رواية قدري انت الفصل الثامن 8 بقلم سهيلة سعيد
رواية قدري انت الجزء الثامن
رواية قدري انت البارت الثامن
رواية قدري انت الحلقة الثامنة
عبدالرحمن : انا مش مستعجل ع ردك
عبدالرحمن : المهم إني جنبك وإنك معايا
عبدالرحمن : دة يكفيني عن اي حاجة ف العالم ♥️
عبدالرحمن : انا بحبك وهفضل احبك ♥️
عبدالرحمن : ومش كدة وبس
عبدالرحمن : انتي البني ادمة الي عاوز اكمل معاها حياتي ي ماس ♥️
عبدالرحمن : نفسي تكوني ليا ومعايا بجد ♥️
عبدالرحمن : خطيبتي ومراتي وكل حاجة ♥️
عبدالرحمن : لو وافقتي انا هكلم خالي وهطلبك منه
عبدالرحمن : بس انتي وافقي
عبدالرحمن : بحبك ي ماستي ♥️
( يقفل عبدالرحمن الفون وهو مبتسم ب ارتياح إن اخيراً قال كل الي جواه ، بعد شوية ، رغد ف اوضة الغسيل واقفة ف البلكونة بتنشر ، تسمع صوت تزمير عربية ، تعرف إن شمس وصلت ، تجري تطلع م الأوضة تدخل بلكونة تانية ، تلاقيها داخلة ب عربيتها وعمر مستنيها عند الباب ، تنزل من عربيتها ، يقرب عليها عمر يسلم ويدخله جوة ، تبص عليهم من فوق )
ايات ب ترحيب : اهلاً اهلاً ب القمر 😀
شمس وهي بتحضنها : حبيبتي 🥰
ايات : ايه الحلاوة دي ♥️
شمس : انتي الي جميلة اوي ☺️
ايات : نورتينا ي حبيبتي اتفضلي
( يقعده ف الأنتريه )
ايات : عاملة ايه ي شموسة ؟
شمس : بخير والله الحمدلله ، حضرتك عاملة ايه ؟
ايات : الحمدلله ي قلبي
شمس : دايماً يارب ، اومال فين عبده ؟
ايات : جاي دلوقتي
شمس : اتحمست اشوفه من كلام عمر عليه
ايات : اخر العنقود بقا ومطلع عنينا 🤷🏻♀️
شمس : هههههه ، ربنا يخليهولك
ايات : تسلميلي ♥️
( واقفة رغد فوق مترددة تنزل ، تبص ع نفسها ف مراية محطوطة ، تشيل زنط الهودي من ع دماغها وتشيل التوكة من شعرها تفرده )
رغد : والله لو نزلتي ب البكيني مش هتعلي عليها ب ١٪ 🤦🏻♀️
( تلم شعرها تاني وتحط عليه الزنط وتنزل وهي باصة ف الأرض وحاطة ايدها ف جيبها ، يشوفوها )
ايات : اهو جه عبده
عمر ب تريقة : لا دة البادي جارد بتاعنا 😏
( تبصلهم رغد )
ايات : ايه الي عملاه ف نفسك دة ، والله فكرتك عبده !
رغد وهي بتبص ل شمس : عبده ف اوضته 😐
ايات : طب اندهيه
رغد : اوك
( تطلع رغد فوق )
شمس ب شك : مش دي سكرتيرتك ؟!
عمر : اة هي
شمس ب استغراب : ايه الي جايبها البيت ؟!
ايات : رغد تبقا بنت المساعدة بتاعتي
شمس ب فهم : اهاا
ايات : بس يعني احنا بنعتبرهم من اهل البيت ، لإنها معايا هنا ذيادة عن عشرين واحد وعشرين سنة ، كانت لسة رغد عندها سنة ولا اتنين
شمس : دة من زمان اوي !
ايات : اة اوي
شمس : ربنا يديم بينكم المحبة 😊
ايات : امين يارب
( ينزل عبدالرحمن )
عبدالرحمن : مش تقوله ي جدعان إن مرات اخويا هنا 🤷🏻♂️
( تتخض رغد م الكلمة وراه )
شمس : ههههه ، شوفت بقا خبوا عليك 🤭
عبدالرحمن وهو بيقرب عليها : عيب والله
( يسلم عليها ويقعد معاهم ، تدخل رغد المطبخ وتقعد ع الترابيزة )
رجاء : خدي مني يلا
رغد : ………
رجاء : بت !
رغد ب انتباه : نعم ؟
رجاء : خدي الأكل طلعيه ع السفرة
رغد : م تخليني انا اغرف وانتي طلعي 😕
رجاء : لا انتي اخف مني ، خلصي مش هنتعازم ع بعض احنا 🤷🏻♀️
رغد ب تنهيدة : طيب
( تاخد منها رغد وتطلع ع السفرة وهي بتتلاشى تبص لحد ، يعدي الوقت ورغد قاعدة اليوم كله ف المطبخ مطلعتش برة ابداً )
رجاء : خدي طلعي العصير
رغد ب عصبية : م تطلعيه انتي ي ستي هو انا جرسون البيت 🤷🏻♀️
رجاء : الله مالك في ايه ؟!
رغد : ماليييش 🤦🏻♀️
رجاء : انتي محروجة م الضيفة ؟!
رغد وهي بتبصلها : لا طبعاً هتحرج ليه !
رجاء : اومال مش عاوزة تخرجي برة ليه ؟!
رغد : مقلتش مش عاوزة اخرج ، انا بس رجلي وجعاني م الچيم 😒
رجاء : يادي الچيم الي طلعلالي فيه جديد دة !
( تطلع رجاء العصير )
رغد ب تنهيدة : وياريته نافع 🙄
( ف بيت ماس ، توصل البيت ، اول م تدخل يرن اشعارات الفون ، تلاقي ماسدچات كتير ، تدخل ع اوضتها تغير هدومها وتقعد ع السرير وتبدأ تفتح وتشوف الي اتبعتلها ، تفتح الواتساب وتفتح شات عبدالرحمن ، تقع عيونها ع كلمة بحبك ♥️ تتخض )
ماس : ايه داااا !!
( تقرأ الكلام ب الترتيب ، دماغها تسخن حرفياً نار طالعة من دماغها وبطنها وجعتها ف ساعتها ، تسيب الفون وتبص حواليها ب زهول ، تحط ايدها ع بؤها وتفضل باصة قدامها ب صدمة ، ف بيت عمر ، واقف هو وشمس عند عربيتها )
شمس : بجد انتوا عيلة لطيفة واليوم كان ممتع اوي معاكوا 🙂
عمر : ي ستي تعالي كل يوم ، عبده حبك اوي 😄
شمس : واخو عبده ؟
عمر : شكله هيعملها 🙂
( تبتسم شمس ، واقفة رغد ف البلكونة شيفاهم )
عمر : بما إن انهاردة الڤلانتين وكدة
( يطلع من جيبه علبة ويفتحها فيها خاتم ، تتخض رغد فوق )
عمر : تتجوزيني 💍
شمس ب خضة : احيه فاجأتني 😅
عمر : حلوة المفاجأت 🙂
شمس ب ابتسامة : حلوة 🙂
عمر : طب ايه ؟
( تبتسم وتمدله ايدها ، يلبسها الخاتم ويبوس ايدها ، تنزل دموع رغد ب قهرة وتدخل جوة ويذيد عياطها ، تمشي شمس ، يدخل عمر البيت ويطلع فوق ، يقرب ع اوضته ورغد بتقرب عليه باصة ف الأرض وحاطة ايدها ف جيبها ، يشوفها )
عمر وهو بيقرب ناحيها : عم المختفي 🤷🏻♂️
( متبصلوش )
عمر : فينك م الصبح ؟
رغد وهي بتعدي من جنبه : موجودة 😒
( يمسك دراعها تزقه تلقائياً ب عنف يتهبد ف الحيطة ، يبصلها ب خضة )
رغد ب ندم : مش قصدي ، اسفة 😟
( ميردش باصصلها ب استغراب ، تنزل ع تحت تدخل اوضتها وتتفتح ف العياط ، ف بيت ماس ، قاعدة ع سريرها باصة للفون ومش عارفة ترد تقول ايه ، عند عبدالرحمن ، قاعد ف اوضته وماسك الفون ، فاتح شات ماس وشايفها عملت سين بس مردتش ودة يقلقه )
عبدالرحمن : ردي بقاااا 😐
( يعدي اليوم ، تاني يوم الصبح ، تصحى رغد تروح الشركة قبل عمر ودة نادراً لما بيحصل ، قاعدة ف مكتبها ، تدخل درة )
درة ب استغراب : ايه دة جاية بدري ازاي وليه وجرا ايه ف الدنيا 🤷🏻♀️
رغد : ههههه 😄
درة وهي بتقعد ع مكتبها : جرا ايه بجد ؟!
رغد : منمتش اصلاً من امبارح ، ف قلت اجي اضيع وقت
درة : وليه منمتيش ؟
رغد : حاولت ، معرفتش
درة : تفكير اكيد
رغد : اة
درة : بتفكري ف ايه ؟
رغد : حاجات كتير
درة : زي ؟
رغد : شمس كانت عندنا امبارح
درة : لا والله !
رغد : امممم ، عمر قدملها خاتم هدية الڤلانتين ، وطلب يتجوزها
درة ب خضة : احيه !
رغد ب ابتسامة : كنت بتفرج عليهم من فوق 😊
( تبصلها درة ب حزن )
رغد : كان شكلهم حلو ، تخيلت اكون مكانها ، بس هي محدش يملى مكانها بصراحة ، بطل 🙄
درة ب غيظ : م تبطلي بقااا !
( تبصلها رغد )
درة : بطلي تقللي من نفسك وتعلي من غيرك حتى لو ميستاهلش ، انتي احسن الناس واجملهم ، انتي الف واحد يتمناكي !
رغد ب دموع : بس هو متمنانيش ، هو اتمناها هي ، حتى لو انا حلوة هي احلى 💔
درة : لا هي مش احلى ، انتي الي عاوزة تقنعي نفسك ب دة معرفش ليه 🤷🏻♀️
رغد : انا مبقنعش نفسي ، دي الحقيقة !
درة : لا مش الحقيقة ، انتي مش اقل من اي حد ، كل واحد فينا جميل بطريقته ، حتى لو الشكل رايح ف ستين داهية سهل يتجمل ب ميكب وباروكة وشوية نفخ وشد ولا رياضة ، لكن الي جوة هتجمليه ازاي ، محدش يعرف يجمل حد من جواه ي رغد ، وانتي جميلة اوي من جواكي واطيب خلق الله ، وحتى براكي قمر بس لو بطلتي تقارني نفسك بحد ، بصي ل حالك وبس ، خليكي دايماً مقتنعة إن مهما شوفتي جمال مفيش اجمل منك ، انتي اجملهم ✨
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
