رواية قدر قلبي الفصل الخامس 5 بقلم ندى أحمد
رواية قدر قلبي الجزء الخامس
رواية قدر قلبي البارت الخامس
رواية قدر قلبي الحلقة الخامسة
> استني !!
دوروك اتوقف عن المشي و راح ناحيه الاب
بصوت عالي =استني ايه ها !! هتقولي ايه مثلا .. معلش اصل البنت الي بتحبها خطبتها لاخوك .. معلش اصل هو ابني الي قدامي من صغره اما انت لسا متعرف عليك من يومين .. انت انساني خالص ومتقلقش دا هيكون سهل عليك بما انك كنت ناسيني ٢٣ سنه كاملين . انساني و اعتبر ان ليك ابن واحد بس
وكان ماشي بس الاب مسكه من دراعه
> دوروك افهمني انا اتحطيت فموقف صعب .. مروان مكنش هيرضي يتكلم معايا تاني فحياته لو كنت خطبتهالك انت .. اما انت غيره ..
=اه طبعا انا طيب و بتراضي بسرعه ف قلت اجي عالغلبان الطيب و اعمل للتاني الي هو عايزه !!
> مش قصدي كدا بس انا فعلا كنت قدام خيارين صعبين
=كل دي حجج فارغه و انا عمري م هسامحك علي الي عملته دا
> لو مشيت دلوقتي و سبتني و حبيت ترجع لحياتك القديمه اتفضل امشي .. سيب كل املاكي لاخوك بس و خليك انت عايش فقير وانا متأكد انك مش هتقدر ترجع لحياه الفقر تاني .. وكمان تنسي خالص انك هتكون مدير شركه فيوم من الايام و خليك كدا مجرد موظف فالشركات
= انا بجد مش مصدق اد ايه انت حقير و زباله
باباه ضربه بالقلم
> اخرس !! حد يكلم ابوه كدا !
= يعني من سعت متقابلنا وانت مفكرتش فمره تحضني من نفسك و اول حاجه تيجي علي بالك انك تضربني بالقلم ؟!انا مش عايز منك حاجه !!
ومشي وسابه
فضل يمشي فالشارع ساعات وحتي ميعرفش الوقت الي عدي اد ايه
بعدها قرر انه هيرجع البيت عشان طول عمره كان نفسه ف عيله حتي لو عيله وحشه بالمنظر دا بس عالاقل مش هيكون وحيد و كمان قرر انه هيفضل معاهم لغايه بس لما يأسس حياته الخاصه ( يكون مدير شركات وهكذا) و بعدها هيسيبهم
رجع البيت و فتح باب الڤيله بالمفتاح و طلع اوضته و كسر كل حاجه فيها وهو منهار
بعدها بص لنفسه فالمرايه
=مش انا الشخص الي يحب خطيبه اخوه .. انا مش كدا ولا هبقي كدا .. لازم اتعود انها خلاص بقت ليه هو و اقفل بوقي بالجزمه كمان و دا مش عشان مروان لا دا عشان مخسرش احترامي لنفسي ..
و راح جاب المكنسه و كنس كل الي عمله و رتب اوضته
*الصبح*
راح شغله كأن مفيش حاجه حصلت
ندي اول لما شافته راحت ناحيته
-دوروك احنا لازم نتكلم …
= نعم يا خطيبه اخويا
-دوروك انا مكنتش اعرف ان مروان اخوك ..
= وايه فايده تعرفي او لا
-وكمان شفت رده فعلك امبارح … صدقني انا وافقت عليه لان ابويا اجبرني علي دا .. صدقني مكنش ب ارادتي
= والله يعني دا مش هيغير حقيقه انك خطيبته دلوقتي وكمان كام شهر وهتبقي مراته وعن اذنك عشان مش فاضي و اه صحيح .. الدبله بتاعتك حلوه جدا مبروك عليكي
و مشي وسابها
اما هي ف ندمت انها مكلمتش دوروك و بكل سهوله افتكرته بيتجاهلها .. لو كانت اتكلمت معاه وقتها كانت كل حاجه هتكون مختلفه دلوقتي
~ الحلو سرحان ف ايه
-مروان !!
~ اه مالك اتخضيتي ليه
-لا متخضتش كنت سرحانه بس ..
~ سرحانه فيا صح 😉
-مروان قولتلك مش بحب الطريقه دي
~ طب خلاص اسف .. صحيح انا معرفتش انام امبارح من الفرحه .. و كمان اخدت معاد من باباكي عشان نحدد امتي الفرح
-فرح !! بس انا عايزه وقت يا مروان .. مش حابه نستعجل للدرجه دي
~ بس انا وانتي عارفين بعض بقالنا سنتين .. يعني مش لسا مثلا هتتعرفي عليا و كمان الشقه جاهزه
-الفكره ان انا مش جاهزه يا مروان .. مش جاهزه نفسيا لخطوه زي دي
~ طب خلاص هسيبك براحتك خالص
و بعدها عدي اليوم و روحت بيتها
و اول لما وصلت بيتها شافت عند باب بيتها دبدوب كبير و معاه ورد و اكل
مسكت الكارت عشان تقرأه
‘دي هديه اول يوم لينا واحنا مخطوبين ‘
اخدتهم وحطتهم ف اوضتها واكلت الاكل
كان جايبلها اكل بتحبه و الدبدوب لونه هو المفضل ليها و الورد كمان احلي نوع بتحبه
واستغربت انه عارف عنها التفاصيل دي
بس هي مكنتش قادره تفرح .. هتفرح ازاي وهي بتحب غيره
-انا عارفه يارب اني كدا انسانه ظالمه ومفتريه واني المفروض افرح ان فيه حد بيحبني كدا بس انا بجد مش قادره .. مش قادره اشيل رده فعل دوروك من بالي ولا كلامه معايا النهارده وهو بيحاول يداري كسرته
*اليوم الي بعدو*
كانت مقرره تتكلم مع دوروك تاني بس هو كان بيتجنبها ومش راضي يكلمها
و مروان كان زي اللزقه كدا متابع كل تحركاتها فالشركه
~ لو عايزه حاجه من دوروك قوليلي وانا اوصلهاله
-هاه ؟!
~ اصل شايفك بتحاولي تكلميه طول اليوم وبعدين المفروض تحترمي خطيبك ومتكلميش اي راجل تاني
-بس دوروك زميلي فالشغل واكيد هكلمه فالحاجه الي تخص الشغل
~ لا انا مش عايزك تكلمي اي راجل فالشركه و بعد الجواز هخليكي تسيبي الشغل خالص
-بس انا بحب شغلي يا مروان !!
~ وانا بقولك ان هتقعدي ف بيتك معززه مكرمه
-بس دا تحكم مش حب وغيره !!
~ عموما هنبقا نناقش الموضوع دا بعدين .. ايه رأيك نتعشي النهارده مع بعض ؟
-مش هينفع … ورايا حاجات فالبروجيكت لازم اخلصهم
~ طيب بكرا نروح نتعشي ؟
-مش هينفع بردو .. لازم اجيب كام حاجه كدا
~ بعد بكرا ؟
-مش هينفع بردو
~ قولي من الاخر انك مش عايزه تتعشي معايا خالص
-لا لا مش كدا بس انا
~ لا استني انا هقولك . طبعا لو قلتلك دوروك هيتعشي معانا كنتي وافقتي علطول
-مروان انت كدا بتتمادي جامد .. لو مش واثق فيا ليه خطبتني؟!
~ طالما مفيش حاجه وانا الي بتخيل يبقا مشوفكيش تكلميه تاني سامعه!!
-مروان انت ملاحظ انك بتخوفني منك ؟! بتقولي مفيش شغل ومفيش كلام مع رجاله وحتي اخوك مش عايزني اتكلم معاه ..
~ والله يعني دا الي عندي
-عن اذنك اتأخرت عالبيت
ومشيت وهي بتعيط و مش متخيله ان مروان المهووس بالسيطره والتحكم دا ممكن يبقا جوزها .. هي عمرها م جه علي بالها انه انسان متحكم بالشكل دا
*فالبيت*
¥ مروان اتصل بيا وبيقولي انك مش راضيه تتعشي معاه ولا تخرجو حتي .. الكلام دا صح ؟!
-ل.. لا يا بابا انا بس مشغوله الايام دي
مسكها من دراعها جامد
¥ عارفه لو طفشتيه هعمل فيكي ايه ؟! اقسم بالله م هرحمك المره دي
-سيب ايدي يا بابا بتوجعني
¥ انتي لسا شفتي حاجه !! خليني بس اسمع انه سابك و وقتها هتبقا ليلتك سوده وهتموتي علي ايدي !!
وسابها و هي جريت علي اوضتها وهي بتعيط
-يعني حياتي الاولي مع بابا كانت اسوء حياه فالدنيا و حياتي التانيه مع جوزي هتبقا اسوء كمان !! فين العوض الي بسمع عنه …
و فضلت اسبوع تحاول تساير مروان لما يكلمها وتعمل نفسها مبسوطه وتضحك وهو كان فاكر انها خلاص حبته و كان فرحان .. كان كل لما يكلمها عالموبايل ترد عليه عكس اول يوم فالخطوبه لما مكنتش بترد عليه ..
*بعد اسبوع*
كانت عيله مروان بتتغدي
> ايه اخبارك يا مروان مع خطيبتك
~ الحمدلله يا بابا ..
> قررت هتحدد الفرح امتي ؟
~ احتمال يكون قريب يا بابا
اما دوروك ف كان بياكل وهو ساكت ومقهور من كلامهم
> دوروك ايه رأيك ف ساره ؟ مديرتك فالشركه .. هي بنت صاحبي و فاتحته فالموضوع وقالي ان بنته موافقه
دوروك قام من عالكرسي وهو متعصب
= يعني ايه تتكلم معاه وتتفق من غير متقولي !! انا مش عايز اخطب خالص انسي الحكايه دي
و ساب الاكل و راح لاوضته
~ اديله شويه وقت يا بابا و هو الي بنفسه هيقولك عايز يخطب
> انا بس كنت خايف عليه وانا شايفه زعلان كدا ى شايف ان ساره مناسبه ليه عشان كدا اقترحتها عليه..
~ انا هتكلم معاه يا بابا متقلقش
و قام من عالاكل و دخل اوضه دوروك
~ ينفع نتكلم مع بعض ؟ ك اخوات ؟
=عايز ايه يا مروان
~ مالها ساره يا دوروك .. وعلي فكره بتحبك جدا
= مروان معلش متفتحش الموضوع دا تاني معايا
~ ماشي انا بس كنت عايز مصلحتك
و خرج من الاوضه وساب دوروك وحده
*فالشركه*
-مروان .. انا موافقه نتعشي مع بعض النهارده
بفرحه ~ بجد !!
-ايوه
~ تمام بصي اختاري المطعم الي يعجبك وابعتيلي اللوكيشن بتاعه
-تمام
و استأذن من ساره و روح بيته بدري و كان فرحان جدا و ماشي فالشارع يغني ان اخيرا ندي وافقت تتعشي معاه ف معني كدا انها بتحبه و كمان كان مقرر هيفتح معاها موضوع الفرح فالعشا
وندي خلصت شغلها وراحت البيت و لبست وحطت ميكب كالعاده و راحت المطعم
كان مروان واصل قبلها بكتيير ومستنيها
~ انا مبسوط جدا انك اخيرا وافقتي
-مروان انا اسفه بس انا حاولت والله اني احبك بس مقدرتش ..
وخلعت الدبله وسابتهاله ومشيت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدر قلبي)
