رواية قدري انت الفصل السادس 6 بقلم سهيلة سعيد
رواية قدري انت الجزء السادس
رواية قدري انت البارت السادس
رواية قدري انت الحلقة السادسة
درة : لا خالص محصلشي 🙅🏻♀️
رغد : اهو 👈🏻
( يتنهد عمر ويدخل المكتب ويقفله ف وشها )
رغد : حلوف !
( تفتح الباب وتدخل وراه )
رغد : مين دي ؟
عمر وهو بيقعد : وانتي مالك ؟
رغد : مالي طبعاً مش انا سكرتيرتك ، من حقي اعرف الي داخل والي طالع 🤷🏻♀️
عمر : بنت صاحب ابويا
رغد وهي بتقعد قصاده : وجاية هنا ليه ؟!
عمر : لسة فاتحة شركة جديدة وعوزاني افهمها الشغل
رغد : ولما هي مش فاهمة فتحاها ليه ؟!
عمر : لا هي فاهمة بس محتاجة مساعدة عادي
رغد : واشمعنا انت يعني ؟!
عمر : عشان ابوها صاحب ابويا مثلاً 💁🏻♂️
رغد : امممم 😐
عمر : وبعدين انتي لازم تقعدي ع اساس كل حاجة ؟!
رغد : اة لازم
عمر : لا دي بالذات مالكيش دعوة بيها
رغد : ليه إن شاء الله 🤷🏻♀️
عمر : عشان دي خطيبتي المستقبلية
( تتخض رغد )
رغد : خطيبة مين معلش ؟!
عمر : خطيبتيييي
رغد : اة ، دة ازاي مش فاهمة !
عمر : ابويا كان مكلم ابوها ف موضوع جواز ، بس هي قالت نستنى اما تخلص افتتاح الشركة
رغد : يعني ، يعني هتتجوزه ؟!
عمر : المفروض اة
رغد : اة ، ماشي ، عاوز مني حاجة ؟
عمر : لا روحي
رغد وهي بتقوم : اوك
( ف بيت عمر ، قاعد عبدالرحمن ف اوضته وماسك الفون ، بيرن ع ماس ع الواتساب مبتردش ، يفتكر كلام دالا )
*دالا : كرفتلك*
( يدخل شات دالا )
عبدالرحمن : دالا
عبدالرحمن : موجودة ؟
( يلاقيها تايبينج )
دالا : اة
عبدالرحمن : عاملة ايه ؟
دالا : الحمدلله
دالا : انت ازيك ؟
عبدالرحمن : انا تمام
عبدالرحمن : هو انتي انهاردة كنتي تقصدي ايه لما قلتيلي كرفتلك ع ماس ؟
دالا : مقصدش حاجة 😐
عبدالرحمن : لا تقصدي حاجة اكيد ، وإلا مكنتيش قلتي كدة !
عبدالرحمن : كان قصدك ايه بقا ؟
دالا : عادي يعني كنت بهزر
عبدالرحمن : انتي شيفاها كرفالي فعلاً ؟
دالا : والله انا شايفة إنك معلق نفسك ع الفاضي 💁🏻♀️
عبدالرحمن : قصدك ايه ؟!
دالا : قصدي إن اختي اكبر منك ب ست سنين ي عبدالرحمن !
عبدالرحمن ب ضيق : برضو مش فاهم قصدك 😐
دالا : لا انت فاهم قصدي كويس
دالا : ماس بتعاملك زي اخوها الصغير ، لكن انت باين عليك اوي إنك واقع فيها !
عبدالرحمن ب خضة : ايه الهبل الي بتقوليه دة !
دالا : لا دة مش هبل دي الحقيقة
عبدالرحمن : هي الي قالتلك كدة ؟!
دالا : لا هي مقالتش حاجة ومش محتاجة تقول ، انت باين عليك اوي !
عبدالرحمن : بقولك ايه ي دالا ، متخترعيش كلام فاضي من دماغك مدام لا هي قالت ولا انا قلت !
عبدالرحمن : واصلاً علاقتي ب ماس متخصكيش ، ف معرفش انتي بتتكلمي كدة ليه وزعلانة اوي !
دالا : وهزعل من ايه إن شاء الله !
عبدالرحمن : قولي ل نفسك متقوليش انا !
دالا : بقولك ايه ي عبده ، اختي وانا ادرى بيها عشان كدة بقولك الي فيها ، ماس وقت م تفكر ترتبط ب شخص مش هيكون اصغر منها ب ست سنين وكمان قريبها ، ف انا بقولك عشان بس متعشمش نفسك فيها ع الفاضي ، لإن انت بالنسبالها عيل
( يتغاظ عبدالرحمن ووشه يحمر )
عبدالرحمن : اولاً انا مش هحاسبك ع كلمة عيل دي عشان متأكد إنك متقصدهاش او قلتيها من غير تفكير
عبدالرحمن : ثانياً انا مطلبتش نصيحة من حد ف احتفظي ب نصايحك لنفسك ي دالا احسنلك عشان ميحصلش بينا مشكلة
عبدالرحمن : ثالثاً بقا ، ياريت متدخليش ف الي بيني وبين ماس اياً كان هو ايه
عبدالرحمن : تمام كدة ؟
دالا : تمام ، براحتك
( يعملها سين وميردش )
عبدالرحمن ب ضيق : ايه القرف دة !
( ف الشركة ، رغد قاعدة ع مكتبها وسرحانة ، تلاحظ عليها درة )
درة : بت ، رغد
رغد وهي بتبصلها : اممم ؟
درة : مالك سرحانة كدة ليه ؟!
رغد : لا عادي 😒
درة : لا في حاجة بجد !
رغد ب تنهيدة : مفيش
درة : انتي وراكي حاجة بعد الشغل ؟
رغد : لأ ليه ؟
درة : نروح اي مكان نقعد سوا ، بقالنا كتير متجمعناش
رغد : اشطا اوك
( يعدي الوقت ، درة ورغد قاعدين ف كافيه )
درة : ايه بقا الحلو ماله متضايق !
رغد : لا انا مش متضايقة
درة : لا متضايقة ، من ساعة البنت الي جت ل مستر عمر وانتي قاعدة سرحانة ، وكان تصرفاتك غريبة وقتها بصراحة !
رغد : غريبة ازاي ؟!
درة : حسيتك غيرانة !
رغد ب خضة : لا طبعاً !
درة : رغد انتي بتخبي عليا ، هو مش احنا صحاب وكنا بنحكي لبعض كل حاجة !
( تتنهد رغد )
درة : احكيلي
رغد : انا مش غيرانة ي درة !
درة : لا غيرانة وكان واضح اوي ، ومش اول مرة اشوف دة فيكي ف حاجات تخصه ، هو مش عيب ع فكرة إنك تحبي ، بتنكري ليه !
رغد ب ضيق : عشان انا وعمر مينفعش يكون بينا كدة 😕
درة : يعني انتي فعلاً بتحبيه ؟!
رغد ب تنهيدة : ايوة ، بحبه 🤦🏻♀️
درة : كنت حاسة والله ، بس ليه بتقولي مينفعش يكون بينكم كدة ؟!
رغد : درة م انتي عارفة انا مين ف بيت عمر ، مش هنلف وندور ع بعض !
درة : يااااه ، دة انتي قديمة اوي ، هو لسة حد بيفكر كدة ، بنت الشغالة بقا والجو دة !!
رغد : هما عمرهم م حسسونا ب كدة ابداً ، بالعكس دايماً شايفينا فرد م العيلة ، بس برضو لازم انا اكون واخدة بالي من دة
درة : بلاش هبل ي هبلة انتي ، اكيد محدش بقا بيفكر تفكيرك دة و ……..
رغد وعيونها بتدمع : درة
( تسكت )
رغد : عمر اصلاً هيتجوز
درة ب استغراب : يتجوز مين ؟!
رغد : البنت الي جاتله انهاردة ، شمس 💔
درة : مين قالك كدة ؟!
رغد : هو
درة : هو قالك هيتجوزها ؟!
رغد ودموعها بتنزل : ايوة 😥
درة : متعيطيش طيب 😕
( تذيد دموعها ، تمسك درة منديل وتديهولها ، تمسح دموعها )
درة : بصراحة انتي الي عاملة ف نفسك كدة
رغد ب استغراب : عاملة ايه انا ؟!
درة : كل طريقتك معاه هزار وضحك وتعاملك كله طفولي ورجولي كأنك واحد صاحبه ، عمري م شفتك بتتعاملي معاه ك بنت ، تتكلمي ب رقة او بهدوء ، ف الطبيعي إنه يدور ع واحدة ست مش واحد صاحبه 🤷🏻♀️
رغد : والله دة انا 😒
درة : ماشي بس مش كل حاجة ف الدنيا هزار وضحك ي رغد
رغد : وانا لما انكد ايه الي هيتغير ؟!
درة : ي بنتي مش قصدي كدة ، قصدي اتعاملي معاه ك بنت وعندها مشاعر ، خليه يفهمك
رغد : هو انا بتعامل ك راجل ؟
درة : بصراحة اة ، انتي مش شايفة العود الي دخل عليه ، يعني يوم م بص بص ل واحدة مفيهاش غلطة 🙅🏻♀️
رغد : وانا عشان اوصل للعود دة محتاجة بني ادمة جديدة !
درة : سيبك من كل دة ، في بدايل
رغد : الي هي ؟
درة : تيجي معايا الچيم يكش تتخطني شوية تباني م الأرض 🤷🏻♀️
رغد : بطلي تريقة ، انا بتكلم جد !
درة : وانا والله بتكلم جد ، وبطلي لبس الأوڤر سايز دة ، انتي اصلاً رفيعة بتلبسيه ليه !
رغد : بحبه 😕
درة : لا بطليه عشان شكلك فيه بيبقا شبه الأطفال ، البسي الي يناسبك
رغد : مفهمش انا ف اللبس والموضة والجو دة ، انا بلبس الي يريحني وبس
درة : لا افهمي بقا واعرفي وانا معاكي هساعدك ، ومن بكرة هتنزلي معايا الچيم
رغد : هيجيب نتيجة يعني ؟
درة : ايوة طبعاً
رغد ب تنهيدة : ماشي 😑
( تاني يوم ، تخلص رغد شغلها وتروح مع درة الچيم وتبدأ تتمرن معاها ، يعدي الوقت ، تروح رغد البيت )
رغد وهي داخلة اوضتها : ااااه ، اااه ي رجلي ي وسطي ي ضهراااااي 😭
( يلمحها عمر وهي داخلة الأوضة بتعرج ، يبصلها ب استغراب ، تقفل باب الأوضة وتترمي ع السرير ب تعب ، يخبط باب الأوضة )
رغد وهي بتبص ل الباب : ميييين 😧
عمر : انا
( تقوم بالعافية تقرب ع الباب وتفتح )
_ توقعاتكم بين رغد وعمر ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
