رواية قدري انت الفصل الثاني عشر 12 بقلم سهيلة سعيد
رواية قدري انت الجزء الثاني عشر
رواية قدري انت البارت الثاني عشر
رواية قدري انت الحلقة الثانية عشر
عمر : هو احنا مش صحاب ، انتي بقيتي بتخبي عليا !
رغد : صدقني من غير سبب 😕
عمر : هو ساعات دة بيحصل فعلاً ، ساعات انا بتقفل من كل حاجة فجأة !
رغد : ايوة بتحصل
عمر : اممممم ، عمتاً ي ستي انا هفرفشك قريب واخليكي تهيصي وترقصي للصبح
رغد : دة ايه دة ، هتغير نشاط الشركة وتجبلنا جوهرة ترقص ف الريسبشن 🤨
عمر : هههههه كان نفسي والله بس مش للدرجة لأ 😄
رغد : ي خسارة ، اومال ؟
عمر : هخطب
( تتخض رغد مع إنها عارفة )
رغد : يراجل !
عمر : اة والله ، شمس انتي عرفاها
رغد : اة عرفاها ، بنت انكل ماهر صاحب بباك
عمر : طاهر
رغد : طاهر اة ، ربنا يتمملك ع خير 🙂💔
عمر ب استغراب : كدة من غير م تتحشري ف التفاصيل !
رغد : مش محتاجة اسأل ع تفاصيل يعني ، هي متتفوتش بصراحة
عمر ب ضحك : اة والله ، البت بتنور ف الضلمة 😄
رغد ب ضيق : اة 💔
عمر : ابويا كمان مبسوط بالحوار اوي
رغد : اكيد عشان صاحبه
عمر : ايوة ، ف قلت اضرب عصفورين ب حجر ، اعمله الي هو عاوزه وف نفس الوقت وانا مرتاح ل دة
رغد : كويس ، ربنا يكملها ع خير
عمر : يارب ي دود ، عقبالك واخلص منك بقا
رغد : لا مش هتخلصه مني ، مطولة معاكم انا
عمر : ليه كدة ي بومة 🤷🏻♂️
رغد : اوصلك بيت عدلك الأول
عمر وهو بيمسك فونه : هههههه ، لو كدة ماشي 😄
( تفضل بصاله رغد ب وجع وهو ماسك الفون بيقلب فيه ، غصب عنها دموعها تنزل ، تتخض وتقوم بسرعة وتضير وشها ، يبصلها عمر ، تمسح دموعها )
رغد وهي بتمشي : هخش انام بقا
عمر : ماشي ، تصبحي ع خير
رغد : وانت بخير 🚶🏻♀️
( تدخل رغد اوضتها وتقفل عليها )
رغد ل نفسها : مش كل حاجة ينفع تاخديها ، الدنيا مش كدة والله افهمي ، عمرها م كانت سهلة كدة او مريحة ، اكيد انتي واخدة ال ٢٤ قيراط بتوعك ، لو مخدتيش فيهم حب هتاخديهم ف حاجات تانية ، وبعدين مستعجلة ع الحب ليه دة وجع قلب والله ، ايوة وجع قلب ، وضعك ومكانتك بين الناس اهم من اي حبيب 💔
( تاني يوم بالليل ، يروح عمر مع بباه ومامته ويتقدمه ل شمس رسمي ويقروا الفاتحة ، بعد شوية ، رغد ومامتها ف المطبخ ، يوصل عمر واهله )
رجاء وهي بتبص عليهم م الشباك : جم اهو 😀
( تبصلها رغد )
رجاء وهي بتخرج م المطبخ : هشوفهم عمله ايه 🚶🏻♀️
( تطلع مامتها برة )
رجاء : ايه طمنوني
ايات وهي بتقعد : قرينا فاتحة والخطوبة اخر الشهر ب اذن الله
رجاء : لولولولولييييييي 😝
الكل : ههههه 😄
رجاء : الف الف مبروك ي بني
عمر : الله يبارك فيكي ي قلبي 😄
رجاء : عقبال عبده ي مدام ايات
ايات : الله يخليكي ي ام رغد
( تقرب رغد )
رغد ل عمر : مبروك ي عمور 😊
عمر : الله يبارك فيكي ، عقبالك
رغد : تسلم
ابو عمر : الخطوبة يوم ٣/٢٦ ب اذن الله ، عشان تعمله حسابكم بقا
رجاء : ربنا يتمم ع خير يارب
الكل : يارب
( تعدي الأيام ، ف بيت عمر ، عمر وشمس واقفين ف جنينة البيت )
شمس : ايوة هنا اوسع وفي اماكن للتصوير احلى ، عشان كدة قلت اقولك
عمر : خلاص مفيش مشكلة ، من بكرة نجيب التيم يظبط الدنيا
شمس : اوك 😊
( تعدي رغد )
شمس وهي بتبصلها : لو سمحتي
( تبصلها رغد وتقرب عليها )
رغد : نعم ؟
شمس : ممكن ماية بليز ؟
رغد : اوك 😒
( تمشي رغد تدخل المطبخ ، تفتح التلاجة تاخد منها ازازة ماية وتصب منها ف كباية وتطلع بيها ، تقرب عليهم )
شمس : لا لو هنا احلى عشان الورد دة
عمر : ايوة صح
رغد : اتفضلي
شمس وهي بتمسك الكباية : شكراً ، لا لأ استني انا مبشربش ساقعة !
رغد : انتي محددتيش !
شمس : يمكن عشان احنا ف عز البرد مثلاً 💁🏻♀️
( تتنهد رغد وتاخد منها الكباية ب عصبية تدلدق منها ع ايد شمس وتمشي )
شمس ل عمر : ايه دة !!
عمر : معلش ي شمس متدقيش 😐
شمس : دي دلقت الكباية ع ايدي !
عمر : اكيد متقصدش !
شمس : م دة اكيد ، بس قلة زوق بجد !
عمر : معلش حقك عليا انا
( تدخل رغد المطبخ ع اخرها تدلق الكباية ف الحوض وتملاها ماية عادية وتخرج ، تقرب عليهم )
رغد : اتفضلي 🥛
شمس : ع فكرة انتي دلقتي الماية عليا
رغد ب استغراب : فين دة ؟!
شمس : دلقتيها ع ايدي
رغد ب برود : معلش ، اتفضلي 😊
شمس وهي بتاخد منها الكباية : غبية 🙄
رغد : لا انا مش غبية ع فكرة ، انا بعاملك ب مستوى فهمك بس
شمس : نعم !
عمر : رغد !
شمس : انتي قليلة الأدب 😐
رغد : ان ………
عمر ب حدة : رااااغد !
( تبصله )
عمر : خشي جوة
رغد : انت مش ………
عمر : سمعتي !
( تدمع عيون رغد وتمشي )
شمس : بتجيبه الأشكال دي منين بجد !
( يتنهد عمر ب ضيق ، تدخل رغد البيت ودموعها بتنزل ، يشوفها عبدالرحمن )
عبدالرحمن وهو بيقرب عليها : ايه دة مالك ؟!
رغد : ماليش 🤦🏻♀️
عبدالرحمن وهو بيقف قصادها : في ايه بجد ، حصل ايه ؟!
رغد : محصلش حاجة
( تدخل اوضتها وتقفل عليها ، يستغرب عبدالرحمن ، يطلع الجنينة ويقرب ع عمر )
عبدالرحمن : صباح الفل
عمر وشمس : صباح الخير
عبدالرحمن ل شمس : عاملة ايه ؟
شمس ب ضيق : الحمدلله
عبدالرحمن ل عمر : متعرفش رغد مالها ؟
عمر : مالها ؟!
شمس : رغد دي الشغالة الي ادتني الماية ؟
عبدالرحمن : شغالة !
شمس : ايوة بنت الشغالة
عبدالرحمن : اة !
شمس : بني ادمة قليلة الزوق
عبدالرحمن ب استغراب : ليه كدة ، حصل ايه ؟!
( تحكيله شمس )
شمس : ليه وليه بقا ، سوري يعني هي دي مش شغلتها ولا انا غلطت فيها ؟
عبدالرحمن : معلش ي شمس متزعليش ، اصل احنا مبنتعاملش مع رغد ع إنها شغالة هنا سواء هي او مامتها ، احنا بنعتبرهم فرد م العيلة يعني 🤷🏻♂️
شمس : اكبر غلط طبعاً ، لإن دة خلاها اتطاولت عليا ف الكلام ، يعني دي لو شغالة ف بيتي والله م اقعدها ساعة ع بعض 🙅🏻♀️
عبدالرحمن : ع فكرة رغد طيبة اوي وكل الي بيعرفها بيحبها ، انتي بس عشان مش عرفاها كويس !
شمس : لا ولا عاوزة اعرفها اصلاً ، والله غيرت مودي ، انا عاوزة امشي
عمر : شمس خلاص متكبريش الموضوع !
شمس : انا مبكبرش مواضيع ي عمر انا بقول عاوزة امشي ، في مشكلة ف دة ؟
عمر : لا مفيش !
شمس : اصلاً مش فاهمة انت ازاي سمحتلها تكلمني كدة !
عمر : فين سمحتلها ي شمس م انا مزعقلها قدامك !
شمس : كدة انت زعقتلها !
عمر : ايوة
شمس : كتر خيرك بصراحة ، باي ي عبده 😒
( تمشي شمس )
عمر : شمس !
( متردش وتمشي ، يروح وراها )
عمر : شمس استني !
شمس وهي بتركب عربيتها : هبقا اكلمك
( تسوق وتمشي ، يتنهد عمر ب ضيق ويدخل جوة ، يدخل المطبخ بيدور ع رغد ميلاقيهاش ، يقرب ع اوضتها ويخبط ، تفتح رغد )
عمر : مش عاوزك تزعلي من شمس
رغد : واضح إن الي زيها مصروف عليه قلة زوق 💁🏻♀️
عمر : ع فكرة انا جاي اقولك متزعليش ف متسوقيش فيها !
رغد : انا سايقة فيها ؟!
عمر : واوي كمان ، لاحظي إن شمس خطيبتي ومينفعش تتكلمي عنها كدة ي رغد ، ف لو سمحتي الزمي حدودك وانتي بتتعاملي معاها ☝🏻
رغد : انا مش عاوزة اتعامل معاها اصلاً !
عمر : هتطري ، ف ياريت لو دة حصل تتعاملي ب زوق
رغد ب ابتسامة : تمام ي عمر ، هتعامل ب زوق 🙂
عمر : تمام
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
