رواية فريدة من نوعها الفصل الخامس 5 بقلم سلمى يسري
رواية فريدة من نوعها الجزء الخامس
رواية فريدة من نوعها البارت الخامس
رواية فريدة من نوعها الحلقة الخامسة
مازن اقنع مامته بصعوبة انه يتقدم ل لمي علي عكس باباه اللي فرح جدا ووافق بسرعه وكان مبسوط جدا
جه اليوم الموعود اليوم اللي مازن هيتقدم ل لمي فيه
في بيت مازن كلهم بيجهزوا ومازن اول واحد خلص ومستعجل رايح جاي بيلف علي الاوض كلها ويكلم اخواته علشان يخلصوا ومرتاتهم كمان ينجزوا …….
خلصوا كلهم وكل واحد ركب عربيته وفي طريقهم لبيت لمي
في بيت لمي
لمي بتجهز نفسها وهي متوترة لبست دريس بترولي عليه خمار اوف وايت محطتش اي ميك اب علي وشها …….
ريم في العربية مع مازن اخوها ابتسمت بخبث واتصلت علي لمي
ريم : الو
لمي بتوتر : اسمها السلام عليكم يا انثي كلب البحر
ريم بصت لمازن بجنب عنيها وعلت صوتها : خلاص يا اخت لمي السلام عليكم
مازن ساب السواقة وركز معاها : بتكلمي لمي
ريم بخوف : هنموت يخربيتك مش هتلحق تدخل دنيا ركز
لمي : هو اخوكِ جنبك
ريم : اه ياختي وكنا هنعمل حادثة وبعدين ايه اخوكِ دي اسمه قرة عينك
لمي : لما يتقدم ياختي واوافق وبعدين نكتب الكتاب يبقي قرة عيني فعلا علي رأي دانو
ريم ضيقت عنيها : مين دانو دي انتي بتخونيني يا لمي يا انثي الماعز
لمي بضحك : محسساني اني اتجوزت عليكِ دي دانو صاحبتي هي ولولي هتشوفيهم لما تيجوا ان شاء الله
بعد ساعتين مازن وعيلته كلها وصلوا كانوا ٤ عربيات ٢ اخواته والتالته لباباه ومامته والرابعة هو وريم وكان في عربية خامسة بتاعة مراد صاحب مازن ويعتبر اخوه ومشاركه كل حاجه
كان آسر اخو لمي واقف قدام الباب باستقبالهم هو ومراته وشايله ابنها علي دراعها وبصالهم بانبهار والعربيات اللي شكلها غالي وبتقول في نفسها بغل : وقعتي واقفة يا بنت الايه وعاملة فيها محترمة ومبترفعش عنيها في عين شب ده انتِ طلعتي مش سهلة وقعتِ واحد بنات مصر كلها تتمنها اااه يا بنت المحظوظة مش اخوكِ اللي معاه ملاليم ومفكر نفسه حاجه هتروحي للعز يا بنت الايه يارب يطفش منك علشان اطفي ناري خرجت من تفكيرها وركزت معاهم وحاولت تعرف مين مازن شافت شابين كل واحد جنبه واحدة وخمنت انهم مرتاتهم كان في شاب تاني لوحده ده كان مراد كان في عربيته وراهم ومازن كان نازل مع ريم فبقت محتارة اكتر كل واحد معاه واحدة مش عارفة مين فيهم مازن فضلت أنها تسكت وتستني هتعرف لوحدها
فوق عند لمي كانت واقفة عند البلكونة مستخبية ورا الستارة ولحَظَّها ان ريم رفعت راسها وبصت عليها شاورتلها تطلعلها
ريم : لو سمحتِ يا طنط ممكن اطلع ل لمي
فاطمة بإبتسامة صفرا : آآه طبعا اتفضلي …… قالت في سرها قال طنط قال مكانوش عشر سنين اللي يخلوني طنط
ريم بإبتسامة مجاملة : شكرا …. عن اذنكم
ريم طلعت فوق في شقة لمي
لقيتها جاهزة بس خايفة تنزل
ريم بمرح: ايه يا عروسة مكسوفة ولا ايه
لمي بتوتر : مكسوفة ومتوتره وخايفة اوي
ريم : اهدي يا بنتي ليه ده كله هو مازن هياكلك
لمي بتوتر : مش خايفة من مازن اخوكِ انا متوترة بس من العدد اللي تحت ده كله انتوا جايبين عيلتكوا كلها ولا ايه
ريم ببساطة: ولا العيلة ولا حاجه ده بابا وماما ومازن وماهر ومراته ومحمد ومراته ومراد صاحب مازن وانا يعني احنا ٩ بس
لمي بتريقة : ياااااه ده انتوا مش كتير خالص مش عارفة انا مخوفة نفسي ليه
ريم : شوفتي انتي اللي اوفر
لمي بعصبية وتوتر : امشي من قدامي يا ريم امشي انا غلطانة اني شاورتلك تطلعيلي
ريم : وانتِ هتفضلي هنا يعني ولا ايه انجري قدامي يلا …. انتِ لسة واقفة قدامي
لمي وهي نازلة : ابو شكلك يا ريم ابو شكلك
ريم : الله يسامحك خدت منك حسنات
لمي : يارب هو انا ناقصة يعني كانت واحدة بقوا اتنين
ريم : بتبرطمي بتقولي ايه
لمي : ولا حاجه يا معلم اتفضل يا باشا
ريم بغرور مزيف : أشكال متجيش غير بالعين الحمرا
لمي بخفوت: وحياة امك اللي تحت دي لاوريكِ
نزلوا تحت ريم دخلت وسايبة لمي برة
لمي : اه يا انثي البطريق سيباني وداخلة كأنه بيت ابوها وانا هفضل متذنبة كده لحد ما حد يخرج يجيبني
جوه كلهم قاعدين بيتكلموا وفي اتنين او تلاتة مش طايقين نفسهم ….. شاكي او شكيرة مرات ماهر وسميرة مرات محمد الاتنين قاعدين مش طايقين نفسهم وعمالين يبصوا علي البيت بتكبر واظن عرفتوا التالتة صح مامت مازن هي التالتة كمان مش طايقة نفسها وقاعدة غصب عنها
■ شكيرة المحمدي مرات ماهر اخو مازن الكبير عندها ٢٥ سنة هنتعرف عليها اكتر بعدين مع الاحداث
■ سميرة الحلواني مرات محمد وعندها ٢٦ سنة ( نفس سن جوزها )
دي اكتر واحدة تنكة ومتكبرة ومغروره في الحياة وحرباية كمان
مامت مازن بابتسامة صفرا : امال فين العروسة مشوفنهاش يعني ولا هي مغصوبة ومش موافقة ولا ايه
آسر : لا طبعا مغصوبة ايه هي بس تلاقيها بتجهز نفسها حضرتك عارفة بقي البنات بيجهزوا في وقت طويل ….بص لمراته وقال معلش يا ام زين روحي شوفيها
فاطمة بابتسامة : حاضر عن اذنكم
فاطمة خرجت تشوف لمي لاقتها قاعدة علي الكرسي برة ومتوترة
فاطمة : ايه يا سنيورة قاعدة كده ليه مدخلتيش ليه ياختي ولا مستنية حد يدخل جنابك مطلعتيش سهلة يا بت ولا محترمة ووقعتي واحد غني بنات مصر كلها تتمناه
لمي بقرف : جري ايه يا طمطم جري ايه يا حبيبتي انتي مفكراني زيك ولا ايه لمي نفسك كده يا حلوة علشان مطلعش الجانب السوقي اللي جوايا انتِ عارفة قلبتي ولو قلبت عليكِ هتزعلي
فاطمة بتهكم : وياتري بقي عريس الغفلة عارف طبعك وعارف انك مش قطة كيوتة ولطيفة وانك بتخربشي ولسانك أطول منك
لمي : عارف ياختي كل حاجه عارف اني مبستكتش علي قليل الادب اللي زيك …. يلا غوري من وشي بقي روحي اشتكي لجوزك ياختي يلا اتحركِ بقي متقرفنيش
فاطمة بخوف حاولت تداريه : طيب مش هتدخلي ياختي ولا هتسيبي عريسك لوحده
لمي : بقولك ايه يا فاطمة يا قلبي صلي علي النبي كده وادخلي ركزي مع الستات اللي جوة شوفي لابسين دهب ايه زي عادتك ومالكيش دعوة بيا
فاطمة شهقت : وانا اركز معاهم ليه ياختي معنديش دهب ولا معنديش دهب
لمي بابتسامة مستفزة : انتي فعلا معندكيش دهب
فاطمة : كتك الارف عيلة بجحة انا داخلة ياختي خليكِ انتِ واقفة كده يارب يطفش منك خسارة فيكِ الواد الغني ده طول بعرض بحلاوة مفهوش غلطة يارب يطفش منك
لمي : من بعض ماعندكم من البجاحة يا طمطم ومتخافيش يا قلبي مش هيطفش عندا في اهلك يلا غوري بقي واتمسي كده علشان مطلعش توتري طول اليوم عليكِ
فاطمة دخلت وقالتلهم ان لمي داخلة وراها وفعلا لمي دخلت وراها وهي شايلة صنية عليها قهوة دخلت وهي باصة في الأرض وعين مازن متشالتش من عليها حاول يبعد عينه عنها بس مقدرش فضل باصص لها وهي بتقدم القهوة لكل اللي قاعدين لحد ما جات عنده قام وقف وخد منها القهوة وهي مكسوفة وباصة في الأرض بعدت بسرعة وراحت قعدت جنب ريم
ابو مازن( عبد الرحمن) : ازيك يا لمي عاملة ايه يا بنتي
لمي : الله يسلم حضرتك
عبد الرحمن : ربنا يحميكِ يا بنتي زي القمر
لمي : شكرا جدا لحضرتك
عبد الرحمن بابتسامة : عرف تختار يا مازن بصراحه مش هتلاقي زيها في جمالها واخلاقها وحتي طريقة لبسها متأثرتش بالموضة اللي طالعة اليومين دول ان البنات لابسة ومش لابسة ربنا يحرصك يا بنتي ويتمملكوا علي خير
مازن في سره : يسمع من بقك يا حاج عبده
عبد الرحمن لآسر : اظن ان انت عارف احنا جايين ليه يابني بس هقول تاني انا يشرفني اطلب ايد لمي اختك لمازن ابني …… قاطعهم صوت راجل دخل وقال: في عريس جايلك يا لمي الكلب وانا معرفش……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فريدة من نوعها)
