رواية قدري انت الفصل الثاني 2 بقلم سهيلة سعيد
رواية قدري انت الجزء الثاني
رواية قدري انت البارت الثاني
رواية قدري انت الحلقة الثانية
عمر : طب ولابسة جلابية ابوكي ليه ، م تسيبي الراجل ف حاله 🤷🏻♂️
رغد : انا شامة ريحة تريقة ف كلامك !
عمر : شامة ، يعني مش متأكدة ؟!
رغد : بقولك ايه انا ايدي وجعتني ، امسك
( تشيله سبت الغسيل )
عمر : ايه دة !
رغد : طلعهولي يلا
عمر : نعم يختي !
رغد ب تحايل : طلعهولي ألاهي اشوفك عريس والنبي 🥺
عمر وهو بيطلع : اة لو كدة ماشي 😊
رغد وهي طالعة وراه : سحبت الدعوة مدام عجباك 😌
عمر وهو بيلفلها : طب خدي بقا
رغد : لا خلاص خلاص حقك عليا ، احلى عريس وربنا 😀
( يكمل طلوع ، يدخله البلكونة ، يحطلها السبت ف الأرض ، لسة هيمشي ………… )
رغد : استنى رايح فين ؟
عمر : عاوزة ايه ؟
رغد : ناولني 🤷🏻♀️
عمر : طب م تنزلي تريحي تحت شوية وانا هنشرهم
رغد : ايه دة بجد ، طب ماشي 😃
( لسة هتمشي ………….. )
عمر ب زعيق : باااات 😡
( تتخض وتقف )
عمر : خدام ابوكي انا ، انتي مصدقتي !
رغد : فيها ايه اما تساعدني يعني 🤷🏻♀️
عمر : ي بنتي هو مين شغال عند مين ، انتي محتقراني ف الشركة وف البيت !
رغد ب ضيق : خلاص مش لازم تحسسني إني خدامة عندكم 😒
عمر : ههههههه ، خدامة اة ، دة انتوا ليكوا ف البيت دة اكتر مننا ، بلاش محن والنبي 🙄
رغد : متأثرتش ؟
عمر : لأ خالص 🦥
رغد : يعني هنشر الغسيل لوحدي ؟
عمر : اة
رغد : طب اتكل ع الله بقا متعطلناش ، يلا ي بابا ع تحت 👏🏻
عمر : واطية 😐
رغد وهي بتزقه ع برة : يلااااا
عمر : طب هناولك طب
رغد : لا ربنا م يحوجني لحد
عمر ب ضحك : هههههه ، انتي قلبتي ع امي كدة ليه 😄
رغد وهي بتطلعه برة : يلاااا 😄
( ف اوضة عبدالرحمن ، بيتكلم ف الفون )
عبدالرحمن : م انتي عرفاني مبقدرش اخبي عليكي حاجة ، ف مكنتش هعرف انام إلا اما احكيلك
ماس : طب انت شايف ايه ؟
عبدالرحمن : انا مكلمك عشان انتي الي تشوفي
ماس : ي بني في حاجات لازم انت الي تقررها ، انت عاوز ايه ؟
عبدالرحمن ب حيرة : مش عارف والله ، محتار ، وبعدين م انا بثق ف رأيك ف قوليلي انتي
ماس : انا من وجهة نظري شايفة إنك لو كملت دراسة برة اكيد افضل طبعاً
عبدالرحمن : امممم ، صح ، انا كنت متحمس ليها
ماس : الفكرة بس إن عمتو ايات هتوافق إنك تبقا بعيد عنها ؟
عبدالرحمن : مش عارف ، انا كنت مكلم بابا ف الموضوع وقالي هيشوف ، ف هي قالتلي إنه عاوزني ، ف بكلمه من بدري فونه مقفول ، شكله لسة ف المكتب
ماس : يعني انت لسة مش عارف هو رأيه ايه ؟
عبدالرحمن : لأ لسة
ماس : طب انت فاتحته ف الموضوع ع اي اساس وانت اصلاً لسة مش مقرر !
عبدالرحمن : فكرة خطرت ف بالي
ماس : ي راااجل ، عاوزة اجي اضربك 🙄
عبدالرحمن : مش ناوية تيجي فعلاً ؟
ماس : اديك شايف مشغولة ب الكلية
عبدالرحمن : وباقي اليوم طيب وراكي ايه ؟
ماس : هجيلكم يوم والله
عبدالرحمن : ياريت
( يدخل عمر مرة واحدة )
عمر : فين شاحني ي ابن النصابة 🤷🏻♂️
عبدالرحمن ب استهبال : ايه مين فين !
عمر : هتعمل فيها اجنبي اخلص
عبدالرحمن : ف الدرج ي عم في ايه ، الدنيا لسة بخير 🙄
عمر وهو بيفتح الدرج : معاك انت اتقل خيرها والله
( ياخد الشاحن )
ماس : بتنصب ع حاجته ليه ي رخم !
عبدالرحمن : لا هو دايماً مطهدني كدة !
عمر : بتكلم مين يلا ؟
عبدالرحمن : المزة بتاعتي وانت مالك 🤷🏻♂️
ماس : ههههه 😄
عمر : يبقا ماس
عبدالرحمن : عرفت منين ؟!
عمر : هو انت قارف حد غيرها ٢٤ ساعة !
عبدالرحمن : ايوة صح
عمر وهو خارج م الأوضة : شوفلك حد ع ادك بقاااا 🚶🏻♂️
عبدالرحمن : رخم 🙄
( بعد شوية ، عمر ومامته قاعدين مع مامة رغد ، قاعد عمر ماسك الفون )
ايات : هما ناس كويسين كانوا جيرانا من زمان
( تقرب رغد ع المطبخ )
عمر وهو بيبصلها : تعالي تعالي
( تبصله )
عمر ب ضحك : شكل جلابية ابوكي وشها حلو عليكي 😆
رغد ب استغراب : ايه دة في ايه ؟!
( تقرب عليهم )
رجاء : جايلك عريس
رغد ب خضة : احيه مين 😬
ايات : اقعدي طيب !
( تقعد )
ايات : بصي ي ستي ، هي مامته كانت جارتي زمان ايام جوازي
رغد ب استغراب : ولسة فكراكي ؟!
عمر وهو بيغمزلها : من حظك ي قمر 😉
( تبصله ب غيظ )
ايات ب تنهيدة : بطلوا تهريج بقا واسمعوني 😑
رغد : معلش اتفضلي
ايات : قابلتها ف كارفور من شهر كدة واتكلمنا واخدنا ارقام بعض ، ف كلمتني امبارح إن ابنها كبر مشاء الله مهندس اد الدنيا وعاوزة تجوزه
رغد : امممم ، وانا العروسة المقترحة ؟
ايات : ايوة سنكوا مناسب لبعض ، وهما مشاء الله مادياتهم مرتاحة
رغد : بس دة ………
( يرن فون ايات )
ايات : ثواني
( تقوم ايات تتكلم بعيد )
رجاء : انا شايفة إن ………
رغد وهي بتقوم : انا شايفة إن دة جواز صالونات وانا مش حابة كدة !
عمر ب ضحك : خلاص ي طنط شوفلها جواز مطابخ 😂
رغد وهي بتلبسه سبت الغسيل ف دماغه : بس بقاااا 😠
عمر : ي بنت ال ، شايفة قلة ادبها 😲
رجاء : ي بت احترمي نفسك !
رغد ب غيظ : بيستفزنييي 😠
عمر : وانا مال امي انا ، وبعدين مش تحمدي ربنا اصلاً ، مش لو وافق ع جعفر الي هيشوفه دة 🤷🏻♂️
رغد : المهم من جوايا ايه ي حبيبي 😌
عمر : هيكون ايه يعني محشية مكسرات ، م نيلة زي برة 🙄
رغد : إن ………
رجاء وهي بتقوم : يختاااااي بس بقا الضغط هيعلى عليا ، عنك م اتهببتي ، خليكي قاعدة ف ارابيزي 🤷🏻♀️
( تدخل رجاء المطبخ )
رغد : قاعدة ع قلبك ي عمر ، مش هتطفشني م البيت 😛
عمر وهو بيقوم : قعدت عليكي حيطة ، يكش تعنسي 🙄
( يمشي عمر ، تتنهد رغد ، تدخل اوضتها جنب المطبخ ، تقف قدام المراية )
رغد : م جعفر فعلاً عنده حق 🌚
( تقلع الجلابية وتغير هدومها وتقعد قدام المراية ، تفتح الدرج وتدور ع حاجة ، تلاقي قلم روچ ، تمسكه تفتحه ، تلاقي متاكل نصه وتقريباً بتاع جدتها ، تبصله ب قرف وترميه ف الدرج ، تاني يوم ، ف شركة عمر ، وقت البريك ، ف الكفتيريا تحت ، زحمة كتير ع الكاشير ، تقرب رغد تتحشر بينهم )
رغد : واحد شاورما وواحد بطاطس
الكل ب انفعال : ي رغددد 😲
رغد : معلش اشباب في اجتماع ولو مأنجزتش هتعلق سلبوتة معلش 😊
( يتنهدوا ، تجيب رغد الأكل وتقعد تاكل ، بعد شوية ، رغد قاعدة بتشرب نيسكافيه وماسكة الفون ، يدخل عمر المكان وهو ع اخره وباين عليه العصبية ، يلمحها ، يقرب عليها ب كل غيظ وفجأة )
عمر وهو بيمسكها من قفاها : هو حضرتك شغالة بتوقيت مكة المكرمة 👋🏻
( تتف رغد النيسكافيه من بؤها ب خضة )
عمر ب عصبية : مش في اجتماع شغال من ساعة !!
رغد : نسيته اقسم بالله نسيته 😮
عمر : ياربي اطردها ياربي ولا ادعي عليها 🤦🏻♂️
رغد وهي بتلم حاجاتها من ع الترابيزة : يلا جاية اهو يلا بينا
عمر : ايه دة بجد !
رغد : ايوة يلا
عمر : رغد
رغد : نعم ؟
عمر : الأجتماع خلص 💁🏻♂️
رغد وهي بترجع حاجاتها ع الترابيزة : طب ي عم اومال راعبنا ليه 🙄
( يضغط عمر ع سنانه ب غيظ ، تتوتر رغد وتلم الحاجة تاني وتجري قدامه ، تدخل مكتبها مع مكتب تاني قاعدة عليه بنت )
درة : كنتي فين ي نيلة ؟!
رغد : كنت باكل
درة : يخربيت بطنك ، مش في اجتماع 🤷🏻♀️
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
