رواية قصة عبر الإنترنت الفصل الأول 1 بقلم روكا محمود
رواية قصة عبر الإنترنت الجزء الأول
رواية قصة عبر الإنترنت البارت الأول
رواية قصة عبر الإنترنت الحلقة الأولى
كنت قاعده على الفيس بقلب فيه بملل لكن لفت نظرى بوست واحد كاتب ” وماذا فعلت عندما خذلوك “
اول ما قرأتها حسيت برعشه خفيفه فى جسمى وكتبت ” كسرتهم “
وبعدين قفلت الفون وفضلت قاعده سرحانه ، قطع شرودى صوت مسدچ على الماسنجر فتحتها ولاقيتها من نفس الشخص اللى كان كاتب البوست
_ كسرتيهم ازاى ؟
اترددت ارد ولا لا ولكن ف النهايه بعتله
= يهمك فى اى
فى نفس اللحظه شافها شكله كان قاعد فى الشات ولا ايه !
لاقيت المؤشر بيروح ويجى علامه على إنه بيكتب ، استغربت كلامه اللى بعته
_ علشان عاوز اكسرهم انا كمان
= ارجع ليهم تانى ! اتعامل معاهم زى الاول عادى جداا وفى وقت شدتهم متوقفش جمبهم وبعدين ابعد انت كده هتخليهم يدوقوا من نفس الكأس
_ انتى عملتى كده ؟
= اعتقد دى حاجه متخصكش انت قولت عاوز تكسرهم وانا اهو قولتلك تكسرهم ازاى … سلام
قفلت الفون وقفلت النت ونمت صحيت تانى يوم روحت الجامعه ووقفت مع شلتى وبدأوا يتكلموا على الشباب ودى بتكراش على مين ودى بتحب مين … زهقت قومت سبتهم وروحت !
بعد ما روحت ذاكرت شويه وبعدين فتحت النت لاقيت الشخص دا باعت مسدچات كتير وبيحكى عن حياته كلامه شدنى ورديت
” كله هيعدى الصبر بس ! “
بعتلى فى نفس اللحظه :
_ انا اسمى ياسين وبتمنى بجد نكون اصحاب ارجوكى مترفضيش انا ماليش صحاب خالص وماليش حد علشان خاطرى وافقى
صعب عليا اضطريت اوافق وفضلنا نتكلم كتير لدرجه انى محستش بالوقت وإن الساعه ٥ الفجر
_ انا هنام ، تصبح على خير
_ وانتى من اهل الخير
وعدى شهرين واحنا كل يوم بنقرب من بعض اكتر وطول اليوم مع بعض مش بنفارق بعض تقريبا غير عند النوم انا حبيته اوى واتعلقت بيه جدًا حبيت اهتمامه بيا اوى وإن التفصيله الصغيره عنى لازم يعرفها قبل التفصيله الكبيره وبيهون عليا زعلى وخنقتى ! واعترف بحبه ليا وقتها فرحت اوى وانا كمان اعترفت بحبى
وفى يوم كنا بنتكلم اتفأجت بكلامه
_ حبيبتى انتى لابسه ايه
= نعم وانت مالك ؟
زعل وقالى ” طيب”
محبتش ازعله وقولتله انا لابسه ايه لكن اتصدمت من طلبه :
_ طب ما تتصورى
= انت عبيط بقولك لبس بيتى وفى الصيف اكيد لا طبعا مينفعش اصلا
_ ياحبيبتى ليه مينفعش ما انتى كده كده كلها سنه ولا التانيه وتكونى مراتى يعنى عادى خليكى متفتحه ياروحى
اقتنعت نوعًا ما بكلامه ودا كان تانى مبدأ من مبدائى اتنازل عنه اول مبدأ أنى اكلم ولد تانى مبدأ ابعت لحد صورى بشعرى ولبس بيتى يعتبر مفتح من كل مكان
_ ايه الجمال دا ياروحى حلوه اوى … تعالى نتكلم فيديو كول
فتحت الكاميرا وانا لابسه نفس البس البيتى ومش مغطيه شعرى
وقعد يتغزل فى جمالى وانا بضحك بكسوف
وفجأه اتفتح باب اوضتى وووو…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قصة عبر الإنترنت)
