رواية قدر قلبي الفصل العاشر 10 بقلم ندى أحمد
رواية قدر قلبي الجزء العاشر
رواية قدر قلبي البارت العاشر
رواية قدر قلبي الحلقة العاشرة
بصوت عالي – انا كنت بفتري عليه !!
لحظات من الصمت و نظرات الاب و مروان الي كلها استغراب وصدمه
مروان راح ناحيتها و هزها جامد
~ انتي بتقولي كدا عشان تنقذيه صح !!! اكيد مش هتفتري عليه افتراء زي دا !!
-لا دي الحقيقه ..
مروان سابها و راح لدوروك الي كان لسا مقامش من عالارض
حاول يقومه بس دوروك زقه بعيد عنه
~ دوروك انا اسف … انا اسف بجد ..
دوروك قام من عالارض وخرج من القصر
~ دوروك عمره م هيسامحني .. عمره !!
وراح لاوضه ندي و اخد الشنطه من دولابها و بيحط فيها لبسها
~ يلا عشان هتروحي بيت ابوكي … هقوله ميلزمنيش واحده كدابه و مفتريه و بتحاول توقع بيني وبين اخويا
اما ندي فمكنتش زعلانه حتي علي انها راجعه بيت باباها
> استني بس يا مروان … متستعجلش كدا ..
~ مستعجلش !! بابا انت بجد بتعتبر دوروك ابنك ولا قررت تعترف بيه عشان ضميرك بس ؟! لا بجد قولي الحقيقه
> متقلقش هنصالح دوروك بس لو رجعتها بيتها تاني ف خلاص كدا انتهي موضوعكم .. انتهي للابد
~ حتي لو انتهي .. هي هترجع لبيت ابوها يعني هترجع و هتقضي فتره خطوبتنا هناك يمكن ابوها يعرف يربيها و ان شاء الله بقا لما تقرر انها مستعده لجوازنا هبقا اجيبها من هناك علي شقتي
> براحتك ..
مروان اخد الشنطه بعد م حط الهدوم فيها وحطها فعربيته
~ يلا يا هانم عشان اوصلك لبيت ابوكي
و ركبت معاه العربيه وهي ساكته
-انا مش عايزه نكمل مع بعض .. مش عايزاك
مروان عمل نفسه مش سامع
~ هستني رسالتك لما تكوني مستعده للفرح
وصلو بعدها لعماره ابو ندي و خبط علي باب شقته
الاب فتح
¥ نعم عايز ايه
مروان مسك ندي من دراعها جامد و رماها جوه الشقه
~ بنتك اهي عندك لغايه الفرح
الاب نزل عالارض ومسك دراع ندي و رماها برا الشقه
¥ معنديش بنات للاسف وبعدين انا عريس جديد و مراتي هتتضايق .. اتصرف انت بقا سيبها نايمه فالشارع ولا ارميها ف اي حته ميخصنيش
وقفل الباب
اما ندي فكانت ملامحها جامده ومكنتش بتبدي اي رده فعل
~ حتي ابوكي مش عايزك .. مين الي هيعوز واحده مفتريه وكدابه و انا الي طول الوقت دا فاكره ظالم و كمان رحت ضربته وبهدلته
بس مكنتش بترد عليه
هزها جامد
~ متردي ساكته ليه !!
ببرود -عايز ايه
بغضب ~ عايز ايه !! انتي ازاي بارده كدا !!
خرجو من العماره و حط شنطتها تاني فالعربيه
بس وهو بيحط الشنطه ندي انتهزت الفرصه وجريت من غير ميشوفها
فضل ساعه كامله يدور عليها فالاماكن الي حوالين بيتها بس معرفش يلاقيها و اصلا كان الوقت الساعه ٢ بالليل يعني متأخر جدا
بعدها روح بيته بعد لما يأس من انه يلاقيها
قعد عالكنبه وهو مش عارف يعمل ايه
بيرن كتير علي دوروك ومش بيرد عليه و ندي مش عارف راحت فين
اما الاب فنزل من بيته اول لما مروان اخد ندي و راح لشقه دوروك القديمه ومكنش موجود فيها و فضل يلف فالشوارع زي المجنون وهو ندمان جامد علي معاملته لدوروك بالشكل دا وكمان انه مصدقهوش وكان بيتردد فباله كلام دوروك لما قال للاب انه موافق يعتبره ابوه بس بشرطين وهما انه يكتبه ب اسمه و انه ميفرقهوش عن مروان فالمعامله
مروان نام علي نفسه وهو عالكنبه من التعب
و صحي الصبح ودخل اوضه باباه بس مكنش موجود
رن عليه
~ بابا فينك من امبارح !!
> بدور علي دوروك
~يا بابا استهدي بالله بس وتعالي البيت و هنلاقيه اوعدك
الاب قفل المكالمه ف وشه
مروان بعدها كان بيفكر هيعمل ايه .. يا تري الاتنين راحو فين
اما ندي ف لما هربت من مروان جريت مسافه كبيره بعيده عنه وبعدها فكرت فمكان تنام فيه و قررت انها هتنام فحمام عام لانه يعتبر اامن مكان بالنسبه ليها
صحيت علي صوت خبط فالحمام
و بعدها خرجت من الحمام وبتفكر هتعمل ايه .. هي كان واجعها اكتر حاجه ظلمها لدوروك اكتر من ان هي حاليا معندهاش بيت وكمان موقفها قدام مروان وابوه وحش اوي
افتكرت وقتها الداش بارتي الي تيم البروجيكت عملها
وكانو وهما بيتفقو عالمكان كل واحد بيقترح مكان
ف دوروك اقترح يعملوها فالملاهي و وقتها كلهم ضحكو علي اقتراحه بس هو قالهم ان دا اكتر مكان بيحبه
قررت هتبدأ تشوف مدينه الملاهي الاول
راحت هناك و كانت كبيره جداا … هي مرحتهاش قبل كدا لان ابوها مكنش بيرضي
فضلت تتمشي فيها وهي مزهوله من الالعاب وجمالها كأنها طفله
لغايه لما لمحته قاعد علي كرسي و بيتفرج عالاطفال الي رايحه وجايه وهما مبسوطين
كان مركز معاهم لدرجه انه ملاحظش ندي الي قعدت جمبه
-هتفضل باصص عالاطفال كتير ؟
=هاه !! ايه دا انتي جيتي هنا امتي
-من شويه صغيرين
= نعم عندك افتراء تاني عايزه تفتريه عليا ؟
-انا الي عارفه ان الي عملته مصيبه اصلا و انك مش هتسامحني عليها ابدا بس انا بجد كنت بقول دا كتهديد مش اكتر ومكنتش ناويه اعمل كدا بس انت عصبتني لما مرضيتش تخرج و فجأه لقيتني بقول الكلام دا
= مفيش حاجه تبرر الي عملتيه .. ولو سمحتي سبيني وحدي
-انت ازاي لسا معالجتش جروحك! افرض اتلوثو ؟!
= انا عايزهم يتلوثو سبيني فحالي بقا
قامت من جمبه و هو افتكرها هتسيبه وتمشي فعلا
بعدها بعشر دقايق رجعتله تاني وهي معاها شاش وقطن وبيتادين
-كويس ان كان معايا فلوس فجيبي
=يستي قولتلك مش عايز حاجه منك !!
-سبني عالاقل اعالج جروحك يمكن تأنيب ضميري يهدي شويه
= انا مش عايزه يهدي .. عارفه ليه المكان دا هو المفضل عندي ؟!
-ليه
= لان من وانا فالملجأ وانا بشوف مدينه الملاهي فالكتب بس عمري م رحتها .. كنت بقول للمشرفه علينا كل سنه وهي تقولي دي غاليه و اوعدك السنه الجايه هوديك انت و زمايلك .. بس كانت بتكدب .. سنه ورا سنه وانا كل امنيتي فكل عيد ميلاد هي اني اجي مدينه الملاهي ولو لعشر دقايق بس .. اشوفها عالحقيقه بس .. وكنت دايما بقول لنفسي ان لو كان ليا اهل كان زماني بروح كل سنه مره عالاقل .. و دا السبب الي مخلانيش اسيب بابا لما عرفت انه طلب ايدك ل مروان بدالي.. لان محبتش اضيع احساس العيله الي طول عمري كان نفسي اعيشه .. يكون عندي بيت دافي و عيله بنقعد عالسفره ناكل و نحكي مشاكلنا وهمومنا ونشوفلها حل و بعد لما خلاص بدأت علاقتي بعيلتي تتحسن انتي جيتي بوظتيها
-عارفه ان الي عملته مش هيتعوض و مش ممكن تسامحني عليه بس اوعدك انك لو ادتني بس فرصه اني اخليك تسامحني هرجع علاقتك بعيلتك زي م كانت
= الفكره كمان انك فوقتيني من حلم جميل و بينتيلي اد ايه عيلتي مش بتثق فيا ولا فكلامي وشايفني شاب مش كويس .. انا كنت زي الي بينيم نفسه مغناطيسيا عشان يعيش الحلم الي هو عايزه
-انا بجد مش عارفه ارد اقولك ايه ..
= متقوليش حاجه .. سبيني بس لوحدي شويه
-انت لوحدك من امبارح علي فكره وبعدين ريح ضهرك عالمسند بتاع الكرسي عشان اطهرلك الجروح
= مصره يعني ؟!
-اسوه ويلا بقا متضيعش وقت
سند عالكرسي و هي بدأت تطهرله الجروح الي ف وشه وهو حاطط عينه ف عينها بس هي كان كل تركيزها عالجروح .. كل لما تشوف جرح صعب وكبير وباين عليه بيوجع تعمل حواجبها زي ايميليا كلارك وهو كان باصص لعفويتها و طيبتها
بعدها فوق نفسه و بص بعيد
= دي الي افترت عليك من غير متصعب عليها ولو للحظه يا دوروك وكمان … هي لسا خطيبه اخوك
خلصت تطهير الجروح الي ف وشه
-ارفع كدا التيشرت وريني الكدمات الي علي بطنك .. هو ضربك برجله جامد علي بطنك وعلي كتفك وعلي صدرك ف وريني
= لا طبعا مش هوريكي وبعدين مفيش حاجه متقلقيش مش حاسس بوجع
-مش قلقانه عليك ولا حاجه .. قولتلك بقلل تأنيب الضمير بس
( هنا حبت تردله الي بيعمله معاها دايما لما بيقولها انه مش بيحبها وانها متهمهوش )
دوروك زعل من كلامها
قام من عالكرسي
= كفايه كدا متقلقيش الي عملتيه كافي لتقليل تأنيب الضمير
-ايه مالك مسكت اوي فالكلمه كدا .. وجعتك صح ؟!
= لا هتوجعني ليه مثلا
-انا كمان مكنتش بتوجعني لما كنت بتشرحلي اد ايه انت مش بتحبني واد ايه انا مش مهمه عندك
( بتوصله كلامها بطريقه ذكيه و هو فهم اكيد وحاول يغير الكلام )
= يلا روحي للقصر انا بقيت كويس( مكنش يعرف طبعا انها اتطردت من هناك)
-مروان وباباك قلقانين عليك .. ياريت تروح
= ندمانين ؟
-ايوه جدا بس هل انت هتسامحهم.؟!
= مش عارف .. تعالي نروح مع بعض
-لا انا هقعد شويه و هحصلك بعدها
=تمام باي
-باي
و مشي وسابها و راح بيته
فتح الباب بالمفتاح بهدوء عشان محدش يسمع طلع فوق و كانو مروان وابوه قاعدين عالسفره وهو استخبي عشان يسمع كلامهم
> دا بسببي انا .. انا الي سكت امبارح و مصدقتهوش .. انا اب قاسي و وحش
~ لا يا بابا متلومش نفسك انا السبب اني اتسرعت ومفكرتش للحظه حتي ان ممكن تكون بتفتري عليه
دوروك بعدها دخل الصاله و سحب كرسي وقعد عالسفره
= انا بس كل امنيتي كانت عيله تحبني وتثق فيا .. كانت امنيتي صعب للدرجه ؟!
الاب و مروان جريو عليه وحضنوه
> متعرفش انا قلقت عليك اد ايه … انا بجد عشت اصعب ساعات فحياتي سامحني يبني
~ سامحني يا دوروك والله انا ندمان جداا
دوروك طيب و قلبه نقي لدرجه انه قدر يسامحهم بالسهوله دي
=مسامحكم بس بشرط
~ ايه ! قول اي حاجه
= تسامحو ندي كمان
> دا مستحيل !! تفتري علي ابني و بعدها اسامحها !
~ بابا عنده حق وبعدين المفروض تحمد ربنا اني اكتفيت اني وديتها لبيت ابوها بس لا دي كمان هربت مني بالليل
-هربت !!
~ ابوها قال مش عايزها و معندهوش بنات ف وانا بحط شنطتها فعربيتي هربت و ملقتهاش تاني
=مش قلقان عليها ! مسألتش نفسك باتت فين ولا اي كان حالها امبارح ؟!
~ بصراحه قلت اكيد راحت بيتها تاني بعد لما هربت مني
=وشايف ان دا حب ؟! انك متدورش حتي عليها رغم ان الوقت متأخر ومعندهاش مكان تروحه ؟!
~ اانا دورت كتير عليها وملقتهاش اعمل ايه مثلا
= انا نازل اشوفها
و دوروك نزل و راح اول مكان مدينه الملاهي يمكن تكون هناك
و لما راح شافها علي نفس الكرسي الي سابها فيه
= مروحتيش ليه ؟!
-عادي شويه كدا هروح
= ندي متكدبيش ! معندكيش مكان تروحيله اصلا !!
ندي مردتش عليه
= كنتي بايته فين امبارح !!
-هيهمك ف ايه
كان لسا دوروك هيتكلم بس ندي سبقته
-اه صح هتقولي اصل انتي خطيبه اخويا ولازم اقلق عليكي … ريح نفسك انا خلاص قولت لمروان اني مش عايزه اكمل معاه ها بقا ايه حجتك دلوقتي للقلق عليا
= استهدي بالله بس وتعالي معايا القصر و مروان هيصالحك .. هو خلاص مش زعلان منك
بضحك -يصالحني ؟!علي فكره انا الي المفروض اطلب السماح مش هو وبعدين الموضوع ملهوش علاقه بحوار امبارح .. انا قررت اني مش عيزاه
= تعالي طيب واتفاهمو هناك
-ماشي هروح بس معاك عشان انهي الموضوع مش اكتر
= الاول قوليلي كنتي بايته فين امبارح
-فالحمام العام
= نعم !!
-يلا بس نروح للقصر عشان ننهي الموضوع
= يلا وهبقا اشوف موضوع الحمام دا بعدين
اتصل بمروان و قاله انه جايب ندي و جايلهم وانهم لازم يسامحوها زي متفق معاهم
*لما وصلو القصر*
= استني قبل لما ندخل القصر
-نعم
= ايه خطتك بعد متسيبي مروان .. هتعيشي فين
-انا بشتغل ف هقدر ااجر شقه لنفسي
= طب وانا
-انت ايه
= لا انتي فهمتي قصدي
-انت بقا يا دوروك خاطب و عندك خطيبتك تهتم بيها
=انتي عارفه كويس ان ساره متهمنيش و اني خطبتها بس عشان اغيظك زي م بتغيظيني
-هنشوف الموضوع دا يا دوروك بعدين .. انا الاول محتاجه وقت كبير قبل لما افكر ف اي خطوبه تاني
= تمام انا هستناكي الوقت الي عيزاه
-بتحبني بجد ؟
= هجاوبك بعد لما تفسخي خطوبتك معاه .. مش عايز ابقا خاين لاخويا
ب ابتسامه -تماام انا اصلا وصلتني اجابتك
دخلو القصر و اتفاجأو بالمأذون قاعد جمب مروان و الاب
دوروك بعدم فهم = ايه الي بيحصل هنا !!
~ قررت انا هكتب كتابي علي ندي النهارده وكمان مفيش فرح .. من النهارده هتكون مراتي ..
= نعم !!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدر قلبي)
