رواية قتلني ورحل الفصل الرابع 4 بقلم ميفو السلطان
رواية قتلني ورحل الجزء الرابع
رواية قتلني ورحل البارت الرابع
رواية قتلني ورحل الحلقة الرابعة
كان قاسم في عمله ليستدعيه جده وكان غاضبا.. ليقول وبعدهالك يا قاسم بيه مش الزفت السنه عدت وسيادتك لابدلي تحت مع الشغالين عندي.. هو ايه انت سقت فيها.. انت من بكره تخش مكتب نعيم انا مش هقعد كده بطولي لا ابن ولا حفيد.. انت هتجلطني ناقصك ايه مش اتهببت اتعلمت واتمرمط سنه كامله ودا اخري انا خلاص عايز ارتاح وحفيدي يخش معايا ويناطح معايا..
ليهتف قاسم… ياجدي انا اه اتعلمت بس لسه شويه لو قعدت جنبك هبقي حفيدك ماليش قيمه انا عايز ابقي قاسم الحديدي اللي مايقفش جنب حد ويستخبي..
ليهتف بدر.. وهتبقي قاسم ز*فت امتي انا جبت اخري انت يابني جايب طباع الغلابه دا منين دانت سيد.. باشا تأمر فتطاع جدك مش قليل جدك الكل بيخاف منه..
ليهتف قاسم… والنبي يا جدي انا ماليش في موضوع السيد والعبيد بتوعك دول بس ليا ان الناس تخاف مني بشغلي يوم ماقعد علي مكتب ابويا اقعد صح ودا اللي ليك عندي..
ليتنهد الجد.. اما اشوف اخرتها.. بس اعمل حسابك السنوسي عامل حفله تخرج بنته هنروح انا وانت..
ليهتف قاسم… وانا مالي بسي ز*فت وبنته اروح بتاع ايه انا لا بطيقه ولا بطيق البت دي.
ليهتف الجد.. لا هتطيقها دي هتورث ملاين ودي اللي تنفعلك بلاش بقه شغل الشحاتين ده ولم نفسك البت ماهسيبهاش ابدا تطير احنا هنتحد وانت هتتهبب تتجوزها..
ليصرخ قاسم باندفاع لم يعمل حسابه ليقول.. اتجوز مين انا مش هتجوز الا اللي بحبها انت فاكرني ايه لعبه في ايدك..
لينظر اليه بدر فهو رجل حويط وذو باس ليقول.. انت بتحب يا قاسم.. طب وماله لو حاجه كبيره هاتها وانا اجوزهالك انا عايز عيال وخلف عايز عزوه انت فاهم..
ليرتبك قاسم ويقول.. احب ايه بس انت سايبلي فرصه.. بس جواز من البت اللي شكل البرص دي مش هيحصل..
طل جده ينظر اليه وتيقن ان حفيده به شيئا.. ليهتف عموما دا كلام سابق قدامك بالكتير كام شهر وتيجي تترزع مكانك والعالم كلها تعرف انت مين وابن مين ودا اخر كلام..
ليخرج قاسم غاضبا لانه لاحيله له في تصلب جده وجبروته وهو ما زال يافعا..
لينهش القلق قلب الجد ويقول.. مش مرتحالك يابن نعيم ليرفع السماعه ويهتف جمال اسمع انا عايزك تشفلي قاسم بيعمل ايه من ورايا واياك تحسسه بحاجه..يا خوفي يابن نعيم انت حد يضحك عليك ويلعبلك في عقلك مانت اهبل.. لااا ساعتها انهش قلب اللي يقرب منك انا مخطط ليك ولاخوك كل حاجه تمشي بالمسطره.. لو هدوس عالدنيا بحالها بس خططي تمشي امبراطوريه الحديدي تمشي غول السوق قاسم نعيم هيجي . ..
خرج قاسم والغضب ياكله.. عايز يجوزني بت بارده ماعندهاش لا دم ولا اخلاق.. ليتذكر ليال.. طب والقمر اللي خد قلبي اسيبه.. تسيب مين يا قاسم انت عبيط.. البت بروحك تسيبها دانت قابلتها مرتين ورشقت جواك امال لما تكلمها وتبقي بتاعتك.. ليال ماهسيبهاش لصنف راجل يبصلها مش اروح اجيب واحده مبصوصلها من خلق الله.. ليخرج تليفونه ويتصل بها وما ان رات اتصاله لترتبك.. هو بيتصل ليه ماكنا لسه مع بعض.. لتفتح وتقول بلهفه.. قاسم خير فيه ايه انت كويس كنت قلتلي ان قلبك تعبان..
ليشعر بسعاده انها قلقه عليه.. ليهتف والله قلبي ماعدش معايا…
لتقاطعه طب ليه يا قاسم تسيب نفسك والنبي لازم تتعالج…
ليهتف.. ماقدرش ماسيبش نفسي وربنا ومش عايز اتعالج دانا عايز اكتر والله..
لتحس بالوجع.. لا يا قاسم ربنا كبير وكل حاجه وليها علاج وماتياسش كده واحنا جنبك..
ليهتف.. بجد يا ليال هتبقي جنبي..
لتشعر بالحرج وتقول… اه طبعا انا وماما معاك علي طول انت بس تتعالج.. والنبي يا قاسم تتعالج ماتوجعش قلبي…
ليحس انه طاير بعيد ليقول.. ماعاش اللي يوجع قلبك بس بصراحه من غير زعل انا لا تعبان ولا حاجه انت االي فهمتي غلط وتقريبا بتفهمي كل حاجه غلط..
لتقطب قليلا وتحس بالراحه ولكنها اغتاظت منه… طب وبتعمل كده ليه انت عقلك فيه حاجه توجعلي قلبي ليه انا دلوقتي عملتلك ايه هو حد بيبشر علي نفسه ..
ليهتف… طب براحه طيب والله اصلك كنت مابتنطقيش وحبيت احنن قلبك عليا شويه وتتكلمي…
لتقول… تحنن قلبي هو انا كنت قاسيه معاك دانا ماعملتلكش حاجه حرام بجد..
ليهتف.. قاسيه ايه بس دانتي حاجه تانيه والله.. بس خلاص بقه طب يا ستي ادعي علي نفسي اني..
لتقاطعه.. بس بس بعد الشر عنك بطل والنبي..
لييسعد ويقول بحب…. ايه خايفه عليا ممكن اعرف ليه..
لترتبك وتقول.. لا مش خايفه.. لا خايفه.. قصدي يعني مش بحب حد يجراله حاجه وحشه..
ليهتف.. حد.. هو انا حد.. لا يا ليال انا قاسم.. وقريب هبقي حاجه اكتر من قاسم كمان..
لتخجل ولم ترد عارف هتسكتي كل اما بنطق كلمتين تسكتي لما هنقهر.. اقلك سلام بقه يا قمر اروح اقول لمامتك علي اللي اتفقنا عليه..
لتسعد بشده وتهتف بسعاده اه والنبي قلها قلها عشان توافق.
ليقول… ولو وافقت هتنبسطي..
لتقول بلهف اه والله هنبسط اوي..تسمع ضحكته فتحس بالحرج وتقول.. اصل.. اقصد يعني عشان هتساعدني وكده..
ليبتسم.. والله انت عسليه..
لتتنهد وتصمت ليهتف ليال كنت عايزك تفتحيلي قلبك حاسك مالكيش اصحاب انا انفع.
لتندفع… اه تنفع والله اوي.. لتتراجع.. اقصد يعني يعني.. انا ماليش اصحاب مابعرفش اصاحب ماما مابترضاش.
ليتنهد.. اقول ايه بس مدام فاديه مزوداها قوي
لتضحك ليال وتندفع.. ياختاي دا مش مزوداها دا خنقاني ذات نفسي تخيل بجيب روايات محرماني اقراهم وتقعد تقطعلي نصهم وتقلي لا انت لسه صغيره محسساني اني هبله وما عرفش حاجه وانا عارفه كل الحاجات.
ليضحك… متاكده انك عارفه كل الحاجات.. يا لاتل انت معديه العبط والله.
لتهتف ساخطه.. انت هتعمل زي ماما والله عارفه كل الحاجات وشاطره واعرف الفك علي صوابعي كده لف.
ليضحك وينفجر في الضحك لتهتف.. انت بتضحك علي ايه.
ليهتف والله ماتعرفي تلفي قطه.. انت كتكوت صغنن ملفوف في حرير.. بس قوليلي انت لما بتقري الروايات بتتبسطي
لتندفع دانا عايشه جواها دا حياتي بنام احلم بال.. لتصمت فجاه..
ليهتف بايه قولي..
لتهتف بخجل.. هاه لا مفيش
ليضحك مانا عارف مش قلتلك عارف عنك كل حاجه..
لتهمس.. عارف ايه.
ليهتف.. بتنامي تحلمي بالحصان الابيض والفارس اللي هيجي يخطفك لتتنهد وتصمت ايه مش صح.. يا بنتي بكلم نفسي طب خلاص لو مضايقك اوي كده هقفل.
لتندفع.. لا والله بس بس…
ليهتف مكسوفه صح.. مش قلنا هنبقي اصحاب فيه بين الاصحاب كسوف.. لتتنهد ليهتف والفارس ده بقه عايزاه شكله ايه.
لتتنهد. وتسرح وتغمض عينها عايزاه حنين وطيب وبيحبني وكيوت كده ويقلي كلام كلو علي طول وياخدني ويركبني الحصان ويطير بيا.
ليهمس.. دا هياخدك مش بس يطير دا هياخدك ويدوب فيكي.. ليال انت طيبه اوي.
لتهمس… هو كمان هيبقي طيب ما ربنا قال الطيبون للطيبات وانا هبله صحيح بس طيبه وقلبي مليان خير واللي هحبه هديه الخير اللي جوايا.
ليهتف… بس كده مش عايزاه بقي غني وعنده قصَر البنات بتحلم بكده.
لتضحك .. غني وقصور منين يا حسره انا اخري ابو قرش وابو قرشين.
ليهتف… مين قال دانت تتاقلي بالد هب.
لتهتف… دهب ايه بس انا عمري مافكرت في فلوس ولا حاجات من دي انا بفكر. فيه وبس مشاعره وبس وازاي هسعده انا مستنياه بس يجيلي وهبقي كوبسه خالص معاه.
ليبتسم… هتبقي كويسه ازاي.
لتتنهد اولا هسمع كلامه واقول حاضر وطيب ماللي بيحب بيسمع لحبيبه.
ليهتف… كل كلامه.
لتهتف… اه عشان ما زعلوش ماستحملش يزعل انا لما حد بيزعل مني بتوجع قوي. ثانيا بقه كل اللي اتعلمته في الروايات هعمله.
ليضحك.. طب ماتديني فكره
لتهتف… لا بقه ماينفعش
ليهتف ايه حاجات عيب.
لتشهق… لا والله ماما بتقطع كل العيب انا مش بقرا كده.
ليتنهد… اقول ايه امك هتخليني انقهر والله
لتهتف… ليه تنقهر.
ليهتف… عشان القفله كده كتير يا ليال.
لتتنهد… مش عشان ابقي مؤدبه يا قاسم يعني وانتو انتو الرجاله بتحبو البنت المؤدبه.
ليتنهد…. اه بنحبها بس مش المكبوته يا ليال انا حاسس اني بكلم بنت اختي.
لتقطب… ايه بنت اختك قصدك ايه اني عبيطه وصغيره
ليضحك.. لتغضب وتصمت ليتنهد لا انا اقدر اقول كده.. ايه ساكته ليه.. لم ترد عليه كانت غاضبه ليضحك لتهتف ساخطه بتضحك علي ايه انا مش عبيطه.
ليهتف… طب خلاص حقك عليا مش هقول تاني كده.
لتهتف… بطل تقول كده هزعل منك الله انا مش عبيطه والله وبعرف حاجات كتير بطل.
ليتنهد حاجات كتير.. دا غلب والله.. ليهتف طب خلاص هبطل بس بشرط توعديني انك ماتقفليش علي نفسك معايا وتفتحي قلبك وانا هحاول اخليكي تعرفي حاجات لازم تعرفيها.
لتندفع… بجد با قاسم هتعلمني طب موافقه علمني ابقي بنت زي البنات كده وشاطره انا مابعرفش اتكلم كلمتين اعمل ايه بس.
ليتنهد… الله يسامحها بقه الست الوالده بس اطمني قاسم دخل حياتك َمش هيسيبك كده وهتبقي ليال تانيه علي ايد قاسم.
لتتنهد وتهمس… اه والنبي نفسي ابقي زي البنات.
ليهتف عمرك ماهتبقي زيهم انت في حته تانيه جنيه ملفوفه بسحاب وغيوم ماحدش شافه لسه وانا خلاص دخلت معاكي الغيوم دي واوعدك هاخد بايدك ونبقي سوا.
لتتنهد ماشي يا قاسم.. بس هتعبك اصلي هبله
ليهتف… والله انت تعباني من غير حاجه امال لما اعلمك دانا هعلمك علام يا. فرحه قلبي القمر ده هيتعلم وينور علي ايدي.
لتقول… طب سلام بقه وتقفل الخط من حرجها لتصدح ضحكته. انت مش بس عسليه دانت قشطه بالمربي في علبه قطيفه متبرشمه.. يا رب عدي الايام هموت واشوفها… ليذهب الي فاديه ويقنعها انه سيحضر كتبا لليال ويعطيها لها ويشرح لها علي التليفون لتتجهز قبل الدراسه لتسعد فاديه بذلك ولم تكن تعلم انها بذلك اهدت ابنتها وقلبها لقاسم ليغرز بداخلها مشاعره ليسقيها شيئا فشيئا ليقربها قاسم وتتفتح مشاعر تلك الجَيله علي يديه.
*********
استدعي ايان قاسم ليتكلم معه لياتي اليه قاسم وتدخل عليهم كارما.. لتهتف حبيبي يا قسومه يلللي شارد لوحدك كده..
ليهتف ايان بغضب ماتبطلي بقه دلعك الماسخ ده.
. لتقطب حاحبيها.. وتتمتم عيل بومه بس بموت فيه عبوشكلك.
ليهتف قاسم.. ايه يا عم مالك منشيها كده دا كوكو العسليه بتاعتنا..
لتهتف قول يا قسومه والنبي فيه ناس جبلات مابتحسش.
ليهتف.. طب اطلعي منها وهيا تعمر.ليلتفت لقاسم.. ايه يا ابني هتفضل راقد تحت في قسم الهندسه مكانك موجود يا حبيبي مكتب بابا مستنيك.. قاسم انت الشركه مستنياك انا يا حبيبي مش همسك المجموعه الهندسيه والتجاريه انت عارف ان المجموعه كبيره وانا عايز حد جامد وجدي بدا يفلقس ما بيعوضش وانا المجموعه الهندسيه انت حقك تشيلها انا عارف انك عايز تتودك بس يا حبيبي كده كتير.
ليهتف…. والله يا ايان انا ناوي وناوي اشيل بس اقعد مكاني املاه الهندسه غير يا حبيبي انت شخصيه جباره وتجاري بالفطره انما انا لازم اتمحط عشان اسد والا اخد المجموعه وانزل بيها الارض..
ليهتف ايان.. طب يا حبيبي بس ماتطولش علينا انا شايل عنك كتير وحايش جدك انت اخويا وحبيبي ومكانك جنبي..
ليهتف قاسم ربنا يسهل.. وقام تركهم..
لتظل كارما تنظر الي ايان بحب لتاتي في بالها فكره.. لتهتف بقلك ايه يا ايان ورق مراد بيه لسه فيه ناقص شويه حاجات انا هروح الشركه اخلصهم مش هيعترض دا عسليه ومز وقمر. انا هخليه يمضي من سكات واستدارت
ليشتعل ذلك الذي سمع كلامها ليهب ويلحقها عند الباب ليقول.. انت ايه اللي مز وزفت علي دماغك ماتحترمي نفسك انت جايه تشتغلي والا تشقطي.. ومرواح هناك ماهتروحيش ويلا غوري من قدامي بدل ما اطلع روحك..
لتنظر اليه بغ*ضب.. ايه قله ادبك دي مين اللي تغور ماتحترم نفسك لتنظر اليه وتربع يدها وماله مراد اما اشقطه صاحب شركه وغني وابن ناس وحته سكر ومعجب بيا يبقي ايه المانع يا اخويا..
ليمسك يدها ويشد*ها بع*نف.. نهار ابوكي اسود انت اتخبلتي يا بت بتقوليها عيني عينك قدامي عايزه تشقطي الراجل ليه مقعده قرني.. متسابه علي بعضك..
لتهتف بدموع…. وتقول ايدي يا اخي منك لله.. ايه زعلان ليه هو اللي تعوز تتجوز يبقي حرام..
هنا لم يستطع ان يتحكم في نفسه وانقض عليها ومسك دراعها ولواه لتصر*خ.. بقي عايزه تتجوزي.. العيله اللي في البيضه عايزه تتجوز.. دانت ليلتك طين والله لعلمك تلمي حالك وعينك ماتبصش لراجل تاني…
لتهتف… والله انت مجنون سيب ايدي مالك بيا
. كانت تصر*خ ليدخل الجد لتهتف الحقني يا جدو
ليقترب.. ايه يا ابني دراعها هتكسره ليفلتها لترتمي في حضن جدها وتصر*خ.. قله يخليه في حاله َمالوش دعوه بيا انا بقولك قدامه.. عيل رخم وبارد لتندفع للخارج وهيا تبكي لينظر اليه الجد بخبث وهو يري ايان مشتعلا ليهتف ايه يا ابني انت بتاكل في البت مالك بيها.
ليصر*خ…. الهانم عايزه تشقط مراد بتاع شركه المجد وتتجوزه.
ليبتسم الجد.. طب وفيها ايه بت حلوه والواد يشرح دا مكسب.
ليبهت ايان ولا يعرف ماذا يقول..ليهتف.. انت هتعوم علي عومها دا لسه صغيره وماخلصتش تعليم والا عشان اشتغلت هتفجر بقه.
ليهتف الجد بقوه…. لا عندك كارما مايتقالش عليها كده.. و ومش عشان انا طالقك يبقي تطيح علي بدر الحديدي.. بس عموما كارما اللي هيتقلها دهب هيشيلها..
ليهتف ايان بغضب… عايز تجوزها المسخوط ده يا جدي.. هتمشي كلمتها عليك هيا تبص للرجاله واما اتكلم يتقالي كده.
ليهتف الجد.. اهدي بس وانا هريحك ولو انك انت مش عارف انت عايز ايه.. ماتخليش قوتك تتجبر علي اقرب الناس.. فوق لافوقك.. بس عموما ليك روقه يابن نعيم واحد طايح والتاني اهبل.اعمل ايه خلفه هم وتركه وانصرف ليقف ايان ياكل نفسه.. عايزه تتجوز الهانم الاهي تتجنزي يا بعيده…
*******
عند قاسم.. بدا قاسم في اقتحام قلب تلك البريئه التي لا تعرف من الدنيا الا جمالها ولم تري قبح الدنيا وبشاعتها لتكون طفله في هيئه انثي تبدا تعلم مشاعرها علي يد ذلك المحب الذي وقع صريعا لها.. فكان يتغلغل بداخلها بهدوء حتي لايفزعها وتخاف منه.. كان يريدها ان تلتصق به لا شعوريا ويخطط ان تكون له في النهايه.. كان يفتح معها الكلام ليبدا بشرح بعض الصفح من الكتب ليكمل بقيه المكالمه في محادثتها ومشاكستها وهيا تستجيب ببراءه حتي تشبعت من كلامه واصبح ادمان لها فكانت علي مدي الشهر تنتظر مكالمته بحب شديد لتحس ان بها شيئا غريبا وانها تريد دايما ان تسمع صوته وتتلهف عليه ولو تأخر عليها تحس ان قلبها يؤلمها…
اتصل بها قاسم فكان هو دائما الاتصال وكانت تتلهف عليه ليمر الوقت بعد ان شرح لها ليهتف.. ليال كنت بسالك خلصتي روايه قاسم..
لتتنهد َتشعر بالخجل فكانت روايه مليئه بالمشاعر لتهمس اه خلصتها.
ليهتف.. طب ايه حلوه.
لتندفع.. اه فظيعه
ليضحك.. عجبتك يعني طب كويس ايه اكتر حته عجبتك انا كمان قريتها.
لتتنهد اكتر حته عجبتني لما قاسم قال لحبيبته انه عايز يتجوزها.. فظيعه قاسم ده حنين اوي..
ليتنهد… اه حنين كلهم كده والله بس انت تقريبا مش واخده بالك.. ليهتف ليال قاسم لما زعل البطله وبعدت عنه مش كتير اللي عملته والا حقها.
لتهتف.. بص انا مش عارفه بس انا لو بحب مش هبعد كده ممكن ازعل يوم يومين بس مش هقدر ابعد مش هعرف اعيش انا اللي بحبه مابعرفش ابعد عنه اموت
ليهتف.. صحيح يا ليال لو اتعلقتي بحد مش هتبعدي.
لتهتف.. لا والله ماهقدر قلبي يقوم واجعني خالص.
ليتنهد.. وهو مش هيوجعلك قلبك
لتهتف هو مين..
ليقول.. قاسم.. قصدي بطل الروايه اللي هتقعي معاه. لتتنهد وتصمت ليهتف انت قرتيها كلها لتهتف اه ليقول وماما قريتها.
لتهتف بخجل.. لا مانا اتكسفت اقلها انك جايبلي روايه.
ليندفع… يعني قريتي كله اللي فيها….ميفو ميفو
لتهمس… اه قريت
لينسعد.. يا فرحك يا قاسم البت قرت حاجات.. ليهتف
طب يا ليال يعني اخر مشهد في الروايه عجبك..
لتحس نفسها مشتعله ولا تنطق ليضحك شكلك سورقتي فيه مانت صغننه َمابتعرفيش حاجه
لتندفع.. لا مش صغيره خلاص والله وقريته كله وهو ماسكها وبيحض… لتصمت فاجاه
ليهتف… ايه ايه قولي والنبي
لتهتف بخجل… لا خلاص بقه.
ليهتف مكسوفه مني داحنا بقالنا شهر بنتكلم وانا بعلمك مش انا بقيت استاذك وصاحبك هتخبي عني
لتهمس اخبي ايه بس.
ليهتف… ليال انا عايزك تتدردحي شويه عشان الناس ماتبعدش عنك انا عارف وانت خام قوي لازم تقري وتقولي اللي جواكي ماتكبتيش نفسك عشان لما تحبي حبيبك مايتخنقش
لتهمس بحزن.. انا هخنقه صح عشان عبيطه انا عارفه
ليتنهد… وانا فين مش قلت هعلمك بس تسمعي كلامي
لتهمس.. حاضر والله هسمع كلامك كله عشان مابقاش عبيطه.
ليضحك ويهتف طب لما قاسم حضن البطله حسيتي بايه.
لتصمت بخجل لتهتف مش عارفه
ليقول انبسطي.. لتهتف.. امم يعني
ليقول عارف انك مكسوفه بس لازم تعرفي ان الحب مش كلام وبس عشان ماتخافيش لما تحبي
لتتنهد وتهتف.. طيب هتعلم..
ليضحك ويهتف.. والله انت عسليه انت كله حاضر كده
لتهمس.. مش انت صاحبي وبتحبني.
🌿 أستغفرك وأتوب إليك 🌿
ليهتف بوله… اه والله اوي.
لتقول طب مش هتأذيني انا عارفه.. لتهتف مش كده يا قاسم مش هتأذيني.
ليتنهد… ولا عمري اقدر امس شعره منك انت دخلتي في حته مش هتخرجي منها
لتهمس دخلت فين…
ليهتف.. هقلك بس مش دلوقتي اهم حاجه قلبك ده يبقي مفتوح ليا.
لتضحك.. طب يا سيدي انا فاتحه قلبي زي الكتاب اكتب ما بدالك.
ليهتف.. هكتب يا ليال وماحدش هيكتب الا انا وهملاه صدقيني وهتعرفي قريب قوي اني مليته ومليته بالقوي.
لتتنهد…. يا رب يا قاسم تملاه انت حد طيب وكويس اوي.
ليهتف.. طب مش هنكمل قاسم عمل ايه بعدين
لتشتعل وتهتف.. لا عيب عيب بقه دا مش مؤدب
ليضحك والله طب اعمل فيكي ايه.
لتهتف.. قاسم انت عايزني ابقي مش مؤدبه ماما لو عرفت هتطين عيشتي
ليهتف.. اه ماما.. اقول ايه..
🌿اللهم صل وسلم وبارك على سيدنا محمد 🌿
لتهتف.. اسكت كنا في عيد ميلاد بنت صحبتها
واتخانقت معاها وكان يوم
ليهتف… ماحكتليش يعني
لتضحك.. احكيلك ايه ماما نزلت زعيق فيا وانا مش فاهمه هيا بتزعق ليه وقهرتني. خاصمت صاحبتها بسببي
ليهتف.. ليه عملت ايه..
مفيش كنت واقفه في البلكونه وشادي ابن طنط هو كبير يعني مش صغير بقله يا ابيه قالي يا ليال تعالي المكتب اوريكي روايات عارف اني بحب الروايات ورحت معاه وشالني وطلعني عالسلم اجيب الروايه من فوق وطلعت وفضل يقلي اتاخري يمين شمال لحد ماجبت الروايه بس وانا نازله عمل حاجه غريبه قلتها لماما مسك السلم هزه وقعت خدني َنزل بيا عالارض وماما دخلت زي المجنونه شالته من فوقي والله هو ماعملش حاجه دا ابيه شادي طيب اوي وماما نزلت صريخ فيا وقعدت اعيط كتير وانا ماعملتش حاجه والله كنت بجيب الروايه. ليظل قاسم صامتا فتره لتهتف قاسم انت نمت.
ليهتف.. لا قاسم انشل وانقهر والحسره خلصت عليه ليصر*خ انت معاقه.
لتبهت.. ايه في ايه..
ليهتف اقفلي يا ليال اهدي واكلمك ليرز*ع التليفون ليهب.. اه يا وسخ يا زباله اعمل ايه اعمل ايه والع منك لله يا فاديه مربيه حَماره مابتفهمش يا نهارك اسود ابيه دا ابيه هاص وبص َشبع بص وتاخري يمين وشمال.. هنجلط اعمل ايه الشلل هيخلص عليا.. يهز السلم وياخدها في حضنه بيحضن الزباله والوليه تشيله من فوقها ودي تقلك ابيه طيب منك لله طب اعمل ايه اقوم اشوفه فين اقتله بتبص علي حاجتي يا نجس البت هبله يا نهار. اسود لا مش هبله.. متخلفه ويمين وشمال قلبي هيقف لا ومش فاهمه امها بتزعق ليه.. ليه يا فاديه تعملي في بنتك كده دا لو حد حسس عليها ماهتفهمش.. يا ربي عالسواد اللي هتشوفه يا قاسم
كانت ليال تجلس حزينه.. ايه ده هو بيصرخ ليه هو كَمان هما كلهم بيصرخو فيا الله انا ماعملتش حاجه. 😳😳😳
ليتصل بها لترد لتظل صامته ليهتف ايه مش هتردي
لتهتف.. لا مخصماك انت وحش
ليتنهد بغلب.. لا هو غلب َرشق فيا.. ليتنهد خلاص حقك عليا
لتهتف يا قاسم ماتعملش زي ماما بتصرخ بس. مش بتقلي ايه الغلط وتقلي ابعدي عنه وخلاص وانا مش فاهمه ابيه شادي طول عمره طيب وبيحبني وبيحضني كتير.
ليهتف بقهر. ليال ابوس ايدك كفايه عشان هقوم اجيب شادي من مصارينه اخلص علي امه
لتهتف ماتبطل بقه فيه ايه
ليهتف.. اسمعيني كويس.. من هنا ورايح مفيش جنس راجل يقرب منك فاهمه لا قريب ولا بعيد ولا يقلك اعملي حاجه الا اما تقليلي او تقولي لوالدتك ليال دا مش هزار وتسمعي الكلام مش كل الرجاله كويسه ممكن يكون بيقرب قله ادب
لتشهق.. ايه ايه يعني ابيه شادي كان عايز قله ادب
ليهتف.. ابيهك طين زباله ونجس ولو اعرفله مكان كنت رحت دشملت وش امه.. ليال الكلام ده جد وجد اوي مفيش جنس راجل يقرب منك حتي لو مين فاهمه بينكو مسافه واياك اياك حد يطلب منك تطلعي سلالم هو تحت فاهمه
لتهتف ليه ماساعدش
ليصرخ. لا ماتتزفتيش اياك والله ماعت اكلمك
لتهتف مندفعه.. خلاص خلاص.. مانا مش عارفه ليه
ليهتف باندفاع… عشان بيبص عليكي من تحت بقله ادبه
لتشهق وترمي التليفون نهار اسود وتبدا بلملمه نفسها ايه ايه ابيه شادي عمل فيا كده بص عليا عيب ليه قليل الادب كده طب ايه همو ت لتظل تنظر للسماعه لتاخذها ليهتف انت رحتي فين سورقتي يا رب اعمل ايه ليهتف ليال انا بقلك عن اللي حصل وامك زعقت ليه بس الست الوالده بتزعق بس المفروض تقلك ليه بس عموما انا من هنا ورايح ماهسكتش عليكي وانت كده ليال من هنا ورايح هنتكلم في حاجات لازم تعرفيها وماتقوليش عيب وبتكسف ليال انت كده خطر علي نفسك بالله عليكي انا حاسس اني هنجلط
لتتنهد… خلاص خلاص والله مافكرت في كده ليه كده دا وحش عيب والله.
ليتنهد.. . اقول ايه بس.. طب يا ليال خلاص اوك
لتنهد… اوك يا قاسم انت طيب قوي وشاطر وانا من ايدك دي لايدك دي.
ليتنهد والله نفسي يا ليال بس الصبر لما اطول ده هبقي مشلول او مجلوط.
لتضحك خلاص بقه ماتقلبهاش دراما انا هتعلم والله اللي يقرب مني هصرخ ايه رايك
ليضحك اه صرخي وانا هلطم.. يا بنتي بقه..
انا نفسي تتعلمي وتبقي بنت ناصحه كده مش هبله والله انت طيبه بزياده ودا خطر. لتتنهد حاضر يا قاسم هعمل كل اللي تقول عليه.
ليهتف.. انت واثقه فيا اوي كده مش خايفه مني.
لتندفع لا والله دانت خلاص بقيت كانك نفسي انا حد ما يثقش في نفسه
ليهتف نفسك انا بقيت نفسك.. يعني انا بقيت روحك يا ليال.
لتهمس يعني حاجه كده انت بقيت قريب خالص وبثق فيك.
ليهتف وانا طول عمري هبقي اد الثقه دي االي تدخليه جواكي وتديله ثقتك لازم يبقي ادها..ليظل يشاكسها وهيا تضحك ليبدا في تلقينها بعض دروس الحياه حتي تحفظ نفسها من شرور البشر الذي ما ان يجدو تلك البراءه حتي ينهشو فينا لتمر الايام وليال قد انغرزت غرزا في قلب القاسم وقاسم اصبح لها النفس وهو لا يكل عن اخذ روحها وسحب نفسها لينغرز بداخلها ويصبح هو النفس
اما هو فبعد مرور ذلك الشهر ادرك انه تمكن منها ليسعد بقوه ولكنه اراد ان يتغلب علي ذلك الخجل الذي يعيقه دائما في محادثتها ويضع حدودا لكلامه معها ليمر اكثر من يوم ولا يكلمها كان يتجلد حتي يحصل منها علي رده فعل تشبعه وتؤكد له انه انغرز بداخلها.
اما تلك الاميره فكانت في حاله بائسه.. هو مابيتكلمش ليه انا مخنوقه هو انا ضايقته في حاجه.. طب انا عملت ايه تلات ايام بحالهم انا مش عارفه موجوعه اوي وهموت واسمع صوته ونفسي اشوفه.. لتنزل دموعها وتبكي.. ايه يا ليال مالك انت الراجل مش ملزم يكلمك انت مالك عامله كده.. لتجهش بالبكاء .. مش قادره هموت واسمع صوته وحشني اعمل ايه طيب اكلمه.. لا عيب كده هيقول ايه كانت تنتحب في صمت حتي لا تحس بها والدتها.. ليصدح تليفونها اخيرا لتري اسمه لتفتح بسرعه وهيا تشهق من البكاء لتقول..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قتلني ورحل)
