رواية قدري انت الفصل الحادي عشر 11 بقلم سهيلة سعيد
رواية قدري انت الجزء الحادي عشر
رواية قدري انت البارت الحادي عشر
رواية قدري انت الحلقة الحادية عشر
( تدق الساعة اتنين بعد نص الليل ، رغد ف اوضتها ، قاعدة قدام مرايتها ، بصالها وساكتة وعيونها مدمعة ، تفتح درج التسريحة ، تلاقي قلم الروچ القديم ، تمسكه وتفتحه ، تحط منه ، يطلع منه برة بؤها ، وفجأة تلغبطه ف بؤها ووشها كله وتنزل دموعها ، ترميه ع التسريحة وتعيط ، تاني يوم ، ف بيت ماس ، عمر ومامته واخوه قاعدين بيتغدوا )
الام : لا دالا الي ساعدتني ف الأكل انهاردة ماس ممدتش ايدها ، مع إنها مش من عادتها دي بتحب المطبخ اوي !
ايات وهي بتبص ل ماس : اومال جرا ايه انهاردة ، ولا اكمننا جايين بقا 🤷🏻♀️
ماس : لا والله ي عمتو ، كان بس عندي محاضرات بدري انهاردة ف رجعت فاصلة خالص ، نمت حبة عشان اعرف اقعد معاكوا براحتي 😅
ايات : ربنا يقويكي ي حبيبتي
ماس : يارب
( بعد شوية ، عبدالرحمن ف البلكونة بيتكلم ف الفون ، يلاقي ماس بتقرب عليه وتقف معاه ، يبصلها ب استغراب )
عبدالرحمن : طب هكلمك تاني ، باي !
( يقفل عبدالرحمن ويبص ل ماس )
عبدالرحمن : ايه ، جاية تطرديني م البيت !
ماس : انا عارفة إن مكانش يصح اعملك البلوك 😐
عبدالرحمن : والله !
ماس : ايوة ، وجاية اعتذرلك عن دة ، وفكيته اصلاً الصبح
عبدالرحمن : اممممم !
ماس : انت الي استفزتني بس ومش عاوز تفهم 🤷🏻♀️
عبدالرحمن : افهم ايه ي ماس ، انا الي مش فاهموا انا عملت ايه غلط عشان اقابل كل الرفض دة منك !
ماس : انا فهمتك ي عبده ، ومش هعيد ف الي حصل عشان منزعلش من بعض تاني ، انت ابن عمتي قبل اي حاجة وانا مش عاوزة اخسرك 😕
عبدالرحمن : ولا انا عاوز كدة
ماس : يبقا تفكك م الحوار دة ونرجع زي م كنا صحاب
( يتنهد عبدالرحمن ويضير وشه )
ماس : عشان خاطري متخسرناش بعض ، وانت عارف إن انا موجودة اي وقت صاحبة واخت وكل حاجة ، منين م تعوزني هتلاقيني ، ممكن بقا نفصل من كل الي حصل دة ؟
( ميردش )
ماس : لو سمحت !
عبدالرحمن ب تنهيدة : ماشي ي ماس 😑
ماس وهي بتضربه ف دراعه : ايوة كدة ي عم ، بلاش جنانك دة بقا هااا 👋🏻
عبدالرحمن ب ابتسامة : اوك 🙂
( ف شركة عمر ، قاعدة رغد ع مكتبها )
درة : لا والله جدعة ، انا فكرتك مش هتواظبي ع المرواح 🤷🏻♀️
رغد : لا بروح ، حتى تغيير جو
درة : ايوة ، مفيش جديد مع عمر ؟
رغد : لأ 😒
درة : امممم !
رغد ب ضيق : هيتقدم ل شمس يوم الأربع
درة : لا والله !
رغد : اة
درة : دة الموضوع بجد بقا 😕
رغد : اومال هزار !
درة : متزعليش نفسك 😟
رغد : عادي 💔
*( انا مجروح وبتمنى إني انسى ساعات ، وليه بتروح حاجات وتسيب وراها حاجات ، وليه منساش اللي ناسيني .. 💔 )*
( ف بيت ماس ، قاعدين ف الأنتريه )
دالا ب حماس : الله هنحضر فرح قريب 😃
عمر : ادعيلي بقا ب اذن الله يتمم ع خير
دالا : يارب يارب 🙏🏻
ام ماس : ربنا يتمملك ع خير ي حبيبي
عمر : امين يارب
ام ماس : يلا عشان ماس تحصلك
( تبصلها ماس )
ايات : ايه هنسمع اخبار حلوة قريب ؟
ام ماس : اة قريب اوي ب اذن الله ، في دكتور عاوز يتقدملها ، يبقا اخوا صاحبتها
( يتخض عبدالرحمن ويبص ل ماس ، تبصله ب توتر وبعدين تبص ل مامتها )
ام ماس : كان مكلم بباها من شهر كدة ، بس هو عشان مسافر برة ف ربط معاه كلام ب التليفون لحد م ينزل اجازة ، هينزل اخر الشهر دة ب اذن الله
ايات : ربنا يتمملها ع خير يارب ونشوفها عروسة قريب
ام ماس : يارب ي حبيبتي 😊
( عبدالرحمن قاعد ع اخره عمال يهز ف رجله وباصص ل ماس وع وشه ابتسامة تخوف ، تضير وشها ب توتر ، يعدي الوقت وييجي الليل ، ماس ف اوضتها ، فونها عمال يرن من عبدالرحمن ومش عاوزة ترد مش عارفة تقوله ايه ، ف بيت عمر ، عبدالرحمن ف اوضته ماسك الفون وبيتصل ورايح جاي )
عبدالرحمن ب غضب : م تردي ع امييييي 😡
( يتصل تاني )
ماس ب تنهيدة : مش هيسكت ، الو 😐
عبدالرحمن : مبترديش ليه ؟!
ماس : ااا مسمعتوش ، في حاجة ؟
عبدالرحمن : لا مفيش حاجة ، مفيش حاجة خااااالص 🙅🏻♂️
ماس : في ايه ي عبده ؟!
عبدالرحمن : دة بقا الي انتي بترفضيني عشانه !
( تتنهد ماس ب زهق )
عبدالرحمن ب زعيق : م ترديييي 😡
ماس : اولاً متزعقليش كدة ، ثانياً انا مرفضتكش عشان حد ، انا فهمتك انا رفضتك ليه 🤷🏻♀️
عبدالرحمن ب انفعال : ملعون ابو السن ع ابو الناس ، انا الي هيقرب منك ه***** ، انتي بتاعتي انااا 😡
( تتخض ماس منه )
ماس : ايه الي انت بتقوله دة !!
عبدالرحمن : بقولك الي هيحصل ، قسماً ب ربك ي ماس لو حد قربلك انا ………
ماس : بس بس بس ، انا قلتلك قبل كدة الموضوع مالهوش علاقة ب صغير وكبير ، بس اقولك حاجة ، انت فعلاً عيل ي عبدالرحمن وتصرفاتك حالياً اكدتلي دة عشان دي تصرفات وكلام عيال مش كلام راجل عاقل فاهم ، وانا مش هعملك بلوك واتساب انا هعملك بلوك من حياتي كلها ، وإذا كنت عاملة حساب إنك ابن عمتي ف بلاها دي قرابة تخليك تهيني او تطاول عليا ب كلامك او بتصرفاتك ، اقسملك انا إن دي اخر مرة هتكلمني فيها ☝🏻
عبدالرحمن : انا ………
ماس : سلام
عبدالرحمن : ماس استني إن ………
( تقفل ف وشه ، يتخض ويتصل تاني بسرعة يلاقيه مقفول )
عبدالرحمن ب ندم وزعيق : ايه الي هببته داااااا 😧
( تنزل دموعه غصب عنه ويقعد ع السرير )
*( تعبت أستعطفك وأرجيك وأمشي في سبيل إرضاك وتلعب بي ع كيفك ، تبعدني وتدنيني .. 💔 )*
( رغد ف المطبخ ، قاعدة ع الترابيزة ماسكة كباية شاي )
رغد ب صوت هادي : ي ليالي روحي ل حبيبي ونادييييه ، وامانة عليكي تقوليله حالي ايييه ، من يوم غيابه روحي رايحة عليه ، منامتش عيوني وإن نامه بيحلمه بيه ♥️
عمر وهو بيسند ع باب المطلخ : ي رايقة 🤷🏻♂️
( تتخض وتبصله )
رغد : خضتني !
عمر وهو بيقرب عليها : لا وبتخافي اوي !
( يقعد قصادها )
عمر : ايه الي مصحيكي ل دلوقتي ؟!
رغد : مش جايلي نوم
عمر : امممم ، معدش بشوفك ف البيت ، مختفية !
رغد : لا موجودة ، انت الي مشغول
عمر : م انا ع طول مشغول ، بس انتي الي بعيدة اليومين دول ، معرفش مالك !
رغد : مالي ، ماليش
عمر : متغيرة معايا اوي من يوم م زعقت معاكي ، انتي لسة زعلانة مني ي رغد ؟
رغد : لا مش زعلانة
عمر : لا زعلانة
رغد : وحياتك م زعلانة
عمر : م انا معرفش ليا غلاوة عندك ولا لأ عشان لما تحلفي ب حياتي اصدقك 🤷🏻♂️
رغد : وربنا ي عمر مش زعلانة
عمر ب ابتسامة : اكدتي حلفانك ب ربنا ، يعني انا فعلاً مش غالي عندك 😅
رغد : لا والله مش قصدي كدة ، انا بس عوزاك تصدقني 😕
عمر وهو بيشاورلها ب اة : ايوة ، ماشي
رغد : وازاي مش عارف إنك غالي عندي يعني ، انت عارف إنك كدة !
رغد : لو غالي فعلاً مكنتيش زعلتي مني لمجرد إني خايف عليكي !
رغد : عمر حلفتلك إني مش زعلانة
عمر : ماشي ، هصدقك ، مالك بقا مدام مش زعلانة
رغد : ماليش والله
عمر : رغد بتكلم جد ، مالك فيكي ايه ؟!
رغد : مالي طيب 😕
عمر : هادية اوي ودي مش عادتك !
رغد : مش عارفة ، بس حاسة إن مفيش طاقة ل اي حاجة ، الي هو بجد عاوزة كل حاجة تمشي بهدوء وبس ، حتى انا 💔
عمر : طب ودة ليه ، فجأة كدة !
رغد : اة ، فجأة
عمر : طب جرا حاجة ضايقتك !
رغد : لأ
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
