رواية فقدان في الذاكرة الفصل السابع 7 بقلم وردة رضا
رواية فقدان في الذاكرة الجزء السابع
رواية فقدان في الذاكرة البارت السابع
رواية فقدان في الذاكرة الحلقة السابعة
– انت بتعمل ايه هنا
= دا بيتى
– بيتك ازاى يعنى ؟!
اومال جبتنى هنا ليه ؟!
انت مش قولتلى ان فيه مريضه محتاجه رعايه
= هنرجع للكلام دا تانى
– فكك من طريقه الالغار بتاعتك دى
أنا النهارده لأزم أفهم كل حاجه وليه بتعمل معايا أنا كده بالتحديد ……أنا خلاص قربت اتجنن بسببك
= مفيش حاجه هتعرفيها الا لما أكون أنا حابب انك تعرفى
– طيب انت جايبنى هنا ليه دلوقتى
= عشان عايز أتكلم معاكى
– نعم يا حبيبى انت بتهزر صح
ما أنا كنت معاك فى المستشفى ولا هى فرهده وخلاص
هو الكلام مينفعش الا هنا دا انت غريب
نهارك مش فايت انت جايبنى بيتك ليه
= ثانيه انتى قولتى ايه ؟!
لا مش فاهم انتى قصدك ايه بالمستشفى
– لا ركز معايا كده مش وقت فقدان ذاكره
انت مش لسه من ساعه كنت …….
قطع كلامى لما لقيت بنت واقفه عند الباب وبتبصلى بكل حقد وغضب ……..قربت منى وأتكلمت بسخريه
– بقى هى دى اللى مغيراك
قالت كده وهى بتشاور عليا وبتبصلى بغيظ
= ايه دى انتى كمان ما تتكلمي عدل
– بس ذوقك على فكره مش قد كده
= مين دى
– هو مش المفروض برضو أنا اللى أسال السؤال دا
انتى مين ياحلوه
= اللهم طولك ياروح
اتكلم مالك بغضب ….. زينه ولا كلمه زياده والا انتى عارفه
أنا ممكن أعمل ايه
– استنى لما اشوف الحربايه دى عايزه ايه
= أنا مش هنزل مستوايا لواحده زيك
أنا معرفش مالك ازاى يعرف الأشكال دى
– وربنا لو مسكتك ما حد هيعرف يخلصك من أيدى
أنا ماسكه نفسى بالعافيه
= انا عاوزه اعرف البت دى بتعمل ايه هنا يامالك ؟
وانتى مالك يازينه من أمتى بتسألى
اتفضلى أمشى من هنا قبل ما أعمل تصرف ميعجبكيش
– مش ماشيه قبل ما اعرف دى بتعمل ايه هنا
= انا سكتالك من بدرى
وبعدين هو مش قالك أمشى ما تمشى
زينه خلص الكلام أنا قولتلك ايه اتفضلى أمشى بلاش مشاكل
أتكلمت عشان اخلص من الموقف دا اللى اتحطيت فيه
طيب أتكلى على الله بقى عشان انتى شكلك غبيه ومبتفهمش وأنا مش فاضيه للهبل دا خالص
لقيتها مسكت أيدى قبل ما افتح الباب
– أنا مش همشى غير لما أفهم كل حاجه
= خلاص أنا اللى همشى
– خدى هنا انتى رايحه فين أنا لسه مخلصتش كلامى ولا الحلوه كانت من بدرى هنا وخلاص خلصت شغلها
– طلبتيها ونولتيها وحياه امك ما أنا سيباكى
عشان انتى محتاجه تتربى وأنا اللى هربيكى
شدنى مالك وبعدنى عنها بسرعه ……. ملك مينفعش كده
= سيبنى يامالك أنا لازم اربيها
ملك أنا قولت ايه اسمعى الكلام
= بلا ملك بلا زفت انت مش سامع بتقول ايه
– بقى أنا تعمل معايا كده وانت واقف وساكت
= يابت يا كدابه هو أنا عملتلك حاجه
أنا لو عليا كنت اطحنك بس انتى مكسره خلقه من غير حاجه
قسمآ بالله كلمه تانيه يازينه وما حد هيرحمك
ملك خط أحمر انتى فاهمه
انت جاى معاها وهى اللى غلطت فيا
مين دى ومحموق عليها أوى كده ليه
اقولك خديه اهو عندك بدل الهم دا
وسعى بقى خلينى أمشى بدل الزن بتاعك دا
– مش هتمشى من هنا انتى فاهمه غير لما أعرف انتى مين وبتعملي ايه هنا
= وبعدهالك فى يومك اللى مش عاوز يعدى دا
زينه كفايه لحد كده
شكرآ لجمايلك دى والله مش عارفه من غير ما تقولها كده كنت هعمل ايه
ولسه زينه كانت هتتكلم بس قاطعها مالك
زينه بره مش عاوز اشوف وشك هنا تانى
بقى بتطردنى عشانها ماشى يامالك اما وريتك مبقاش زينه وانتى ياقطه حسابك لسه مجاش بس وحياتك لاندمك على اللى عملتيه معايا
مشيت وهى بتتوعدلى بكل شر كنت ببصلها وأنا زعلانه على حالها شكلها بتحبه
بصيتله بغضب بعد كل اللى حصل من شويه
قاعد ببرود ولا على باله
بصلى وأتكلم اخيرآ بعد وقت من الصمت
– ممكن أعرف ايه اللى انتى عملتيه دا من شويه
= أبعد خلينى امشى من هنا
أنا لو اعرف كده مكونتش جيت ……
– ينفع اللى عملتيه دا
= اه ينفع عادى
– ملاك
= انت ليك عين تتكلم بعد كل اللى حصل دا
– وهو ايه اللى حصل اساسآ
= اه دا انت متعود بقى
– انتى فهمتى ايه
أنا مفيش بينى وبينها اى حاجه
= ولما مفيش بينك وبينها حاجه مفتاحك بيعمل معاها ايه
لقيته سكت كده واتصدم أنى خدت بالى ان معاها المفتاح
– هو عشان معاها المفتاح لازم يكون فى حاجه بينى وبينها ميجيش معاكى انها خدته من ورايا مثلآ
= على أساس أنا هبله مثلآ ودخل عليا الكلام دا
هو فيه واحده هتتجرأ تدخل بيتك من غير ما تبقى عارف
الا لو انت كنت موافق من ألاول
– كل اللى بتفكري فيه غلط ومفيش اى حاجه بينى وبينها
= ميهمنيش انت حر فى حياتك وانت مش مطلوب منك تبررلى اى حاجه
– بس أنا اللى حابب اشرحلك واوضحلك الحقيقه
= وأنا قولتلك ميهمنيش
ممكن بقى بعد إذنك تسيبني أمشى عشان أتاخرت على شغلى اظن وجودى مبقاش ليه لازمه
مشيت خطوتين من قدامه لقيته مسك أيدى
– ملاك استنى
لفيت وبصتله على ايده اللى ماسكه ايدى
نزل أيده بسرعه
= أنا مش قولتلك متمسكنيش كده
انت عارف أنى بضايق ومبحبش كده
– أسف مكانش قصدى على العموم مش هتكرر تانى
= عايز ايه دلوقتى ووقفتنى ليه
– تعالى نقعد عشان نتكلم
= قعاد هنا لا …..عايز تتكلم تعالى ننزل فى اى مكان
قولت كده مخصوص عشان متأكده انه مش هيعرف ينزل فى اى مكان بالماسك
– تمام استنينى هغير هدومى بسرعه وهجيلك
اتفجأت لما لاقيته وافق ينزل معايا
معقول هينزل بالماسك
خلينى أصبر ودلوقتى أشوف هيعمل ايه
كنت قاعده مستنياه بفارغ الصبر
لقيته بعد ١٠ دقايق خارج من أوضته ووقف قدامى
– ايه دا
= فى ايه بتبصيلى كده ليه
ايه شكلى مش حلو
– هو فين شكلك دا اساسآ
انت هتخرج معايا كده
= كده اللى هو ازاى يعنى
– انت لابس كمامه ليه
= عشان أنا عايز كده
ويلا بقى بلاش كتر كلام
– استنى هنا انت هتنزل كده بجد
= اه ويلا بقى ننزل
قعدنا فى كافيه كان قريب من بيته
بدأت الكلام أنا بعد ما لقيته ساكت
– عايزنى فى ايه بقى
= مين سفيان دا وايه حكايه المستشفى اللى قولتى عليها
– بصيتله بشك
أبتديت احس انه مجنون فعلآ او بيستهبل
= ساكته ليه ما تتكلمى
– انت جايبنى هنا عشان نتكلم فى الموضوع دا
= ايوه ما انا لازم أفهم ايه الحكايه وليه بتقولى انك شوفتينى من غير ماسك
– بس دا حصل فعلآ أنا مكدبتش عليك
لقيته ضرب على التربيزه ….. ازاى وأنا ولا مره خليتك تشوفى شكلى
****************************************
كان قاعد على الكرسى وبيحرك فى الخاتم اللى فى ايده
دخل واحد من رجالته
– قول اللى عندك
= مالك والبت اللى كانت معاه لسه خارجين من العماره اللى ساكن فيها من شويه
– خلى عينك عليها متغبش عن نظرك ثانيه واحده انت فاهم
= مفهوم ياباشا
وأنصرف من امامه
تناول هاتفه الملقى على التربيزه يحادث شخص ما
على الناحيه الأخرى
– أكيد سمعت اللى قاله
الشخص المجهول : عينك متنزلش من عليههم
وطبعآ مالك انت عارف هتعمل معاه ايه
– حاضر ياباشا اللى قولته هيتنفذ
الشخص المجهول : اياك يحصل اى غلط انت فاهم
– انت تؤمر ياباشا واحنا عينينا ليك
أنهى المكالمه وهو يتوعد لمالك
هخليك تندم يامالك على الساعه اللى فكرت تلعب فيها معايا ومع الباشا حظك أنك لعبت مع اللى ما بيرحمش وهو زعله وحش أوى
****************************************
داخل الكافيه
– يعنى ايه الكلام دا قصدك ايه
= ايه اللى مش مفهوم فى كلامى
شوفتك يعنى شوفتك
– شد على شعره بجنون
أنا هتجنن ازاى الكلام اللى بتقوليه دا
= لما انت تتجنن أنا أعمل ايه
دا أنا الله يكون فى عونى بقى
– ملاك ركزى معايا انتى متأكده من اللى بتقوليه
= وبعدين بقى فى اللغبطه دى
ايه شغل الهندى اللى أنا بقيت عايشه فيه دا
– على حسب انت اسمك سفيان ولا مالك
= قولت أسمى مالك مين زفت سفيان دا اللى كل شويه تقولى عليه
بصيتله وسكت وأنا بقول لنفسى
هو اتجنن ولا ايه
= انتى لسه مصممه برضو أنا وسفيان دا شخص واحد
انتى مصدقه الهبل دا
– كان نفسى أصدقك بس أنا خلاص مبقتش فاهمه اى حاجه
منك لله يا أخى أنا كنت بفهم شويه دلوقتى مبقتش بفهم اى حاجه خالص
= صوتك عالى انتى بتزعقى ليه ….الناس حوالينا يقولوا ايه دلوقتى علينا
– شكلك فى الاخر هتطلع بتحور عليا
= احور عليكى ليه انتى عبيطه
– انت يا اخينا تشوفلك حل فى الزهايمر اللى عندك دا مش معقوله الكلام اللى بتقوله ……. هو ايه المر دا
كنت ببصله وأنا حاسه انه مخبى حاجه عنى
احساسى بيقولى أن سفيان ومالك شخص واحد
بس مش عارفه اتأكد ازاى ….. بس لو اقدر اشوف وشه
سندت ايديا على التربيزه وأنا بفركهم بتوتر
– انت شغال ايه
= خمنى شكلى يبان عليه ايه
– معروفه يعنى بعد السكينه اللى رفعتها عليا
فأنت شغال حاجه حرام أكيد يعنى
= ايوه برضو مقولتيش بشتغل ايه
– حرامى حاجه فى الرينج دا
= لا مش حرامى
– أوعى تكون سفاح
= انتى عبيطه صح
– أعلى من كده
وقعتك سوده ….ديلر وأعضاء
= أعلى
– هو فيه حاجه أعلى من كل المصايب اللى قولتها دى
= زعيم مافيا
بلعت ريقى بتوتر وأنا بحاول أستوعب اللى قاله
اهى كده معقوله شويه بالليل زعيم مافيا وبالنهار دكتور طيب بالسلامه أنا بقى
– انتبهت لكلامه ….انت قولت ايه
ولسه هقوم هصوت حط ايده بسرعه على بوقى
=هشششششش اسكتى يخربيتك انتى بتعملى ايه
– حطيت أيدى على بوقى من الصدمه
كنت ببصله بخوف أنا كنت بهزر معاه ايه اللى أنا سمعته دا …… هو بيتكلم بجد يعنى هو مجرم
= اه ياملاك بتكلم بجد أنا زعيم مافيا
– انت سمعتني
ومالك بتقولها كده وانت بتتفشخر
= ما انتى اللى بتتكلمى مع نفسك بصوت عالى
بصلها ببراءه أنا حتى غلبان ومش بتاع مشاكل خالص
يعنى يرضيكى أقعد عاطل ومن غير شغل
– ضيقت عينى بخوف
= ملاك انتى مش مصدقانى صح
– أنا لا خالص ازاى مصدقكش بعد كل اللى شوفته وقولته دا انت كده فل أوى
= تحبى تأكلى ايه ياملاك
– هو انت بعد اللى قولته دا وعاوزنى أكل عادى كده
= ملاك انتى خايفه منى
– لا سمح الله هو انت قولت حاجه تخوف لو سمحت
أنا عايز أمشى …….مستنتش أسمع كلامه
وقومت عشان أمشى
كان بينادي عليا بس أنا رفضت أقف واسمعه
طلعت بره الكافيه ولسه بعدى الشارع لمحت واحد من العصابه واقف بعيد وماسك السلاح ومصوبه ناحيه مالك
ببص ورايا لقيت مالك بيجرى عشان يلحقنى
-مالك استنى ………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فقدان في الذاكرة)
