رواية قدري انت الفصل السادس عشر 16 بقلم سهيلة سعيد
رواية قدري انت الجزء السادس عشر
رواية قدري انت البارت السادس عشر
رواية قدري انت الحلقة السادسة عشر
( بعد شوية ، ف بيت عمر ، قاعدين كلهم ع السفرة بيتعشوا ، مامته بتتكلم ف الفون )
ايات : الف الف مبروك ي حبيبتي ، ربنا يكملها ع خير يارب وعقبال م تفرحي بيها ف بيتها هي ودالا
( يتخض عبدالرحمن ويعرف إنها ماس )
ايات : ولا يهمك ي رباب انا عارفة إن قراية الفاتحة بتبقا ع الضيق ، ب اذن الله نيجي ف الخطوبة ، ربنا يسعدهم يارب ، ايوة احسن ملهاش لازمة البهرجة ، جدعين والله ، هيبقا خطوبة وكتب كتاب !
( يتخض عبدالرحمن اكتر ويجيب اخره ، يقوم يطلع اوضته ، يفضل بيلف حوالين نفسه ، يمسك فونه ويفتح شات ماس ، يفتكر إنها عملاله بلوك من كل حاجة ، يتغاظ اكتر ، يفتح شات دالا )
عبدالرحمن : دالا
عبدالرحمن : صاحية ؟
( يلاقيها تايبنج )
دالا : اة
عبدالرحمن : عاملة ايه ؟
دالا : كويسة الحمدلله
دالا : انت ازيك ؟
عبدالرحمن : انا تمام
عبدالرحمن : مبروك ل ماس
دالا : الله يبارك فيك ، عقبالك
عبدالرحمن : عقبالنا بقا ، احنا الي فاضلين ف العيلة دي
دالا : دة احنا اعقل ناس والله ي بني 🤷🏻♀️
عبدالرحمن : هههههه 😂
عبدالرحمن : اة والله عندك حق
دالا : نسقف ونرقص احنا ف الأفراح بس
عبدالرحمن : لا بس الواحد نفسه اتفتحت ع الجواز والله
دالا : ينهار ابيض ، لا انا لازم الحقك ي عبده
عبدالرحمن : الحقيني والنبي 😂
دالا : هههههه 😂
دالا : مش بشوفك ف الكلية ليه ؟!
عبدالرحمن : ريحت شوية الأيام الي فاتت ، كنت مشغول ب خطوبة عمر وكدة ، لإنها كانت هتبقا ف ڤيلا خطيبته وبعدين اتعملت عندنا ، ف كنا مسحولين مع الناس انا وهو
دالا : ايوة فهمت
دالا : لازم تركز ف حضورك الأيام الجاية عشان امتحناتنا قربت
عبدالرحمن : لا من بكرة هاجي ب اذن الله ، مش هغيب تاني
دالا : ايوة كدة جدع
عبدالرحمن : اشوفك بكرة بقا إن شاء الله
دالا : إن شاء الله
عبدالرحمن : تصبحي ع خير ♥️
دالا : وانت بخير ♥️
( يقفل عبدالرحمن ويسيب الفون ويبص ل الأرض ، تاني يوم الصبح ، ف كلية عبدالرحمن ، قاعد ف المحاضرة وقاعدة جنبه دالا وماس واقفة بتشرح ، تلمحهم بيتكلمه سوا ، تبصلهم وبعدين تكمل شرح ، ف شركة عمر ، يوصل عمر قدام الشركة وينزل من عربيته ، تقرب عربية تركن جنبه وينزل منها بسام ورغد ، يبصلهم عمر ب استغراب )
بسام ب ابتسامة : صباح الخير ي مستر عمر 😊
عمر وهو بيبص ل رغد : صباح الخير !
رغد وهي بتعدي من جنب عمر : صباح الخير 😒
( ميردش باصصلها ، يدخل بسام ورغد الشركة وعمر مازال باصصلهم ، يقفل عمر عربيته ويدخل الشركة ، يرن فونه ، يمسكه )
عمر : صباح الخير
شمس : صباح النور ، عامل ايه ؟
عمر : كويس الحمدلله
شمس : طنط ايات عزمتني ع الغدا عندكم انهاردة
عمر : لا والله !
شمس : اها ، هو انا مكنتش هقولك وكنت هعملها مفاجأة ، بس قلت لازم اقولك
عمر : مفاجأة ف بيتنا !
شمس : ههههه شفت بقا ، انا كنت جيالك الشركة وبعدين نروح سوا
عمر : ااا لا لأ مفيش داعي بدل م هتطخي مشوارين ، خليكي وانا اما اخلص هعدي عليكي اخدك 😐
شمس : خلاص اوك
( عند عبدالرحمن ، ف المحاضرة )
دالا وعبدالرحمن ب صوت عالي : هههههه 🤭
ماس ب نفاذ صبر : وبعديييين 🙄
( يبصولها )
ماس : مالكم انهاردة ؟!
دالا : سوري والله خلاص 🤭
( تضير ماس وشها وتكمل كتابة ، يعدي الوقت ، عمر ف مكتبه ، عمال يلف ب الكرسي يمين وشمال وباصص ل الفراغ ب تركيز ، يبص ل فونه ب تردد وبعدين يمسكه ، رغد ف مكتبها ، يرن فونها ، تمسكه تلاقيه عمر )
رغد : الو !
عمر : تعليلي
رغد : اوك !
( تقفل رغد وتقوم تدخل مكتب عمر ، تقرب ناحيته )
رغد : نعم ؟
عمر : انتي جاية مع بسام ؟
رغد ب عدم فهم : جاية معاه فين ؟!
عمر : جاية معاه الشركة 💁🏻♂️
رغد ب فهم : ااه ، هو الي موصلني اة
عمر : ودة من امتى الي بينكم متطور لدرجة إنه يوصلك ؟!
رغد : عادي يعني ، وبعدين م انا قيلالك قبل كدة إنه عاوز يرتبط بيا 😕
عمر : يعني دة مكانش حوار ؟
رغد : وهحور عليك ليه ؟!
عمر : عشان الي قلتيه وقتها
رغد : لا ي عمر مبحورش ، والي قلته وقتها ياريت تعتبر إنك مسمعتوش
عمر : انا معتبره كدة من ساعتها
رغد : طب كويس 😊💔
عمر : انا بكلمك ف حاجة تانية دلوقتي
رغد : حاجة ايه ؟
عمر : ياريت تخفي ع بسام دة شوية
رغد : اخف عليه ازاي يعني ؟!
عمر : يعني هو لو فعلاً عاوز يرتبط بيكي كان اتقدملك وخطبك رسمي ودة محصلش !
رغد : محصلش عشان انا الي طلبت كدة ، هو مش سلق بيض ولا جواز مترتب ولا مصلحة عشان اول م يكلمني اوافق ع طول !
عمر ب فهم : بتلقحي !
رغد : لا مبلقحش ي عمر انا بتكلم عن نفسي ، انا الي طالبة منه يدينا فرصة ناخد ع بعض ونعرف بعض الأول ، مش بلقح عليك انت وشمس متقلقش ، لإنها خطيبتك بقالها حبة حلوين يعني المفروض إنكم تكونوا حبيته بعض وفهمته بعض ، ف هلقح عليكم ليه 🤷🏻♀️
عمر : امممم ، عمتاً انا بكلمك عشان انتي هنا امك سيباكي امانة ف رقبتي ، ف لازم افهم انتي بتعملي ايه !
رغد : معلش ي عمر بالنسبالي الموضوع دة خاص ، ف متقلقش انا مش عيلة صغيرة ، وامي فاهمة دة اكيد
عمر : يعني انتي قايلة ل امك ع بسام ؟!
رغد : لا مقلتش ، هقولها ف الوقت الي ينفع اقولها فيه 😒
عمر : تمام ي رغد ، وانا مش هتدخل ف خصوصياتك وهشيل ايدي ، مدام انتي فاهمة بتعملي ايه 💁🏻♂️
رغد : اوك
عمر : اتفضلي
( تمشي رغد ترجع مكتبها )
درة : في حاجة ولا ايه ؟
رغد ب ضيق : انا مخنوقة ، م تيجي نقعد ف اي حتة بعد الشغل 😕
درة : اشطا معاكي ، كدة كدة فاضل اقل من ساعة ونمشي
رغد : تمام
( بعد شوية ، ماس ف عربيتها سايقة وقاعدة جنبها دالا ، دالا بتتكلم ف الفون )
دالا : اة احنا ف الطريق اهو ، حاضر ، هكلمك اوك ، باي
( تقفل دالا )
ماس ب فضول : بتكلمي مين ؟
دالا : دة عبده
ماس ب استغراب : كان مالكم انهاردة ، قالبين المحاضرة هزار وضحك !
دالا : لا عادي ، كان بيحكيلي حاجة بس ف كانت مضحكة
ماس : حاجة ايه ؟
دالا : حاجة ي ماس !
ماس ب استغراب : ومن امتى بينكم حاجات وحوارات ، انتي طول عمرك مش عاجبك إننا صحاب !!
دالا : انا مكانش عاجبني إنكم صحاب عشان كنت بحس إن عبده بيعاملك كأنك حبيبته مش صاحبتك وقريب ب ذيادة ، ف مكنتش برتاح ل دة بس !
ماس وهي باصة ل طريقتها : وهو يعني ، لو عبده يعني شايفني كدة ، شايفني حبيبة مش صاحبة ، دة هيفرق ؟؟
دالا : اة طبعاً يفرق ، انتي فرق السن بينك وبينه ست سنين ي ماس ، انتي ملاحظة دة ؟!
ماس : ايوة طبعاً فاهمة 😒
دالا ب شك : هو لمحلك ب حاجة ولا ايه ؟!
ماس : لا لأ انا بتكلم معاكي انتي ، اصل انا كمان مبقتش بحس ب ارتياح ف الكلام معاه ف قصرت بقا ، عشان كمان وليد ميضايقش فيما بعد 😐
دالا : ايوة كدة احسن ، عشان مظنش وليد هيسطلطف صحوبية بينكم !
ماس : ايوة ، وانتي كمان قصري منه
دالا : وانا اقصر ليه ، حتى لو عبده شايفني حاجة اكتر من بنت خاله انا معنديش مشكلة
( تتخض ماس )
دالا : احنا سننا اد بعض يعني ف ايه المانع 🤷🏻♀️
ماس : انتي مش لسة قايلة مش بترتاحيله ؟!
دالا : قلت ف علاقته بيكي انتي مش بيا انا
ماس : امممم ، وهو قالك حاجة بقا ولا انتي الي بتخمني ؟
دالا : لا مقالش حاجة ، بس انا حاسة من طريقته معايا اليومين دول 😕
( متردش ماس وتبص ل طريقتها ، بعد شوية ، تروح رغد مع درة يقعده ف كافيه ، يرن فون رغد ، تمسكه )
رغد : ايه ي ماما ؟
رجاء : ايه ي رغد فينك ؟
رغد : مع درة ، في حاجة ولا ايه ؟
رجاء : مروحتيش ليه ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
