رواية لقد كان حنونا على اخطائي الفصل الأول 1 بقلم زينا أحمد
رواية لقد كان حنونا على اخطائي الجزء الأول
رواية لقد كان حنونا على اخطائي البارت الأول
رواية لقد كان حنونا على اخطائي الحلقة الأولى
ريم: قولتلك ي ماما ميت مره جواز القرايب بيجيب مصايب
ام ريم(صفاء): بوصي ياريم اختاري حد تتجوزيه يا ايما ابن عمك او ابن خالتك
ريم: انا بكره الاتنين
صفاء: طب مثلا مين ممكن تستحمليه
ريم بعند: انا مبستحملش حد هما اللي يستحملوني
صفاء: ريم اعملي حسابك ان يوم الخميس ابن عمك نازل من امريكا وهيجي تتعرفي عليه
وخليكي في ابن عمك احسن انا شايفه كده
ريم: وانا مش هتعرف علي حد انا لسه في الجامعه
ابو ريم (حسن): ريم ده كلامي وكلامي هو اللي هيمشي
ريم: يعني ان ترضي بنتك تتجوز في بيت عيله لا وكمان لواحد مشفتهوش من وهو عنده ١٠سنين قبل ما يسافر مع خاله
حسن: اه يراضيني
ريم قالت لهم اللي تشوفوه ودخلت الاوضه وقفلت الباب وفضلت تلف في الاوضه وتقول
طب انا شكلي كده معنديش فرصه اني ارفض
ياريتك ي ريم الغبيه كنتي قبلتي حد من العرسان اللي اتقدمولك ولا انك تتجوزي ابن عمك انا لازم اول ما اقعد معاه انهي كل حاجه قبل ما تبتدي
وفي الصباح
في الجامعه ( فنون جميله)
سلسبيل: اي ي ريم غير عادتك يعني خرصه ما بتتكلميش
ريم بتنهيد: مش قادره اتكلم
سلسبيل: لا هتتكلمي وبعدين ده شكله موضوع طويل ومهم انا هروح اجيب لينا كوبايتين قهوه كده وانتي اقعدي استنيني علي الطربيزه ديه شكلها فاضيه ياله روحي انا خمس دقايق وجايه
شخص: لو سمحتي
ريم: افندم
الشخص: انا كنت قاعد هنا
ريم: حضرتك انا جيت لقيت المكان فاضي وبعدين يعني مش من قله الطربيزات روح اقعد في اي حته
الشخص: لو سمحتي انا بحب اقعد هنا ده ديما مكاني من سنتين ثم اكمل بخبث: بس مش ممانع لو قعدتي معايا
ريم: انا قايمه والله ما انا فيقالك بس قسم بالله انا لو كنت فايقه كنت كسرت ام الجامعه علي دماغك فاكرني هبله يعني ومش شايفه نظراتك القزره ي قزر
وسابته ومشيت قعدت بره الجامعه خالص
(ريم معروف عنها انها بلسانين ومبتسمحش لحد يتكلم عنها او معها اصلا شخصيتها جامده)
سلسبيل: في واحده جوه قالتلي انك زعقتي لواحد ي بت بقا مش هتبطلي نكش في الكل
ريم: سلسبيل اهدي انا منكشتش حد هو اللي نظراته زباله*زيه كته البلا
سلسبيل: طب احكيلي مالك
ريم حكت لها عن كلام مامتها وبابها معاها وانها هتعمل خطه عشان تفشكل الكلام ده اصلا قبل ما يحصل
المهم جيه يوم الخميس (الايام اللي فاتت عدت دون ذكر احداث يدوب ريم اتخانقت مع ١٠ بس واتخانقت مع مدير الجامعه كمان فخدت رفض لمده اسبوع مش اكتر ي جماعه احنا بنتا هاديه اومال)
صفاء: بت ي ريم اجهزي كده ي بت فوقي نامت عليكي حيطه ابن عمك جايي
ريم بنوم: اي ي امي صرعتيني ميجي انا مالي
صفاء: ي بنت الموكوسه هو اي اللي مالك هو جاي عشان يشوف امي يعني ماهو جيلك
ريم في سرها بمكر: ها والله لاطفشك زي اللي فاتو ي حبيب امك
في المساء
خرجت ريم للصالون وشافت
ريم: انت جيت امته ي حيوان
الشخص:………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لقد كان حنونا على اخطائي)
