رواية فريدة من نوعها الفصل العشرون 20 بقلم سلمى يسري
رواية فريدة من نوعها الجزء العشرون
رواية فريدة من نوعها البارت العشرون
رواية فريدة من نوعها الحلقة العشرون
وقفنا لحد ما الكتور قالهم علي حالة لمي ( في منكم مستغرب لييييه 7 أكياس دم ، يا ولية انتِ وهي البت بقالها ساعه دماغها بتنزف واحتياطي كمان لو حصل حاجه ، بصوا صدقوا اللي بقوله وخلاص )
مازن اول ما الدكتور مشي فجأة ضرب يزن في وشه : غبي سايب 3 بنات لوحدهم في البيت اتنين مش عارفين يتحركوا وسايب اختك الصغيرة تاخد بالها منهم ، شايف آخرة اهمالك ، والله العظيم لو لمي حصلها حاجه يا يزن هندمك علي اليوم اللي اتولدت فيه
يزن بعصبية : انت هتخاف علي اختي اكتر مني أ…
مازن مسكه من لياقة القميص وضربه تاني : غلطان وليك عين تتكلم والله وبالله يا يزن ما هتعدي ولمي هتطلع من المستشفي علي بيتي مش هترجع بيتك تاني وانا هاخد بالي من مراتي
يزن بصله وسكت عارف انه غلطان ومازن عنده حق بس هو مش هيقدر أنها تبعد عنه بسهولة كده اخواته ال3 هم حياته ايه اللي خلاه يثق في الاء هي لسة صغيرة الندم مش هيفيد دلوقتي
مازن بتوتر وعصبية : هنجيب دم منين دلوقتي المستشفي مفيش فيها الفصيلة دي
جات عليهم ممرضة تسألهم اذا لقوا دم ولا لا ومازن قال يعمل تحاليل يمكن فصيلة دمهم زي بعض ويزن كمان عمل تحاليل …الممرضة خدت عينة منهم وقاعدين مستنين النتيجة
مازن مش طايق يزن وباصصله بقرف : عامل فيها زعلان اوي
يزن بصله وسكت
الممرضة جات تاني بالنتائج : للأسف مفيش حد فيكم فصيلة دمه متطابقة …..
_____Salma Youssry ____
في بيت يزن كانت الاء خايفة وبتعيط سمعت صوت دينا مسحت دموعها بسرعه وراحتلها
دينا بتعب : الاء
الاء جات عليها بسرعة : متتحركيش من مكانك انتِ محتاجه حاجه
دينا بتعب : عايزة اشرب
الاء جابتلها مايه وشربتها : لو عوزتي حاجه اندهي عليا
دينا باستغراب : هي لمي فين
الاء بتوتر : ك كويسة هي راحت اوضة تانية
دينا بهدوء : الاء
الاء بتوتر اكبر : نعم
دينا بتقرير : لمي فين وبصيلي
الاء بصتلها : قولتلك كو….
دينا زعقت : الاااء مش هسأل تاني لمي فين
الاء عيطت : في المستشفي وقعت وجرح دماغها فتح تاني ….
______Salma Youssry _____.
في المستشفي مازن ويزن بيدوروا علي فصيلة دم مطابقة لفصيلة لمي ومش لاقيين ومازن بيكلم كل معارفه برة مصر وجوه يتصرفوا في دم
يزن بتعب : مفيش حد نفس الفصيلة مش معقول
مازن فجأة : ازاي تاهت عني دي ايه الغباء ده
يزن باستغراب : في ايه
مازن بفرحة : اخو لمي آسر اكيد نفس الفصيلة
يزن بقرف : ده عيل خسيس مستحيل يرضي يتبرعلها بدمه
مازن باصرار : متخافش انا هجيبه
بعد ساعتين كان آسر موجود في المستشفي وده خلا يزن يستغرب ازاي رضي ييجي
آسر قرب علي مازن وتجاهل يزن خالص : قولتلي آجي هنا وعايزني ضروري في ايه
مازن بهدوء : اقعد يا آسر
قعد بإستغراب : ها في ايه بقي
مازن حاول يتكلم بهدوء علشان يقنعه : بص لمي عملت حادثة ودخلت في غيبوبة والحمد لله فاقت منها ولما رجعت البيت وقعت تأتي والجرح اللي في دماغها فتح تاني ومكانش في حد معاها ونزفت دم كتير وحاليا احما محتاجين حد يتبرعلها بدم ومش لاقيين نفس فصيلتها وانت نفس فصيلة دمها المفروض صح
آسر ببرود : صح والمطلوب مني ايه
مازن حاول ميتعصبش مش معقول في اخ ندل كده : عايزك تتبرعلها بالدم
آسر ببرود : للأسف ضيعت وقتك معايا انا مبتبرعش بالدم ل حد
مازن بدأ يتعصب : دي اختك وهي بين الحياة والموت مش هتتبرعلها بالدم ازاي
آسر قام وقف : ولا اختي ولا اعرفها انا جوزتهالك علشان ارتاح منها ومن قرفها وانا مش هتبرع بدمي ليها ولو هتموت تموت عادي كده كده انا عايز اخلص منها تموت وتريحني
مازن بإبتسامة : اقعد
آسر كان لسة هيتكلم بس مازن قاطعه : قولت اقعد
مازن بهدوء : تاخد كام علشان تتبرع بالدم
آسر بجشع : تتدفع لحد كام
مازن بقرف : اللي تقوله
آسر بسخرية : طيب هشوف هتدفع للسنيورة لحد كام
طيب بما انك رجل اعمال كبير ومشهور ومعاك مليارات مش هيضروك كام مليون يعني
مازن ببرود : أنجز قول عايز كام
آسر بطمع : 30 مليون
مازن بهدوء : موافق عشر دقايق ويبقوا في حسابك قدامي علشان تتبرع بالدم
آسر بفرحة : عيوني يا باشا
آسر اتبرع بالدم ل لمي فعلا والفلوس بقت علي حسابه
آسر وقف قدام مازن : أنا مكنتش عامل حسابي ان الدم يبقي كتير كده دول عصروا جسمي يا باشا
مازن بصله بقرف : انت مش الفلوس وصلت علي حسابك عايز ايه تاني
آسر بفرحة : وصلت يا باشا سلام بقي علشان الحق اروح وابقي سلملي علي لمي حبيبتي وش السعد
يزن جه بعد ما مشي : ادتله كام
مازن بصله بهدوء : يخصك في ايه
يزن بعصبية : انت مش مضطر تدفع حاجه من جيبك اللي دفعته هديهولك اديته كام
مازن بهدوء : لمي مراتي وهي مسؤولة مني واللي دفعته ملكش دعوة بيه
يزن لسه هيتكلم بس سكت لما الدكتور خرج
مازن بقلق : بقت كويسة
الدكتور بهدوء : الحمد لله هي محتاجه راحه تامه مفيش حركة خالص من السرير علشان دماغها والكسور اللي في جسمها لسة مخفتش
مازن اتكلم بمغزي : متخافش يا دكتور انا هوفرلها الراحة التامة مش هتتحرك من مكانها كله هييجي لحد عندها
الدكتور قالهم علي شوية نصايح ومشي
يزن بص لمازن : اختي مش هتخرج من بيتي انت اه جوزها بس لسة مش في بيتك انا هعرف اخد بالي من اختي كويس
مازن بسخرية : آآه باين انك بتاخد بالك منها بأمارة أنها في المستشفي في نفس اليوم اللي طلعت منها فيه
يزن كان هيتكلم بس مازن سابه ومشي
تلفون يزن رن زمان فهد
يزن بتعب : ايوة يا فهد
فهد بهدوء : مالك صوتك تعبان انت فين
يزن بارهاق : في المستشفي
فهد بإندفاع : دينا حصلها حاجه …قصدي لمي ودينا حصلهم حاجه
يزن بشك : لا دينا محصلهاش حاجه لمي هي اللي في المستشفي
فهد حمد ربنا في سره و اتكلم براحه : لمي حصلها ايه
يزن بحزن : وقعت تاني ودماغها اتفتحت تاني ده كله بسببي
فهد بهدوء : اهدي وقولي ايه اللي حصل بالظبط
يزن حكاله كل اللي حصل وفهد قلق علي دينا ممكن يحصلها نفس اللي حصل ل لمي : يزن انا عارف انه مش وقته ولا مكانه بس انا طالب ايد الاء منك …..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فريدة من نوعها)
