ايه
-انك كنتي هتتجوزي ،باباكي حكالي الموضوع
حطيت وشي في الأرض وانا ببتسم من بين دموعي بقهره
-سابني يوم الفرح !
-هو الخسران مش انتي
رفعت راسي أبص في عيونه وعيوني كلها دموع :
-كل الناس بتقولي كده بس محدش حاسس بيا
بلع ريقه وسألني بتوتر :
-ه هو انتي ل لسه بتحبيه
هزيت راسي بلهفه ونفي:
-لا طبعا استحاله
اتنهد براحه وهو بيهز رأسه :
-كملي
-هو انا ممكن اسالك سؤال
-طبعا
-انت جيت تتقدملي ليه ؟
-عشان من اول يوم شوفتك حسيت براحه غريبه من نحيتك معرفش ليه ،كنت كل مره بشوفك صدفه في أي مكان قلبي يدق بشكل غريب وكأنه بيديني اشاره وبيقولي هي دي البنت اللي انت بتدور عليها طول عمرك
كنت كل مره بشوفك في وقت انا متدمر فيه ،كانت ضحكتك هي طوق النجاه ،اول ما عرفت انك كاتبه فوراً جريت علي جوجل وجبت كل رواياتك وفضلت اقرأ فيهم ،في حوالي اسبوع كنت مخلص كل رواياتك ،كنت بحس كل كلمه في الروايه متوجهالي ،من خلالها عرفت عنك كل حاجه ،عرفت بتحبي ايه ،بتكرهي ايه ،نفسك في ايه
الغريبه انك في كل روايه تكتبي عن مواصفات البطل وكأنك بتوصفيني بالرغم انك متعرفيش اني عايش اصلا !
كنت كل مره بقرأ رواياتك بنبهر وكأني اول مره اشوف الكلام اللي مكتوب
بصراحه كده يعني لما شوفتك هنا استغربت جدا ،لكن فرحت جدا جدا ،وقررت من يومها اكون البطل اللي بتتمنيه في كل رواياتك
كنت بسمع كل كلمه بيقولها بأنبهار ،وصدمه ،وفرحه ،وقلب بيدق بأقصي سرعه يملكها
كنت حاسه اني في حلم
حلم جميل جدا مش عايزه افوق منه أبداً
في الحقيقه كنت حاسه نفسي في مشهد من روايه أو فيلم رومانسي
كلامه ،نظراته ، لمعه عيونه وهو بيتكلم عني وكأني حلم بالنسباله
كلها كانت أشياء تخطفني وتخلي قلبي يعلن بكل استسلام الامان لشخص كان غريب عني من كام ساعه بالتقريب !
-انتي كويسه
مسحت دمعه نزلت من عيوني وانا بهز راسي بابتسامه :
-الحمد لله
رد بقلق :
-انتي بتعيطي ليه؟؟
-لا مش بعيط انا كويسه
-متأكده؟!
-جداً
-طب موافقه
هزيت راسي بتلقائية:
-موافقه
ــــــــــــــــــــــــــــــــــــــــــــــــــــــــــــــــــــــــــــــــــــــــ
بعد مرور سنه
-كوكو حبيبي زعلان مني ليه بس
رد بحده مصطنعه :
-احم ا ايه كوكو ديه راعي اني دكتور وليا هيبه قدام طلابي
سندت راسي علي صدره :
-بس احنا في البيت مش في الكليه ياكوكو
-إيمان ….
قاطعته بهدوء:
-انا اسفه
-ينفع اللي حصل ده
-توء
-طب وعملتي كده ليه
اتمسحت في صدره زي القطه وانا برد بحزن :
-غصب عني لما شوفتها بتقولك وحشتني محستش بنفسي غير وانا بجيبها من شعرها
ابتسم وحاوط وشي بحنان :
-طب ما تقول اللي تقوله انتي عارفه اني مكنتش شايفها في المكان اصلا !
رديت بشراسه:
-لا طبعا متقولش اللي تقوله انا اللي من حقي اقولك وحشتيني وبحبك وكل الكلام الحلو ده انما هي لا لا لا
متعصبنيش ومتخلنيش اروح اضربها تاني يا يوسف
ضحك بذهول :
-الله الله ده باين كده الحمل مخليكي غيوره اوي اوي
سندت راسي علي صدره وانا برد بغيظ:
-انا بغير طول الوقت ،انت اللي حلو وكل شويه عاملي مشكله
-الاه وانا مالي يالمبي
-ما انا كل شويه اتخانق مع حد بسبب أنه بيبصلك ،بقولك ايه هو أنا مينفعش انقبك عشان زهقت!!
ضحك بعلو صوته وبعدها حاوط وشي وهو بيغمزلي
-طب ما تيجي انقبك انتي عشان بغير عليكي من عيون البوتجاز
ضحكت جامد علي كلامه وقربت من ودنه وانا بهمس بحب
-موافقه
رفع حاجبه بشك:
-موافقه موافقه !
-اه انا عايزه اتنقب بجد
اتنهد بفرحه وهو بيضمني لصدره :
-النقاب هيزيدك جمال فوق جمالك
-ربنا يخليك ليا ياكوكو
اتكلم بهمس :
-مين كان يصدق أن شيخ يوسف يتقاله ياكوكو
-هه بتقولك حاجه ياكوكو
-هه لا ياقلب كوكو بقول عامله اكل ايه النهارده
-معملتش
-ولا يهزنا بينا نطلب من ماك
-هو ده الاص التمام والله حبيبي يا ابو العيال
مبقتش بتوه في الدُنيا عشان انتي معايا
جددتي مشاعري وحطيتي لحُزني نهاية!♥️
تمت
لقراءة الرواية كاملة اضغط على : (رواية قصتنا تشبه بعض)
