رواية قدر قلبي الفصل الحادي والعشرون 21 بقلم ندى أحمد
رواية قدر قلبي الجزء الحادي والعشرون
رواية قدر قلبي البارت الحادي والعشرون
رواية قدر قلبي الحلقة الحادية والعشرون
وفجأه وهو بيمشي حد ضربه بعصايه علي راسه وفقد الوعي و بركه من الدماء بجانبه
و الصبح طلع و دوروك لسا موصلش بيته
ندي قلقت جدا عليه لان كان هيقولها لو هيتأخر للدرجه دي وبعدين مفيش شغل بيفضل للصبح
رنت عليه بس موبايله كان مغلق
و لما فقدت الامل ف انه يرد علي موبايله خرجت من الشقه و كانت بتمشي فالشوارع تدور عليه
راحت الشركه بس قالولها خرجنا بدري امبارح و وقتها افتكرت الرساله الي بعتها انه اتقبل فوظيفه تانيه بس للاسف مذكرش ايه الوظيفه دي فالرساله او العنوان حتي
رجعت شقتها بالليل بعد لما التعب اتمكن منها
كذا ساعه وهي بتمشي فالشوارع علي امل انها تشوفه بس مكنش موجود وحتي لما روحت الشقه مكنش موجود فيها
معرفتش تعمل ايه وهما فالغربه وحدهم وملهمش اهل ولا اي حد يقف جمبهم
بعد صراع طويل قررت تتصل ب ابوه
-ايوه يا عمي ..
> بردو كدا يبنتي محدش يتصل بيا لمده شهر .. قلقتوني عليكم و كل شويه اتصل عليكم يقولي الرقم غير موجود فالخدمه
-احنا غيرنا ارقامنا انا و دوروك
> مش تقوليلي علي رقمك الجديد طيب بدل متسبيني قلقان كدا !! حتي مروان مش بيرد عليا وساره من شهر نزلت مصر و ابوها مبهدلني هنا و عايزين مبلغ كبير تعويض للطلاق و كمان مروان طلع بيمشي فعلا !! بيضحك عليا طول الوقت دا ليه دا السؤال الي عايز اعرف اجابته بس هو مش بيرد عليا نهائي .. لما ساره قالتلي الموضوع مصدقتش خالص الا لما ورتني فيديو صورته فالخفا وهو بيمشي وبيتحرك عادي … اسف يبنتي اني مصدقتكيش
-عمي .. دوروك عندك ؟!!
ب استغراب > دوروك ؟! هو مش عندك المفروض ؟
حاولت تمسك دموعها – لا مش لقياه من امبارح
> مش لقياه ازاي يبنتي يمكن قرر يبات ف فندق ويستريح شويه مثلا .. كلنا بنحتاج فتره نقعد فيها مع نفسنا
-يا عمي لا انا و دوروك مكناش متخانقين .. بالعكس كنا متفاهمين جدا قبل لما ينزل الشغل
> طيب استني انا هتصرف .. متقلقيش المهم وانا هتصل عليكي بعد ساعتين
-تمام يا عمي
*فالجهه الاخري عند دوروك *
بيفتح عينه ببطء و حاسس بصداع فظيع
بدأ يبص عالمكان الي هو فيه .. مكان قديم وشكله غريب
حاول يقوم من عالكرسي بس كان مربوط بالحبال بالكرسي
حس بالبرد الشديد و وقتها استوعب انه مش لابس التيشرت ولا البليزر الي كان لابسهم
حاول يتحرر من الكرسي بس مقدرش يفك الحبال لانهم مربوطين جامد
~ اخيرا فوقت .. دا انا كنت فاكرك دخلت فغيبوبه ولا حاجه .. طبعا لما انت نزفت بالغزاره دي انا اضطريت استخدم مهاراتي فالتمريض و حطتلك شاش و لزق علي الجرح و مفيش داعي تشكرني متقلقش دا واجبي
و ضحك
=انت .. انت بجد مش طبيعي يا مروان …
~ انا الي مش طبيعي ؟! الي مش طبيعي هو الشخص الي يتجوز مرات اخوه فيوم كتب كتابهم كمان
= بس هي مكنتش عايزاك يا مروان !! عشان كدا انا اتجوزتها لكن لو بتحبك والله م كنت هقف فطريقكم ابدا ابدا
~ اه طبعا اومال
= براحتك لو مش مصدقني .. انت جايبني هنا ليه !! وليه عامل فيا كدا و رابطني !!
بنبره ضحك وسخريه ~ ايه دا هو انت غبي لدرجه انك ملاحظتش انك مخطوف ؟!
= لاحظت بس ليه تخطفني .. عايز مني ايه
~ انت عارف عايز ايه كويس
دوروك اتعصب
= يعني فهمني هل هي اخر بنت عالكوكب عشان تعوز تاخدها مني !!! فيه بنات كتير كويسين اتجوز واحده فيهم وسبنا فحالنا بقا !!
~ تؤ تؤ انا عايزها هي .. هحرق دمك وقلبك زي م حرقت قلبي
= طب فكني بس و نتفاهم و اوعدك مش هضربك .. انت محتاج مساعده يا مروان .. الي بتعمله مش طبيعي
~ محدش محتاج مساعده حاليا غيرك
اخد موبايل دوروك من جيب البليزر و اتصل ب ندي .. كان الرقم الوحيد اصلا المتسجل فالموبايل
اما ندي ف لما شافت ان دوروك بيرن عليا نطت من الفرح و ردت بسرعه
بعتاب -دوروك انت فين !! قلقتني خالص دا انا حاسه اني كبرت عشرين سنه النهارده
~ اهلا اهلا بمرات اخويا
-مروان !!
~ افتحي الكاميرا عندك فالمكالمه عايز اوريكي حاجه هتعجبك
فتحته بسرعه
دار بالموبايل ناحيه دوروك
~ ايه رأيك فجوزك حبيبك وهو مربوط و بردان كدا
-دوروك !! دوروك انت كويس ؟!
= اقفلي موبايلك و مترديش عليه تاني .. خليكي فالبيت لغايه بكرا وانا هجيلك بكرا متقلقيش
~ ايه الثقه فالنفس الي عندك دي يا اخويا .. ترجع بيتك بكرا ايه بس
و طلع مسدس من جيبه و وجهه ناحيه دوروك
~ تحبي اضرب الرصاصه ف راسه ولا قلبه .. فرأيك انهي هيكون اكتر الم
بخضه -لا لا يا مروان متعملش كدا … دا اخوك !! هتقتل اخوك ؟!
~ جاوبي بس علي سؤالي
بعياط -يا مروان لا متعملش كدا .. هتتحبس باقي عمرك فالسجن .. حتي لو اخوك هاين عليك اكيد نفسك مش هتهون عليك
~ انا كدا كدا حياتي انتهت فاليوم الي اتجوزتي فيه اخويا و مش فارق معايا اقضيها فالسجن ولا برا السجن
= ندي اقفلي المكالمه …
~ لا استني صح انا ازاي قاسي للدرجه دي .. يووه نسيت اخليكي تودعيه
دار بالموبايل ورا دوروك
~ يلا ودع حبيبتك قبل لما تموت
بص علي عيونه يمكن مثلا بيخوفهم ولا حاجه عشان كدا بيعمل التمثيليه دي بما ان التمثيليات من اختصاصه بس من عيونه يبان انه جدي جدا و كمان كميه الحقد الي فعينه ناحيه دوروك مش طبيعيه ف شكله مش بيمثل المره دي
~ يلا متتكلم ساكت ليه !!
= ندي .. بصي لو فعلا عمل زي م بيقول وموتني ف خلي بالك من نفسك .. عارف اني سبتك لوحدك انتي وابننا من غير ولا جنيه حتي بس مش ب ايدي .. وكل لما تتضايقي اعرفي اني هكون دايما شايفكم ومعاكم ..
بعياط -لا يا دوروك لا انت مش هتموت
مروان بعد الموبايل عن دوروك
~ مش كنتو قلتيلي انك حامل كنت باركتلكم ؟! عيب عليكي والله
بعدها كمل كلامه
~ لو عايزاني مقتلهوش يبقا تيجي هنا .. هبعتلك اللوكيشن ف رساله و ابقي حاول تتذاكي و تطلبي الشرطه ولا تاخدي حد معاكي وقتها مش هتشوفي دوروك تاني فحياتك حتي جثته مش هتلاقيها لاني هكون حرقتها
ندي مسحت دموعها
-اهو جايه دلوقتي و مش هجيب حد متقلقش
= لا متجيش يا ندي !!!
مروان فصل المكالمه
~ مراتك جايه اهي عشانك
= عايز منها ايه ؟!!
~ هو انا ليه معنديش حد يخاف عليا للدرجادي زيك ؟ اشمعنا انت عندك وانا لا .. انت احسن مني ف ايه !!
دوروك مردش عليه
وبعد عشر دقايق ندي وصلت عندهم
= جيتي ليه ؟!!
-اهو جيت يا مروان .. يلا فكه وسيبنا نمشي
مروان ضحك
~ ايه دا انتي ساذجه زي دوروك بالظبط .. فكراني هسيبه عشان انتي جيتي مثلا ؟!
-اومال قولتلي اجي ليه !!
مروان قرب منها وهي كانت بترجع ل ورا
-بتقرب ليه!!!
بصراخ وعصبيه = سبها فحالها يا حقير !!!
~ انتي شايفاني بقرب ليه
-م.. مروان ابعد ..
مروان بعد
~ بس انتي عندك حق بردو المكان دا مش مناسب للي عايزه منك
و ادالها مفتاح اوضه فندق
اول لما ندي فهمت الي ف باله ضربته بالقلم
بضحك وهو بيحط ايده علي ايده ~ فاكراني بهزر معاكي صح ؟! طب استني
ضرب رصاصه علي رجل دوروك
ندي جريت علي بسرعه
-دوروك !!
= اهربي يا ندي اهربي .. اهربي وانا هكون كويس متقلقيش … اوعي تعملي الي هو عايزه .. لو عملتيه هتخسري نفسك وتخسريني
بعياط – انت بتنزف جامد يا دوروك !!
= رصاصه بسيطه متقلقيش .. يلا اهربي
مروان سقفلهم
~ لا لا ايه الاتنين الي مستعدين يضحو بحياتهم عشان خاطر بعض دول
ندي مسحت دموعها
-انا مش هعملك الي عايزه يا حقير .. لو هتقتل دوروك اقتلني معاه ..
~ بتحبيه للدرجه ؟! لدرجه انك تموتي معاه ؟!
-يلا اقتلنا بسرعه مفيش داعي تقعد تتكلم كتير
اما مروان فمكنش متوقع رده الفعل دي وكان واقف بيفكر
-دوروك انت بتنزف جامد يا دوروك ..
قطعت حته من فستانها و ربطتها علي رجله مكان الرصاصه
= انا كويس متخافيش
حطت ايديها علي وشه
-احنا هنكون مع بعض للابد يا دوروك .. حتي لو قتلنا ان شاء الله هنتقابل فالجنه
بس لاحظت ان جسمه ساقع جدااا لما حطت ايديها علي وشه
بخوف -د…دوروك انت بتتجمد !!
خلع بسرعه الجاكيت بتاعها وحطته عليه
بعياط -دوروك متموتش وتسبني وحدي يا دوروك
= خلي بالك من ابننا ومن نفسك .. لما .. لما اموت ارجعي للبيت و ملكيش دعوه بمروان .. هو كدا كدا مش هيعرف يلاقي مكان شقتنا ولا الشركه
بعياط -لا يا دوروك خليك معايا .. انا بجد مقدرش اعيش من غيرك .. انت الي حسستني ان الدنيا تستاهل تتحب و اني انسانه استاهل الحب .. اعتبرتك ابويا و سندي و كل حاجه ليا متموتش وتسبني وحدي يا دوروك .. فاكر لما كنا بنتخانق عالاسم ؟! انت مش هينفع تموت غير لما نسميه مع بعض يا دوروك و غير لما تشيله و تبوسه يا دوروك
بس دوروك كان فقد الوعي
بعياط – لا يا دوروك لاااا
راحت بسرعه قدام مروان
-لازم ناخده المستشفي .. مروان فوق يا مروان انت مش هتبقا قاتل اخوك .. مروان انا عارفه ان اكيد لسا جواك جزء طيب ف قلبك .. ارجوك سبني اخده للمستشفي و اوعدك مش هنقول لاي حد عنك و لا انك انت الي ضربته بالرصاصه
اما مروان ف لما شاف اخوك وهو بيموت حس كأنه راح دنيا تانيه و بدأ يتواجه مع ضميره الي نسيه مع زمان
جري علي دوروك وهو بيعيط
~ دوروك قوم يا دوروك قوم .. افتح عينك وقوم عاتبني يا دوروك
و طلب الاسعاف بسرعه
الاسعاف وصلت و اخدو دوروك اما مروان ف خبي المسدس ف مكان محدش يقدر يوصله جمب المكان الي كان خاطف فيه دوروك
*فالمستشفي*
بعياط – طمني عليه يا دكتور هو اكيد كويس صح
*المريض فقد دم كتير ف الساعات الجايه هتكون هي الي بتحدد مصيره ..
وطبعا كل الكلام دا بالفرنسي
ندي بصت علي مروان الي كان واقف ومش مستوعب الي بيحصل و الي هو وصله
ضربته علي صدره كتييير
-ليه عملت كدا ليه .. عايز تبقا قاتل اخوك يعني ؟!
~ انا .. انا .. انا اسف
بضحك -اسف ؟! وهتعملي ايه اسف دي
~ دوروك هيبقا كويس صح ؟!
-ايه بتسأل عشان تكمل عليه لما يفوق ؟!
مروان قعد عالكرسي و هو دافع وشه بين ايديه
بعد كذا ساعه دوروك فاق و بقا كويس والحمدلله محصلتش مضاعفات
*المريض فاق بس شخص واحد يقدر يشوفه حاليا
مروان دخل اوضه دوروك من غير حتي م يستأذن ندي
مسكته من دراعه
-انت بتعمل ايه !!
~ لازم اتكلم مع دوروك
سابت دراعه و فضلت مراقباهم من بعيد احسن يعمله حاجه
= مروان !
~ عارف اني انسان وحش اوي يا دوروك ومستاهلش اي حاجه فالدنيا بس انا اسف بجد علي كل حاجه عملتها .. انا مش عارف امتي و ازاي بقيت بالشر دا لدرجه اني كنت هقتلك .. اتمني تسامحني و انا هروح واخد عقابي بنفسي واسلم المسدس للشرطه واتحبس .. المهم انك تسامحني
= معتقدش هعرف اسامحك يا مروان بس المهم انك رجعت لصوابك ..
~ لما اخرج من السجن ينفع نبدأ بدايه جديده خالص ؟ بدايه حلوه لينا ك اخوات حقيقييين
= ربنا يسهل لما تخرج واتأكد انك اتخرجت وقتها ممكن اديك الفرصه دي
~ مع السلامه يا اخويا …
و راح فعلا احد المسدس من المكان الي مخبيه فيه و سلم نفسه للشرطه
و بعد يومين دوروك خرج من المستشفي
-الدكتور قال لازم ترتاح لمده اسبوع عالاقل
= بس انا عندي شغل وكفايه الي غبته دا
-يا دوروك انا عندي ابات جعانه بس متنزلش الشغل وانت فحالتك دي
= كنتي بجد هتموتي معايا ؟
-متفكرنيش بقا باليوم دا
= طيب بصي انا هنزل بس الشركه ومش هروح الشغل التاني غير لما اخف .. دا لو مكنوش استغنو عني لوقتها
-صحيح ايه الشغل التاني
=ويتر ف كافيه
-نعم !! بس دي وظيفه مرهقه جدا خصوصا لو بتشتغل شغل تاني جمبه
= متقلقيش عليا انا عارف قدراتي كويس
وهما بيتناقشو الباب رن
كان الاب
الاب حضن دوروك اول لما شافه
> قلقت عليك جدا اول لما عرفت الخبر .. انت كويس !!
ببرود = ايوه
> انا عرفت كل الي حصل وانتو هنا و انا عارف ان مفيش اي كلمه اسف هتعوض الي حصل دا .. بس انا ابوك واستاهل فرصه يا دوروك .. فرصه عشان نكون اب و ابنه وعشان اثبتلك فيها اني بحبك زي مروان بالظبط
= والله يا بابا انت غلطت فحق ندي مش ف حقي ف لو هي قبلت الاعتذار انا موافق اقبله بردو
-انا مسامحاك يا عمي
الاب حضن ابنه جامد
> صحيح عرفت ان هيكون عندي حفيد قريب .. هل الكلام دا صح ؟!
ب ابتسامه- ايوه
> لما يخرج مروان من السجن هتسامحه يا دوروك صح ؟
-هشوف وقتها يا بابا
> ان شاء الله هتسامحه وهنبقا احلي عيله و بالمناسبه انا خلصت موضوع ساره و دفعتلها التعويض الي هي عايزاه .. هي اصلا غنيه زينا بس كانت عايزه التعويض عشان تبقا انتقمت مننا .. هو كان مبلغ كبير بس المهم اننا خلصنا منها
-اه دا المهم
= طب ايه يا ندي مش هتعمليلنا اكل ؟ زهقت من اكل المستشفي
-من عنياا طبعاا انتو استنو هنا فالصاله و انا هعملكم اكل بسرعه
بعد ساعه الاكل جهز و حطته عالسفره و قعدو ياكلو
> ياه بقالنا كتير اوي مأكلناش مع بعض
=عندك حق يا بابا
*بعد ١٨ سنه*
-هي دي يبنتي قصتي انا وباباكي ..
^ دي قصه فيلم يا بابا .. بس ازاي عمي مروان كان بالشر دا زمان دا حتي بيحبك جداا انتي وبابا وكمان بيحبني
-هو اتعلم الدرس لما خرج من المستشفي و بقا زي م انتي شايفاه حاليا
^ يارب يا ماما اقابل واحد زي بابا
= ايه دا حد جاب سيرتي
-بنتك عايزه واحد زيك
= ايه الكلام دا دا انتي هتفضلي جمبي للابد يبنتي ..
^ بابا انا بحبكم اوي
و العيله كلها دخلت فحضن جماعي
#قدر_قلبي
ملحوظه هي قالتلهابس علي الي عمله مروان ف اخوه لكن مقالتلهاش انه بيحبها و الكلام الي انتو عارفينه دا
تمت..
لقراءة الرواية كاملة اضغط على : (رواية قدر قلبي)
