رواية قدري انت الفصل السادس والعشرون 26 بقلم سهيلة سعيد
رواية قدري انت الجزء السادس والعشرون
رواية قدري انت البارت السادس والعشرون
رواية قدري انت الحلقة السادسة والعشرون
شمس : يعني مش هتمشيها ي عمر ؟!
عمر : لا ي شمس ، امشيها ازاي 😕
شمس : طب ي انا ي هي ، ومش قضيتي تلاقيلك سبب تطردها عشانه 🤷🏻♀️
عمر : انتي بتخيريني !
شمس : اة بخيرك ، وعشان عارفة إنك مش هتختارني ف هقصرها عليك ، إن ………
عمر : شمس ، متحطنيش ف الموقف دة وتبوظي كل حاجة عشان موضوع اهبل زي دة !
شمس : اهبل بالنسبالك 😒
( يفضل باصصلها )
شمس وهي بتقوم : انا مروحة ، باي
( تمشي شمس ، يتنهد عمر ب ضيق ، يعدي الوقت ، ف بيت عمر ، رغد قاعدة ف الأنتريه بتكلم بسام ف الفون )
رغد : طب عامل ايه دلوقتي ؟
بسام : احسن الحمدلله
رغد : كنت قالقني عليك الأيام الي فاتت ، انا قلت مش عاوز تكلمني !
بسام : اكيد لأ ، انا بس اما ببقا تعبان مببقاش ف المود
رغد : اة كان باين عليك ، الف سلامة ي بيسو ♥️
بسام : الله يسلمك ، انتي اخبارك ايه ؟
رغد : كله تمام والله الحمدلله
بسام : الحمدلله
رغد : هتيجي الشغل بكرة ؟
بسام : اة جاي
رغد : اوك ، اشوفك بكرة بقا
بسام : إن شاء الله
رغد : انت بقا خلي بالك من نفسك وادفى كويس
( يتفتح الباب ويدخل عمر )
بسام : مدفي والله ، بس انتي عارفة ال ………
عمر وهو بيقرب ع رغد : سلامو عليكو
رغد : عليكم السلام
عمر : انا جعاااان
رغد وهي بتقوم : هحضرلك بس ماما عاملة بسلة وانت مبتحبهاش 🤷🏻♀️
عمر : لا لا والنبي شوفيلي اي حاجة تانية 😬
رغد : طب انا كنت هطلب شاورما اطلبك م ……….
عمر وهو بيقرب عليها : ي بنتي ي بنتي
( يمسكها من لياقة هدومها )
عمر : حرام عليكي ارحمي بطني بقاااا 😡
رغد ب ضحك : هههههه خلاص خلاص سيبني طيب 😆
( بسام ع الفون سامعهم )
عمر : كرهتيني ف نعمة ربنا 🙄
رغد وعي بتزقه : خلاااص ، انا غلطانة كل بسلة 🤷🏻♀️
عمر وهو بيمسكها من دراعها : خدي هناااا
رغد : ااااي 😯
( يقفل بسام )
عمر : خشي اعمليلي حاجة تانية اجري 👋🏻
رغد : طيب متزقش !
( تدخل رغد المطبخ ، عند بسام ، واقف ف بلكونة اوضته ، يخبط باب الأوضة وتدخل مامته )
الام : بسام
( تشوفه ف البلكونة ، تقرب عليه )
الام : بسام !
( يلف يبصلها )
الام وهي بتقف معاه ف البلكونة : جيت امتى ؟!
بسام : من بدري
الام ب استغراب : محستش بيك !
بسام : اة
الام : ايه الأخبارك ؟
بسام : تمام
الام : كل يوم اقول هيسمعني اخبار حلوة هيسمعني اخبار حلوة ومبسمعش حاجة 🤷🏻♀️
بسام : اخبار ايه ؟!
الام : اخبار العروسة ، مش قلتلي هتسمعني اخبار حلوة قريب ؟
( يتنهد بسام ويسند ع سور البلكونة )
الام : فين بقا ؟
بسام : مفيش 😒
الام : مفيش ايه ؟!
بسام : كان في ، ودلوقتي مفيش
الام : ليه كدة ؟!
بسام : كانت دماغي وتفكيري رايحين لبعيد ، ودة غلط
الام ب عدم فهم : مش فاهمة حاجة ، تقصد ايه ؟!
بسام ب تنهيدة : مقصدش 😑
الام : م تفهمني ي بني 🤷🏻♀️
بسام وهو بيبصلها : ماما ، سبيني والنبي
الام ب قلق : مالك طيب ؟!
بسام : ماليش
الام : اومال في ايه ، هي العروسة غيرت رأيها ؟!
بسام ب عصبية : مفيش عروسة اصلاً ، ممكن تسبيني لو سمحتي 🤷🏻♂️
الام : طيب طيب اهدى !
( تمشي الأم ، يتنهد بسام ب ضيق ، عند رغد ، واقفة ف المطبخ بتقلي فراخ ناجتس )
رغد ب تذكير : احيه بسام !
( تجري تمسك فونها من ع الترابيزة وتتصل بيه ، ميردش )
رغد : منظري بطيخة اكيد زعل 🤦🏻♀️
( ترن تاني ميردش ، عمر ف اوضته غير هدومه وواقف ماسك فونه بيتصل ب شمس مبتردش ، يتنهد وينزل تحت ، يدخل المطبخ )
عمر : هتسحريني ولا ايه 🤷🏻♂️
رغد : لا خلاص اهو
عمر وهو بيسند ع الترابيزة : هتأكليني ايه ؟
رغد : لقيت فراخ ناجتس وعيش وكاتشب وكدة
عمر : اشطا ، اي حاجة ارحم م الشاورما 🙄
رغد : لا انت اتغيرت بجد ، انت كنت بتاكلها معايا كل يوم ، ايه الي حصلك 😕
عمر : زهقت زهقت ، مبتزهقيش منها بجد ؟!
رغد : لا خالص ، عمري 🙅🏻♀️
عمر : احيه ع كدة 🤦🏻♂️
رغد وهي بتطلع الفراخ م الطاسة : يلا انت الخسران اااااه 😨
عمر وهو بيجري عليها : ايه ايه !!
رغد وهي بتمسك ايدها ب وجع : اااه الزيت فرقع ف ايدييييي 😔
عمر وهو بيلفها ناحية الحوض : تعالي
( يوقفها قدام الحوض ويفتح الحنفية ويمسك ايدها يحطها تحت الماية وهو واقف وراها )
عمر : مش تخلي بالك ي جاموسة !
رغد ب وجع : معرفش عمل فجأة 😟
( تنتبه رغد ل قربه منها اوي ومسكته ل ايدها ، تبدأ تتحرج وتتوتر )
عمر : لسة وجعاكي ؟
رغد وهي بتبصله م الجنب : لأ 😕
( يبصلها ، يفضلوا باصين لبعض ، كل مادا م بيقربوا )
عمر : بسيطة 😐
رغد : اة !
( يسيبها ويبعد ، تتحرج رغد ، تقفل الحنفية )
رغد : هحضرلك بقا
عمر : لا خليكي انتي ، انا هحط
رغد : ي سيدي خلصت خلاص ، انت جاي ع الأخر تعمل چينتل 🤷🏻♀️
عمر : م انتي حوادث !
رغد : لا متخافش طفيت النار
عمر وهو بيقعد : ماشي
( تحضر رغد الأكل وتقعد تاكل هي وعمر ويتكلمه ويهزره ، بعد شوية ، بسام فاتح الأنستجرام بيقلب ، يلاقي صورة نازلة من عشر دقايق ع اكونت رغد ليها هي وعمر والأكل الي كانوا بياكلوه ويلاقي بوست تاني بعدها مكتوب )
البوست : *تحلى بالصبر ، ف الأشياء الجميلة تحدث بشكل غير متوقع* سمعت الجملة دي قبل كدة واستغربتها ، انهاردة بس عرفت معناها ♥️🍂
( يبتسم بسام ب يأس وفهم الصور والبوست ، يقفل الفون ، تعدي الأيام ، ف كلية عبدالرحمن ، ماس قاعدة ف الكفتيريا بتشرب قهوة وماسكة الفون ، يقرب عليها عبدالرحمن وباين ع وشه الغضب )
عبدالرحمن ب عصبية : انتي ايه الي هببتيه دااا 😡
( تبصله ماس ب برود )
ماس بهدوء : عملت ايه ؟
عبدالرحمن ب زعيق : انتي هتستعبطي 🤷🏻♂️
( تبص ماس حواليهم ، ينتبه عبدالرحمن ل وجود الناس ، يهدي ويقعد )
عبدالرحمن ب غيظ : بتسقطيني ف المادة ي ماس 😐
ماس ب استهبال : مادة ايه ؟!
عبدالرحمن : مستهبلييييش 😡
ماس : طب احترم نفسك ووطي صوتك !
( يتنهد عبدالرحمن ويحاول يتمالك اعصابه )
عبدالرحمن : مادتك ي ماس ، سقطيني ف مادتك
ماس ب اندهاش : ينهار ابيض انت سقط 😯
عبدالرحمن : دة ع اساس إنك مش عارفة !
ماس : لا مش عارفة 🤷🏻♀️
عبدالرحمن : ي بنتي مستسفزنيش !
ماس : بنتك ! انا دكتورتك ي استاذ ، اخدتك عليا انا صح !
عبدالرحمن : ماس ، ماس انا مستقبلي مفهوش هزار !!
ماس : ايه دة بجد ، وبالنسبة ل مستقلبي كان فيه ايه ، فول بالطحينة ؟
( ميردش ، يضير وشه ويرجع يبصلها )
عبدالرحمن : بلاش تلعبي معايا اللعبة دي ، متمسكنيش من ايدي الي بتوجعني 😐
ماس ب ابتسامة : دة انت طلعلك ماسكة اهو ي عبده 🙂
( ميردش )
ماس : عاوزة اقولك حاجة بس ، بعد كدة قبل م تبدأ لعبة شوف الأول حكاوي الناس عنها هتقدر تخليك تكملها ل اخر ليڤل ولا هتيجي ف النص وتقلب بطة بلدي 💁🏻♀️
( ميردش )
ماس : تعرف ايه مشكلتك ، مسألتش انت عن دماغي عارف ليه ، عشان انت مفكر إنك فعلاً اقرب حد ليا ، بس انت بعيد اوي ي عبده ، وإلا كنت حرصت مني 🙂
عبدالرحمن : عاوزة ايه ي ماس ؟!
ماس : لا ي حبيبي مش عاوزة ولا اي حاجة ، انت مش خربت حياتي ودمرت مستقلبي مع الأنسان الوحيد الي حبيته ، جه دورك بقا ، ابقا وريني انهي جامعة ف امريكا الي هتسمح ل واحد ساقط ف مادة قبل كدة إنه يدخلها 🙂
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
