رواية قدري انت الفصل العشرون 20 بقلم سهيلة سعيد
رواية قدري انت الجزء العشرون
رواية قدري انت البارت العشرون
رواية قدري انت الحلقة العشرون
( تقفل رغد ، يقوم بسام يجري ع التويليت يغسل وشه بسرعة ويلبس سويت شيرت ع التيشيرت الي لابسه ويلبس ف رجله كروكس وياخد مفاتيح عربيته وفونه وينزل م العمارة ، يلاقي الدنيا بتشتي جامد ، يجري ع العربية ، يلاقي الكاوتشة مهوية شوية ميهتمش ويركب يمشي بسرعة ، بعد شوية ، يوصل بسام شارع الچيم ، يلمح رغد واقفة حاطة الفوطة ع دماغها ومربعة ايدها وحرفياً متغرقة خالص )
بسام : ينهار ابيض !!
( يفرمل قدامها وينزل وهو بيقلع السويت شيرت )
بسام وهو بيقرب عليها : البسي البسي
رغد : لا لأ انت لابس نص كم هتبرد كدة !!
بسام وهو بيلبسهولها : البساااااي
( تلبسه وياخدها وياخد الشنطة ويركبها العربية ويركب ، يشغل العربية ، الكاوتش يعمل صوت كأنه غرز )
بسام ب ندم : كنت حاسس والله 😑
رغد : في ايه ؟!
بسام : في كاوتشة نايمة
رغد ب خضة : احيه ، وبعدين طيب 😦
بسام : متقلقيش معايا ستبن
رغد ب ارتياح : طب الحمدلله
بسام : يلا مبدهاش ، هستحمى هستحمى
( لسة هيفتح باب العربية )
رغد وهو بتمسك دراعه : استنى رايح فين الدنيا بتشتي !!
( تسيبه )
بسام : م لازم اعملها ، انتي مش شايفة نفسك بتترعشي ازاي ، هتتعبي كدة هدومك غرقانة !
رغد : اصبر شوية طب يمكن تهدى ، م انت نازل ب لبس خفيف اوي ، حد يلبس نص كم ف الجو دة !!
بسام : مبعرفش انام ب لبس تقيل بحس إني مخنوق ، ولما كلمتيني لبست السويت شيرت بسرعة معرفش إن الدنيا بتشتي تحت دة انا نازل بالشبشب 🤷🏻♂️
رغد : هههههه ، م انت مدتنيش فرصة اقولك حاجة 😄
بسام : خوفت عليكي بصراحة ، صوتك مكانش يطمن !
رغد : اة كنت بعيط 😊
بسام : ي شيخة !!
رغد : والله ، انا عيوطة اوي ع فكرة
بسام : طب ليه كدة ؟!
رغد : كلمت حد تاني عشان ييجي ياخدني ، قالي اطلبي اوبر والداتا اصلاً مكانتش مجمعة ، مكنتش متوقعة بصراحة إنه يسيبني ف موقف زي دة ، ف لقيتني خايفة ومش عارفة اتصرف 😕
بسام : وليه مكلمتنيش انا ع طول ؟!
( متردش وتبص ل ايدها )
بسام : رغد انتي مش معتبرانا صحاب ، انتي حاطة بينا حدود ليه ؟!
رغد : والله ابداً وإلا مكنتش كلمتك ، بس الفكرة إني معرفش انت فين او بتعمل ايه ، خفت اعطلك او اشغلك بس 😟
بسام : ي ستي م اتعطل هو انا يعني شغال ف وكالة ناسا ، وبعدين م انتي عارفة مواعيد شغلي وعارفة إننا خلصنا من بدري ، يعني ي هكون ف البيت ي بتسرمح مع صحابي ، يعني ف اي حالة فاضي ، ولو مشغول هفضالك برضو
رغد : تسلم والله ي بسام ، مش عارفة اقولك ايه 😕
بسام : قوليلي انزل اشوف الكاوتش وإلا هنبات هنا
رغد : لسة بتشتي !
بسام وهو بيفتح باب العربية : ايوة ، شكلها مطولة
رغد : ي بني استنى هتبرد كدة والله !
بسام وهو بينزل م العربية : متقلقيش ، ربنا يستر
( ينزل يجري ، يتزحلق )
بسام وهو بيقع : يختاااااي 😨
رغد : احيه هههههخخهههخخهههعهع 😂
بسام وهو بيقوم وبيضحك : بتضحكي ي كلبة 😆
رغد ب ضحك : مش قادرة هههههه 😂
بسام وهو بيسند ع العربية : ماشي افضالك بس 😬
رغد : ههههههه 🤭
( يفتح شنطة العربية يطلع الكوتشة الأستبن والكوريك ويقرب ع الكاوتشة الي نايمة ويبدأ يغيرها والشتا نازل عليه اتغرق خالص ، رغد قاعد ف العربية باين عليها القلق والضيق من منظره الي اتبهدل ، تفتكر الفوطة ، تبص ورا تلاقيها ع الكنبة ، تقرب تاخدها وتفتح شباك العربية ناحيته )
رغد : بيسووو
( يبصلها )
رغد : حطها ع دماغك
بسام وهو بياخدها منها : ماشي 😄
( يحطها ع دماغه )
رغد : بقولك ايه
بسام وهو شغال ف الكاوتشة : امممم ؟
رغد : م تاخد الچاكيت لحد م تخلص
بسام وهو بيبصلها : لأ اوعي تقلعيه ☝🏻
رغد : ي بني م انا جوة العربية ، انت بقيت شوربة 😕
بسام : م هتغرق برضو مش هتفرق ، خليكي مدفية ، انا قربت اخلص خلاص
رغد : طاااايب
( يكمل بسام )
رغد ب تشجيع : عاش ي بيسووو 👏🏻
بسام : هههههه 😄
رغد : الدنيا بطلت شتا
بسام : اة الحمدلله
رغد : يلا ي كوتي يغتي جميلة وشاطرة يناس 🥹
بسام ب ضحك : ههههههه ي بنتي بس مش عارف اركز 😆
رغد وهي بتطلع دماغها م العربية : بشجعك ي بيضة 🤷🏻♀️
بسام وهو بيرفع دماغه : ماشي إن ……..
( يلاقي وشه ف وشها قريبين اوي ، يفضل باصصلها ، تتحرج رغد )
رغد وهي بترجع ل ورا : ااا يلا خلاص ولا ايه 😐
بسام وهو بيبص ل الكاوتش وبيربطه : اة ، خلاص 😅
( تركن عربية جنبهم ، تبص رغد تلاقيها عربية عمر ، تتخض وتستغرب ، ينزل عمر من عربيته هو وشمس ، يشوفهم بسام )
بسام وهو بيقف : مستر عمر !
عمر ب استغراب : بسام !
( تنزل رغد م العربية وتقرب عليهم )
عمر : اتصلت بيكي كتير مقفول !
رغد ب استغراب : فصل شحن ، انت ايه الي جابك ؟!
عمر : خفت متعرفيش تتصرفي ، ف جينا
رغد : لا متخافش اتصرفت ، كلمت بسام وكتر خيره جالي ع طول 💁🏻♀️
عمر وهو بيبص ل بسام : اممممم 😐
رغد : مكانش في داعي تتعب نفسك
شمس ب غيظ : انتي بتتريقي ، دة بدل م تشكرينا إننا سيبنا سهرتنا وجينالك !
رغد : والله انا مأجبرتش حد يجيلي ، ولا حتى طلبت ، انا قلت الظرف الي اتحطيت فيه وكتر خيره عمر اقترح عليا اطلب اوبر ، ف ليه جيتوا ؟
شمس : اة والله مكانش ينفع نيجي فعلاً ، احنا غلطانين 🤷🏻♀️
عمر : شمس ، خلصنا !
شمس : إن ………
عمر : قلت خلصنا ، اركبي العربية لو سمحتي
( تبصلهم شمس ب احراج وتروح تركب العربية ب عصبية )
عمر ل رغد : يلا انتي كمان
رغد : يلا فين ؟!
عمر : هيكون فين ، اركبي العربية عشان نروح
رغد : انا هروح مع بسام 😐
( يبص عمر ل بسام وبعدين يرجع يبصلها )
عمر : بسام ايه الي هتروحي معاه ، م انا مروح البيت اخلصي !
رغد : قلتلك هروح معاه 😒
عمر : ماشي ي رغد
( يبص ل بسام )
عمر : خلي بالك منها ، وانجزوا
بسام : اوك !
( يقرب عمر ع عربيته يركبها ويمشي )
رغد ل بسام : خلصنا ؟
بسام : اة اركبي
( يركبه العربية ويمشوا ، ف الطريق )
بسام : هواا عمر الي انتي اتصلتي بيه ؟
رغد : اة
بسام : طب اشمعنا ، هو انتوا صحاب ؟
رغد : كنا يعني 😒
بسام ب فضول : ليه كنتوا ؟!
رغد : من وقت م خطب ومعدناش زي الأول
بسام ب فهم : امممم ، دة اكيد
رغد : ليه اكيد ؟
بسام : يعني معظم الصداقة الي بين بنت وشاب بتبوظ اول م حد فيهم يرتبط
رغد : وليه المفروض دة يحصل ، يعني ايه المشكلة إنهم يفضلوا صحاب 😕
بسام : دايماً مشكلة طبعاً للطرف التاني
رغد : يعني انت لو خطيبتك ليها صاحب شاب هتخليها تبعد عنه ؟
بسام : اة طبعاً
رغد : دة انت طلعت خنيق زيهم 🙄
بسام : ههههه ، لا والله مش خنيق خالص ، بس انا اصلاً عمري م اقتنعت ب الصداقة بين بنت وولد
رغد : ايه دة ، يعني انت مش شايف إننا صحاب !
بسام : لا مش قصدي مش مقتنع الي هو مش صحاب كويسين يعني
رغد ب عدم فهم : اومال ايه ؟!
بسام : قصدي إكيد حد فيهم مش معتبرها صحوبية ، وواخد الطرف التاني دة حبيب بس من غير م يبين دة مؤقتاً
رغد ب فهم : امممم فهمتك ، انا كنت عارفة إنك بتحبني ومخبي 😌
بسام : ههههههه 😆
رغد : بس انا مرتبطة خد بالك ، عشان متتعشمش بس ☝🏻
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
