رواية قدري انت الفصل العاشر 10 بقلم سهيلة سعيد
رواية قدري انت الجزء العاشر
رواية قدري انت البارت العاشر
رواية قدري انت الحلقة العاشرة
( يمشي عمر ويهبد الباب وراه ، يستغرب عبدالرحمن ، يفتح الڤيديو ويتفرج عليه مش شايف فيه اي حاجة غريبة او ملفتة ، يفتح الكومنتات ويقراها ، يفهم ، يمسح الڤيديو ، رغد ف اوضتها دموعها عمالة تنزل وفجأة تقلب ب عياط ، ف اوضة عمر ، قاعد ع طرف سريره وعمال يهز ف رجله ب عصبية ، يرن فونه ، يمسكه ، يلاقيها شمس )
عمر : الو
شمس : ايه ي روحي عامل ايه ؟
عمر : تمام الحمدلله ، انتي عاملة ايه ؟
( تعدي الأيام ومفيش كلام بين عمر ورغد ، ورغد مبتروحش الشركة ، بتروح الچيم بس )
*( شهر 3 ، سنة 2024 )*
( ف كلية عبدالرحمن ، يلمح ماس داخلة ، يقرب ناحيتها بسرعة )
عبدالرحمن : ماس ، ماس اقفي
( تقف وتبصله )
عبدالرحمن : هتحايل عليكي عشان تردي عليا !
ماس : لما تقول حاجة اقدر ارد عليها هرد
عبدالرحمن : انتي ليه مش حاسة بيا !
ماس : بعد اذنك ورايا محاضرات 😒
( تمشي ماس ، يتنهد عبدالرحمن ب ضيق ، جوة چيم ، واقفة رغد بتتمرن والكوتش واقفة متبعاها وبتشجعها )
الكوتش : بس ، نشرب ماية
( توقف رغد تمرين وتشرب وتقعد ، يرن فونها ، تمسكه ، تلاقيه عمر ، تتخض من جواها وتبص حواليها وبعدين تبص ل الفون الي مازال بيرن )
رغد : الو !
عمر : عاملة مقموصة بقا وكدة !
رغد : لا عادي
عمر : لما هو عادي مبتجيش الشركة ليه ؟!
رغد : مش ف المود بس 😒
عمر : واحنا بنشتغل حسب المود ، هو انتي شغالة ف فرن !
رغد : لا مش شغالة ف فرن
عمر : اومال ايه بقا
رغد : هو مش انا اصلاً باجي اخنقك واجلطك ف الشغل ، وانت مشغلني عشان امي حبيبتك ، عاوزني اجي ليه بقا م انا مريحاك مني اهو !
عمر : في ايه ي رغد بجد ، مكانتش كلمة قلتها وانتي عارفة إني كنت خايف عليكي ، الكومنتات كانت تنرفز وانا اتعصبت ، هي اول مرة اعملها !
رغد : لا مش اول مرة
عمر : اومال في ايه ، انا متعود اهزر معاكي بالكلام دة ونسيت إننا ف وقتها مكناش بنهزر فيه ، لكن اكيد مش هقصد اقولك كدة بجد !
رغد : خلاص والله مفيش حاجة
عمر ب استغراب : وبعدين مدام مبتجيش الشغل اومال بتروحي فين طول النهار ؟!
رغد : بخرج مع درة
عمر : إذا كان درة ف الشركة !
رغد : مش دايماً يعني بخرج معاها ، اشركت ف نادي وبروح العب كورة تنس اي حاجة تسليني
عمر : اممجمم كويس ، ناوية تنزلي الشغل امتى ؟
رغد : هنزل حاضر
عمر : ماشي ي رغد
رغد : ماشي
عمر : باي
رغد : باي
( يقفل عمر ويتنهد وتقوم رغد تكمل تمرينها ، ف بيت ماس ، قاعدة هي واختها ف الأنتريه ، تقرب عليهم مامتهم )
الأم : عاوزة اعزم عمتكوا ع الغدا بكرة
( تتخض ماس من جواها )
دالا : اعزميها
الام : اة هقولها ، بقالنا كتير مقعدناش سوا واقول للعيال
دالا : اها
ماس : طب م تروحيلها انتي 😕
الام : قلت اعزمها احسن !
ماس : اه 😒
( تبصلها دالا )
دالا ب استغراب : مش عوزاهم ييجوا ولا ايه ؟!
ماس : ومش هعوزهم ييجوا ليه انا مالي 🤷🏻♀️
( يسكتوا )
الام : هو انا هعزمهم بكرة خلاص ، هتصل ب ايات اقولها 🤳🏻
( تتنهد ماس ب ضيق ، ف شركة عمر ، قاعد عمر ف الكفتيريا بيشرب قهوة وماسك الفون ، يقرب عليه خالد )
خالد : صباح الخير
عمر وهو بيبصله : صباح الخير
( يقعد خالد قصاده )
عمر : عامل ايه ؟
خالد : بخير الحمدلله ، اومال فين رغد مبتجيش ليه ؟!
عمر : كانت مريحة كام يوم
خالد : تعبانة ولا ايه ؟!
عمر : اة شوية
خالد : طب اديني رقمها ابقا اطمن عليها
( يبصله عمر ب استغراب )
خالد ب استغراب : بتبصلي كدة ليه ؟!
عمر : اصلها مش من عادتك تتواصل مع حد برايڤت !!
خالد : ايوة انا مبحبش كدة فعلاً بس مطر ، بصراحة رغد بتسأل ع الكل ف مينفعش مسألش عليها 🤷🏻♂️
عمر : ايوة ، عندك حق 😒
خالد : هات الرقم بقا 🤳🏻
( يطلع عمر فونه ويدليه الرقم )
خالد وهو بيسجله : شكراااً ، يلا باي 🤳🏻
عمر : باي
( يقوم خالد يمشي ، يرن فون عمر )
عمر : الو
شمس : انت مش ف الشركة ولا ايه ؟
عمر : لا هناك
شمس : انا عند مكتبك ، السكرتيرة بتقول إنك مشيت !
عمر وهو بيقوم : لا انا ف الكفتيريا تحت ، ادخلي المكتب انا طالعلك
شمس : اوك ، باي
( تقفل شمس وتبص ل درة )
شمس : اول مرة اشوف سكرتيرة مش عارفة مديرها فين !!
درة : م انا قلت ل حضرتك مش موجود !
شمس : ف الكفتيريا تحت لكن ممشيش ، انا هستناه ف المكتب 😒
درة : اوك 🙄
( تدخل شمس المكتب ويطلعلها عمر ، قاعدين ف المكتب )
عمر : ايه اخبار الشغل ؟
شمس : كله تمام ، ماشي
عمر : طب كويس ، عاوزك تشوفيلي ميعاد فاضي مع بابا عشان نحدد يوم ل اري الفاتحة عشان تبقا رسمي
شمس ب ابتسامة : اوك هكلمه 🙂
عمر : اوك
( يخبط مكتب عمر )
عمر : ادخل
( تدخل درة )
درة : استاذ عمر في واحد اسمه بسام البلتاجي بيقول إنه واخد ميعاد يقابل حضرتك انهاردة ، بس انا مش فاكرة إني ………
عمر : لا رغد الي كلمته ف الفون مش انتي ي درة ، انا نسيته خالص !
شمس ل عمر : مين دة ؟!
عمر : كنت محتاج حد ف قسم التسويق ف واحد صاحبي رشحلي واحد ف نسيت إن ميعاده انهاردة ، خليه يستنى شوية ي درة قوليله مشغول دلوقتي
درة : او ……….
شمس وهي بتقوم : لا لأ شوف انت شغلك
عمر وهو بيقوم : شغل ايه بس مش هيطير ، ممكن اديله ميعاد تاني بكرة مش ………
شمس : انا كدة كدة ورايا حاجات ، كنت بس معدية ناحيتك ف قلت اطلع اسلم عليك ، شوف انت كمان الي وراك وهبقا اكلمك ف الفون اقولك ع الميعاد
عمر : تمام اوك
شمس وهي بتسلم عليه : باي 👋🏻
عمر : باي 👋🏻
( تمشي شمس )
عمر : دخليه ي درة
درة : اوك
( تطلع درة برة )
درة : استاذ بسام ، اتفضل
( يدخل شاب )
بسام : استاذ عمر ، مساء الخير 👋
*( ملحوظة .. بسام شاب وسيم ، بشرته بيضة ، عيونه بني ، شعره اسود ، طويل وجسمه رياضي ، عنده ٢٧ سنة ، من عيلة كويسة ، بباه متوفي وملهوش اخوات وعايش هو ومامته سوا )*
عمر : مساء النور اتفضل 👋
( يقعده ، ييجي الليل ، عمر ف البيت قاعد مع مامته ، تقرب عليهم رغد تحط عصير قدامهم )
ايات ل عمر : حدت معاه ميعاد ؟
عمر : اة يوم الأربع ب اذن الله ، هروح عشان اتفق وكدة
( تستغرب رغد وترجع للمطبخ )
ايات : كلمت بابا قلتله ؟
عمر : ايوة اكيد ، فرح اوي
( تقف رغد ع باب المطبخ من جوة تتصنت )
ايات : ايوة مهو حابب إن يبقا في نسب بينا وبين طاهر ، وبصراحة شمس بنت جميلة
( تتخض رغد من جواها وتفهم )
عمر : اة لطيفة اوي
ايات : ربنا يتمملك بخير ي حبيبي
عمر : يارب ، اومال فين عبده ؟
ايات : مع صحابه اكيد
( ف نادي ، بيلعبه شباب كورة وواقف عبدالرحمن ع جنب وماسك فونه فاتح الواتساب وباين ع وشه الضيق )
عبدالرحمن : انتي بتهدديني ي ماس ؟
ماس : انا بقولك الي هعمله لو مبطلتش كلام ف الحوار دة !
عبدالرحمن : مش البلوك الي هيخليني ابطل اتكلم ي ماس
ماس : اومال ايه الي هيخليك تبطل ي عبدالرحمن ؟
عبدالرحمن : مفيش حاجة هتخليني ابطل
ماس : تمام
عبدالرحمن : تمام ايه ؟
( متردش )
عبدالرحمن : ماس
عبدالرحمن : انت عملتي بلوك بجد !
( يلاقيها فعلاً عملته بلوك ، يبتسم ب غيظ ويبص حواليه ب ضيق )
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
