رواية فريدة من نوعها الفصل الحادي والعشرون 21 بقلم سلمى يسري
رواية فريدة من نوعها الجزء الحادي والعشرون
رواية فريدة من نوعها البارت الحادي والعشرون
رواية فريدة من نوعها الحلقة الحادية والعشرون
فهد بهدوء : أنا عارف ان مش وقته ولا مكانه بس انا طالب منك ايد دينا
مازن بتعب : نخرج من المستشفي ونشوف الموضوع ده بص مبدأيا انا موافق لسه هاخد رأي دينا
فهد بتفهم : براحتك انا عايز موافقة منك بس الاول وانت اسألها براحتك ، علي فكرة انت واشرقت زودتوها اوي في عريس متقدملها وهي راسها والف سيف توافق
مازن بهدوء : هتوافق تتخطب لواحد وهي متجوزة
فهد باستغراب : متجوزة ازاي مش انت طلقتها وشهور العدة خلصت
مازن بابتسامة : يوم ما طلقتها رجعتها بس كنت بربيها شوية
فهد بصراحة مطلقة : أنا لما عرفت انك طلقتها مكنتش طايقك ولما سمعت السبب كرهتك واتضايقت منك اكتر اصل سبب تافه اوي علشان تطلقها عليه بس عرفت من البداية ان أشرقت اختي دماغها ناشفة وعملت معاك مشاكل كتير…… انا مبسوط انك لسة باقي عليها
مازن بصدق : أنا بحب أشرقت فوق ما تتخيل هي روحي مقدرش اتخلي عنها بس هي مكانتش هتحس باللي بتعمله غير لما تلاقيني بعدت عنها بسبب تصرفاتها
انا اسف لو كنت ضايقتك بس انا اهم حاجه عندي ان هي تكون اتعلمت الدرس واشك في ذالك بصراحة
فهد بضحك : أشرقت طيبة بس متسرعه خليك هادي وطول بالك عليها واستحمل لو عايزين تعمروا مع بعض لازم انت تستحملها وعلمها ان هي كمان تستحملك اصل انتم بالطريقة دي مش هتكملوا يومين وهتتطلقوا تاني
يزن بضحك : متخافش انا هعرف اربيها تاني
فهد بنزفزة : ما تلم نفسك يلا شغال هربيها هربيها انا مش مالي عينك ولا ايه انا ساكت من الصبح
يزن باستفزاز : مراتي واقول اللي انا عايزه براحتي وامشي بقي علشان مش فاضيلك آآه هبقي افتكر اخد رأي دينا
فهد بقرف : غور في داهية صدعتني ابو اللي يتحوجلك يا اخي ……
_______Salma Youssry ______.
عدا يومين ولمي خرجت من المستشفي علي بيت مازن فعلا كانت مستغربة في الأول بس مازن أقنعها
في بيت مازن كانت جهاد أمه بتزعق بعلو صوتها : ازاي مازن يجيب الجربوعة دي بيتي وكمان مخليها في جناحه ازاي اصلا تدخلوها هنا مش المفروض هيا شيخة ومينفعش تدخل بيت غريب وقاعدة في اوضته كمان
عبد الرحمن بعصبية : محدش بيخرب حياة مازن غيرك انتِ ازاي ام اصلا اي حاجه تفرح تضايقك دي مراته يعني حلاله عادي جدا تبقي في بيته انتِ ايه اللي مضايقك
جهاد قربت منه وطت صوتها : متقولش ابني علشان انا وانت عارفين اللي فيها والبنت دي مش هتقعد في بيتي
عبد الرحمن بزعيق : ده بيتي انا ودول ولادي ماهر ومحمد ومازن وريم كلهم ولادي انتِ خربتِ حياة ماهر ومحمد وسكت بس مش هسمحلك تخربي حياة مازن وريم ، لمي هتفضل في البيت ده مش هتخرج منه ده بيتي وبيت عيالي يعني هي في بيت جوزها وفي اوضته لو انتِ مش عاجبك تقدري تطلعي برة وقسما بالله يا جهاد انا لو سمعت انك عملتِ اي حاجه ل لمي لتكوني طالق بالتلاتة …انتِ حولتي حياة ولادي التلاتة جحيم من اول ما اتجوزتك بعد امهم الله يرحمها اللي ضفرها برقبتك معملتيش حاجه عدلة في حياتك غير ريم وهي السبب اللي مصبرني عليكِ لحد دلوقتي وصبري قرب يخلص عليكِ انا بقالي اكتر من 20 سنة ساكت علي قرفك بكفاية اللي عملتيه في ولادي الكبار هتخربي حياة الباقي ؟ لآخر مرة هقولك ابعدي عن حياة ولادي ومتتدخليش في حياة حد فيهم هم كبار وواعيين وفاهمين هم ادري بحياتهم
سابها ومشي وهي طلعت اوضتها مغلولة من اللي بيحصل …..
________Salma Youssry _____.
في اوضة مازن كانت في ممرضة مع لمي اللي كانت نايمة ومازن نزل يقول للطباخين يعملوا اكل معين ل لمي وفي طريقه ل اوضته سمع الحوار اللي حصل بين ابوه وجهاد (اكيد عارف ان هي مش أمه يعني مش هيتصدم ولا حاجه ) اتضايق شوية وطلع حاول يبان عادي علشان لمي
قبل ما يدخل الأوضة موبايله رن كان يزن
يزن بعصبية : والله العظيم ما هسيبها عندك كتير هم يومين تلاتة بالكتير وهترجع تاني بيتي انا سايبك بس اليومين دول وقولت عنده حق يتضايق علشان مراته لكن هتستعبط وتخليها عندك لحد الفرح لا والف لا اختي تخرج من بيتي زيها زي اي عروسة و…
مازن قاطعه بهدوء : ايه الرغي ده كله كنت تختصر ده كله ، انا اكيد مش هخلي لمي هنا لحد الفرح هي تقوم بالسلامة وتبقي كويسة وهترجع متخافش امشي بقي مش فاضي ل رغيك
دخل الأوضة كانت لمي صاحيه والممرضة قاعدة جنبها واول ما مازن دخل شاورلها بهدوء تخرج
مازن قعد علي الكرسي اللي جنبها السرير واتكلم بهدوء : انتِ كويسة ، تعبانة محتاجه حاجه
لمي بصتله ومتكلمتش
مازن مسك اديها : عارف انك مش مرتاحه هنا علشان المكان غريب عليكِ بس انا مش هقدر اسيبك في بيت يزن بعد اللي حصل بسبب اهماله لو متضايقة هنا ممكن نروح الفيلا بتاعتنا اللي جنب الفيلا دي هي جاهزة من كله ايه رأيك
لمي مردتش بردو
مازن بابتسامه : طيب تقريبا مش طايقاني بس مش هسيبك بردو ….. اقولك علي مفاجأة
لمي بصتله وركزت وهو ابتسم اكتر : كنت هقولك علي الخبر ده قبل فرحنا بشهر او شهرين مثلا بس يلا …. انا ويزن وفهد وتيام وسيف اشترينا 5 فلل جنب بعض كل فيلا بيفصل بينها وبين التانية جنينة وسور خشب عالي هاخدك افرجك علي الفيلا بتاعتنا بس لما تخفي وتبقي كويسة بإذن الله تعجبك جدا
لمي اتكلمت اخيرا : أنا عايزة امشي من هنا مش عايزة افضل هنا
ريم دخلت فجأة : لمي يا ….مازن انت بتعمل ايه هنا
مازن بملل : قاعد في اوضتي
ريم بقرف : طيب اتفضل اطلع برة علشان هنقعد قعدة بنات
مازن بسماجه : مش طالع
ريم بعصبية : والله اخلي لمي تنكد عليك والفرح يتأخر اكتر ما هو متنيل
مازن بص ل لمي اللي ضحكت : هتنكدي عليا انا علشان دي *بص ل ريم بقرف*
لمي بتأكيد : لو هي عايزة هيحصل
ريم بشماته : يلا يا موزو اطلع برة
لمي بغيرة : متقوليش موزو انا بس اللي اقول موزو
مازن ابتسم وريم اتكلمت بغيظ : والله ما هقعد معاكِ فصلتيني خليكِ مع موزو بقي يا بتاعة موزو
_______Salma Youssry _____.
في بيت يزن
دخل اوضة الاء ودينا كانوا بيتكلموا وسكتوا اول ما دخل
اتكلم بعد ما قعد جنبهم : بقيتوا بتخبوا عليا وبقي عندكوا أسرار معرفهاش
دينا اتكلمت بتوتر : أسرار ايه احنا مش مخبيين عنك حاجه
يزن بهدوء : عارفة فهد اخو أشرقت يا دينا
دينا بتوتر اكبر : ماله
يزن اخد نفس طويل وشاور علي الاء : متعمليش زي الأستاذة وقولي الحقيقة
الاء اتكلمت بتوتر : أنا مكذبتش
يزن تجاهلها ووجه كلامه ل دينا وهي دموعها نزلت : أنا سألت سؤال تجاوبي
دينا بتوتر : هقول الحقيقة بس متتعصبش
يزن بهدوء ما قبل العاصفة : اتفضلي
دينا بخوف : أنا عارفاه ان هو اخو أشرقت بس …. هو كلمني مرة واحده في المستشفي كان بيتطمن عليا بس مكملش دقيقتين وخرج بسرعه
يزن انفجر اخيرا وزعق : وحضرت الهانم المحترمة كانت من غير النقاب….. دخل اوضتك في المستشفي وشافك من غير نقاب والهانم كانت مبسوطة ……يا خسارة تربيتي فيكوا بجد انا مربيكوا علي كده من اول ما دخل عندك ما ندهتيش علي ممرضة او زعقتي وخلتيه يخرج ليه ، هو ده النقاب بالنسبة ليكِ يا هانم اقلعيه احسن من المسخرة دي ” بص ل ألاء ” والمحترم التانية سايباه يقعد ويتكلم معاكِ عادي ولا كإن في قرطاس جوافه هنا …….. فهد متقدملك ” شاور علي دينا ” وسيف متقدملك ” شاور علي الاء ” والاتنين جايين الاسبوع الجاي مع بعض
وطبعا الهوانم موافقين من زمان فأنا ماليش لازمة ولا رأي انتوا موافقين انا لازمتي ايه……
_______Salma Youssry ____.
في بيت أشرقت كانت بتتخانق مع فهد اللي متجاهلها تماما
أشرقت بعصبية : مش هتتجوز الحرباية اللي اسمها دينا دي يا فهد هي السبب في ان يزن يطلقني وهيتجوز واحدة تانية هي بتكرهني هتتجوز واحده بتكره اختك ؟
فهد اتكلم بهدوء : اولا يزن طلقك بسبب عمايلك مش بسبب دينا ثانيا يزن ردك تدفي نفس اليوم اللي طلقك فيه ثالثا متغلطيش فيها تاني
طلع شقته وسابها وهي قعد مذهولة من اللي بيحصل محستش ب آيات اللي جات قعدت جنبها
آيات بسخرية : هتعملي فيها مذهولة يابت عليا انا والله 3 دقايق وتقومي تتنططي وتصوتي من الفرحة دلوقتي يا مدلوقة مش عارفة انتِ لاقية كرامتك دي في مقلب زباله
أشرقت بصتلها بفرحة : أنا لسة مراته ….. قامت تتنطط وتصرخ …. انا لسه مراته هو ردني اااااه يزن عايزة اتصل بيه لازم اكلمه مش قادرة
آيات بنرفزة : قسما بالله انتِ نو كرامه يا بت اتقلي يا بت هو عامل فيها كاريزما علشان انتِ مدلوقة كده اهدي الله يحرقك
أشرقت بحماس وفرحه : مش قادرة عايزة اكلمه بحبه اوي ردني انا لسة مراته
آيات بيأس : لله الأمر من قبل ومن بعد انا رايحه اشوف عيالي
آيات طلعت شقتها اللي فوق ( مؤقتا هيروحوا فيلا بقي ) دخلت اوضة الولدين كانوا صاحيين وباصين للسقف
آيات شالتهم من السرير وخرجت بيهم برة في الصالة
آيات بدأت تلاعبهم : حبايب مامي ساكتين كده ليه مش عوايدكوا
تميم اتكلم بس بيقطع في الكلام : شقت متو ما ما شقت
آيات بضحك : عايز أشرقت والله المدلوقة دي حرام فيها كلمة عمتو
تيَّم بطفوليه : ما ما
ايات باسته هو وتميم : عيون ماما يا تيمو اخيرا نطقت ده انا نسيت صوتك يا راجل
تيم : لوقة شقت
آيات : احيه مين دي اللي مدلوقة الله يهديك اسكت انت ساكت بقالك سنة ونطقت علي دي … بص يا تيمو عمتو أشرقت حلوة وماما حلوة والله ومش عايزة تتطلق الله يرضي عليك هتفضح مامي
تيام بهدوء : ومامي عملت ايه
آيات بتوتر : أعوذ بالله …. …… انت جيت امتي اجيبلك الغدا
تيام بضحك : يا بنتي هتبطلي تخافي مني امتي احنا بقالنا سنتين متجوزين مش هاكلك والله قولي عملتي ايه
آيات بتوتر : كنت بقول علي أشرقت أنها مدلوقة وتيم مسك في الكلمة بس كده
تيام حضنها : متخافيش عادي انتِ واشرقت صحاب وبتهزروا مع بعض عادي والأطفال بيلقطوا الكلام عادي ومتفضليش علي طول خايفة تقولي اي كلمه قدامي كده ومتوترة دايما قدامي كأننا متجوزين من يومين دول سنتين يا توتي ماشي يا روحي
آيات هزت راسها بتأكيد وبعدت شويه واتكلمت : اجيبلك الغدا ؟
تيام بابتسامة : لا هنخرج ناكل برة جهزي نفسك وانا هجهز تميم وتيم ونخرج ……..
______________________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فريدة من نوعها)
