رواية فقيد قلبي الفصل الثاني 2 بقلم رويدا القاضي

رواية فقيد قلبي الجزء الثاني

رواية فقيد قلبي البارت الثاني

رواية فقيد قلبي الحلقة الثانية

عماد:بعصبية شن جاية تبي مني تشوف فيا عندي مكالمة عمل مهمة…
يقين:نشوف لكن حتى انا جايه في شئ مهم وانا بعدا كيف حكيت نصف الموضوع….كنت نستنى في اعتراضه كالعادة….لكن صار العكس..
عماد:خلاص بري اديري للي يريحك…
يقين:بعد الرد هذا درت علامة استفهام….
خشيت وانا فرحانة وجهزت ركن في غرفة مهاب لرسم نحب نرسم وانا جنبه…ورغم انه كنت نحس انه فيه شئ غريب قاعد ايصير لكن عمري ماتوقعت للي صار…..
جاء الليل وبدت رحلتي مع الكوابيس للي ماكانتش موجودة نهائي إلا بعد قعدت في حوش رندا…..
لكن الحمد لله انه الموضوع كان مختصرع كوابيس لانه كنت انسانة محافظة ع صلاتي واذكاري ويوميا نختم في سورة البقرة ودائما اندير في الرقية الشرعية …..
في الساعة 2:30 ليلا كان الموعود للي ايفيق فيه عماد ويقعد مقابل …حوش طارق خوه …
يقين:كانت فرحتي بالخدمة وانغماسي فيها دار
غشاوة ع عيوني وبدأ وقتي يا ولدي ياعملي …
رغم انه الجفى زاد ع حده بيني وبينه ولكن نحب نخليه ع راحته…
جهزت مجموعة تصاميم …طبعا عجبوا صاحبة البوتيك هلبا…بعدها بثلاثة ايام جتني وحدة خدمة توصيل جابتلي ظرف فيه 800 وكتابتلي حط ايديك في الجنة ومازال الجايات أكثر…
اتصلت بي تقوى وقتلها للي صار…
تقوى:مش قتلك رح يعجبها شغلك انا نعرف اختي قداش شاطره ورسمها جميل زيها مازال صدقيني رح تكبري وتكبري….
يقين:خلي نمشي ندلع نفسي أنا ومهاب….
تقوى:تمام تصرفيهم فاش ينفعوك حبيبتي وراك تعطي منهم درهم للحقير هذاك…
يقين:لالا مستحيل اصلا هو مايعرفش انه وسلوني فلوس من الاساس….لبست وكلمته قتله نبي امي قداش ليا معاش طلعت….
عماد:جهزي نفسك شوية وانجيك نعرفك عندها…
لبست وقعمزت نستنى فيه انا ومهاب وصلنا حوش بوي…
سالمة:اهلا بمهاب حبيب قلبي….
حاتم:شن شكلكم ضيوف عندنا اليوم قداش ليكم مغطسين …
يقين:اهلا كيف الحال …ع قولتك من يوم مات خوه واحنا محبوسين …
علاء:المرأة ماليها غير حوش راجلها امك تطمني عليها حتى بالهاتف…
سالمة:اللطف ياريته الكلام للي تقول فيه لي اخواتك ينطبق ع مرتك …هما بنتين ومبهدلينهم
كان هلبا شن ايصير….
حاتم:ماتعدليش عليه امتا تبي اتجئ اتصلي بيا نجيبك احنا الواحد في الشارع 24 ويضايق من الروتين كيف للي في الحوش ديما…
علاء:شجعهم ع الغلط زيد….
حاتم:بلا جو زايد الموضوع لما ايخص اخواتك غلط ولما يخص مرتك مسكينة….
يقين:كلام حاتم قداش كان زي البلسم ينزل ع قلبي …وعلاء طلع من جنبنا طبعا مش عاجبه الكلام ….
مهاب:حق مش بديت عندي خوت نلعب معاهم..
سالمة:بإستغراب خوت ….شن من وين جوك..
مهاب:بعفوية …معتز ومعتصم ديما ديما هما ايجوني…
حاتم:كويس وانت تحبهم ولا،لا.
مهاب:أكيد نحب نلعب معاهم ….
يقين:طبعا لما كان طارق حي قليل ماايجو اصغاره عندي اما توا رسمي ايجيب فيهم عماد
بصراحة مش مضايقة منهم …لانهم صغار ..واهو مهاب ايغير جوه ويكسر الروتين …وبصراحة اكثر
يسخفوا فيا لانهم ايتام….
سالمة:سلم بنتي تكسبي اجرهم …
يقين:لكن حزن عماد ع خوه غريب نفيق في الليل نلقاه واقف مقابل حوشه …فاتحه ايميله ويرسل رغم انه يعرف مافيش رد….
سالمة:معليشي يابنتي تحملي للي مافيش خير في اهله مافيش خير للناس….ومرات هوا حاس بالذنب لانه مات معاه…
يقين:رغم عدم اقتناعي بالكلام لكن لزمت الصمت …تجنب للمشاكل …جاء الليل وانا ومهاب نستنوا فيه مش من العادة ايخليني نبات برا الحوش بكل….
فاضل:لا شكلكم متعاركين عندك مفتاح الحوش متعك ولا.لا….
يقين:ايه عندي…
فاضل:هاتي ولدك وتعالي نروح بيك…
يقين:ركبت مع فاضل وأول ماوصلنا الساحة للي بين الحياش شفت سيارته قدام حوش خوه طارق..
فاضل:انزلي اهو قاعد ويحمدربي ماتلاقيتش معاه كان هذا يشوف شئ مايعجباش….
يقين:نزلت وانا ماقدرتش نتكلم قدام فاضل خوي
خشيت للحوش شديتها اتصال بيه ماردش عليا…
قررت نتصل بيها هيا…
رندا:الو اهلا يقونه…
يقين:اعطيني الافندي عماد للي مايشوفش في هاتفه…
رندا:تمام هو مع ناهد …شويه ونبعثله معتصم..
عماد:الو خيرك شن تبي…
يقين:لاول مرة نتجرأ ونتكلم ….شن حوشك وين هاملني انا وولدك وراقد رقاد في حوش خوك هو لما كان حي ماتحباش شن صار وغيرك توا…
عماد:سكري انا جايك…شن تراقبي فيا…
روح للحوش وهوا الشر طالع من عيونه…وبدأ
ايعيط ويكسر…كان يتوقع رح نخاف زي كل مرة
لكن قررت نكسر الصمت متعي ونتكلم….
يقين:شن فيه خوك ومات وفهمنها مع انه انا نعرف وكلكم كنتوا تكرهوا …لانه بوكم يفضله عليكم ….ويلا نقول حاس بالذنب …لانه مات معاك في السيارة…..وبعدين هيا رمت العدة امها واخواتها فرطوا فيها انجبرت نسيب حوشي ونقعد معاها مع انها مش فرض عليا….
عماد:سكت كانت اللحظة هاذي لحظة إدراك انه الضغط يولد الانفجار يقين عمرها ماتكلمت معاه هكي قرر يهدأ ويجاريها في الكلام حقك عليا لكن كيف ماقلتي انا نحس في روحي السبب انه حرمت صغار خوي من …بوهم…
يقين:صغار خوك ايجونا هنيا ماعنديش معاهم مشكلة وبلعكس مهاب يحبهم وفرحان بيهم وانت تبي تعطيهم حاجة جيبها انا نعطيهالهم…
عماد:حاضر شن رأيك نطلع انا وانتي ومهاب لتونس نقعدوا اسبوعين نغيرو جو….
يقين:حسيت روحي نحلم مش واقع هذا للي نسمع فيه حتى لما كيف تزوجنا كان جاف في تعامله معاي ونطام رسميات عمري ماحسيت انه احنين ولا شفت حنيته الا مع صغار خوه بعد مات
حتى حبه لولده كان مايعرفش يعبر عليه…
نتفكر في تفاصيلها الليلة هذيكا كنت من الفرحة ..ماقدرتش نغمض عيوني وانا نجهز اول سفرة ليا معاه….اتصلت بي ماما قوتلها…كلمت تقوى تاخدلي اذن من صاحبتها لانها كانت تستنى في التصاميم لكن ماكنتش نعرف انها سعادة مزيفة ….ومؤقته….
طول الفترة للي كانا مسافرين ماننكرش انه غير معاملته معاي الغريب انه هاتفه كان مسكر طول الفترة وقته ليا ولي مهاب بس حتى انا طلب نسكر هاتفي كأنه هارب من شئ معين….بعد غيرنا جونا روحنا ثاني يوم نسمع في صوت دوشة …في حوش رندا ….لبست عبايتي وطلعت نجري توقعت حد من الصغار صارتله حاجة….
عماد:شن الكلام هذا للي تقولي فيه هبلتي انت اكيد …
رندا:حرة في نفسي من حقي نتزوج ونعيش انا مازال صغيرة وألف من يتمناني…
ناهد:ماعنديش علاقة بيكم انا الموضوع اهو طلعوني منه….
يقين:فتحت الباب بقوة موضوع شن للي ايهليك تعيط وصوتك واصل لاخر الشارع ولدك يسمع في صوتك وخايف…
رندا:الحمدلله جاء من يفهمني ويوقف معاي..بالله اسمعي واحكمي..انا تقدملي ولد خالتي مطلق وقال قابلك انت وصغارك..
يقين:باهي مبارك ربي يكملك ع خير…
عماد:بعصبية خير شن خوي ماليش سنة ميت وهيا بكل وقاحة تبي تتزوج…
يقين:قربت وحطيت عيني في عينه شفت فيهم غيره وحجة خوه ماهيا الا ستار….يستعمل فيه
حقها شن علاقتك انت…
ناهد:واقفة تشوف ومصدومة …
رندا:انت متزوج مرتك وولدك معاك وانا من حقي نعيش ماليكش سلطة عليا انا صاحبة القرار الاول والاخير….
يقين:ومن قلك عنده علاقة بيك وعلاش تحكي معاه بنبرة لوم اكيد واجب عليه يهتم بيا وبي ولده هذا فرض عليه….وفجأة انهرت بديت نعيط معاش فقت بنفسي الا وانا في حوشي وهو جنبي ع اساس مولع القرآن….
عماد:اول مرة نعرف انك عصبية لدرجة هاذي …وتغاري عليا خفت نخسرك…
يقين:لفيت وجهي للجهة الثانية وقررت نقعد ساكتة كان خاطري نقوله في فرق كبير بين الغيرة والشك …..
بعد أسبوع من للي صار فقت نسمع فيه يتكلم في الهاتف شوية نعطيها العصير باش نطمن وانا جاي….تصرفت وكأنه ماصار شئ خلال الأسبوع الماضي كان ليلا ايديرلي في عصير طبيعي ع اساس اهتمام اكتشفت مؤخرا انهم حبوب منوم
وقررت الليلة مانشربش خليته يخش يدوش ونضت لوحته ودرت روحي شربته ورقدت ……وهنيا كانت الصدمة……