رواية قسوة الرعد الفصل التاسع 9 بقلم زوزا
رواية قسوة الرعد الجزء التاسع
رواية قسوة الرعد البارت التاسع
رواية قسوة الرعد الحلقة التاسعة
الموظف :مرفوض يا فندم..
نبض :ليه حضرتك؟!
الموظف :ممنوع تسافري..
نبض :مين اللي قال ممنوع؟!
الموظف :زوج حضرتك رافض سفرك..
-نبض بصت بصدمة و فتحت عينيها علي اخرهم.😳😳😳.
نبض :بص حضرتك انا مش متجوزة واكيد مش هتجوز من دون علمي يعني..😒
الموظف :حضرتك قدامي انه مرفوض طب انا اعمل ايه؟!
نبض غمضت عينيها بغضب وفتحتهم..
نبض :ممكن الاسم؟!
الموظف :اكيد..
الموظف :رعد عمر السيوفي..
نبض :تمام شكرا..
نبض خرجت من المطار ركبت عربيتها و رجعت القصر لقت جلال بيركب عربيته..
نبض :ممكن افهم ايه اللي بيحصل؟!
جلال :ايه؟!
نبض(بصوت عالي):يعني ايه اكون رايحة اسافر الاقي نفسي متجوزة..
جلال :اهدي يا نبض نتكلم وهفهمك كل حاجة..
نبض(بغضب):يعني انت كمان عارف؟!وكمان مجوزني صعيدي..
جلال :مالهم الصعايدة يا نبض انا صعيدي وانتي عارفة..
نبض :هتبعد عن الموضوع الاصلي بقي…
نبض,بغضب):انا دلوقتي متجوزة ازاي؟!
جلال :لما تهدي..
نبض ضربت العربية بغضب برجليها..
نبض(,بغضب):متخلنيش اتعصب اكتر..متخلنيش اقول كلام
ممكن اخسرك بيه..خليني محافظة علي ذرة الهدوء اللي عندي…
جلال :طيب يا حبيبتي تعالي..
جلال مسك ايد نبض و دخلوا القصر…نبض قلعت الجاكت بتاعها و رمته علي الكنبة…
ثريا :في ايه؟!
جلال :روحي دلوقتي يا ثريا..
ثريا :حاضر يا بيه..
ثريا دخلت المطبخ ونبض كانت بتهز رجليها بعصبية..
نبض :ممكن افهم؟!
جلال :انا مر”متكيش لاي حد يا نبض..
نبض(بغضب):اومال اسمي انك تجوزني من غير اذني ده ايه؟!
جلال :اهدي يا نبض علشان نتفاهم..
نبض اخدت نفس عميق وهدت نفسها وربعت ايديها وبصت ل جلال…
جلال :كويس..انا جوزتك ل شخص هيقدر يحميكي من كل اللي عايز يأذيكي..
نبض :مين دول؟!
جلال :نبض متقاطعنيش..
نبض :اتفضل..
جلال :في طار قديم اوي بين عائلة السيوفي اللي هي عائلتك وعائلة الشرقاوي..
جلال :وكان لازم الطار ده يخلص بس بشروط..
جلال :يحصل نسب بين العائلتين..وعلشان مضمنش تصرف عائلة الشرقاوي هيبقي ازاي…جوزتك ابن عمك يا نبض….صدقيني يا نبض هيحافظ عليكي..
نبض :انا الوحيدة اللي موجودة يعني في العائلة..
جلال :واحدة متجوزة والتانية في ناس متكلمين عليها..
جلال :صدقيني يا نبض انا..
نبض :انت معملتش حاجة غير انك دمرت حياتي..
جلال :اسمعيني اكمل…
نبض:كمل بس الاول الجواز ده تم ازاي؟!
جلال :وانتي عندك 18 سنة خليتك تمضي علي ورقة وكنت انا وكيلك..
جلال :وبما انك عرفتي احنا لازم ننزل مصر…لان عائلة الشرقاوي مش مصدقة لانهم مشافوكيش ولا مرة شافوا عقد الجواز بس..
جلال :وكمان يا بنتي انتي عندك 25 سنة وعندك كل حاجة ناقص بس راجل يحميكي انا سني مبقاش يستحمل…كنت هفاتحك في الموضوع امبارح بس معرفتش.. المهم هنسافر مصر…
نبض :لالالالا
نبض :انا مش هسافر والجواز ده هينتهي فجأة لانه جواز بدون علمي ومش معني انك كنت وكيلي وولي امري يبقي همشي الموضوع والجوازة صحيحة…
نبض :زي ما جوزتني زي ما هطلقني وساعتها ابقي قابلني لو شوفت وشي..
نبض :ازاي جالك قلب تضحك عليا سبع سنين..ازاي قدرت تخدعني وتخو”ن الامانة اللي ماما سايباها ليك..
جلال :امك قالتلي اعمل كل اللي واجب عليا علشان حمايتها و ده طار مفهوش كلام يا نبض…كنتي ممكن تمو”تي وانا امو”ت وكان هيبقي في مو”ت كتير و بحور د”م..
نبض:وانا الضحية صح؟!
جلال :اهدي يا نبض..
نبض صوت عالي):طب والله ما انا مسافرة وهطلق غصب عن الكل..
جلال ضر”ب نبض قلم علي وشها وسابها و مشي
..نبض كانت مصدومة لانه ولاول مرة جلال يضر”بها..
نبض وقعت في الارض وقعدت تعيط وثريا اخدتها في حضنها..🥺
ثريا :يا حبيبتي اهدي بس..اهدي علشان خاطري..
ثريا :متزعليش هو غصب عنه كان متعصب معلش يا روحي..
وغلاوة النبي”عليه افضل الصلاة والسلام” تبطلي عياط…
نبض بدموع):انا انا مصدومة يا ثريا مصدومة..
ثريا :سُنة الحياة انك تتجوزي يا حبيبتي..
نبض(بدموع):ماشي اتجوز بس مش بالطريقة دي..دي اسوء طريقة ممكن اتجوز بيها علشان طار ازاي بابا وافق بكدة..
ثريا :طب اهدي اطلعي غيري هدومك يلا يلا يا حبيبتي..
نبض قامت طلعت اوضتها و غيرت هدومها..
“نبض لبست بنطلون ضيق باللون الاسود و تي شيرت صوف باللون الاصفر لغاية الركبة بكم و سيبت شعرها علي ضهرها”..
نبض طلعت علي السرير و قعدت تعيط لغاية ما نامت…
_بعد فترة..
نبض فاقت علي صوت في اوضتها..
نبض شبه نايمة:بتعملي ايه يا ثريا؟!
ثريا :بجهزلك هدومك..
نبض :ليه؟!
ثريا :جلال بيه حجز طيارة وهنسافر بليل..
نبض بصدمة:ايه!!!!
نبض قامت بسرعة وجريت علي تحت ودخلت اوضة المكتب..
نبض :اخرج انت..
حارس:حاضر..
نبض :دي مفهاش كلام انا مش هسافر مصر..
جلال :سافري احسن بالحسنة يا نبض..
نبض :تهد”يد..
جلال :لا مش تهد”يد يا بنتي والله مصلحتك مهمة عندي علشان كدة اسمعي كلامي..
نبض :وحياتي؟!شغلي؟!
جلال :جوزك هيعملك كل اللي انتي عايزاه..
نبض :ولحد امتي هنفضل متجوزين؟!
جلال :مفيش واحدة بتطلق يا نبض..
نبض بصدمة):انت مجنو”ن؟؟؟؟؟؟؟
نبض :انا مستحيل اكمل حياتي مع شخص معرفش عنه اي حاجة و لا بيربطني بيه غير ورقة..
جلال :نسافر بس يا نبض…اطلعي ساعدي ثريا يلا..
نبض طلعت بغضب لاوضتها وقعدت علي السرير تهز رجليها بعصبية..
ثريا :طلعتلك طقم تلبسيه يا حبيبتي..
نبض :شكرا يا ثريا..
نبض دخلت الحمام اخدت شور طويل وخرجت تغير هدومها..
لبست فستان ل بعد الركبة باللون الاسود ب كم بس مبين كتفها ورقبتها ولبست بوت بكعب باللون الاسود ولبست جاكت باللون الابيض طويل لغاية بعد الركبة بطول الفستان…سيبت شعرها علي ضهرها وكتفها..حطت روچ احمر غامق وكحل حدد عينيها”..
نبض نزلت ل تحت وهي مش طايقة نفسها وطلعت ركبت العربية..
جلال :نبض ا..
نبض :لو سمحت مش عايزة اتكلم..
-نبض سندت برأسها علي شباك العربية وغمضت عينيها,بعد فترة وصلوا للمطار ونزلوا ختموا الباسبورات..
نبض بصت ببرود ل جلال..
نبض :تحت امر سيادته انا..
ركبوا الطيارة جلال في كرسي لوحده ونبض وثريا جمب بعض…
نبض غمضت عينيها ونامت نوم عميق فاقت لما ثريا بدأت تصحيها..
ثريا :نبض نبض..
نبض :وصلنا؟!
ثريا :اه..
-نبض طلعت نضارتها ولبستها ونزلوا اول ما نبض نزلت علي ارض المطار غصب عنها ابتسمت لانها عارفة كتير عن مصر و كان نفسها تيجي..
جلال :الصعيد هتعجبك اكتر..
نبض :معنديش شك بس الاشخاص معتقدش…
ركبوا العربية و بعد فترة وصلوا للصعيد..
_في الصعيد..
هدي بفرحة:يلا منك ليها بنت جلال جاية…
شربات:هي مين دي يا اما
هدي بفرحة:بنت جلال ابني يا شربات…
ولا مرة شوفتها ولا شوفت امها بقالي فترة,اخر مرة شوفت حياة لما كانت حامل في بنت جلال..
هدي:ربنا يسامح اللي كان السبب..حتي جلال مش بيكلمني زي الاول..
علا:معلش يا اما…اهي هانت كلها ساعات وتيجي..
ملك:اكيد جمالها عادي يعني…
زهرة:هنشوف…
ورد:يلا كملوا شغل…
كل الستات كانت بتشتغل وبتعمل الاكل وجابوا خدامين ينضفوا البيت…وكانت هدي مبسوطة اوي..
_عند الرجالة
عادل:لما تيجي مرتك يا رعد بعدها بيومين هتبجي الليلة الكبيرة…
عادل:لازم نكسر عين عائلة الشرقاوي..
عمر:اكيد يا ابوي
بلال:جلال هيفضل يا ابوي ولا هيرجع؟!
عادل:معرفش يا بلال..
عمر:في حاجة يا بلال؟!
بلال:لا مجصدش اجصد اني اتوحشته
بلال:عايز اجعد معاه وقت اكبر..
ادهم:هيجي وهنتكلم معاه كلنا يا عمي..
ادم:شايف الكل بيعمل علشان مجيتهم..
عادل:جلال مجاش من 25 سنة يا ادم
ادهم:ده كله!!!!!!!
عمر:ايوه ربنا يسامح اللي كان السبب…
حارس:عادل بيه عادل بيه جلال بيه وصل…
-الكل قام بلهفة نوعا ما…
رعد قام بكل برود حاطط ايده في جيبه وايده التانية ماسك بيها السيجارة..
الرجالة كلها خرجت بره…
الستات كانوا مستنينهم قدام عتبة البيت…
_بره..
العربية وصلت وفي حارس نزل فتح ل جلال وحارس فتح ل نبض وثريا نزلت…
ادم وادهم ركزوا مع نبض اول ما نزلت..النضارة كانت مخبية ملامحها…
جلال بفرحة:ابوي
جلال راح ل عادل وباس ايده وحضنه جامد..
جلال:اتوحشتك جوي
عادل:حمدلله بالسلامة…
عمر:حمدلله بالسلامة يا جلال..
جلال:ازيك يا اخوي
جلال حضن عمر جامد وراح حضن بلال..
بلال:نورت بيتك يا جلال..
ادم:نورت يا عمي..
ادهم:النور رجع والله..
جلال:علي ما اعتقد انت ادم لما مشيت كنت انت لسة مولود…
ادم:ايوه انا يا عمي…
ادهم:انا ادهم يا عمي اخو ادم..
جلال:اهلا يا ادهم…
جلال:ازيك يا رعد..
رعد:اهلا يا جلال بيه..
جلال:نبض تعالي..
نبض قلعت النضارة وقربت من جلال..
ادم بصدمة:يا نهار!!!!!! دي عيونها خضرة يا عم..
ادهم بصدمة:ايه الملاك اللي انا شايفه ده..
ادم:اسكت دي قربت مننا…بس البت يعني استغفر الله العظيم..
ادهم:احترم نفسك رعد واقف جمبنا..
جلال:سلمي علي جدك يا نبض..
نبض :اتمني انك تكون فاكر اني معرفش عربي..
جلال بالتركيه:سلمي علي جدك..
نبض قربت من عادل لقته مد ايده ليها بمعني تبوسها…نبض بصت ل جلال..
جلال(بالتركية):يلا يا نبض..
نبض باست ايد عادل وحطت ايده علي جبهتها”زي التركيين”..
جلال:عمك عمر وعمك بلال
نبض قربت وسلمت علي عمر وبلال..
جلال:ولاد اعمامك ادم وادهم…
ثريا(بالتركية):ولاد عمك يا نبض..
نبض(بالتركية):تشرفت بمعرفتكم..
ثريا:بتقول انها تشرفت بمعرفتكوا..
نبض سلمت علي ادم وادم مسك في ايديها جامد وكان باصص في عيونها..
نبض قربت من ادم..
نبض بهمس:عينك علشان مشلهمش ليك..
“نبض كانت بتتكلم عربي بس مكسر نوعا ما”..
ادهم و ادم بصوا ل بعض بصدمة وادم ساب ايد نبض فورا…نبض سلمت علي ادهم..
ادم(بصدمة وهمس):مين دي يا عم؟!
ادهم(بصدمة):وحياتك ما اعرف..😂
جلال:رعد…
نبض قربت من رعد ووقفت قدامه ورعد رفع عينيه في عينيها..
نبض بصوت واطي:رعد عمر السيوفي..مش بطال طويل مش مشكلة..عيونك مش ملونة هنعديها..عندك عضلات اممم يعني طيب عادي مش بطال..
-رعد رفع حاجبه غصب عنه وبصلها باستغراب..
نبض:طيب تشرفت بيكوا..
عادل:تعالي الحاجة مستنياكي..
ثريا وجلال بصوا ل بعض بصدمة..
نبض دخلت واول ما دخلت لقت هدي اخدتها في حضنها و قعدت تبوسها كتير..
ملك بصدمة:الحقي يا خيتي البت كيف البدر المنور..
زهرة بصدمة:دي شمعة يا بنتي شمعة..
زهرةبصدمة:هو في حلاوة اكدي😳
ملك :انا مصدومة..
نبض(بالتركية):اللعنة..
نبض:يا طنط طنط…
هدي بفرحة:اتوحشتك جوي جوي يا نور عيني..
هدي بفرحة:جلال حبيبي..
جلال حضن هدي وباس ايديها ورأسها..
جلال:وحشتيني يا اما
هدي(بدموع):حبيب جلب امك..
هدي:بنتك كيف الورد ما شاء الله..
هدي قعدت تملس علي شعر نبض..
هدي:سلمي علي مراتات عمك يا بنتي..
هدي:بنتك اسمها ايه يا جلال؟!
جلال:نبض…
شربات:ايه الاسم الما”يع ده؟!
هدي:اسم جميل يا حبيبي..
هدي:دي ورد مرت عمك
نبض:تشرفت بيكي..
ملك وزهرة ضحكوا علي طريقة كلام نبض..
هدي:و دي مرت عمك علا..
نبض:تشرفت بحضرتك..
هدي:ودي مرت عمك شربات..
نبض:اهلا…
هدي:ودول ملك وزهرة بنات مرت عمك ورد….
نبض:هاي..
زهرة:وعليكم السلام ورحمة الله وبركاته..
نبض:وده؟!
نبض شاورت علي يوسف اللي كان واقف في ركن لوحده و ساكت..
هدي:و ده ولد عمك يوسف ولد علا
نبض قربت من يوسف ومدت ايديها ليه..
نبض:هاي انا نبض…طريقة كلامي مش طبيعية نوعا ما بس يلا اهو علي قدي..
نبض:قولي انت في سنة كام ولا عامل ايه ولا ايه نظامك؟!
يوسف لا رد….
علا:احم معلش يا حبيبتي اصله ابكم..
نبض:لا ولا يهمك يا طنط هو عسول وجميل ربنا يخليه ليكي..
مسعد:زهرة ت..
مسعد:مين دي؟!
زهرة:دي بنت عمي جلال يا مسعد..
مسعد نزل وقرب من نبض وسلم عليها..
مسعد:تشرفت بمعرفتك جدا..اسمك ايه؟!
نبض:ايدي..
مسعد:حاضر..
نبض:اسمي نبض..
مسعد:احلي اسم…و..
عادل بحدة:يلا علي الوكل
الكل راح قعد علي السفرة الا نبض..
جلال:تعالي يا نبض..
نبض:طيب…
نبض راحت قعدت جمب يوسف وبصتله وابتسمت..
الكل بدأ يأكل…نبض بعد ست دقايق بالظبط..
نبض:الحمد لله..
هدي:ايه يا بنتي ده؟!انتي وشك اصفر ورفيعة كيف العصاية ..اجعدي كملي وكلك
نبض:لا يا طنط تسلمي..
ملك:اسمها جدة..
نبض لا رد..
نبض:ممكن الحمام؟!
علا:تعالي يا حبيبتي..
نبض:شكرا يا طنط..بعتذر هتعبك معايا..
علا خدت نبض ونبض غسلت ايديها ووشها..
نبض:شكرا..
علا:و لا يهمك يا حبيبتي..
نبض باست خد علا وحضنتها..
علا:تعالي اطلعك اوضتك ترتاحي..
نبض:طيب..
ثريا:خليكي يا مدام علا انا هطلع نبض..قوليلي بس الاوضة فين؟!
نبض:لا يا ثريا انتي تعبانة زيي اطلعي انتي كمان ارتاحي..
هدي:روحوا يلا يا جماعة بقي..
علا ودت ثريا اوضتها وودت نبض اوضتها..
-نبض قلعت الجاكت بتاعها ورمته علي الكنبة ورمت نفسها علي السرير كانت تعبانة وجسمها تعبان..
_تحت…
عادل بغضب:هتجبلنا العار ولا ايه يا جلال؟!
جلال:يا ابوي نبض مش زي زهرة ولا ملك نبض غير الكل…و اتربت في بيئة غير هنا..
عادل بغضب:الرباية في كل وجت
جلال:انا مربيها علي كل حاجة حلوة ونبض من انقي الشخصيات اللي هتقابلها..
جلال:نبض متربية احسن تربية وعارفة الاصول..
جلال:متحكموش عليها من اول مرة..
جلال:اوضتي كيف هي يا اما؟!
هدي:ايوه يا نور عيني…جومي يا ملك مع عمك..
جلال:لا انا عارف الطريق..
جلال طلع لاوضته وغير هدومه ونام…
_عند الباقي..
هدي:براحة شوية يا حاج…
عادل بغضب:مش عايز اسمع صوت حد..
عادل قام وسابهم وكل واحد قام لاوضته..
_آخر الليل..
نبض قامت من نومها ولقت ان الليل جه قامت من علي السرير وبدأت تبص علي الاوضة لقتها اوضة جميلة عجبتها…
نبض دخلت الحمام غسلت وشها وخرجت غيرت هدومها…
“نبض لبست بنطلون اسود مقطو”ع من عند الركب بسيط…و فوقه تيشيرت اسود وفيه قلوب باللون الابيض بكم لغاية الخصر ولبست كوتشي ابيض عالي نوعا ما…رفعت شعرها كحكة ونزلت كام خصلة من شعرها وحطت روچ هادي جدا و جميل”..
نبض فتحت باب اوضتها وخرجت لقت الدنيا ضلمة نزلت علي السلالم وخرجت للجنينة..
-نبض كانت هتخرج من القصر كله لقت يوسف قاعد بيبص للسما وبيعيط بصمت نبض قربت منه وقعدت جمبه وبصت قدامها..
يوسف مسح دموعه بسرعة وبص في الارض..
نبض:السما جميلة..
نبض:النجوم بتدينا امل..
نبض:تعرف ان كل حاجة في الدنيا حلوة احنا بنخلي الدنيا وحشة…حب الدنيا هتشوف حلاوتها..
نبض:انت جميل وباين عليك انك جميل اوي وكيوت..
يوسف بتقطع: اا ا ن ا ا..ان ا..
نبض بصدمة:انت بتتكلم!!!!
يوسف بتقطع:اا ا هه اه.
نبض:مش قولت ليهم ليه؟!
يوسف بتقطع:ع عل لش شش اااا ان اا ا ن ا ا مم مل يي شش لل ااا ا ز مم ة(علشان انا مليش لازمة)..🥺
نبض:مين قال كدة؟!
يوسف بتقطع:مم م تت قو لل يي شش لل ح دد(متقوليش ل حد)
نبض : بس السكوت ….
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية قسوة الرعد)
