رواية فضيحه في الحي الشعبي الفصل الثالث 3 بقلم منة محمد
رواية فضيحه في الحي الشعبي الجزء الثالث
رواية فضيحه في الحي الشعبي البارت الثالث
رواية فضيحه في الحي الشعبي الحلقة الثالثة
تميم اخدت شنطه هاند باك ونازل ع الدرج عشان يشوف ايمان ولابس قميص مشجر عادي وبنطلون اسود ورافع ع شعره النضاره الشمسيه
علا نزلت جري وراه: تميم انت رايح فين
تميم مكمل نزول: اسكندريه
علا: بس انت لسه راجع
تميم وقف بصلها ببرود وقال: ايوه رجعت عشان شغل ومضطر ارجع تاني
علا بضيق: هو انت اخدت الشغل شريك لحياتك امال امتي هتديني شويه وقت انا نفسي نخرج نتفسح سوي
تميم: واعمل ايه في شغلي قوليلي اعمل ايه اظن انتي عارفه ظروفي ومسؤلياتي الكتير
علا: بس انت بتتجاهلني في كل مره ونا مش هبطل ازن عليك
تميم: وانا الوضع ده مش بحبه
علا مسكت ايده بشده: بس انا بحبك كتير
تميم سحب ايده من بين ايدها وسابها ومشي
علا جريت وراه ووقفت قدامه: تميم خليك معايا عشان خاطري ارجوك
تميم بنفاذ صبر: هعمل ايه لو فضلت هنا ياعلا
علا: اديني فرصه ع الاقل ويمكن افوق كل توقعاتك وتقدر
تيميم: علا انتي بنت خالي وانا بحترمك كتير لكن مش عجبني ابدا انك ترخص نفسك كده لازم يبقي عندك شويه احترام لنفسك وانا بقولهالك بصراحه
علا نزلت دموعها: بس انا بحبك بجد يا تميم خليك ارجوك
تميم: وانا متعمد اتجاهلك بسبب اسلوبك ده وحقيقي مش عارف اذا كان في يوم هبقي ليك ولا لاء مأخدتش قرار لسه وللسبب ده مش عايز اديكي امل وانا عايزك تشوفي مستقبلك حاولي تفهمي ومهم جدا امشي
…………………قصص منه محمد كاتب…………….
في بيت عاكف ايمان قامت تغسل المواعين
عاكف: طمنيني عن احوال شغلك فيه مشاكل
ايمان ابتسمت: لا الحمد لله يا عم عاكف كل حاجه بخير
عاكف: ماشي بس لو فيه اي مشكله هتكلم مع ابو تونه
انصاف: الحمد لله ان بنتي ايمان اتوظفت في وظيفه كويسه والله كنت بدعلها من قلبي في كل صلاه بأن يجلها راجل يسعدها بفلوسه
عاكف: يارب
اسماء: ادعلها يمه يجلها ابن حلال ومثقف ومحترم احنا مش عايزين فلوس
انصاف: وبنتي ايمان حلوه وذكيه استني وهشوفي هيجلها سيد الرجاله
عاكف لف لاسماء: اعملي تلات كوبات شاي يله يمه كملي
انصاف بخبث: كنت عايزه اسالك عن المرتب كام
ايمان بطيبه: في البدايه 4000 بس بيقوله لو عجبهم شغلي هيزودوه
انصاف: ان شاء الله اتمني من رب العالمين يزيد مرتبك ويتحسن وضعك وتتجوزي من عايله تشرف وهتشوفي
عاكف بخبث: امسكي يمه مصروف الشهر هو مش كتير بس امسكي ايدك
انصاف: كام دول 700 جنيه بس لايمكن امشي بيهم البيت الاسعار بقت غاليه نار عندك عيلين ومصاريف تعليمهم بياخد نص المصروف وساعات لا فيه شاي ولا سكر واللبن متسألنيش ازاي بيخلص بسرعه
عاكف: اعمل ايه الي كسبته عطتهولك هحاول الشهر الجاي وايمان معاها مرتبها الشهر الجاي هتحط نصه في ايدك مش كدا يا ايمان
ايمان: اه طبعا
انصاف: اتجننت هناخد فلوس من واحده غريبه اتهبلت
ايمان: بتقولي ايه بس يمه من ناحيه بتقوليلي بنتك ومن ناحيه تقولي عني غريبه
عاكف: احرجتك ردي عليها
انصاف بتمثيل: لاء يابنتي لا انتي تحوشي فلوسك لجهازك واشتري الاكل الي نفسك فيه اما احنا لينا رب يتولنا برحمته
ايمان: بس انتم اهلي وكل حاجه بالنسبه لي وليكم حق في مرتبي احنا كلنا عيله واحده
عاكف: برافو يا ايمان
انصاف بمكر: ماشي طالما مصره للدرجادي ماشي
عاكف: ايوه كدا وافقي متكسفهاش
انصاف: يا اسماء هاتي الشاي وسندوتش جبنه معاه اختك رجعت بعد فتره ومحتاجه تتغذي كويس
اسماء واقفه من بعيد وهي مقهوره انه هيصرفوا في البيت بشغل اختها
…………قصص منه محمد كاتب………………………..
علا دخلت غرفتها وفضلت ترمي كل حاجه وتصرخ بعلو حسها: ده رفضني , هو رفضني انا
صبا فتحت الباب بفزع ع قوه الصوت: ايه الي حصل
علا: ماما رفضني
صبا بحيره: مين رفضك؟
علا: تميم
صبا: هدي نفسك وبعدين مين تميم يعني عشان تذلي نفسك , وبعدين محدش يستجرء يرفض بنت النائب عزت ابدا
علا بتهديد : ماما لو تميم مبقاش ملكي مش هسيبه يبقي لوحده تانيه ابدا وانا هنفذ كلامي يعني هنفذه
صبا: يعني مش هتتراجعي وانتي شايفه حبك من طرف واحد هترتاحي لما كل شويه يهينك بتجاهليه ليكي ونفوره منك انتي عاميه مش عايزه تشوفي هو مش منتبه ليكي هو مش شايفك اصلا حبيبته فـ احترمي نفسك مفكره لما تلفي حواليه هتخلقي لنفسك مكان في قلبه يابنتي كل ما بتجري وراه كل ما هيهرب منك ويبعد اكتر واكتر جنونك مش هيولد حبك في قلبه
علا بغضب: امال اعمل ايه قوليلي اعمل ايه
صبا: ابعدي وسبيه
علا: اسيبه واخسره
صبا: اسمعيني يا علا انا اعرف ازاي اقنعه واضغط عليه حتي لو وصل الامر اهدده هعمل كده لان اسم ابوكي ووضعه معتمدين عليه واليوم الي هيطلب فيه ورثه وقتها
علا: انا سمعت الكلام ده منك كتير ومش قادرين تعملوا اي حاجه عشاني
صبا: اصبري شويه
علاميته قهر وغيظ : كفايه يا ماما كفايه مش قادره اصبر لحد ما يعجب ببنت تانيه ويجي ويقولنا انه عاوزها وانا اتظاهر بالفرحه وبس
صبا: بنت تانيه قولي الف بنت بس متجوزش ولا واحده فيهم لانه ذكي ومستحيل يورط نفسه في علاقه عابره ابدا
علا: مش هصدق كلامك وهخلي تميم ملكي وهعمل الي في دماغي
صبا حست بخوف من كلامها وقالت بشخط: اياك تتصرفي بغباء لاهتتصلي بيه ولا تلاحقيه ابوكي مش راجل عادي واظن رجاله كتير بيترموا تحت رجليكي عشان بس ترتبطي بيهم وانتي بتقعي تحت رجل تميم اصبري وهتشوفي تميم هيجي في يوم ويطلب ايدك له بنفسه اصبري بس شويه كمان
…………….قصص منه محمد كاتب…………….
تميم ركب الاتوبيس وشافها رايحه جايه تخدم ع الركاب وكل ما يحاول يشاورلها يلاقي راكب بيشاورلها مبقاش عارف يكلمها بأي حجه لحد ما الاتوبيس وقف عند الفندق وايمان نزلت هي وتونه ع السكن
تميم من وراها: لحظه يا انسه لحظه
ايمان حاولت تستجمع قوتها ولفت تبص له بقوه : نعم اتفضل
تميم: انا عايز اتكلم معاكي
ايمان: ليه
تميم: مفيش حاجه معينه حبيت اسألك عن اسمك واعرف عنوانك بس
ايمان: ليه
تميم: شوفي انا اسست شركه جديده وبصراحه
ايمان قطعته: مش انت نفس الشخص الي دلقت عليه الميه في الاتوبيس قبل كده
تميم ابتسم: ايوه هو
ايمان: وبالصدفه بتسافر في الاتوبيس كل يوم من بعدها ممكن اعرف السبب هيئتك بتقول انك شخص محترم لكن
تميم قطعها بسرعه وقال: لاء انتي فهماني غلط ظهريا ابان واحد بيعاكس بس انا فعلا راجل محترم شوفي انا معنديش اي نيه سيئه انا جيت وراكي مش علشان ازعجك انا جيت عشان اعرفك
ايمان رفعت حاجبها وقالت بحده قويه : ايه
تميم: تمام هشرحلك بس الكلام هنا يعني نقعد في كافيه ونتكلم من الاخر انا شايف الشغلانه دي مش من مستواكي وانك بتقللي من نفسك فيها والشركه عندي محتاجه سكرتيره وانتي فيك كل المواصفات وانا عايزك تنضمي ليها هديلك كل شئ تستحقيه ( طلع كارت من الجاكت) هستني اتصالك وده الكارت بتاعي لو حبيتي تتواصلي معايا اسمي تميم الخولي
ايمان بصتله بحتقار وحدف الكارت عليه وقالت بصوت حاد وغاضب: ازاي فكرت اني هوافق ع عرضك ع طول وسواء استحق الوظيفه دي ولا مش من مقامي دي مش مشكلتك ولو حاولت تمشي ورايا تاني هبلغ عنك الاداره ولو اضطرني الامر هقدم محضر لقسم الشرطه ياتري سمعت
تميم ابتسم ع جنب: ايوه فهمت تماما
ايمان شدت تونه من ايدها ومشت: يله بينا
تونه :ايه الي بتعمليه ده يا ايمان اسمعي كلامه لمره واحده يمكن يكون جاد
…………………………
في الشركه تميم بينه وبين نفسه: ايه الي بيحصل ليه بفكر فيها بستمرار ليه بشوفها في كل مكان ياتري حبيتها بس البيت دي بيئتها لاء انا مستهلش بنت زيها ولا يمكن افكر اني اتقبلها حتي طيب ليه شاغله قلبي وعقلي دي بنت عاديه بس ليه بقت مميزه بالنسبه لي بالشكل ده
هاني خبط ع المكتب: الي شاغل عقلك
تمم بصله: هو فيه غيرها
هاني بصلها : بس كويس انك عرفت ع الاقل اسمها والا كنت هتفضل شهر كامل تجري وراها زي المجانين بس قولي ازاي ده حصل وازاي شاب في مكانتك شايف نفسه ومغرور يقع في الحب مش قادر افهم ده
تميم بأبتسامه : تفهم ايه
هاني: يعني فارق المستوي دي بنت عاديه مجرد مضيفه باصات بجد الموضوع كله ميتصدقش
تميم: فلا لحد دلوقت مش قادر افهم ومش عارف ده حصل ازاي وامتي مش قادر افهم
هاني: دي بدايه الحب هو كده يطب من غير سابق انذار يجي في لحظه من غير ما نحس وربما حاسس لانها بنت عاديه وجايز لانها اول مره تنجذب ناحيه بنت ولاول مره ترفضك ويمكن عشان صادقه اثرت فيك وانجذبت ليها والبنات من الطبقه دي بيعرفوا يخططوا كويس يورطوا الشباب امثالك مره بدموعهم ومره بعيونهم وشعرهم انا جربت كل ده وحتي اصحابي جربوا زيك قبل كده
تميم بعصبيه: متتكلمش عنها كده هي من النوعيه دي ابدا
هاني: ليه اتعصبت كده مصيبه لتكون وقعت في غرامها فعلا
تميم اتنهد : مش عارف احيانا بحس كأن حد سحرني وكل ما بشوفها قلبي وعقلي بيقفوا عن اي حاجه وشها بيجي قصادي كل ثانيه البنت العاديه دي فضلت تهين فيا وانا بقيت واقف اسمعها في هدوء مش ناسي اي كلمه قالتها ابدا مش قادر افهم ايه الي صابني
هاني بمزح: ايه عايز تعرض عليها الجواز
تميم: مش عارف كل الي اعرفه عايز ابقي قريب منها عايز اتعامل معاها براحتي ومش عارف لو كنت هقدر ارتبط بيها رسمي ولا لاء بس انا عايزها بالتأكيد
هاني بجديه: تميم الامور دي بعيدة ان قلبنا ينجذب لها وانت كمان مش متعود ع الرفض للسبب ده مشدود ليها دي بنت عاديه وانا حذرتك لو فضلت وراها هتعمل بلاغ للقسم
تميم بصله اوي : قولت هتعمل ايه هتقدم بلاغ فين
هاني ضم حواجبه: في القسم
تميم ضحك اوي : بجد هي ظريفه جدا
هاني: يااخي نفسي تبقي جاد مره
تميم : انا جاد فعلا او تقدر تقول اول مره اكون جاد
…………………….
تميم عرف عنها كل حاجه وبقي كل يوم يتابعها وهو جوه العربيه لحد ما اتعلق بيها وعرف ان اخلاقها عاليه وبنت محترمه وقرر يتصل بيها
ايمان ردت: الو
تميم: انا تميم الخولي
ايمان: مين تميم الخولي يعني
تميم: معقول نسيتي بالسرعه دي الي قابلك في الموقف من يومين
ايمان: انت جبتي رقمي منين؟
تميم: ده امر سهل عليا معطتنيش فرصه اتكلم معاكي في يومها عشان كدا فكرت اتصل بيكي واقولك اني مستني ردك بفارغ الصبر
ايمان: اي رد الي مستنيه بفارغ الصبر
تميم: انا عرضت عليكي وظيفه واسمعي انا مش شخص سيئ ولا بعاكسك انا عايز اساعدك وبس وانا شايف ان بنت زيك الشغلانه دي مش تناسبها لو اشتغلتي عندي
ايمان قطعته بحده: اسكت ولو قلت كلمه تانيه
تميم قطعها بهدوء: عارف هتقدمي فيا محضر في القسم بس هتعملي ايه لو الاداره طردتك بأمر مني
ايمان: اعمل الي يطلع بأيدك وابعد عني خالص سامع
تميم: مقدرش اعمل كده
ايمان: انت عايز مني ايه
تميم: عايز اتعرف عليكي واقرب منك عايز اقابلك
ايمان: اخرس
………………………………
تاني يوم ايمان ركبت الباص لقته حاجز كل التذاكر لنفسه اضايقت لكن ركبت لانه ده شغلها وقعدت في كرسي بعيد تمام عنه
تميم ابتسم وقالها: عفوا لحظه هنا من فضلك
ايمان اتنهدت بغيظ وقامت : افندم
تميم بأبتسامه: عطشان جدا فيه اي حاجه اشربها
ايمان بتكشيره : تحب تشرب ايه عصير ولا ميه
تميم: انتي تفضلي ايه قصدي لما بتحسي بالعطش بتشربي ايه
ايمان بصتله بنظرات حاده وهو ابتسم وقال: اوكيه ميه
ايمان راحت جابت له كوبايه ميه وعطتهاله بضجر وبعدت ورجعت مكانها
تميم برخامه: اكسيكوزمي
ايمان لفت وبصتله وهو كتم ضحكته وقالها: انا اسف ولا حاجه
بعد وقت وصل الباص للموقف وايمان نزلت منه وهو تابعها لحد ما دخلت السكن
تونه بصتلهم وقربت عليها: شكله وقع في حبك من النظره الاولي بجد صعب عليا
ايمان بغيظ: هو صعب عليكي وانا نفسي اضربه ع خلقته
تونه: هو جاد ناحيتك وده واضح بيسافر كل يوم في الاتوبيس عشانك ونفسه يكلمك مره واحده احتمال يكون امر مهم يقوله معاكي ولا يمكن يعرض عليكي الجواز
ايمان: هو انا مجنونه عشان اسمع له وهو مجنون عشان يعرض عليا الجواز
تونه: ليه ايه الي نقصك غير انك بنت ناس فقيره
ايمان: فاكره ياتونه لما قلتيلي منقربش من راكب في يوم حتي لو عن طريق الخطاء
تونه: متقارنيش المجنون الي بيجري ورايا بالمز ده يابنتي التاني جاهل وغبي وضايع بيقول لو رفضته هيقتلني لكن ده شكله ابن ناس ومحترم ومن عيله غنيه ومرموقه
ايمان: وبعد ده كل بتقولي يعرض عليا الجواز ده مش ممكن ابدا
تونه: ليه لاء يابنتي
ايمان: لاني عارفه النوعيه دي كويس بيحبوا يورطوا البنات في حبهم وانا شايفه انه عايز يعاكس بس لو ظهر تاني قدامي وقتها هعمل فيه الي لا يمكن ينساه في حياته
……………….قصص منه محمد كاتب……………………
يوم جديد نازيين من الاتوبيس بعد الورديه وتونه ماشيه حست بحد وراها لفت وشافته ووقفت مكانها
ايمان لفت وبصتلها: ليه وقفتي امشي
تونه بصوت مرتعش : ايمان هو الشخص ده
ايمان بعدم فهم: مين ده
تونه: مش قلت لك فيه واحد مجنون بيطاردني ويهددني ع التلفون هو الي واقف هناك ده
ايمان بقوه : انا مش هرحمه النهارده هتشوفي هيهرب زي الجبان اول ما يسمع اسم البوليس
تونه مسكتها بخوف : لا يا ايمان متتكلميش معاه
ايمان بستغراب: ليه
تونه: دي مشكلتي وانا هحلها بنفسي
ايمان: ماشي هاجي معاكي
تونه هزت دماغها برفض: لاء خليكي واقفه مكانك استنيني دقيقه هروح ارجعله عقله وارجع
تونه مشت راحتله وبغضب: انت جيت تاني انا عمري ما شفت واحد وضيع زيك في حياتي
الشاب: اعمل ايه مجبر اجي بأوامر من قلبي لما مش بشوفك مش بحس بالراحه وافقي عليا وانا هبطل اضايقك ارجوكي قولي بحبك مره وبس
تونه صرخت في وشه: قلت لك بطل تلحقني في كل مكان بس انت مش عايز توقف افعالك المشينه بس المره دي هعمل فيك محضر تعرض
الشاب بنفس نبرة الصوت: اعملي الي تعمليه مش هبطل اجري وراكي ابدا
تونه: انت عايز ايه من الاخر
الشاب مسكها من ايدها بقوه وقال وهو بيهزها بعنف: عايزك انتي , عايز اتجوزك ولو مبقتيش ملكي مش هسيبك تبقي لواحد غيري
تونه شدت إيديها منه بقوه : قلت لك انا مخطوبه وقريب هتجوز ارجوك سبني في حالي
الشاب: فرحك ده هيحصل ع جثتي وافقي دلوقت الا هخليكي في حاله تصعب ع الكافر
تونه زقته في صدره: وفر تهديديك لحد تاني انا مستحيل ابصلك واتجوزك مستحيل حيوان زيك حرام حتي اتف عليه
الشاب اتك ع اسنانه بغضب اسود: يعني مش هتهوديني
تونه بغضب احمق: مستحيل حتي لو قـ تلتني
الشاب بكل خسه وفي اقل من الثانيه طلع ازازه ميه نار ورشها كلها عليها وايمان كانت بتتكلم ع الموبيل مع اختها واتخضت من قوه صريخ تونه اللي فزعها طلعت تجري بأقصي سرعتها ولما قربت برقت عيونها بذهول وصدمه شافت تونه بتتـ حرق قدامها وبتتلوي من العذاب وهي بتطلع في الروح
استوب وتعالوا نعيش اصعب لحظات ع ايمان لما تحصل الفضيحه في الحي الشعبي
ياتري علا هتعمل ايه وتكشف حب تميم لايمان
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فضيحه في الحي الشعبي)
