رواية فريدة من نوعها الفصل السادس عشر 16 بقلم سلمى يسري
رواية فريدة من نوعها الجزء السادس عشر
رواية فريدة من نوعها البارت السادس عشر
رواية فريدة من نوعها الحلقة السادسة عشر
الدكتور بأسف : للأسف البنت المنتقبة عندها كسور كتير في جسمها وحالتها صعبة والبنت اللي معاها دخلت في غيبوبة
يزن بصله بصدمة : غيبوبة !!!
الدكتور بأسف : حالتهم الاتنين خطيرة ومش عارفين نحدد اذا كانوا هيستحملوا ويعيشوا ولا لا البنت اللي جسمها فيه كسور بتتألم اكتر من البنت التانية علشان هي حاسة بكل اللي في جسمها لكن الليفي غيبوبة مش حاسة بحاجه
يزن بيتكلم بصعوبة : هي ممكن يفوقوا امتي
الدكتور بجدية : البنت اللي في الغيبوبة مش عارفين نحدد هي ممكن تفوق امتي الغيبوبة عامة مالهاش وقت معين ممكن ايام او شهور او سنين الله اعلم ادعولها والبنت التانية احنا بنديها بنج علشان متحسش بحاجه لحد ما الجروح تتعافي شوية وبعدها نبدأ نوقف التخدير
يزن هز راسه وشكره ورجع قعد مكانه
فهد وقف الدكتور : لو سمحت يا دكتور البنتين اللي لسة خارج من اوضتهم حالتهم عاملة ايه
الدكتور باستغراب : حضرتك تقربلهم
فهد بتوتر : آآه انا ابن عمهم
الدكتور بأسف : حالتهم صعبة اوي الاتنين متكسرين وواحدة منهم في غيبوبة وحالتهم كل شوية بتسوء اكتر وممكن نخسرهم في اي وقت
فهد بخوف : مين اللي دخلت في غيبوبة
الدكتور بصله : البنت اللي مش منتقبة مش عارف اسمها ايه
فهد ارتاح شوية : طيب شكرا يا دكتور اتفضل
الدكتور مشي وفهد قعد علي اقرب كرسي ودموعه بدأت تنزل : بسببي هي حصلها كده بسببي لولا غبائي ورغبتي في الانتقام من اخوها مكانش حصلها كده كانت هتبقي كويسة وعايشة حياتها ومبسوطة انا السبب حالتها دي بسببي انا
فضل يكرر الجملة دي ودموعه بتزيد : مش هتروح مني هي هتبقي كويسة هتبقي كويسة
_________Salma youssry _______
في بيت مازن كانوا كلهم متوترين علشان يزن اتأخر
مازن بعصبية : مش معقول ده كله تأخير هو الجواز لعبة من اولها بيتأخر كده واحرجنا قدام الناس امال بعدين هيعمل فينا ايه
عبد الرحمن بهدوء : اهدي يا مازن ممكن يكون حصل مشكلة أو حاجه التمسله العذر يابني
مازن حاول يهدي وسكت يستني يشوف ايه تبريره
بعد 10 دقايق تقريبا موبايل مازن رن وكان يزن
مازن بسخرية : اهو العريس بيرن
مازن رد وبيتكلم بنرفزة : ما لسة بدري حضرتك جاي تتصل بعد ايه
يزن بدموع : مازن ….لمي ودينا في المستشفي عملوا حادثة واحنا جايين في الطريق
مازن بصدمة : حادثة !!! ط طيب انتوا فين
يزن لسة بيعيط : في مستشفي *****
مازن وقف : أنا جاي
ابوه بقلق : حادثة ايه يا مازن ايه اللي حصل
مازن باستعجال : وهم جايين في الطريق عملوا حادثة ولمي ودينا في المستشفي مش عارف تفاصيل انا رايح المستشفي
عبد الرحمن : استني يابني انا جاي معاك
مازن باصرار : محدش ييجي معايا انا هروح لوحدي انت صحتك مش احسن حاجه يا بابا انا هروح لوحدي عن اذنكم
مازن ركب عربيته وساق بأقصي سرعه علشان يوصل
بعد نص ساعه مازن وصل المستشفي سأل علي الأوضة اللي موجودين فيها
طلع الدور التاني مكان ما هم موجودين لقي يزن قاعد قدام الاوضة ساند دماغه علي ايده راح قعد جنبه : ايه اللي حصل
يزن بصله بتوهان : مش مش عارف انا نزلت اجيب حاجه وانت راجع لقيتهم جايين ناحيتي وفجأة العربية خبطتهم *بدأ يعيط* شوفتهم بعيني وهم سايحين في دمهم مكنتش عارف اعمل ايه
مازن بتوتر : الدكتور قالك عاملين ايه
يزن بدموع : حالتهم خطيرة لمي دخلت في غيبوبة ودينا عندها كسور كتير في جسمها ومش ضامنين ممكن يعيشو ولا لا
مازن اتصدم : غيبوبة ..آآ
اتفاجأو بالدكاترة والممرضين جايين جري علي اوضة دينا ولمي مازن ويزن اتخضوا وكانوا هيدخلوا بس منعوهم شافوهم من الازاز ممرضة خرجت مازن وقفها : في ايه ايه اللي بيحصلهم ؟
الممرضة باستعجال : في مريضة قلبها وقف والتانية مش عارفة تتنفس ….. Salma Youssry
٤٢ د ·
تقريبا يا جماعة نسيت انزل ال17
آسفة جدا
البارت ال 17 من رواية (فريدة من نوعها ) ♡
الممرضة بإستعجال : في مريضة قلبها وقف والتانية مش عارفة تتنفس
مازن اتصدم ورجع بص علي لمي من ورا الازاز وهم بيعملوا انعاش ل قلبها عرف مين اللي قلبها وقف … لمي حاسس انه مش قادر يقف اكتر من كده بص علي يزن لقاه منهار من العياط هو كمان مش قادر يتماسك اكتر من كده قعد علي الارض سند دماغه علي الحيطة وساب لدموعه الحرية هو عمره ما قالها بس هو فعلا بيحبها مش قادر يستوعب أنها ممكن تروح منه لا هي مش هتسيبه …… خرج من المستشفي راح اقرب جامع اتوضي وفضل يصلي ويدعيلها دموعه نزلت وهو بيصلي
فضل يدعي ربنا كتير ……
________Salma Youssry ________
عند فهد كان لسة في المستشفي سمع الممرضة وهي بتقول لمازن عن حالتهم عايز يدخل يشوفها بأي طريقة …..
________Salma Youssry ________
في فيلا سيف العزايزي
*صاحب يزن وفهد وتيَّام*
كان سيف بيشتغل في اوضته علي اللاب خلص شغل وكان زهقان اتصل علي يزن
سيف بهدوء : للدرجة دي ناسي بقالك اكتر من اسبوع لا بتتصل ولا بتسأل
يزن بدموع : هيروحوا مني يا سيف (يزن هيفضل يعيط طول الرواية ولا ايه انشف كده )
سيف اتعدل واتكلم بقلق : هم مين اللي هيروحوا منك يزن انت كويس بتعيط ليه
يزن لسة بيعيط : كانوا بيموتوا قدامي ياسيف كانوا سايحين في دمهم دينا متكسرة ولمي في غيبوبة والاء…. ألاء لما شافتهم اغم عليها وجالها انهيار عصبي ومفاقتش من وقتها مش سهل عليها تشوف توأمها وبنت خالها اللي زي اختها في الحالة دي هيضيعوا مني يا سيف مش هقدر اعيش من غيرهم انا اللي كنت مقصود هم زقوني هيروحوا مني انا مش هقدر اعيش من غيرهم
سيف بتوتر : طيب اهدي كده وقولي انت في مستشفي ايه علشان اجيلك
يزن بتوهان : مستشفي ****
سيف بسرعه : مش بعيدة نص ساعه وهبقي عندك اهدي انت وانا بإذن الله هوصلك بسرعه …..
______Salma Youssry____
مازن رجع المستشفي تاني وكان في طريقه لاوضة لمي شاف واحد قاعد قريب من الممر اللي فيه اوضة لمي ودينا وباين عليه زعلان او بيعيط بصله باستغراب وقرب منه قعد جنبه : في حد يقربلك هنا
فهد رفع راسه وبصله : انت في حد تعرفه هنا
مازن بهدوء ظاهري : مراتي وبنت خالها عملوا حادثة
فهد بهدوء : مازن الجارحي
مازن باستغراب : انت تعرفني
فهد بنفس الهدوء : مين ميعرفكش رجل اعمال مشهور وصغير في السن أنجز كتير في شغله
مازن بإبتسامه : فهد احمد الكيلاني رجل الأعمال المشهور و تيام احمد الكيلاني أصحاب شركات F.T برة وجوة مصر كمان احنا بينا شغل اتقابلنا مرة واحدة اكمل ولا كفاية كده…….
فهد بصله : طلعت مش سهل فاكر كل حاجه
مازن بصله بهدوء : مش هتقول بردو جاي علشان مين هنا المستشفي
فهد بصله وسكت
مازن بهدوء وألم داخلي : براحتك بس احب اقولك انها حالتها مش صعبة لمي حالتها أصعب اتطمن شوية
فهد بصله بإستغراب وتوتر
مازن بهدوء : لو فكرت 5 ثاوني هتعرف انا عرفت منين …… طيب اولا الدور ده مفيش فيه غير جناح واحد وهو الجناح بتاع لمي ودينا + انت قاعد قريب من مدخل الجناح بس في نفس الوقت يزن واي حد واقف قدام الباب ميعرفش يشوفك واكيد انت مش جاي علشان لمي اولا انت مش قريبهم ثانيا انت لو كنت جاي علشانها كنت دفنتك في أرضك مش هتكلم معاك بهدوء
فهد بابتسامه : غيور …..*خد نفس عميق* عندك حق هي دينا اللي جاي علشانها *بصله بشر* ومتقولش اسمها تاني قول آنسة بس علشان مزعلكش
مازن بضحكة خفيفة : أنا بردو الغيور …… المهم تعال نروح قدام اوضتهم
فهد برفض : لا مش هروح هناك انا كويس هنا اهم حاجه عندي اطمن عليها وخلاص روح انت لمراتك وانا بطمن عليها من الدكاترة والممرضين
مازن هز راسه بتأكيد ورجع ل يزن تاني
______Salma Youssry ____
بعد ساعتين كان يزن علي حالته وسيف واقف قصاده ومازن قاعد جنب يزن في قلق وتوتر مستنين الدكتور يخرج يقولهم حالتهم عاملة ايه بعد ما دينا قطعت النفس ولمي قلبها وقف بقالهم ساعتين جوه
الدكتور خرج بصلهم واتكلم بعملية : البنت اللي كانت في الغيبوبة قلبها وقف والحمد لله لحقنا بس للأسف البنت اللي الاكسجين انقطع عنها كام دقيقة سبب في ان الاكسجين موصلش للدماغ كويس ف للأسف هي كمان دخلت في غيبوبة ده غير الكسور الصعبة اللي في جسمهم ادعولهم علشان بجد حالتهم صعبة ……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فريدة من نوعها)
