رواية في قبضة الفهد الفصل الرابع والعشرون 24 بقلم جنات

رواية في قبضة الفهد الجزء الرابع والعشرون

رواية في قبضة الفهد البارت الرابع والعشرون

رواية في قبضة الفهد الحلقة الرابعة والعشرون

مرت الايام ومعاد الفرح بيقرب وفهد وراكان وكنان لسه مرجعوش وده كان مزعل البنات جدااا
==========================
فى يوم بليل تمارا نايمه وحست بحد بيحضنها قامت مخضوضه واتفاجت بحد بيحط ايده على بوقها قبل ماتصرخ وفرحت جت لما لقيته الفهد وشال ايده وهى اترمت فى حضنه وعيطت من الفرحه
فهد بعدها عن حضنه ومسح دموعها:طب بتعيطى ليه الوقت مانا رجعت اهو
تمارا:ماقولتليش ليه انك راجع
فهد باسها من راسها:حبيت اعملهالك مفاجأه مش اكتر
تمارا حضنته بقوة:احلى مفاجأه كنت هزعل اوى لو ماكنتش حضرت معايا الفرح
فهد:وانا مقدرش على زعلك يانبض الفهد
فهد بعدها عن حضنه:اخبار ابنى ايه
تمارا:ولسه مبتقولش بنتى بقي
فهد:مش عارف حاسه هيكون ولد
تمارا:يعنى لو جت بنت هتزعل
فهد:اكيد لا بس بشرط
تمارا:ايه هو
فهد:تكون حته منك بظبط
تمارا ضحكت:راكان وكنان جم معاك
فهد:اكيد دول كانو هيتجننو ويرجعو
تمارا:اكيد عشان البنات صح
فهد:سيبك من كل ده تعرفى انك وحشانى جداا
تمارا اتكسفت وحضنت الفهد اللى قرب عليها ولتسكت شهرزاد عن الكلام الغير مبااااااح
===========================
صباح تانى يوم
الكل متجمع على السفره بيفطروو وهو بيخطوو للفرح وكمان زينب وفاطمه وافقو على كنان وراكان واتفقو يعملو الخطوبه مع فرح حسن ومروة والكل كان فرحان
============================
جه اليوم المنتظر وهو يوم الفرح واللى فهد قرر انه يعمله فى الفيلا بردو والكل وافق على قراره والكل كانو فرحانين من قلبهم والبنات كانو بيجهزو فى اوضه والشباب نفس الكلام بيجهزو فى اوضه
بعد شويا البنات كانو خلصو وكانو حلوين جدااا
مريم وشروق اللى قررو يلبسو نفس الفستان بلون البيج سك وفيه بعض اللمسات بلون الفضى فى منطقه الكتف والبطن مع بعض الكسرات وطرحه وشوز نفس اللون
اما تمارا اللى فاجأت الفهد بفستان احمر غايه فى الرقه كان بسيط مع ورقه رقيقه على الكتف اليمين وبعض الكسرات من الجنب لحد تحت
اما الشباب بقي حسن وفهد لابسين بدل سودا وكنان وراكان اتفقو يلبسو لون البيج زى لون البنات
============================
فى اوضه البنات الباب خبط وزينب فتحت كانو الشباب
حسن دخل وانبهر بجمال مروة باسها من راسها ومسك ايدها وخرج والشباب نفس الكلام وفهد اللى ابتسم اول ماشاف تمارا بالاحمر وقرب منها
تمارا بهمس:ايه رايه بقي
فهد:انتى عارفه انى بعشقك فى الاحمر
تمارا:يعنى حلوة
فهد:زى القمر يانبض الفهد
زينب:احم احم الكل نزلو يلا مش وقت رومانسيه خالص
كلهم نزلوو والكل قعد فى اماكنهم
بدات الحفله بكتب كتاب حسن ومروة
مريم وشروق اللى اتفأجو انهم كمان هيكتبو الكتاب الشباب لابسوهم الشبكه وبدا الماذون بكتب كتاب كنان وبعده راكان
و كل عريس مسك ايد عروسته وراحو على المكان المخصص لرقص ورقصو سوا سلووو
اما عند فهد وتمارا
تمارا اللى اتفاجت بفهد مسك ايدها ولبسها خاتم غايه فى الروعه
تمارا:وااااو يافهد ده حلو اوى
فهد قام وقف:تسمحيلى برقصه دى
تمارا بفرحه:اكيد طبعااا
قامو ورقصو سوااا وانتهت رقصه السلووو واشتغلت مهرجانات والكل اتجنن والحفله كانت روعه
بعد وقت طويل الحفله خلصت وكل واحد راح على اوضته
============================
فى اوضه حسن ومروة
حسن دخل الاوضه:اتفضلى ياست البنات
مروة دخلت كانت حرفياا طايرة من الفرحه
حسن قرب عليها:تعرفى انك احلى عروسه شوفتها
مروة:انت كمان حلو اوى
حسن:مروة انا اسف على السنين اللى ضيعتها من عمرى وعمرك ياريتك كنتى نصيبي من زمان
مروة:ده نصيب ياحسن والحمدلله ان ربنا جمعنا من تانى
حسن:الحمدلله ادخلى غيرى عشان نبدا حياتنا بصلاه
مروة:حاضر
مروة غيرت وخرجت بالاسدال وحسن صلى بيها وبعد ماخلصو قرب عليهااا لتصبح زوجته امام الله
===========================
فى اوضه مريم غيرت الفستان وكانت لابسه بجامه بلون الاسود نص كم ورافعه شعرها على هيئه كحكه اتفاجت بالباب بيتفتح وكان كنان
مريم:نهار اسود انت بتعمل ايه هنا
كنان كان تايه فى جمالها
مريم:كناااان
كنان:هااا
مريم:انت جاى هنا ليه
كنان وهو بيقرب منها:جاى لمراتى حبيبتى
مريم بترجع لورا:اخرج بره ياكنان احسنلك
كنان:لا بقولك ايه انا كتبت الكتاب عشان متقوليلش عيب وانت قليل الادب
كنان شدها لحضنه وباسها من خدها:مبروك عليا انتى ياقمرى
مريم كانت هتموت من الكسوف:الله يبارك فيك
كنان قرب منها وباسها بحب وبعد عنها ومريم كانت مصدومه من اللى هو عمله ولسه هتتكلم قاطعها كنان:انتى مراتى يامريم يعنى لاهو عيب ولا حرام تمام
كنان مسك ايدها وقعدها على السرير وقعد جمبها
كنان:انتى عارفه يامريم ان العالم اللى انا فيه خطر وانا كنت رافض ادخلك العالم ده عشان مبقاش بظلمك معايا و..
مريم:متكلمش ياكنان انا عارفه وموافقه والله ومش ندمانه على اختيارى ابداا
كنان ابتسم وباس ايدها:ربنا يخليكى ليا ياقمرى
مريم:ويخليك ليااا….يلا امشي بقي عشان محدش يشوفك هنا
كنان باس راسها:حاضر ياقمرى
كنان خرج ومريم سندت على باب الاوضه وكانت مبسوطه اوى وقالت بصوت مسموع:بحبه اوى
كنان من ورا الباب:وانا بعشقك ياقمرى
مريم اتصدمت انه لسه بره وضحكت على جنانه
===========================
فى اوضه شروق فونها رن وكان راكان
شروق:الو
راكان:مساء الجمال عليكى ياعروستى
شروق ضحكت:مساء الخير ياراكان عايز ايه
راكان:عايز ايه… بقي فى واحده ترد على عريسها تقوله عايز ايه
شروق:اااه ماهو جو المحن والرومانسيه انا ماليش فيه ياباشا
راكان:باشا…على العموم انا عايز اشوفك
شروق:ههههه انسي
راكان اتنهد:انا عارف انى هتعب معاكى
شروق ضحكت:عايز ايه بجد انا تعبانه وعايزة انام اليوم كان طويل او
راكان:ماشي ياشوشو نامى وارتاحى وبكرة ابقي اشوفك ليكى يوم ياقمر
شروق:تصبح على خير
راكان:وانتى من اهلى ياشوشو
شروق قفلت وراحت تنام وراكان بردو
============================
اما بقي فى اوضه ابطالنا الحلوين
فهد كان نايم وتمارا نايمه فى حضنه وبيحكلها عمل ايه فى سفريته لايطاليا
تمارا:يعنى هتعمل ايه معاهم يافهد هتفضل حابسهم كدا
فهد:لازم اندمهم على اللى عملوه معايا ومعاكى وخصوصا الكلب فرانكو
تمارا بصلته:بس انا خايفه عليك
فهد باس راسها:بقي تمارا القويه خايفه مش مصدق فين التحدى اللى كنت بشوفه فى عينيك
تمارا:انا خايفه اخسرك يافهد بجد انا مش هقدر اكمل من غيرك
فهد:هو احنا هنرغى كتير
تمارا:مش فاهمه عايز ايه
فهد:تعالى اما اقولك عايز ايه
قرب عليها وليبث لهاا عشقه لنبض قلبه
============================
عدى شهرين والكل عايشين مبسوطين مع بعض فى الفيلا
فهد اللى مهتم بكل حاجه تخص تمارا اللر بقت فى الشهر التالت من حملها و فى نفس الوقت متابع شغله فى ايطاليا وكل تحركات الملك وعارف انهم بيخططو لحاجه كبيرة بس ايه هيا لسه مش عارف
مروة اللى عرفت انها حامل والكل كان فرحان واكتر واحد كان طاير من الفرحه كان حسن
والشباب والبنات كانو عايشين احلى ايام وعشقهم بيزيد كل يوم اكتر
=============================
فى يوم كان راكان وشروق قاعدين مع بعض فى الجنينه بيتكلمو وبيهزرو وكالعاده القاعده مش بتخلى من جنان شروق اللى بيعشقه راكان
شروق:صح ياراكان انا كل مااجى اسالك بنسي هو انتو بتشتغلو ايه فى ايطاليا
راكان:انتى هتستعبطى كل ده مش عارفه انا بشتغل ايه
شروق:لا والله اللى اعرفه انكو عندكو شركه بس بتاعه لسه معرفش
راكان بصلها:انتى متعرفيش انا شغلتى ايه ياشروق
شروق:لا والله
راكان اتوتر ومش عارف يقولها ولا ايه هو مفكر انها عارفه زى مريم وخايف يقولها تسيبه
شروق:راكان روحت فين
راكان:شروق انا مفكر انتى عارفه انا بشتغل ايه
شروق:قولتلك والله مااعرف هو انت بتشتغل ايه
راكان بلع ريقه بخوف:انا بشتغل مع فهد وكنان
شروق:وفهد بيشتغل ايه بقي
راكان:فهد يبقي الضلع الاول لاكبر مثلث مافيا فى ايطاليا
شروق ضحكت اوى:انت بتهزر صح قال مافيا قال
شروق بصت لراكان لقيته جاد جداا:انت بتتكلم بجد يعنى فهد زعيم مافيا
راكان:ايوا
شروق:وانت شغال معاه
راكان:اه ياشروق
شروق قامت وقفت:انت ازاى متقوليش حاجه زى دى ومخبي عليا لحد الوقت كنت هتتجوزنى وانا زى العبيطه معرفش انك زعيم مافيا هاااا…..ساكت ليه ماترد عليا
راكان:انا مفكر انك عارفه والله
شروق:وهعرف منين وانتو محدش فيكو قال حاجه زى دى وعلى كدا ضحكتو على تمارا ومريم كمان
راكان:لا تمارا ومريم عارفين عشان كدا فكرتك عارفه زيهم
شروق:طلقنى ياراكان ومش عايزة اعرفك تانى انت فاهم
راكان مسك دراعها:انتى مجنونه ياشروق
شروق زقت ايده:انا اه مجنونه عشان حبيت واحد زيك ابعد عنى ومالكش دعوة بيا فاهم وانا مش هقول لحد على سبب الطلاق هنقول اننا مش متفقين تمام عن اذنك
شروق سابته ومشت وراكان مش متخيل انها هتبعد عنه وكمان عايزة تطلق وفاق على صوت رنه فونه
============================
فهد كان قاعد فى المكتب الباب اتفتح فجاه
راكان:مصيبه يافهد
فهد:فى ايه
راكان:المخازن السريه كلها اتحرقت
فهد قام وقف:انت بتهزر
راكان:لسه رجالتنا مكلمنى
فهد:وهما عرفو مكانها ازاى
راكان:مش عارف انا هتجنن
كنان دخل:فهد فى ناس دخلو القصر وهربو فرانكو ودانيال
فهد:لازم نسافر حالا جهزو كل حاجه
كنان وراكان:حاضر
الشباب خرجو وتمارا دخلت المكتب:فهد فى ايه
فهد:تمارا انا لازم اسافر وانتى هتفضلى فاهمه
تمارا:حسن اتجوز وخلاص خدنى معاك بقي
فهد :لا ياتمارا هنا امان ليكى
تمارا بعناد:لا يافهد انا هاجى معاك
فهد بعصبيه:قولتلك تفضلى هنا وكلمتى تتسمع انتى فاهمه
تمارا خافت من عصبيته وعينيها دمعت وفهد حاول يهدى نفسه
فهد:تمارا انا خايف عليكى خليكى هنا انا هكون مطمن عليكى اكتر
تمارا:هتكون مطمن وانا بعيده عنك
فهد:كدا احسن ياتمارا وكنان هيفضل هنا وراكان هيجى معايا تمام
تمارا:طب هو فى حاجه حصلت
فهد:لا شغل مهم بس
============================
راكان طلع وخبط على اوضه شروق اللى فتحت واتفاجت بيه:نعم عايز ايه
راكان:انا مسافر ياشروق ومش عارف انا هرجع تانى ولا لأ بس مش عايزك تزعلى منى انا والله مضحكتش عليكى انا كنت مفكرك عارفه انا بشتغل ايه وانا بجد اسف اشوفك على خير
راكان مشي وشروق كانت مصدومه من الكلام اللى قاله
فهد وراكان مشووو وراحو على مكان الطيارة
وتمارا كانت هتموت من الخوف عليه وحاسه انه مخبي عليها حاجه
============================
تمارا خرجت الجنينه كان كنان قاعد مع مريم
تمارا:كنان
كنان:نعم ياتمارا
تمارا:فهد سافر ليه فجاه
كنان:عادى شغل
تمارا بعصبيه:انت هتضحك بردو ياكنان انا متاكده ان فى حاجه حصلت
كنان:المخازن السريه كلها اتحرقت وكمان فى ناس هربو فرانكو ودانيال
تمارا:يعنى فهد حياته فى الخطر مش كدا….عشان كدا رفض انى اسافر معاه
كنان:اهدى ياتمارا ان شاء الله هيبقو كويسين
شروق جت عليهم وسمعت كلامهم:حياتهم فى خطر ازاى..وانتو اواى محدش يعرفنى انهم مافيا
مريم:انتى مكنتش تعرفى
شروق:لا طبعااا هعرف منين
تمارا:وده هيهم فى ايه ياشروق الاهم الشخص اللى انتى متجوزاه
شروق:ده ضحك عليا وماقاليش من الاول يعنى خدعنى…على العموم انا طلبت الطلاق
الكل اتصدموو
تمارا:انتى اتجننتى
شروق:انتو اللى مجانين لما توفقو تتجوزو ناس شغلهم مافيا يعنى قتل ودم وتجارة الله اعلم فى ايه
كنان:صدقينى هتندمى ياشروق
شروق:انا هرجع اسكندريه انا وماما
كنان بعصبيه اول مرة يشوفوها:محدش هيحرك من هنا انتو سامعين وبلاش تشوفو وشي التانى احسنلكو
شروق سابتهم ودخلت الفيلا وكنان كمان مشي ومريم حضنت تمارا اللى عيطت فى حضنهاا
============================
تانى يوم تمارا بتحاول ترن على ارقام فهد كلها مقفوله وتتصل على راكان نفس الحكايه نزلت بسرعه تحت كان الكل متجمع
تمارا بصوت عالى:كنان
الكل بصلها
كنان:مالك ياتمارا
تمارا:فهد فين
كنان:فى ايطاليا مانتى عارفه
تمارا بعصبيه:انت هتستعبط ياكنان فهد فين من امبارح ماتكلمش وكل ارقامه مقفوله حتى راكان بردو فونه مقفول
كنان:والله انا زيي زيك بتصل بيهم حتى القصر بردو محدش بيرد ومش عارف اوصل لحد فيهم
تمارا:طب والحل ايه هنفضل قاعدين كدا تعالى نسافر ليهم عشان خاطرى ياكنان انا خايفه اوى على فهد
حسن:فى ايه ياتمارا هو جوزك عيل صغير ده واحد شافر عنده شغل ايه اللى مخوفك كدا عليه
شروق:الظاهر ان انت كمان ياحسن متعرفش الوظيفه الشريفه بتاعه جوز اختك
تمارا بعصبيه:شروق مش عايزة اسمع منك ولا كلمه انتى فاهمه
شروق:ليه هااا عشان جوزك ميتفضحش
زينب:عيب ياشروق الكلام ده
شروق:لا مش عيب محدش فيكو يعرف هما بيشتغلو ايه
فاطمه:بيشتغلو ايه
تمارا:شرووووق
شروق:انت تعرف ياحسن ان فهد زعيم مافيا فى ايطاليا
شهقه طلعت من كل الموجودين
تمارا قربت من شروق:كلمه كمان وهتخسرينى العمر كله سامعه
حسن:الكلام ده بجد ياتماارا جوزك زعيم مافيا
تمارا بص لكنان:كنان انا عايزة اسافر لفهد وحالا
حسن:انا بكلمك ردى عليا الكلام ده صح
تمارا بصوت عالى:اه صح انا اتجوزت زعيم مافيا وبحبه وكلامكو ده مش هيأثر فيا
زينب:وراكان وكنان بيشتغلو معاه
شروق:ايوا بيشتغلو معاه
زينب:يعنى جوز بنتى اللى معنديش غيرها زعيم مافيا انت تطلقهاا حالا
مريم بصت لكنان ورجعت بصت لمامتها:لا ياماما انا بحب كنان وعمرى ماهابعد عنه ابداا لاى سبب
فاطمه:انتو ال٣ لازم تطلقو منهم
تمارا:مين ال٣ اللى بتتكلمى عليهم
زينب:انتى ومريم وشروق
تمارا:انسوووو فاهمين انا مش هطلق ولا هابعد عن فهد حتى لو هخسركو كلكو
حسن:ده اخر كلام عندك يعنى
تمارا:اه اخر كلام فهد جوزى وابو ابنى
تمارا قربت من كنان:تعالى نسافر ليهم ياكنان ونبي
كنان:اخر اوامر عندى انى افضل معاكى هنا ومتخرجيش برا الفيلا حتى الدكتورة هتجيلك هنا
تمارا قعدت على الكنبه وعيطت:يعنى ايه هفضل كدا مش عارفه حاجه عنه
كنان:هما بقالهم يوم واحد ياتمارا واكيد لما يخلص الشغل اللى عنده هيتكلم وبعدين انتى ناسيه ان المخازن كلها اتحرقت
تمارا:كريمه … اتصل على كريمه ياكنان
كنان:انا بتصل على القصر ياتمارا محدش بيرد
مريم قربت من تمارا:اهدى ياتماارا اكيد هما بخير بس عندهم شغل
زينب:انتى اتجننتى يامريم شغل ده دول مافيا يعنى شغلهم تجارة وقتل حياتهم كلها دم
زينب قربت من كنان:انت تطلق بنتر والوقت اهو فاهم
كنان:لا مش فاهم مريم مراتى عارفه يعنى ايه ولو هى قالتلى طلقنى بنفسها وقتها هابقي اطلقها
مريم عيطت وقفت قدام كنان:لا ياكنان اوعى تعملها انا مقدرش اعيش من غيرك ابدااا
كنان شدها لحضنه:متخافيش يامريم محدش يقدر يبعدك عنى
زينب شدتها من دراعها وضربتها بالقلم
كنان اتعصب:انتى ازاى تعملى كدا
مريم:خلاص ياكنان اللى احنا فيه بسبب صاحبتنا شكراا على جميلك
شروق بصلتها ومتكلمتش وبصت لمروة اللى بصلتها بعتاب ولفت وشها تانى
حسن:احنا لازم نرجع اسكندريه
كنان بعصبيه وصوت عالى:محدش هيتحرك من هنا انتو فاهمين لحد رجوع فهد محدش هيخرج من الفيلا
حسن:يعنى هتحبسنا
كنان:والله سميها زى ماتسميها وحتى لو فكرتو تخرجو محدش من الحرس هيرضي يخرجكوو
تمارا كانت بتعيط ومريم قربت منها:تعالى اوصلك اوضتك ياتمارا ترتاحى
تمارا بصت لشروق:شكراا جداا …. من هنا ورايح مافيش اى حاجه تربطنى بيكى لا صداقه ولا قرابه ولا غيرهاا
مريم سندت تمارا وطلعو ومروة طلعت وراهم
============================
عدى شهرين ومحدش يعرف حاجه عن فهد وراكان وتمارا اللى بقت فى الشهر الخامس وعرفت انها هتجيب ولد ونفسها تقول لفهد ان احساسه كان صح لما قالها هيكون ولد وبقت ضعيفه جداا ومش بتاكل كويس
وفى يوم تمارا قاعده فى اوضتها اللى بقت بتقضي فيها كل وقتها ومش بتنزل تحت ولا بتشوف حد غير مريم وكنان ومروة
فونها رن برقم مهتمتش ومردتش فصل ورن تانى
تمارا:الو
فهد:وحشتينى يانبض الفهد
تمارا:فهد ….فهد انت كويس انت فين يافهد حرام عليك تخوفنى كدا
فهد:ممكن تهدى انا كويس بس ماكنتش عارف اكلمك طمنينى عليكى انتى كويسه
تمارا عيطت:لا مش كويسه كنت هموت من الخوف عليك يافهد
فهد:حقك عليا ياحبيبتى بس غصبن عنى
تمارا:وراكان كويس
فهد:الاتنين بخير اهم حاجه خدى بالك على نفسك وعلى ابننا ماشي
تمارا:هترجع امته يافهد
فهد:مش عارف لسه ياتمارا
تمارا:طب خلينى اجيلك يافهد
فهد:بلاش ياتمارا مش هقدر ازكر فى شغلى ولا احميكى انتى عندك فى امان ..فين كنان
تمارا:اكيد تحت
فهد:وانتى فين
تمارا:فى اوضتنا
فهد:طب ممكن تنزلى ليه الفون لان فونه مقفول وانا عايزه
تمارا:حاضر
تمارا خرجت بسرعه كان الكل متجمع تحت وكنان ومريم قاعدين فى ركن بعيد عنهم
تمارا بفرحه:كنان فهد عايزك
كنان:هو فين
تمارا:اهو بيكلمنى امسك كلمه
كنان اخد الفون:فهد انتو فين…..تمام….تمام اعتبره حصل ياصاحبي وراكان فين
شروق سمعت اسمه انتبهت ليهم
كنان:واحشنى ياصاحبي عامل ايه….كلنا بخير ياصاحبي
تمارا:ده راكان
كنان:اه اهو
تمارا اخدت الفون:راكان عامل ايه…خد بالك على نفسك وعلى فهد..سلام
تمارا حضنت مريم بفرحه:الحمدلله
كنان:اظن كدا اطمنتى ممكن تاكلى بقي عشان صحتك
تمارا:دانا هاكل لشهر جاى
كنان ومريم ضحكو عليها وراحو المطبخ ياكلوو
===========================
بعد يومين من مكالمه فهد لتماارا
الكل كانو قاعدين فى الرسيبشن وفاتحين على الاخبار ومحدش مركز مع التليفزيون اصلا وفجاه الكل اتصدمو لما سمعو الخبر العاجل اللى قاله المذيع
(خبر عاجل :انفجار هائل اهتزت على اثره ايطاليا باكملها فى شركه وقصر رجل الاعمال الشهير بالفهد مما ادى الى وفاه جميع الموظفين والعاملين بالشركه والقصر وبعد تحريرات دقيقه تم التاكد من ان رجل الاعمال فهد وشريكه رجل الاعمال راكان كانو متواجدين داخل القصر وقت الانفجار وبعد بحث لجنه التحقيقات واستخراج الجثث قد تم التاكد ان الجثث التى كانت بداخل القصر هما لكبيرة الخدم اللى تدعى كريمه ورجل الاعمال فهد وشريكه راكان وذلك من خلال تحليل DNE )………