رواية فريدة من نوعها الفصل الخامس عشر 15 بقلم سلمى يسري
رواية فريدة من نوعها الجزء الخامس عشر
رواية فريدة من نوعها البارت الخامس عشر
رواية فريدة من نوعها الحلقة الخامسة عشر
حياة مازن ولمي سالكة اوي صح ؟
مقدرش اسيبهم كده كتير ” تقريبا انا الشخصية الحرباية في الرواية ”
أشرقت متضايقة ان حياتهم وردي اوي وهي حياتها بايظة “اشرقت صاحبتي يا جماعه هي اللي متضايقة مش اللي في الرواية علشان متظنوش ظن السوء فيها ” لازم نحقق امنيتها بقي مينفعش كده ” بسم الله ” نستعد للمصايب
______𝑺𝒊𝒍𝒐𝒐𝒐𝒐♡________
عبد الرحمن بلغ يزن بموافقة ريم واتفقوا ويزن جاب اخواته وراح اتقدم بشكل رسمي واتفقوا علي يوم الخطوبة بعد اسبوع ………
النهاردة هو يوم الخطوبة يزن جهز نفسه وأخواته ولمي كذالك واكتر حد كان مبسوط….طبعا “دينا” خلصوا وركبوا كلهم عربية واحدة في طريقهم ل بيت مازن …. أشرقت في بيتها منهارة من العياط وقافلة اوضتها علي نفسها مراحتش الجامعه من يوم ما اتكلمت مع يزن أكلها قليل تقريبا مبتاكلش وحالتها كل يوم بتزيد سوء وده مخلي اصرار فهد علي انه ينتقم من يزن يزيد واخد قراره انه هيبدأ خطة انتقامه النهاردة
_______𝑺𝒊𝒍𝒐𝒐𝒐𝒐♡______
في بيت مازن كانت كل حاجة جاهزة ريم في اوضتها بتجهز نفسها ودموعها في عنيها……
خلصت وقعدت تلعب في موبايلها لحد ما يقولولها تنزل
_______𝑺𝒊𝒍𝒐𝒐𝒐𝒐♡_____
قبل ساعتين
فهد بجدية : مش عايز حد غيره يتاذي يزن بس عايزه يتدمر ميموتش بس يتكسر
: حاضر يا باشا
فهد قعد مكانه سند راسه علي الحيطة بيفكر في دينا : أنا آسف عارف انك هتزعلي بس هو السبب في اللي هيحصله
_____𝑺𝒊𝒍𝒐𝒐𝒐𝒐♡_____
في عربية يزن كانت لمي جنبه قدام ودينا والاء ورا
يزن ركن علي جنب : أنا هنزل اشتري ورد من المحل ده محدش ينزل من العربية
كلهم في صوت واحد : حاضر
يزن نزل من العربية
لمي افتكرت حاجه : اوبس أنا نسيت اقول ليزن هنزل اقوله بسرعه خليكوا هنا
دينا بصتلها : انتِ عبيطة مش هو قال محدش ينزل من العربية اتصلي عليه ياختي
لمي بقرف : وهو انا لو موبايلي معايا كنت هقول كده يا اذكي اخواتك قال مهندسة قال امشي
دينا ببرود : هنزل معاكِ مش هسيبك لوحدك رجلي علي رجلك هشوفك يا سوسة انتِ هتقوليله ايه
لمي بصتلها ونزلت ودينا نزلت وراها بس قالت ل ألاء قبل ما تنزل : خليكِ هنا واوعي تتحركِ من مكانك
الاء بزهق : حاضر انا مش طفلة والله حاضر
دينا بسخرية وهي نازلة : ده الأطفال اعقل منك يا شيخة اتلهي
______𝑺𝒊𝒍𝒐𝒐𝒐𝒐♡______
دينا ولمي نزلوا من العربية كان يزن خلص وخارج
دينا ولمي رايحين ناحية يزن بس شافوا عربية جاية عليه
لمي ودينا بصوا ل يزن بخوف وزعقوا : يزن
دينا ولمي جريوا عليه كانت العربية هتخبطه بس دينا ولمي زقوه وهم اللي عملوا الحادثة وقعوا في الأرض سايحين في دمهم …….
______𝑺𝒊𝒍𝒐𝒐𝒐𝒐♡______
عند فهد الراجل اتصل عليه
فهد ببرود : نفذت
الراجل بخوف : يا باشا في بنتين طلعوا فجأة قدام العربية وزقوه وهم اللي اتخبطوا انا جريت بالعربية موقفتش
فهد زعق : بنتين مين ياغبي قولي شكلهم عامل ازاي
الراجل بيترعش من الخوف : واحدة لابسة خمار طويل والتانية ….. لابسة نقاب ياباشا
فهد اتصدم والموبايل وقع من ايده : لا لا لا لا اكيد مش هي لا مستحيل هي مش هتموت لا
مسك الموبايل تاني وزعق : المكان فين
الراجل قاله العنوان وهو بيترعش وفهد جري علي العنوان
■■■■■𝑺𝒊𝒍𝒐𝒐𝒐𝒐♡■■■■
نرجع ل مكان الحادثة كان يزن واقف مصدوم مبيتحركش بيبصلهم بصدمة فاق علي صوت راجل بيسأله : انت تعرفهم يابني
يزن بصله بتوهان : ها آآه ددول اخواتي بس
الراجل بأسف : لازم نلحقهم بسرعة يابني فوق معايا كده علشان حالتهم خطيرة
يزن دموعه نزلت : هنلحقهم بإذن هنلحقهم انا هجيب عربيتي هي هناك
جري علي العربية لقي الاء نايمة ركب العربية ورجعلهم صحي الاء خلاها تيجي جنبه وحاول يحط لمي ودينا جنب بعض وخادهم ب أقصي سرعه علي المستشفي
♡♡♡♡♡𝑺𝒊𝒍𝒐𝒐𝒐𝒐♡♡♡♡♡
بعد ما مشيو فهد وصل الناس كانت لسة واقفة
سمع واحد بيتكلم : لا اله الا الله شكلهم مش هيعيشو حالتهم خطيرة جدا
فهد قرب عليهم وبيتكلم بتوتر : البنتين اللي عملوا حدثة هنا هم فين
الراجل بصله : انت مين يابني تعرفهم
فهد اتعصب عليه وزعق : مش وقت استفساراتك راحوا فين مين خدهم
راجل تاني خاف منه وقرب عليه وقاله : كان في شاب معاهم خدهم يابني علي المستشفى
فهد بصله : مستشفي ايه
الراجل بأسف : مش عارفين والله يابني
اكتفي بإنه هز راسة ورجع علي عربيته تاني فضل ماشي في الطريق بسرعه بيدور علي مستشفيات قريبة لقي واحدة بعيدة عن المكان وقريبا ب نص ساعه دخل المستشفي
فهد للممرضة : في بنتين عملوا حادثة من نص ساعه او ساعه تقريبا هم هنا
الممرضة بجدية : اه يا فندم ومعاهم شاب هو اللي جابهم هتلاقيهم في الدور التاني اوضة 33
فهد : شكرا
طلع الدور التاني لقي يزن واقف قدام اوضة كانت في آخر الممر وقف بعيد عنه مستني الدكتور يخرج مش عايز يزن يشوفه
■■■■■𝑺𝒊𝒍𝒐𝒐𝒐𝒐♡■■■■
بعد ساعه الدكتور خرج
يزن بلهفة : حالتهم عاملة ايه يا دكتور بالله قول انهم كويسين
الدكتور بأسف : للأسف…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فريدة من نوعها)
