رواية فريدة من نوعها الفصل السابع 7 بقلم سلمى يسري
رواية فريدة من نوعها الجزء السابع
رواية فريدة من نوعها البارت السابع
رواية فريدة من نوعها الحلقة السابعة
لمي : استني لو سمحت
آسر قام وقف جنبها ومسك دراعها جامد واتكلم بصوت واطي : في ايه هتغيري رأيك في آخر لحظة ولا ايه …..عايزة تفضحيني يا بنت ال*** ده انا اقتلك فيها لو قلَّيتِ بعقلك وعملتي اللي في دماغي ومتجوزتيهوش هجوزك لأي كلب يتقدملك بعده ده لو حد وافق بيكِ بالخيمة اللي لابساها دي كتك القرف
لمي شدت دراعها منه ووجهت كلامها لمازن وتجاهلته : أنا عايزة يزن هو اللي يبقي وكيلي
آسر بيتكلم من تحت سنانه بعصبية وصوت واطي محدش سامعه غير لمي : انتِ هبلة يابت ولا عبيطة وسي يزن هيجيلك القاهرة هنا ازاي هياخد وقت طويل وانا عايز اخلص منك اتزفتي بقي وخلينا نخلص
لمي بصت لمازن وتجاهلته تاني : أنا مش هتجوز غير لما يزن يبقي موجود وهو اللي يبقي وكيلي
آسر لسة هيتكلم مازن قاطعه : حاضر هتصل بيه وخليه ييجي
آسر بصلها بغيظ : كده هنتأخر وهو ممكن ميجيش
لمي بثقة وصوت واطي وصل لآسر بس: هييجي هو مش زيك ياريتك كنت ربعه حتي
آسر بقرف : ولا ربعه ولا نصه ولمي الليلة بقي علشان مجبكيش من شعرك قدام الناس دي كلها كتك القرف ابتلاء من عند ربنا اول ما تتجوزي مش عايز اشوف وشك تاني حتي لو جوزك قتلك كده ماليش دعوة جوزك وهو حر ان شالله يدفنك عايشة
لمي بقرف: ليه انت مفكره زيك بيضرب مراته كل يوم وصريخها واصل للجيران وفي الاخر تقول بربيها آآه صحيح شكلها مش متربية علشان كده بتربيها انت بس هتبقي تربية و*** بردو بس تصدق مراتك تستاهل بصراحة الضرب ده كله علشان حقودة وغلاوية زيك فعلا الطيور علي أشكالها تقع ومتخافش انا اللي مش عايزة اشوف وشك تاني ان شاء الله يكون احن منك عليا ويحبني ويبقي هو الزوج الصالح والأخ والصديق ويعوضني عن كل حاجه وحشة عيشتها وماحتاجش لواحد زيك ويلا امشي بقي شوف هتجيب يزن ازاي والا صدقني مش هتجوز واعمل اللي تعمله
آسر بسخرية : ماشي يا برنسيسة
هجيبلك يزن وأخواته كمان علشان متزعليش ويطقلك عرق احنا مش حمل بلاوي هصرف كمان علي عزاكِ مش كفاية لبسك وجهازك اللي هضطر اشتريه علشان شكلي قدام جوزك دايما كده جاية عليا بخسارة
مازن جه عليهم ولاحظ ضيق لمي : هات رقمه علشان اتصل عليه انا مش معايا رقمه
آسر : آآه طبعا اتفضل رقمه *كمل في سره* خلينا نخلص من الليلة دي
مازن خد رقم يزن وكلمه غصب عنه علشان هو مش طايقه من آخر موقف وبمجرد ما قال ان النهاردة كتب كتابه هو ولمي وهي مش موافقة غير لما ييجي
وافق
بعد ساعتين من الانتظار
يزن وصل وكان معاه اخواته البنات التوأم
■ دينا بنت منتقبة بشرتها قمحية قصيرة اوي عندها ١٩ سنة طولها ميتعداش ١٥٥سم كلية حاسبات جامعة عين شمس وهي دي دانو
■ الاء عكس أختها تماما اجتماعية جدا مجنونة اوي لبسها كله بناطيل ومحجبة بشرتها قمحي أطول من دينا وكلية اعلام جامعة عين شمس ( توأم بقي ) وهي دي لولي ….
لمي جريت علي يزن حضنته وعيطت : انت مكنتش هتيجي لولا انا اصريت انك تيجي انت مبقتش تحبني زيه انت كمان زهقت وعايز تخلص مني
يزن مسح دموعها : بطلي كلامك الاهبل ده قال زهقت منك قال أنا مكنتش اعرف اصلا ان النهاردة كتب كتابك لو كنت اعرف كنت انا اللي اخدتك معايا في عربيتي وسيبت اخوك الحيوان والعقربة مراته
لمي بصتله : خدوا من حسناتك علي فكرة
يزن بغيظ : غوري يا بت انا غلطان اصلا
لمي بضحك : خلاص يا زنزون اشتم براحتك ولا يهمك يا باشا
سمعت صوت من وراها : احم احم
دينا : كياس جوافة احنا ولا ايه حضرتك الاحضان كلها ل يزن علي اساس اننا بايتين معاكِ امبارح بروح امك
لمي حضنتها : متقوليش كده يا دندونة انتِ الحب والكنتلوب
الاء من وراها : لمي هو مافيش اكل هنا ولا ايه شكل خطيبك بخيل فين الاكل يا بجرة
دينا بصتلها بغيظ : انتِ مش لسة ضاربة صينية بطاطس و وركين فراخ قبل ما نيجي وياريته بيبان ده انتي ٥٠ كيلو مبتزيديش
الاء بتخمس في وشها : الله اكبر هموت من عينك ….. وبعدين يا انثي الدولفين انتِ هي صينية البطاطس دي مش انتِ كلتي منها بطاطساية صح متنكريش
دينا : أنا……
لمي : باااااس ايه مكانتش صينية بطاطس اللي تعمل فيكوا كده
بصت ل ألاء : هجيبلك اكل حاضر بعد ما نخلص من كتب الكتاب اللي مش عايز يتعمل ده
دينا : بت يا لمي
لمي : نعم يا طنط دينا
دينا : خطيب عنده صحاب شبهه كده
لمي ضيقت عنيها : شبهه ازاي يعني
دينا : أصله مز اوي معندوش اخوات ده
لمي بشماتة وضحكة شريرة : عنده اتنين بس متجوزين نيهاهاهاهاهاها
دينا بغيظ : ابو شكلك يا لمي ابو شكلك طب صحاب طب
لمي بشماته اكبر : عنده واحد
دينا بلهفة : بجد فين ده
لمي شاورت علي مراد : هناك اهو …بس بصي شايفة البنت اللي هناك دي …شاورت علي ريم
دينا بانتباه : آآه مالها
لمي بشماته وضحك : خطيبته
دينا بتجز علي سنانها : ربنا ياخدك يا لمي يا بنت عم ياسر علي اللي بتعمليه فينا وحياة امي ورحمة امك لاوريكِ اكتبي الكتاب بس وهربيكِ من اول وجديد
لمي : عيب علي النقاب يا بنتي يعني منقبة و بتشقطي تيجي ازاي دي
دينا بنظرة شر : اسمها منتقبة … منتقبة بتكلم هيلوغريفي ايه اللي مش مفهوم نخلص بس نخلص وهنقبك انا علي حق يا لمي الكلب
لمي : يا شيخة اقعدي وانتِ واصلة لكتفي بالعافية كده …. وبعدين اختك فين
دينا بلا مبالاه : تلاقيها بتاكل حد من المعازيم لو ملاقتش البوفيه
قاطعهم صوت يزن : يلا يا لمي المأذون عايز يمشي
لمي بابتسامة : يلا يا اوزعتي
دينا بابتسامة مخيفة مش باينة من تحت النقاب : يلا يا قلب اوزعتك بعد كتب الكتاب هباركلك مباركة تسلم علي قفاكِ
لمي بلعت ريقها ونطقت الشهادة في سرها
وراحت ناحية الناس والمأذون وكان يزن ومازن قعدوا قصاد بعض حطوا اديهم في ايد بعض وبعد فترة وكلام كتير
المأذون : بارك الله لكما وبارك عليكما وجمع بينكما في خير .
عبد الرحمن (ابوه ) بابتسامة سعيدة : مبروك يابني ربنا بتمملك علي خير يارب
مازن حضنه : الله يبارك في حضرتك ربنا يديمك ليا يارب
يزن قام حضن لمي : مش هسيبك ليه انتي هتيجي معايا لا هتروحي مع اخوكِ ولا هتخرجي مع الواد اللي لسة متجوزك ده
لمي بضحك : شايف مازن بيبصلك ازاي
يزن بضحك : عايز يقتلني استني اهو جاي علينا نشوف عايز ايه
مازن قرب عليهم وبص ليزن وبيتكلم من تحت سنانه : بعد اذن حضرتك يا حمايا العزيز ممكن اخرج مع مراتي
يزن ببرود : لا مش ممكن احنا ماشيين اصلا
مازن مسك ايد لمي : طيب ما تمشي مستني ايه انا هاخد مراتي وانت يلا مع السلامة
يزن مسك ايد لمي التانية ببردو : دي اختي وهاخدها معايا يلا شوفلك واحدة اتجوزها عليها تبقي تخرج معاها
لمي بصت ليزن بشر
مازن لاحظها وابتسم : لا مش عايز غيرها هاتها لو سمحت روح شوفلك واحدة تانية امسك فيها انت طلعتلي منين انت ابعد بقي
مازن شد لمي وخدها بسرعه برة
يزن واقف مش طايق نفسه لقي الاء وقفت جنبه وفي اديها طبقي مليان جاتوه
الاء بتتكلم والاكل في بقها : بس الجاتوه بتاعهم حلو اوي يا يزن تدوق
يزن بقرف : ابلعي اللي في بوقك الاول كتك القرف يا بنتي انتِ مش لسة ضاربة صينية بطاطس و وركين فراخ
الاء بغيظ ولسة بتاكل : يادي صينية البطاطس اللي بتذلوني بيها وبعدين اصلا انا اكلتي بقت ضعيفة بسبب قرك انت ودينا
يزن زقها من وشها : طيب يلا غوري بقي شوفي دراع حد تحدقي بيه يا ام اكلة ضعيفة
يزن سابها ومشي رايح جاي مش عارف يقعد عايز يعرف مازن خد لمي فين واحد غريب جه فجأة كده خد اخته نور عينه منه فجأة كده
استغفر ربنا في سره وفتح موبايله يضيع وقت شوية لحد ما مازن يرجع مع لمي
في العربية
مازن ماسك ايد لمي مش عايز يسيبها هي بتحاول تفك اديها وهو ماسك اديها جامد لحد ما زهق منها
زعق
مازن : ما تهدي بقي مش هسيب ايدك انا وبطلي فرك بقي
لمي بصتله بجنب عنيها : متزعقش مش بنت اختك انا هتزعقلي علشان اسكت مبحبش انا حد غريب يمسك ايدي يا اخي
مازن بغيظ : غريب مين بروح امك ده كاتب الكتاب فاهمة يعني ايه يعني انا جوزك امسك ايدك براحتي واسكتي بقي لحد ما نوصل حرقتي دمي
لمي : لو مش عاجبك طلقني …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فريدة من نوعها)
