رواية قسوة أمير العشق الفصل الخامس عشر 15 بقلم منة سمير
رواية قسوة أمير العشق الجزء الخامس عشر
رواية قسوة أمير العشق البارت الخامس عشر
رواية قسوة أمير العشق الحلقة الخامسة عشر
هاله بتعجب :ايه ال معور شفايفك كده يا أيتن
أيتن بتوتر : مافيش يمكن عضيت عليها من غير ما اخد بالي
هاله : نفسي تبطلي الطبع بتاعك ده وتبطلي تعضي في شفايفك مش شايفه متعورين ازاي
ايتن : خلاص يا ماما ارجوكي انا مش عايزه اتكلم
هاله بتنهيده : عارفه يا حبييتي عشان كده جبتك هنا وعلى فكره انا لقيت حل خلاص
ايتن بامل ‘: هسافر
هاله : لا تسافري ايه.. انتي ناسيه ان ابوكي يقدر يوصلك لو سافرتي هو عارف أمريكا حته حته يا آيتن
ايتن : مش شرط أمريكا هروح اي بلد تانيه
هاله : وبعدين إجراءات سفرك دي هتاخد وقت وانتي بتقولي أن عبد العزيز قال انه هيجوزك لسليم انهارده وانا كمان بصراحه مش هطمن عليكي ابدا وانتي مسافره مكان اول تروحيه ولوحدك
وتابعت حديثها بتوتر قائله
عشان كده مافيش غير حل واحد
ايتن بحذر : وال هو؟؟؟
هاله بحزم : تتجوزي امير ابن عمك ده الوحيد ال هيقدر يقف لابوكي ويحميكي من سليم..
…
الضحكه راحت من على وشه وحل محلها الصدمه والحده لينتفض قائلا
أمير بغضب /ااا اتجوززززز…. وااايتن يا ماماااا وهعمل كده عشانك ليه ايه السنيوره لفت علي حل شعرها وجايالي انا عشان استر عليها
لا ممكن واحده زي تكون على ذمتي ابدا
انجي بصدمه :انت بتقول ايه ايتن اشرف من الشرف يا أمير عييب تقول عليها كده
انا بقولك هتعمل كده عشاني لاني عارفه انك بتكره ابوها ومش بتحبها
بس انت حبل النجاه ليه الوقتي
أمير بحده : حبل النجاه ليهااا من ايييه؟؟ هي لحقت تخدع فيكي انتي كمان
واتجوزها ليه والبرنس سليم الشرقاوي متفق مع ابوها على جوازهم
انجي : لان ابوها اناني مفكرش غير في نفسه وبس وجبر ايتن انها توافق عليه
وسليم ده شخص مريض ومش سوي
كل ال همه فلوس سليم وابوه والمشاريع ال وعده بيها لما يتجوز ايتن
وبيغصب عليها بطريقه مش آدميه خالص انها توافق عليه
أمير في سره بسخريه : وبيغصب عليها؟؟ على اساس ان ده كله مش على هوي ايتن هانم
أمير : هي ال قالتلك انها مش عاوزه تتجَوزه!!!
انجي بتأكيد : ايوا ي ابني دي ابوها كان هيموتها بس هي معانده ورفضته برده
وقالتليه يموتها ولا تتجوز شخص مريض ومعدوم الإنسانيه بالشكل ده
أمير كز على أسنانه بغضب ومتكلمش ومش عارف غير حاجه واحده بس..
ان ايتن كذابه؟؟؟
ايه ال خلاها ترفض فجأه جوازها من سليم وهو متأكد انهم على علاقه سوا وببعض
وايتن قالتلها في وشه انا لو كان في أيدي أاذيييك هعمل كدا وهتردد
انفعالها على كلام امير في وقت غضب خلاها تقول الكلام ده وده ال زود يقين أمير اكتر انه كان علي حق…
والكره والعداوه بينهم زادات ولسه بتزيد أضعاف… واضعاف
انجي لمحت طيف ابتسامه على وشه وكان بيفكر في حاجه
استغربت رده فعله شويه ولسه هتساله
لاقيته قال بكل هدوء وعيونه بتلمع ببريق
خبث : ماشي… انا موافق اتجوزها… بس عندي شرط
انجي قطبت حاجبيها باستغراب : شرررط ايييه؟؟؟
أمير بصرامه : هتعيش معايا في شقتي مش هنقعد في الفيلا
انجي : بس…
أمير بمقاطعه : من غير بس يا ماما… دا ان أيتن وافقت اساسا على جوازها مني
وقال في نفسه : سليم هيكون رحمه ليها عن جوازها مني
ايتن انا عارفاها كويس مش هترمي نفسها في النار وبرجليها
انجي بحزم : هتوافق…
أمير بسخريه : معتقدتش
والا تبقى غبيه لو عملت كده
…
#رَوايه #قسوه #امير #العشق #بقلم #الكاتبه #المبدعه #منه #سمير
هاله: ايتن استنى واسمعيني.. ااايتن استنى
ايتن وقفت وقالت بغضب : اسمعي بقا يا ماما انا اهونلي افضل كدا بتعبي ده مع بابا ولا اني اتجوز واحد زي امير ده
انتي عاوزاني اروح للموت والجحيم برجلي
هاله : بالعكس يا حبييتي أمير هو ال هيحميكي من كل ده انا عمري ما هامن عليكي غير معاه
ازاي عايزانى اسيبك لأبوكي وهو عايز يسلمك لواحد خطفك ومريض نفسي زي ما انتي بتقولي
انتي لو حصلك حاجه انا ممكن اموت فيها
ايتن صرخت بغضب : وانا هموت نفسي لو بقيت مراته افهمي بقا أمير مش ملاااك دا أحقر من سليم الف مره
انتي متعرفهو ش على حقيقته
هاله جرت وراها : ااايتن ااايتن استنى انتي رايحه على فين
أمير كان ماشي مع انجي واصطدموا في طريقهم بهم
انجي : في ايه بتجري كدا ليه
هاله بنهجان وخوف : أيتن سابتني وطلعت تجري معرفش راحت فين
انجي بقلق : الحقها يا أمير بسرعه
…
أمير دور عليها في المول مكنش لاقي ليها اي أثر
برا ايتن كانت ماشيه بسرعه وهي بتعدي الشارع ومش واخده بالها من العربيات ال ماشيه بسرعه
ومش بتبص على الطريق ماشيه بلامبالاه
لحد ما قربت عليها عربيه مره واحده وزمرت ليها جامد ولسه هتخبطها بس لاقيت ايد سحبتها فجأه
تاوهت ايتن بألم لانها اصطدمت بصدره القوي العريض
أمير بحده : انتي عاميه مش بتشوفي قدامك حد يمشي في نصف الشارع وسط العربيات كدا
عايزه تموتي نفسك ولا تنتحري
أيتن نفضت نفسها عنه بقرف وغضب : وانت مالك…. امشي زي ما انا عاوزه… ان شاء الله اموت خليك في نفسك وملكش دعوه بيا
امير قرب منها بغضب :لا يبت انا ال هموت والزق فيكي اوي
ما توولعي انتي ولا تفرقي عندي
ايتن بغضب وعصبيه : دا انت سافل ووقح وقليل الأدب كمان ومش متربي
اي الفاظك البيئه ال شبهك دي
امير مسك ايدها بغضب : بت انتي…. لمى نفسك ولمي لسانك بدل ما ارنك علقه تحلفي بيها قدام امه لا اله الا الله دي
اااايتن…. الحمدلله انك لقيتها
قالتها هاله بهلع
انجي :، انتي كويسه ي حبييتي
ايتن بصت لأمير بقرف : كويسه
امير بتوعد داخله : وحياه امي لاوريكي ازاي تبصي كدا
بس فاق على صوته انجي وهي بتقول : ايتن يا حبييتي انا عرفت ان هاله قالتلك على اقتراح جوازك من امير
ها ايه رايك؟؟
هاله برجاء : فكري يا ايتن عشان خاطري كويس مينفعش نرجع البيت الا لما اخد منك رد
ايتن بنبره قاطعه : لاء…. لو اخر واحده في الدنيا مش هتجوزه…. نار ابويا ولا جنه ابن عمي…. قالتها بسخريه شديده
امير همس لها بتوعد؛ : ابوكي هيكون رحمه ليكي مني على ال تشوفيه لو بقيتي مراتي يا أيتن
انجي : يا حبييتي فكري وانا اوعدك ان امير مش هيضايقك ولا يعترضلك في حاجه
امير بغضب : انتي بتتحايلي عليها؟؟ ان شاء الله عنها ما وافقت انا عامل احترام ليكي يا ماما من الاول عشان كدا انا ساكت والموضوع زاد عن حده واقترب منها بحده وقال : انا عاوز اعرف بقا انتي بترني وتتفردي دا انتي في حياتك متحلميش بجوازه زي دي
ايتن : اكيد عمري ما هحلم بيها لان ال تتجوزك دي بمثابه عقاب الدنيا ليها
انت فاكر نفسك ايه ولا مين عشان تبقى بالغرور ده كله
امير ابتسم بسخريه : انا ال القدر خلاكي تلجأ ليه يا حلوه لان انا مصيرك وقدرك ي أيتن…
والدنيا اتسدت في وشك كلها ومبقاش قدامك غيري…
عرفتي انا مين… انا أمير يوسف البارودي يا أيتن عبد العزيز البارودي… يا بنت عمي…
أيتن بصت على مامتها بذل وقهر انها بقت مكشوفه ومذلوله لأمير عشان يحميها…
بس وقفت في وشه وقالت بكبرياء : الله الغني عنك وعن خدماتك وانا عمري ما هلجأ لواحد زيك لو ايه ال حصلي
وانت عمرك ما هتكون قدري يا أمير
ربنا عمره ما هيعاقبني العقاب دا ابدااا
لو ماما كلمتك وقالت ليك كدا فانا مكنتش عارفه اي حاحه من الكلام ده واتفجأت زي زيك…
وتفاجأت اكتر انها كانت شايفه فيك بني آدم جدع وشهم وراجل بجد يقدر يحميني عشان كدا وافقت… وتكلمك…
لأنها متعرفكش على حقيقتك
ابتسم بحده وقرب منها بخطوات مرعبه
انجي بصت عليه بقلق لأنها عارفه كويس امير لما يضحك كدا يبقى هيعمل مصيبه بعدها
مسكته بسرعه : أمير احنا في الشارع
أمير بتشفي : وانا هعمل ايه دا انا كنت هوري طنط حقيقتي زي ما الهانم بتقول…
هاله : ممكن كفايه انتوا الاتنين…. ال بينكوا ده سوء تفاهم بس احنا معندناش وقت اساسا اننا نتناقش
ياريت تفكروا بعقل شويه
أمير : هتفكر ازاي وهي معندهاش عقل اصلا
ايتن بغضب : شايفين قله أدبه
امير بغضب : مين ده ال قليل الادب يا بت انتي ماتتلمي
انجي : باااااس كفاااااايه
ارجوكوا خلونا نخلص من الموضوع ده بقا
هاله : الناس كلها اتفرجت علينا
انجي : أمير ممكن نقعد عشان نعرف نتكلم
امير مسح على وشه بنفاذ صبر وغضب : اتفضلي يا ماما
…
راحوا قعدوا في مكان وانقسموا لجانبين
الجنب الأول امير مع هاله
الجنب التاني انجي وايتن
انجي : ايتن يعلم ربنا انا بحبك وبخاف عليكي زي ريهام بنتي ازاي وشكل مامتك بيقطع فيا
واديكي شوفتي ال حصل ابوكي معدتش امان انك تقعدي معاه
وسليم ده انتي قولتي عليه انه مريض وخطفك… لو عمل كده معاكي وانتوا مافيش بينكوا حاجه رسمي حتى… مفكر تيش
اومال لما يتجوزك هيعمل فيكي ايه
ووقتها عبد العزيز ولا غيره هيقدر يقف ليه
هيعرف يستغل نفوذه كويس ووقتها هيكون ليه الحق في كل حاجه لانك هتكوني مراته
عارفه ان فيه بينك وبين ابني أمير مشاكل وخناقات وسوء فهم كتير وهو لما يتعصب مش بيشوف قدامه
بس في الأول وفي الاخر دا ابن عمك ومحدش هيخاف عليكي قده ولو فكر في يوم انه يزعلك او يعملك حاجه انا ال هقف في وشه
…
هاله : يا أمير انا جميلك ده هشيله فوق راسي العمر كله ومش هنسي ال انت هتعمله مع بنتي
بس عشان خاطري يا امير خلي بالك منها… انا ماليش في الدنيا دي غيرها
أمير ابتسم بحده وغموض : دي في عنيا يا طنط… متقلقيش…
(واد يا أمير ناوي على ايه انا مش مطمنالك 🤔)
…
انجي بترقب : هااا ردك اييي؟؟؟
ايتن بتنهيده كبيره كان في تقل على صدرها
بصت على هاله بعدين بصت لانجي : موافقه… يا طنط… بس عندي شرط
انجي ابتسمت عنوه عنها : انتي كمان… وايه هو يا ايتن انتوا الاتنين نفس الدماغ على فكره
والاسلوب والطريقه
ايتن بحذر :، الجواز هيكون لمده 3 شهور بس لحد ما اقدر اظبط اموري برا بعيد عن بابا واسافر واتأكد ان سليم بعد عني ونساني خلاص
انجي بتعجب
واستغراب :، 3 شهوررر؟؟؟
أيتن : اه هو ده شرطي!!!!
انجي : وشكلك هيكون ايه يا ايتن لما تكوني عروسه وتطلقي بعد 3 شهور
ايتن بحزن : معدتش بهتم يا طنط خلاص انا شكلي وسمعتي ابويا دمرها وخلاها في التراب
اذا كان ابويا مفكرش فيا وفكر في مصلحته… الغريب هيقول عليا ايه؟؟
مبقتش مستنيه حاجه حلوه منهم… بعد ما شوفت الاسوأ مبقتش حاجه تفرق معاكي
انجي سكتت بقلق من رده فعل ابنها لما يعرف ان ايتن حط شرط جوازهم 3 شهو وبس؟؟
….
الليل قرررب يخلص يا عبد العزيز ومهلتك معايااا قربت تخلص ياريت تكون واخد بالك من ده
عبد العزيز بقلق : واخد بالي طبعا يا سليم
سليم بحده : ولاقيت حل اتجوز بيه بنتك من غير ما حد يعرف ولا هتشرف بكرا في السجن
عبد العزيز بتوتر :، هه… اااه ط طبعا ي باشا لاقيت…بس ده يعني هيتنفذ في حاله استحاله تنفيذ كل الطرق ال انا هقوولك عليها
مش هيكون قدامنا حاجه غير اننا نحطها قدام امر واقع
سليم بحده : انطق…. سمعني
عبد العزيز /
سليم ابتسم بخبث وعجبته الفكره اوي وووو
…
استنى…. اوقفها بصوته الحاد
وجاب حاجه في ايده
أمير بحده : هو انا مش بقولك استنى ولا انتي طرشه
ايتن : لم الفاظك معايا يا أمير
امير بسخريه : ولو ملمتهاش يا قلب امير هتعملي لي ايه احب اعرف
وشوح ليها شنطتها : امسكي
هديه من حبيب القلب
نسيتها عنده وبعتها اوصلهالك…
ايتن بقلق : سليم؟؟ هو انت بتكلمه
امير ابتسم وعيونه ضلمت بغضب شديد : ده حبيبي
ايتن برقت بصدمه : حبيبك!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قسوة أمير العشق)
