رواية قسوت على فاتنتي الفصل الخامس عشر 15 بقلم سحر السحرتي

رواية قسوت على فاتنتي الجزء الخامس عشر

رواية قسوت على فاتنتي البارت الخامس عشر

رواية قسوت على فاتنتي الحلقة الخامسة عشر

*نظرت له وفهمت ما يقصد وهي القبلة التي قبلتها له في السيارة
: غلطة ومش متكرر تاني
؛ ليه بتقولي غلطة نتفق كل ما اعمل حاجة تبسطك اخود واحدة زيها مكافأة
:لا ما تعمليش حاجة
:انت عارفة مامتك فرحت قد ايه عشان خاطرها
:انا اللي احدد اذا تستاهل او لا
:موافق بس ما تبقيش بخيلة اتفقنا
:اتفقنا
:نوقع العقود
:عقود ايه وهنوقعها ازاي
:اي اتفاق بيبقى له عقود وبتتوقع كدة
*وقبلها على شفتيها بعشق وهيام شعرت انه فعل الكثير لها ولوالدتها فلم تريد منعه لكنها أيضا لم تتجاوب معه حتى لا يفهم أنها بدأت تحن فهي لم تتخذ قرارا بعد او تسامحه
بقلمي سحر السحرتي
*طالت قبلته فدفعته بعيدا عنها
: العقود نسختين مش عشرة كفاية كدة
:ايه خفتي تستسلمي
: وليه ما تقولش قرفانة
:فتون مش معقول كدة اديني فرصة
:شفت احساسك ده انا بقى حاسة اضعافه بجوازتي دى فبطل تسأل نفس السؤال
: طب خلينا ننبسط اليومين دول وارجعي كشري هناك في البيت
؛ انت اللي عايز تتبسط انا وجودي جمبك ما يبسطنيش
:اففففف دى ما بقتش عيشة
قالت بمنتهى الهدوء والاستفزاز:احلى افففف سمعتها في حياتي
:بقى هو ده غرضك
:زكي ما شاء الله
:مش هنولهالك
:هنشوف
*كانت اسعد لحظاته حينما يجتمع مع فتون ووالدتها لأنها كانت على طبيعتها امامها لكن عندما ينفرد بها كانت تتعمد استفزازه…. هو الآخر كان يتعمد استفزازها واستغلال أنها أمام والدتها ويقوم باحتضانها وتقبيل وجنتيها حتى لا تستطيع الاعتراض
*كانوا يجلسون على شاطئ البحر
فتون: انا نازلة المية
كريمة:اقعدي بقى كفاية كدة
:احنا جايين نقعد كنا قعدنا في بيتنا
حسام:يلا ننزل
كريمة:انت كمان نازل اقعد معانا
:يعني اسيبها تنزل لوحدها
:هيحصل ايه يعني
:قرش يأكلها
:يا خبر قرش يا فتون تعالي ارجعي
*كانت فتون سبقته وعندما سمعت نداء امها عادت
ضحك حسام:انا بهزر خايف بس حد يعاكسها وهي حلوة وزي القمر كدة
:طلعالي
:هو انا حبيتها الا عشان شبهك
فتون:يا ريتني ما طلعت شبهك بتنادي على ليه
:خلاص طلع بيهزر كان بيقول في قرش في المية
حسام:كويس انك رجعتي
*قام بحملها بين ذراعيه وذهب بها إلى الماء فصرخت فتون
:نزلني يا مجنون
بقلمي سحر السحرتي
*ضحكت كريمة و سميحة عليهم
سميحة:ربنا يسعدهم
كريمة:يا رب
*في الماء بعد أن انزل فتون:ما تعملش الحركة دي تاني فاهم
:ابقي اعترضي قدام مامتك شفتيها بتضحك ازاي
:ما ده اللي سكتني
:تيجي نتسابق للعلامة اللي هناك واللي يفوز له مكافأة
ردت بتحدي:ماشي اكيد هكسبك
:بتحلمي
*تسابقا في الماء وفاز حسام على فتون
:اتفضلي هاتي مكافاتي
: بس احنا ما اتفقناش على نوع المكافأة
:خلاص هاخد مكافاتي
:اللي هي ايه
*كان ينظر إلى شفتيها باشتياق فهمت وخجلت واحمر وجهها
:لا احنا في المية قدام الناس
: لو اجلتها لما نطلع الغرفة تديهالي بنفس
:لا
: خلاص هستلم مكافاتي هنا
:خلاص مستفز
:تتسابقي تاني يمكن تعوضي خسارتك
:ولو كسبتك تخسر مكافأة السباق الأول
: ماشي ولو كسبت تاني تنامي في حضني بوشك مش بظهرك
:اتفقنا
:مفكرة نفسك هتكسبي
:طبعا
*تسابقا ثانية وفاز مرة أخرى
: بتحطي نفسك في مواقف بايخة
:انت بتغش
:ليه ما يمكن المكافأة مغرية فببذل مجهود للفوز
:نتسابق مرة كمان وتديني فرصة اتحرك قبلك
:موافق بس مكافاتي ايه
:لو خسرت نلغي كل مكافاتك
:موافق ولو فزت
:تعزمني على رحلة غوص مرة كمان
بقلمي سحر السحرتي
ضحك من قلبه : مين فينا اللي بيغش دلوقت مش لاقي مكافأة لي في كل ده وهبقى فايز ٣ مرات
:ما انت هتحتفظ بمكافاة السباقين
:هما معايا من الاول اصلا انت بتستهبلي بس موافق مش هزعلك
:طب هسبق وتعد من ١ إلى ٥ وتحصلني ماشي
:ههههه كمان ماشي
*حاولت فتون بكل قوتها الفوز لكنها لا تعلم مدى مهارة حسام في السباحة
:خلاص بقى ما تعيطيش هو انا هكلك دي بوسة وهتنامي في حضني زي كل يوم اصلا ومغرماني رحلة غوص يعني كسبانة
:كسبت ايه انا كنت عايزة الغي مكافاتك
:مش هزعلك عايزة تلغيهم خلاص
:لا مش هرجع فى كلمتي بابا علمني الالتزام
:هو انا كنت بحب عم عبده ده من شوية نطلع بقى اصلي جعت
:اطلع انت انا ما بصدق انزل
:تعالي كلي ونرجع تاني
:لا
:انت اللي اختارتي
*حملها هذه المرة فوق كتفه وراسها خلف ظهره
كريمة:ايه يا حسام شايلها كدة ليه
:مش عايزة تطلع
:مش قلتلك كنا بنطلعها بالعافية
:اخص عليك انا بحب المية قوليله يا ديحة يسيبني
:جعان اكل وهنزل معاك
:انا مش جعانة
:ولما حد يعاكسك
:يا سلام هيسيبوا البكيني ويعاكسوا واحدة محجبة
كريمة:ما تعقلي بقى يا فتون بيغير عليك افهمي بقى ابوك كان بيغير عليا وما كانش بينزلني المية خالص
:شفتي انا منزلك اهوه وبخليك تغوصي
:هو انت كمان عايز تحرمني من العوم
:ماما هاتي سندوتش اكله بسرعة وانزل ام بوز دية احسن تقلبها نكد
:خليهم اتنين يا ديحة
:مش قلتي مش جعانة
:قعدة بقعدة هتفرج عليك يعني
: طب اللي يخلص الساندوتش الاول
:لا خلاص بطلت اتسابق معاك حرمت
سميحة:ايه كسبك
:٣ مرات يا ديحة
:ضحك عليك يعني
:ليه بتقولي كده
:اصله كان بطل سباحة قبل أبوه ما يموت وبطل وانت كنت لسه صغيرة فاكيد مش فاكرة هو شاطر قد ايه
:قلتيلي انا كنت شاكة ان في غش
:ليه كده انت ام لا انا في القعدة دي ماليش الا كرملة
*مرت الايام ضحك ولعب أمام كريمة وفي الغرفة شجار ونقار
بقلمي سحر السحرتي
*عادوا إلى منازلهم سمعت هيام صوت ضحكاتهم عند عودتهم فاسترقت السمع لكي تعرف هل اكتمل زواج حسام و فتون ام لا وفهمت من طريقة فتون مع حسام انه لم يتم إلى الآن فانتظرت فتون حتى تعود الى عملها كي تبخ سمها كالعادة في أذن حسام
*قبل عودة فتون من العمل بنصف ساعة صعدت هيام وطرقت الباب على حسام لتنفذ مخططها
:نعم عايزة ايه
:جاية اقول مبروك وجايبة هدية ايه مش هتدخلني وتشربني شربات الجواز دى حتى قريب هنبقى نسايب
:اتفضلي ادخلي
*احضر كوبين من العصير تعمدت هيام ان تسقط احدى الانتيكات وتكسرها
:يا خبر آسفة كنت بتفرج عليها هجيب حاجة والمها
:لا خليك انا هلمها
*وعندما ذهب لالقائها في الزبالة وضعت له إحدى الحبوب المنشطة القوية في كوب العصير وعندما عاد
:ايه مش هتشرب عصيرك عيب انا في بيتك
:لا مش عايز
:لا ازاي دى حتى بيقولوا انه فال وحش لو في بنت لسة ما اتجوزتش يرضيك ما اتجوزش على
:حاضر هيام اشربي العصير وانزلي بسرعة قبل فتون ما تيجي لأنك عارفة انها مش بتطيقك
:انا عرفت أنكم لسة اخوات
:عرفتي من أين
:خبرتي وعندي طريقة تخليك تكمل جوازك منها
:وفري طرقك مش عايز منك اي خدمة
؛ما هي الست ما تمنعش نفسها عن جوزها الا لسببين يا اما خايفة من حاجة يا اما عايزة تفضل بنت لغاية ما اللي تحبه هو اللي يبقى الرجل الأول في حياتها
:اخرصي يا هيام واطلعي بارة فتون أشرف منك
:واللي أشرف مني دي تنزل جري على الشغل وهي فرحانة وسعيدة لدرجة انها مش قادرة تستنى الأسانسير راجع حساباتك وشوف هي مانعة نفسها عنك ليه سلام
*بعد نزولها ب ١٠ دقائق عادت فتون من عملها وكانت الحبة قد بدأ مفعولها لم يتمالك حسام نفسه وصرخ في وجه فتون