رواية فريدة من نوعها الفصل الرابع عشر 14 بقلم سلمى يسري

رواية فريدة من نوعها الجزء الرابع عشر

رواية فريدة من نوعها البارت الرابع عشر

رواية فريدة من نوعها الحلقة الرابعة عشر

*ملحوظة !!!!*
*بعد ما يزن طلق أشرقت عدي شهر علي الطلاق يعني مش يوم وليلة*
**********𝑺𝒊𝒍𝒐𝒐𝒐𝒐♡**********
ريم ببرود : لو سمحت يا بابا قول ل يزن اني موافقة
مراد قرب عليها بعصبية : انتِ واعية انتِ بتقولي ايه قسما بالله اقتله قبل ما يفكر يدخل البيت ده علشان يتقدملك والله وبالله يا ريم ان حصل والكلب ده اتقدملك لاقتله .
لمي بصت لمازن بخوف : هو بيقول ايه ده مجنون هو ممكن يعمل كده في يزن فعلا
مازن بابتسامة شريرة : ياريته يعملها ده هيخلصني من بلوة حياتي
لمي ضربته في كتفه بغيظ : بعيد الشر عنه ربنا يحمي ويديمه في حياتي يارب مراد صاحبك ده مختل عقليا
مازن باستفزاز : صاحبي ويعمل اللي هو عايزه يقتل يضرب براحته واهو يطلع طاقة الغضب اللي جواه علي يزن اولي من الغريب .
عبد الرحمن بهدوء : مراد تعالي ورايا علي المكتب
مراد بص لريم بعصبية وراح وراه دخل وهو موطي راسه في الأرض
عبد الرحمن بزعيق : انت واقف في بيتي وبتهدد بنتي قدام أبوها وأخواتها مش ماليين عينك
مراد وطي صوته : أنا آسف يا عمي انا اتعصبت لما عرفت ان في عريس متقدملها وهي عنيدة وعايزة توافق
عبد الرحمن بعصبية : أبوها مماتش علشان انت تيجي تزعقلها وتهددها في بيتها وتفرض رأيك عليها مش معني اني عاملك احترام ومقدر ردة فعلك تسوء فيها
مراد وطي راسه : أنا آسف يا عمي صوتي مش هيعلي تاني حضرتك عارف انت بالنسبالي زي والدي الله يرحمه وحضرتك فوق راسي آسف
عبد الرحمن هدي شوية : اتفضل اقعد نشوف حل للموضوع ده ومن اولها انا بقولها لو ريم مش موافقة عليك انا مش هقدر اغصبها هي اللي تختار شريك حياتها وتوافق عليه وتتحمل نتيجة اختيارها
مراد قعد علي الكرسي قدامه بتوتر : يعني حضرتك هتوافق علي يزن طيب وانا انا طالب ايديها من حضرتك من وهي عندها 17 سنة وقولتلي لما تدخل الجامعة واستنيت
عبد الرحمن بهدوء : يامراد يابني انا مش هلاقي احسن منك لريم وانا موافق عليك جدا بس الرأي الاخير ل ريم مش ليا انا هيا للي هتتجوز ودي حياتها هي لو وافقت علي يزن انا موافق مش هقدر اغصبها علي حاجه
مراد بهدوء : لو هي مش عايزاني انا مش هفرض نفسي عليها
عبد الرحمن بتأكيد : أنا عارف انها بتحبك زي ما انت بتحبها بس كلام مايا واللي وصلها انك اتجوزت كسرها وكانت مجروحة من اول ما عرفت ومبطلتش عياط انا عارف بنتي وحافظها حتي لو حاولت تخبي
كمل بابتسامة : اصبر وخلي عندك يقين بالله لو هي من نصيبك *”لو بعد الف سنة هتكون ليك”*
مراد بابتسامة = عندي ثقة ويقين بالله هو وحده عالم باللي في قلبي وهصبر مش هيأس شكرا ياعمي
ريم طلعت اوضتها ولمي طلعت وراها
لمي بنرفزة : انتِ هبلة ولا عبيطة ولا نظامك ايه الراجل جايلك لحد عندك وطلع كان عنده شغل ولا متجوز ولا متنيل وانتِ لازم تعملي ام كرامة اوي ابقي قابليني بقي لو بص لخلقتك تاني قال ايه *بدأت تقلدها* انا موافقة علي يزن …يزن مين يا ام يزن يزن يا حبيبتي تلاقيه زعلان من أشرقت بس يومين وهيرجعها
ريم بغيظ : يعني انتِ عايزاني اسامحه بسرعه كده أين كرامتي
لمي بسخرية : في الزباله
ريم بلا مبالاه : طلعتها من الزباله ياختي وهشغلها دلوقتي
لمي بقرف : أنا ماشية علشان مجبكيش من شعرك انا علي اخري منك اصلا
لمي نزلت تحت راحت لمازن قالتله انها عايزة تمشي
وخدها يوصلها وهم في العربية
مازن باستغراب : غريبة يعني لسة بدري وانتِ مقعدتيش مع ريم كتير
لمي بتعب : حاسة اني تعبانة ومش قادرة اقعد اكتر من كده عايزة أرتاح شوية
مازن بقلق : تعبانة طيب نروح المستشفي في مستشفي قريبة من هنا
لمي بسرعه : لا مفيش داعي انا كويسة دايخة شوية بس مفيش داعي والله انا كويسة
مازن بقلق : طيب انتِ حاسة بحاجه غير الدوخة
لمي بابتسامة : متخافش انا كويسة عادي بتحصل معايا كتير اكيد دايخة علشان مبفطرش وكمان الجو حر
مازن بصرامة : وحضرتك مبتفطريش ليه مهملة استني انزل اجبلك فطار
لمي بصتله وهو نازل وضحكت : ام الحنية اللي طفحت فجأة دي ….. علي رأي دينا قرة عيني واكيد بيخاف عليا .
__________𝑺𝒊𝒍𝒐𝒐𝒐𝒐♡_________
في شركة فهد كان في مكتبه بيفكر في شكل اخته وهي منهارة من العياط بسبب يزن كان ماسك في ايده قلم بيضغط عليه كل ما يفتكر شكلها وهي بتعيط وبتقوله أنها اتطلقت
فهد في نفسه بحقد : ورحمة ابويا يا يزن لاحسرك علي اعز ما تملك ……. مين اعز حد عنده معندوش غير اخواته البنات وبنت خاله بس دي متجوزة واحد مش عايز ادخل معاه في مشاكل فاضل اخواته
بص في موبايله علي صورة يزن وهو واقف في النص وعلي يمينه دينا وشماله الاء
فهد بص علي دينا اللي باين من عنيها أنها بتبتسم وقلبه بدأ يدق بسرعه : اخوكِ زعل اختي وانا اختي عندي بالدنيا كلها كنت مقرر لما ارجع من السفر اطلب ايدك من يزن كنت هعمل اللي انتِ عايزاه كله اي حاجة تقوليلي عليها كنت هعملها علشان …… علشان انا بحبك
_____________𝑺𝒊𝒍𝒐𝒐𝒐𝒐♡____________
*في بيت يزن*
يزن قاعد قلقان علي أشرقت عايز يعرف كانت بتعيط ليه حد كلمها او زعقلها كانت تعبانة طيب … قرر يتصل عليها هو مش قادر يستني اكتر من كده
عند أشرقت كانت في اوضتها نايمة علي السرير باصة للسقف بتفكر في يزن فاقت علي صوت موبايلها قامت انتفضت من علي السرير لما لقت يزن هو اللي بيتصل عليها
أشرقت بتوتر : ارد ولا مردش بس كرامتي اسيبه يرن شوية طيب …. ياربي اعمل ايه هستني شوية
استنت لحد ما الموبايل بطل رن
أشرقت وهي مغمضة عنيها : يارب يتصل تاني يارب يارب يارب يارب اتصل يلا يلا علشان خاطري يا يزن اتصل …*عيطت* ….اتصل علشان خاطري انا اسفة والله بس اتصل تاني هرد المرة دي
فجأ صرخت وضحكت لما يزن اتصل تاني استنت 10 ثواني بعدين ردت
أشرقت بتوتر : السلام عليكم
يزن بهدوء : وعليكم السلام
سكتوا شوية بعدين يزن اتكلم
يزن بحزن دفين : عاملة ايه …. قصدي كويسة يعني اصل انتِ كنتِ خارجة من الجامعة بتعيطِ وقلقت عليكِ كنت عايز اعرف حصلك ايه
أشرقت افتكرت اللي دينا قالته ودموعها نزلت في صمت : انت بجد اتقدمت ل ريم
يزن اتصدم : انتِ عرفتِ منين
أشرقت بدموع : رد علي سؤالي علشان خاطري انت بجد اتقدمتلها
يزن بقلق : أشرقت اهدي متعيطيش
أشرقت زعقت : متقوليش اهدي رد علي سؤالي انت اتقدمتلها اه أو لا سؤالي واضح
يزن سكت
أشرقت منهارة من العياط : علشان خاطري قول لا قول انك متقدملهاش قول انك محبتش واحدة غيري علشان خاطري مش هقدر اشوفك مع واحدة تانية والله اموت فيها علشان خاطري قول لا
يزن بوجع وصوت واطي : أنا آسف بس آآ…
أشرقت صرخت : اعمل ايه بأسفك ده انت حقير واناني علشان غلطة صغيرة متستاهلش انت طلقتني سيبتني وبعدت عني انا بكرهك يا يزن بكرهك وهفضل اكرهك لآخر يوم في عمري *قفلت في وشه ورمت التلفون وفضلت تعيط لحد ما نامت* …..
___SALMA YOUSSRY____
تتوقعوا يزن هيرجع ل أشرقت ؟
فهد هيقدر ينتقم من يزن في دينا ؟
مازن ولمي حياتهم هتفضل هادية كده علي طول ؟
ريم ممكن توافق علي مراد ؟