رواية قدري انت الفصل الثالث عشر 13 بقلم سهيلة سعيد
رواية قدري انت الجزء الثالث عشر
رواية قدري انت البارت الثالث عشر
رواية قدري انت الحلقة الثالثة عشر
( يمشي عمر ، تنزل دموع رغد ، تاني يوم ، ف بيت درة ، جوة اوضتها ، قاعدة درة ورغد )
درة : ي قلبي تنوريني ف اي وقت
رغد : حسيت إني مخنوقة اوي وعاوزة امشي م البيت ، وف نفس الوقت مش عاوزة اروح الشركة واشوفه هناك ، حاسة هتحصل بينا مشكلة 😕
درة : لا ابعدي شوية كدة احسن
رغد ب دموع : هو انا فعلاً اتعديت حدودي معاهم ي درة ، ذودتها انا صح ؟
درة : هوااا مش الفكرة يعني بس ……..
رغد : ايوة مكانش يصح اتكلم معاها كدة ، بس انتي مشفتيش شكل وشها وهي بتكلمني ، كانت مستحقراني والله 😟
درة : اصل هي متعرفكيش ي رغد ، هي شيفاكي شغالة البيت مش زي م عمر واهله شايفينك 😕
رغد : لا كان زمان بقا ، عمر بقا شايفني زيها ، بيقولي ألزمي حدودك ، يعني هو عارف حدودي فين ، عارف إني بنت الخدامة ف لازم يبقالي حدود مع خطيبته ومتعدهاش !
درة : هو اكيد مش دة قصده 🤷🏻♀️
( تنزل دموع رغد )
رغد : انا عمر م حطيط ف بالي حوار بنت الخدامة دة ، دايماً اقول امي وافتخر بيها وربتني احسن تربية وعملتني كويس وطلعتني احسن الناس ، لحد م حسيت دة ف عيون عمر ، حسيت اد ايه هو شايفني قليلة والمفروض متطاولش ع اسيادي واعرف حدودي معاهم ، طب اشمعنا دلوقتي حسسني الأحساس دة ، كل دة عشان ست شمس ي عمر ، كل دة عشانها 😥
درة : متنسيش إنها خطيبته برضو ي رغد
رغد : صح ، عندك حق ، هو احنا ليه بنتعلق ب ناس مش لينا ، يعني بنختارهم من وسط ملايين ونقول هو دة ، ودة اصلاً مخترناش ولا عمره هيختارنا !
( تمسح دموعها )
رغد : تعرفي ، زمان انا كنت عمري م بهون ع عمر يشوفني زعلانة بس ، دلوقتي بقا هو سبب ف زعلي ويشوف دموعي قدامه واهون عليه ، احساس وحش اوي إنك تهوني ع الي بتحبيه 💔
درة وهي بتطبطب عليها : خلاص بقا صلي ع النبي 👋🏻
رغد : عليه الصلاة والسلام 😔
درة : احنا اصلاً مش قلنا هنبص ل نفسنا وبس ؟
رغد : ايوة 😥
درة : اومال ايه بقا ، مش عاوزين لا سيرة عمر ولا شمس دي ، يتحرقه الأتنين 🤷🏻♀️
رغد : لا تتحرق هي لوحدها ، عمر لأ 😥
درة : ههههه ، خلاص تتحرق شمس بس ، طب اقولك نكتة ؟
رغد : قولي
درة : عارفة القطايف بتروح ل الدكتور ليه ؟
رغد : ليه ؟
درة ب ضحك : عشان الحشو وقع 😂
رغد وهي بتقوم : لا انا قايمة اروح 🏃🏻♀️
درة : ههههههه خدي هنا خلاص وربنا 😆
( تعدي الأيام وتفضل رغد قاعدة ف بيت درة لإنها عايشة لوحدها ، ف بيت عمر ، الكل قاعدين بياكله ، تقرب ام رغد ع السفرة تحط الماية )
ايات ب استغراب : اومال فين رغد ي رجاء ، بقالي فترة مبشوفهاش !!
رجاء : اة عند درة صاحبتها ، قالت هتقضي عندها كام يوم تغير جو
ايات : امممم !
ابو عمر : يعني انتي واثقة ف صاحبتها دي ي رجاء ؟
رجاء : ايوة دي شغالة معاها ف شركة عمر
ابو عمر ل عمر : عارفها ي عمر ؟
عمر وهو بياكل : اة ، بنت كويسة 😒
ايات : ايوة عشان نطمن عليها برضو
رجاء : ايوة اكيد
( يقوم عمر )
ايات : كلت ؟
عمر : اة الحمدلله ، همشي عشان متأخرش
ايات : مش المفروض تاخد اجازة ، انت خطوبتك بكرة !
عمر : دي خطوبة ي ماما مش مستاهلة اجازة قبلها ، هو بكرة وخلاص كدة 🤷🏻♂️
ايات : طيب حاول ترتاح برضو
عمر : حاضر ، باي
الكل : باي
( يمشي عمر ، يركب عربيته ويمسك فونه )
عمر : الو ، ايه ي خالد فينك ؟
خالد : داخل ع الشركة اهو
عمر : طب بقولك ايه
خالد : ايه ؟
عمر : متعرفش درة عندها اخوات شباب او لأ ؟
خالد : لأ مش عارف ، بس اظن لأ ، الي اعرفه إن اهلها عايشين برة وهي عايشة لوحدها
عمر : تمام
خالد : في حاجة ولا ايه ؟!
عمر : لا لا مفيش ، انا جاي اهو ، سلام
( يقفل عمر ويشغل عربيته ويمشي ، بعد شوية ، عمر واقف ف الدور شايف الشركة كلها من فوق ، ماسك فونه بيتكلم )
عمر : اة خلاص هانت ، اها ، لا ظبطه كل حاجة ، ايوة
( وفجأة ، عيونه تلمح بنت داخلة م البوابة ، شعرها قصير عند كتفها وقوصة نازلة ع عيونها وميكب بارز الجمال ، لابسة فستان بيچ مشجر ف ورد كشمير قصير فوق الركبة ، اوف شولدر ب كم ، وصندل بيچ وشنطة كروس بيچ ، يفضل عمر باصصلها من جمالها وتقريباً كل العيون عليها ، تقرب ع الأسنسير وتدخله ، الأسنسير ازاز شفاف باينة جواه )
عمر ف الفون : اة ، لما اروح هصورهولك ، اة ، حاضر
( تقرب عليه البنت ، يضير وشه عشان ميبانش إنه باصصلها ، تعدي من جنبه )
رغد : صباحو 😌
( يتخض عمر اما يسمع صوتها ويبصلها بس تكون مشيت ، يرتبك )
عمر : ااا هكلمك تاني اوك ، باي !
( تدخل رغد مكتبها )
درة : اوعاا بقا النيولوووك 😃
رغد وهي بتحط ايدها ع شعرها : حلوة القصة ؟
درة : جامداااا ، والفستان فشيخ 🥹
( يدخل عمر ، يبصوله ، يبص ل رغد ب استغراب )
درة : محتاج حاجة ي استاذ عمر ؟
عمر : ااا لأ 😐
( يمشي عمر )
درة : ع فكرة كان جاي يتأكد إنه انتي هههههه 😂
رغد : هو انا شكلي اتغير اوي كدة !!
درة : جداااااً ، انتي مش شايفة نفسك ف المراية ولا ايه 🤷🏻♀️
رغد : للدرجة دي انا كنت مهملة 😕
درة : بصراحة اة
( تتنهد رغد )
درة : في اجتماع كمان حبة متنسيش
رغد : اوك
( بعد عشر دقايق ، ف مكتب عمر ، واقف عمر عند الشباك بيتكلم ف الفون والموظفين بيتجمعه ع الترابيزة ، يدخل باقي الموظفين ، يقفل عمر الفون ويقرب عليهم )
عمر : باقي مين ؟
درة : رغد جاية
عمر وهو بيقعد : اوك
( تدخل رغد ، يبصلها الكل ، تلاقي كرسي جنب بسام ، تسحبه وتقعد جنبه ، يبصلها عمر ب استغراب كانت دايماً تقعد ع الكرسي الي جنبه حتى لو حد قاعد عليه كانت بتقومه زي الأطفال وتقعد هي )
خالد : ااا استاذ عمر ، نبدأ ؟!
عمر : اة 😐
( يبدأ الأجتماع والكل بيتناقش )
بسام ل رغد ب صوت واطي : هو انتي جديدة هنا ؟!
رغد : لأ
بسام : اول مرة اشوفك !
رغد : انا الي اول مرة اشوفك !
بسام : انا فعلاً جديد ، يعني مكملتش شهر كدة
رغد : امممم ، عشان كدة
بسام : انا بسام 🙂
رغد : رغد 😊
بسام : تشرفنا 🙂
رغد : تسلم
( يلمحهم عمر بيتكلمه ، يبصلهم )
خالد ل عمر : ف لو عملنا ترويج ل البيدچ هتفرق برضو ف وصول اسم الشركة ل عدد اكبر
( عمر باصص ل رغد وبسام )
خالد : استاذ عمر !
( يبصله )
خالد : حضرتك معايا ؟!
عمر : كنت بتقول ايه ؟
خالد : بقول إن لو عملنا ترويج ل البيدچ هتفرق برضو ف وصول اسم الشركة ل عدد اكبر
عمر : تمام نعمل ترويج
( يبص ل بسام )
عمر : مش برضو استاذ بسام الي ماسك السوشيال ؟
بسام ب انتباه : اة تمام هعمله
عمر : تمام
رغد : بس برضو ازاي نضمن إن التسويق ينجح وسط الشركات المنافسة دي كلها ، الموضوع ذاد وانتشر من وقت م بقا الترويج ع السوشيال
بسام : ايوة دة حقيقي
رغد : طب ي بسام انت تقدر تذود تقييم للبيدچ واراء ، لإن لو الزبون قرأ اراء العملاء الي قبله بيطمن برضو
بسام : اة سهلة دي
رغد : تمام كدة
بسام : طب انتي ليه مش معايا ف قسم التسويق والله دماغك حلوة 😄
رغد : ههههه ، لا مش اوي كدة 😄
بسام : لا بلاش تواضع ، إن ………
عمر ب صوت عالي : نركز ف شغلنااا !
( ينتبهوله ، يعدي الوقت ويخلص الأجتماع ، الكل بيخرج )
عمر وهو مازال قاعد : رغد
( تبصله )
عمر : استني عاوزك
رغد : اوك !
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
