رواية فقدت قلبي الفصل الثاني 2 بقلم فاطمة جمال

في صباح يوم جديد كان عدي علي الاحداث دي شهر وكان حفلة تخرج ياسين وحور

ياسين :يالا بقي يا حور اي كل التأخير دا كدا هنأخر

حور : خلاص خلاص خلصت اهو

وكانت خارجه وكانت قمر اوي

ياسين صفر :ياسيدي ياسيدي علي الجمال

حور :شكلي حلو

ياسين :قمر يا حبيبي ربنا يحميكي وباسها من را سها

واتجهو هما الاتنين ومعاهم مامتهم لحفلة التخرج ومامتهم كانت فخوره بيهم اوي

واول ما حور جات تستلم الشهاده طلبت ان هي تقول كلمه والدكاتره وافقو

حور :اولا احب اشكر مامتي علي وقوفها جمبي واحب اشكر دكاترتي واحب اشكر شخص عزيز علي قلبي وهو كان الداعم الاكبر ليا في رحلتي دي واحب اقولو شكرا علي وقوفك جمبي وعلي كل حاجه بتعملها علشاني ومهما اشكرك مش هوفيك حقك والشخص دا هو توأمي وحبيب قلبي ياسين اخويا

نزلت وحضنت ياسين

ياسين بضحك : كنت بحسب الكلام دا لغيري بس بعد كدا قولت حور متعرفش حد غيري اصلا

حور : بقي كدا ماشي ياياسو

ياسين :خلاص خلاص متزعليش كدا

وخلصت الحفله وروحو

ياسين :ماما حبيبتي وحشاني

امه :اخلص عايز اي

ياسين :هو انا يعني لازم اكون عايز حاجه علشان بقولك وحشتيني

امه:اخلص ياياسين عايز اي

ياسين :عايز اروح احتفل مع صحابي ونخرج

امه: ماشي بس متتأخرش

ياسين :باسها في خدها ماشي ياست الكل سلام

حور شافته بيجري

حور:اي دا رايح فين

ياسين : خارج مع صحابي

حور : انت هتخرج انت مش قولتلي هخرجك بليل لا والله دا يومي ولازم تخرجني زي ما قولتلي

ياسين : معلش بقي يا حوري خليها بكره

حور :ماشي ياسين بس هاتلي حجات كتير وانتي جاي

ياسين : ماشي سلام بقي

حور :سلام متتأخرش وخلي بالك من نفسك

بعد ما ياسين مشي فضل بره للساعه اتنين وحور كانت بترن عليه مش بيرد وبدأت تقلق لانه مش متعوده ان هي ترن عليه وهو بره وميردش

حور كانت قاعده بتصبر في نفسها وبتقول انه هو اكيد مش سامع التليفون من الدوشه

حور لمامتها :ماما انا حاسه ان قلبي بيوجعني ياسين ياماما فيه حاجه

امها : يا حور اهدي انتي قلقه نفسك علي الفاضي زمانو جاي

حور لامها : ماشي

وقعدت حور وهي قاعدها تليفونها رن باسم اخوها

حور ردت بلهفه وخوف :اي ياسين عماله ارن عليك مش بترد قلقتني عليك يا حبيبي

لا حضرتك صاحب التليفون دا عمل حادثه