رواية فريدة من نوعها الفصل الثالث والعشرون 23 بقلم سلمى يسري
رواية فريدة من نوعها الجزء الثالث والعشرون
رواية فريدة من نوعها البارت الثالث والعشرون
رواية فريدة من نوعها الحلقة الثالثة والعشرون
بعد ما أشرقت خلصت كلامها يزن اتكلم بهدوء : محدش هيحب اختي قدي ولا حد هيحس بيها غيري انا عارف دماغ دينا وفاهمها ، عن اذنك
سابها ومشي راح اوضته
كل اللي كانوا موجودين مشيو ماعدا سيف ومازن واشرقت ويزن في اوضته وسايبهم
____Salma Youssry ___
في اوضة يزن
كان نايم علي ضهره باصص للسقف بيفكر في دينا مش واخد باله من اللي واقفة جنبه
أشرقت قعدت جنبه واتكلمت بهزار : ينفع كده تسيبني لوحدي برة وكل واحده مع جوزها وانا زي السناجل البائسين بتفرج بس ، وسع كده انت واخد السرير كله
يزن وسعلها مكان جنبه بهدوء من غير ما يتكلم
أشرقت اتكلمت بجدية : انت زعلت من كلامي؟ يزن انا اسفة بجد لو زعلتك ، انا عارفة اني دبش ولساني بيحدف طوب بس انا قولت اللي انا حساه
يزن بصلها واتكلم بهدوء : أنا مش زعلان من كلامك ومش زعلان اصلا ف ممكن تسيبيني لوحدي
كانت لسة هتتكلم ف قاطعها بهدوء : من غير كلام يا أشرقت لو سمحتي سيبيني
____Salma Youssry ____
أشرقت خرجت كان مازن ولمي قاعدين جنب بعض وبيتكلموا بصوت واطي وسيف علي كرسي والاء علي كرسي (لسه مخطوبين) وساكتين ، أشرقت قعدت قدامهم : وبعدين ايه الملل ده اخوكِ قالب خلقته عليا ودينا راحت مع جوزها وزمانها هايصة ولمي بتتوشوش مع جوزها وانتوا قاعدين زي المطلقين وتيام وآيات خرجوا مع ولادهم وانا زهقت منكم كلكم ومن اخوكِ ومن العيشة دي
الاء بزهق : بطلي رغي بقي ، دماغي وجعتني
أشرقت بغيظ : طبها ما اللي ايده في الماية مش زي اللي ايده في النار ، قاعدة جنب خطيبك وولا علي بالك
الاء بقرف : أعوذ بالله من عينك روحي شوفي يزن فين وارحمينا من زنك
أشرقت بزهق : لسه طاردني دلوقتي من اوضته ياختي ارتاحي بقي
الاء بشماته : احسن
____Salma Youssry ___
نروح ل دينا وفهد ، كانوا قاعدين في مطعم لوحدهم و ساكتين
فهد بزهق : وبعدين ايه السكوت ده هو احنا خارجين علشان نسكت كده
دينا بصتله ومردتش
فهد حاول يهدي علشان ميتعصبش وتخاف منه : طيب بصي احنا ماخدناش وقت كافي علشان نتعرف علي بعض ، تعالي نتكلم عن نفسنا شوية
دينا بصتله وبردو ساكته
فهد بابتسامة : هتكلم انا الاول
دينا بهدوء : عارفة
فهد باستغراب : عارفة ايه انا لسه مقولتش حاجه
دينا بهدوء : اي حاجه هتقولها عنك عارفاها مش لازم تقول
فهد بابتسامة : طيب احكيلي انتِ عنك
دينا أخدت نفس طويل : اولا.. انا مش عصبية خالص انا هادية لأبعد الحدود وعلي حد علمي انت عصبي والشخص العصبي مبيحبش الهدوء ودي هتبقي اول مشكلة ، ثانيا .. انا اقدر اتحمل اي حاجه منك إلا انك تخلف ب وعد معايا صدقني دي أصعب عندي من اي حاجه حرفيا أصعب من اي حاجه
فهد بهدوء : أنا عمري ما خلفت ب وعدي مع حد هخلف بوعدي مع مراتي ، متخافيش
____Salma Youssry ___
نرجع ل بيت يزن
مازن بزهق : تعالي نخرج انا وانتِ
لمي بابتسامة : معنديش مانع بس قول ل يزن
مازن بياس : امري لله ، قولي ل اخته ولا خطيبته طيب تقوله انا هدخله اوضته كمان
لمي بموافقة : ايوة ادخل فيها ايه
مازن دخل ل يزن وهو لسه سرحان محسش بيه
مازن باستغراب : يزن انت قاعد لوحدك ليه
يزن مسمعهوش سرحان زي ما هو مازن خبطه في دراعة علشان يركز معاه : فوق انت شارب حاجه ولا ايه
يزن بزهق : عايز ايه ؟ غور من وشي
مازن بقرف : الحوجه هي اللي جايباني ليك
يزن بصله وسكت
مازن قعد جنبه واتكلم بهدوء : مالك ؟ احكي
يزن بتعب : أنا تعبت ،…. تعبت من كله ، …..انا شايل المسؤولية من صغري ، …انا اللي ربيت دينا والاء من وهم صغيرين بقيت اب من صغري كان مطلوب مني وانا عندي 15 سنة اني اشتغل علشان اعرف اعيشهم مرتاحين ، ….انا ابوهم قبل ما اكون اخوهم ،
….انا بحب دينا زي الاء مبفرقش بينهم ، بس شخصية الاء غير شخصية دينا ؛ …انا فشلت ، معني ان اختي حاسة اني مبحبهاش يبقي انا فعلا فشلت ، الاء أضعف من دينا …
دينا شخصيتها قوية وبتقدر تعتمد علي نفسها ، لكن الاء بتعتمد عليا في كل حاجه وده اللي بيخليني دايما قريب منها هي اكتر من دينا ، الاء محتجاني ودينا معتمدة علي نفسها ومش محتاجه حد ، ده الفرق بينهم ، الاء ضعيفة بس دينا قوية ، اكيد بتلاحظ ان الاء بتعيط اكتر من دينا ، دينا يعتبر مش بتعيط قدام حد ؛ علشان مش عايزة تبان ضعيفة ؛…
مش عارف أصلح اللي انا عملته ازاي ، مش معني ان دينا بتقدر تعتمد علي نفسها يبقي ابعد عنها ، كان لازم ابقي جنبها زي ما كنت جنب الاء ، كان لازم ابقي حنين عليها زي ما كنت مع الاء ، دينا شخصيتها مش قوية كده من فراغ ، علشان انا بعدت عنها هي بقت كده ملاقتنيش جنبها فبقت هي السند لنفسها ، دلوقتي انا مهما حاولت مش هعرف أصلح اللي انا عملته
مازن بابتسامة خفيفة : انت احسن اخ في الدنيا دي كفاية انك عرفت تربي بنتين بقي عنهم 20 سنة وكل واحده هتتجوز قريب ، كفاية انك عرفت تعوض لمي عن اخوها ، كفاية انك وصلت للي انت فيه دلوقتي بتعبك ، اختك حاول تقرب منها ومش معني كده تهمل التانية ، قرب من الاتنين وحاول تظهرلهم انك بتحبهم زي بعض
يزن بابتسامة : شكرا
مازن بهزار : علي ايه انت زي حمايا
يزن بضحك : كنت عايز ايه بقي علشان مش مرتاحلك
مازن بابتسامة صفرا : عايز اخرج مع مراتي
يزن برفض قاطع : لا
مازن بغيظ : يابني اعمل حاجه عدلة في حياتك وارحم اهلي هو انا جوز امك ؟
يزن بزهق : خلاص هي ساعه
مازن بغيظ : ده الطريق نفسه هياخد ساعه ، يابني اتقي الله ، يارب فهد ولا تيام يعملوه فيك
يزن بزهق : خلاص كفاية رغي ؛ اخرجوا بس متتأخرش ، الساعه دلوقتي 7 ، 10 بالدقيقة الاقيها هنا
مازن مستناش كلمة تاني وخرج
____Salma Youssry ___
مازن خرج ل لمي
مازن بسرعه : يلا يابنتي قبل ما يغير رأيه
لمي ضحكة بصوت واطي وخرجت معاه
أشرقت بحسرة : شايفة الرومانسية مش اخوك اللي عامل اعتكاف في اوضته ، هيجلطني الراجل ده علي طول كابتني كده
يزن بسخرية : طيب يا ست المكبوتة ، خرجت اهو
أشرقت بصتله بجنب عنيها : ما لسة بدري يا استاذ ، خليك في اوضتك احسن وانا هفضل زي الكلبة هنا اتفضل
يزن بهدوء : ملكة الدراما أشرقت هانم ، خلاص خرجت يا اوفر هانم
أشرقت قامت وقفت : خرجت أقعد نع اختك وخطيبها بقي وانا همشي
مشيت من قدامه وهو واقف مصدوم : يا بنت المجنونة
خرج وراها بسرعه وهو بينادي عليها : أشرقت، يابنتي استني انتِ مركبة عجَل في رجلك
كانت بتوقف تاكسي وهو شدها من دراعها : أنا مش بنادي عليكِ
أشرقت شدت اديها منه ومردتش
يزن لفها ليه : بصيلي انا بكلمك
أشرقت زعقت : لا مش هبصلك ، مش كل مرة انت تقول وانا انفذ ، انا مش لعبة في ايدك وقت ما تحب تاخدها ووقت ما تكرهها تسيبها زي الكلبة ، طلقتني وقت ما انت عايز وجعتني وقت ما انت عايز بردو وفرحت انك ردتني ليك علشان بحبك وزي الكلبة سكت ؛ بتعاملني أسوأ معاملة كإني انا الغلطانة مش انت ، انا تعبت منك ، بتعاملهم كلهم احسن معاملة الا انا بتبقي كويس مع الكل الا انا بتهزر وتضحك وتتعامل عادي معاهم الا انا ، انا بشر زيي زيهم انا مش مصنوعه من حجر انا بحس زيي زي اخواتك اللي بتخاف علي مشاعرهم لكن انا …. انا بالنسبالك ولا حاجه يا يزن ، اقولك علي حاجه علشان ترتاح مني ، طلقني …. طلقني يا يزن
يزن بهدوء : بطلي عبط واهدي علشان نتكلم
أشرقت بجنون : أنا مش مجنونة علشان تقولي اهدي ، انت مبتحبنيش ومش عايزني ف ليه نفضل مع بعض ليه تفضل مع واحده انت مش بتحبها ولا طايقها ، طلقني يا يزن ولرتاح مني وروح اتجوز واحده تعاملها احسن من معاملتك معايا… اتجوز واحدة تكون بتحبها وابعد عني وسيبني اعيش حياتي بعيد عنك مع مع واحد يحترمني ويقدرني
يزن بعصبية وزعيق : اخرسي…… *مسكها من دراعها جامد* … انتِ مش هتبقي لحد غيري ….. انتِ ليا انا بس مش هتبقي علي ذمة راجل تاني غيري ، لو جبتي سيرة راجل تاني علي لسانك صدقيني هتشوفي مني وش مش هيعجبك ف اتقي شري يا أشرقت واسكتي
فرحنا بعد اسبوعين مش شهر شوفي هتلاقي تجهزي نفسك في أسبوعين ولا لا وحتي لو ملحقتيش عادي بردو بعد اسبوعين
أشرقت بصتله وعنيها دمعت : انت بتعمل معايا كده ليه ، مش بتحبني سيبني ليه بتعمل معايا كده
يزن بزعيق : غبية …. انتِ غبية يا أشرقت، بعد ده كله وشايفة اني مش بحبك ، بقالنا سنة ونص مع بعض وبردو مش بحبك ، اعمل ايه اكتر من كده ، انتِ شايفة نفسك مظلومة علي طول وانا الغلط ، مش شايفة اللي انتِ بتعمليه فينا بغبائك وتسرعك
أشرقت عيطت وهو حضنها
يزن بهدوء : هنفضل كده لحد امتي ؟
أشرقت حضنته ومتكلمتش
يزن باس راسها : صدقيني انا بحبك ، انتِ اللي مصرة تبعدينا عن بعض
أشرقت بعدت عنه واتكلمت بذهول : أنا؟
يزن بضحك : ايوة ، ومتبصليش كده
أشرقت ضحكت هي كمان : بتعرف تاكل بعقلي حلاوة في اقل من 5 دقايق
يزن بتكبر : أنها موهبة ، …. يلا نطلع بقي علشان سايبين سيف والاء لوحدهم كتير
أشرقت ضحكت بيأس : مش هتتغير ابدا
يزن بابتسامة : تؤ هفضل كده طول عمري
أشرقت بسعادة : وانا عايزاك كده علي طول مش عايزاك تتغير
(هبلة وبيضحك عليها بسهولة)
____Salma Youssry _____
فهد وصل دينا ل بيتها وسيف رجع بيته
دينا راحت اوضتها لوحدها والاء نفس الكلام
يزن خبط علي باب اوضة دينا بهدوء
دينا كانت بتكلم فهد واتساب ، قفلت الموبايل واتكلمت بهدوء : ادخل
يزن دخل وقعد جنبها : خرجتوا فين
دينا بهدوء : روحنا مطعم
يزن همهم بهدوء : اممم…..، انتِ زعلانة مني ؟
دينا بصتله بابتسامة : وازعل منك ليه ؟
يزن بحزن : متحاوليش تخبي ، محدش حافظك انتِ والاء اكتر مني ، انا اللي مربيكوا وعارف شخصية كل واحده فيكوا ؛ انا اسف
دينا بصتله وساكتة
يزن قرب منها ومسك اديها : أنا بجد اسف
دينا بابتسامة : أنا مش زعلانة منك ، هزعل ليه ؟ ……..ممكن مثلا علشان حسستني اني يتيمة وماليش اهل ؟ او علشان خلتني بكره اختي لمجرد انك بتحبها اكتر مني ؟ولا علشان فضلت طول حياتي بشوفك جايب ل ألاء هدايا اكتر مني او علي طول
بتفضلها عني ، انا هزعل ليه ؟ انا ماليش حق ازعل اصلا ، …… روح يا يزن ، كلها شهر وهمشي ومش هتشوفني تاني ، وهترتاح مني .
يزن بصلها بأسف وحزن : أنا آسف ، دينا حبيبتي اسمعيني بس
دينا بابتسامة حزينة : عارفة كل اللي هتقوله وحافظاه ، عارفة ان الاء أضعف مني ومحتاجه اهتمام اكتر وانا بعرف اعتمد علي نفسي بس هي لا ، طيب ماشي كده كويس انا مش محتاجه حد جنبي ولا محتجاك يا يزن !!!
يزن حضنها ودموعه نزلت : والله اسف مكنتش اعرف ان ده كله هيحصل انا اسف
دينا بدموع : بعد ايه ؟!! جاي تقول ده كله بعد ايه معادش ليه لازمة تاني يا يزن
بعدت عنه : لو سمحت سيبني لوحدي
يزن خرج بهدوء وهي أول ما خرج انفجرت في العياط
فضلت تعيط لحد ما نامت
______Salma Youssry _____
عند مازن ولمي
مازن بزهق : هو انا جايبك علشان تقعدي علي الموبايل ولا علشان نتكلم
لمي سابت الموبايل : نتكلم في ايه
مازن حاول يهدي : احنا تقريبا مقعدناش واتكلمنا زي البشر بهدوء ف ممكن بعد اذن جنابك نتكلم ونتعرف علي بعض اكتر احنا فرحنا بعد 3 اسابيع لو واخده بالك
لمي بهدوء : طيب اتكلم
مازن لسه هيتكلم موبايله رن لمي مسكت الموبايل لقت واحده اسمها “جيلان”
لمي بهدوء ما قبل العاصفة : مين دي
مازن بلامبالاه : عميلة
لمي بشر : ايوة وبتتصل عليك ليه
مازن : معرفش
لمي ردت عليها : السلام عليكم
جيلان باستغراب : مش ده رقم مازن
لمي بابتسامة صفرا : اه يا حبيبتي رقم مازن
جيلان بتكبر : وانتِ السكرتيرة صح ؟
لمي بشر : آآه طبعا اتفضلي قولي عايزة منه ايه
جيلان بمياعه : لا ده موضوع شخصي لما نتقابل هنتكلم فيه ، باي
لمي قفلت الموبايل وبصتله بعصبية : مين دي
مازن بهدوء : قولت عميلة
لمي بعصبية : وهو في عميلة تبقي عايزاك في موضوع شخصي وكمان بتتقابلوا
مازن : معرفش هي عايزة ايه
لمي بعصبية : طيب علشان نبقي حلوين مع بعض
اولا ، الخيانة …. صدقني انا لو اكتشفت في يوم انك بتخوني مش هيبقي في واحده اسمها لمي في حياتك ودي معنديش ليها غفران
ثانيا ،الصوت العالي … اكتر حاجه بتعصبني هي الصوت العالي يعني تتكلم معايا بهدوء
ثالثا ، البنات اللي معاك في الشركة ….. تعامل بحدود مفيش سلام بالايد مفيش هزار كله بحدود الشغل بس
رابعا ، انا مش بروح حفلات ولا بروح مناسبات …. وانت بحكم شغلك اكيد في حفلات كتير ف انا اسفة مش هعرف اجي معاك
خامسا ، الفرح …. فرحنا هيكون من غير موسيقي نهائي ، هنشيل ذنب كل حد سمع الاغاني دي ونبدأ حياتنا ب ذنوب والمشاكل مش هتسيبنا بعدين ، اغاني من غير موسيقي ماشي
مازن بهدوء : خلصتِ ؟
لمي بتنهج من كتير الكلام : ايوة بس
مازن بسخرية : بس هو لسه فيه تاني
لمي بصتله ب غيظ وسكتت
مازن اتكلم بهدوء : اولا كل اللي قولتيه ده انا بعمله من نفسي دايما في حدود في التعامل بيني وبين اي بنت في الشركة وانا اصلا مش بشغل بنات صغير كلهم اكبر مني يعني متجوزين وعندهم ولاد في إعدادي وثانوي
لمي بصتله برضا واتكلمت بهدوء : يلا نمشي
مازن بصلها وقام من غير كلام
_____Salma Youssry ____
بعد 5 سنين
أشرقت بتجري وهي بتصرخ : يا زين الكلب تعالي هنا
يزن دخل البيت بكل برود حافظ نغمة كل يوم قابله ابنه زين بيجري استخبي وراه وهو بيضحك : خبيني يا بابي مامي هتاكلني زي ما كلت البيبي اللي في بطنها
يزن شاله وهو بيضحك : عملت لأمك ايه يلا مخليها مجنونة كده
زين ببرائة مزيفة : كل خير والله يا بابي انا بث كنت بعمل لبث ل سبايدر مان بتاعي
يزن وطي صوته : كنت بتعمل لبس لسبايدر مان ب ايه يا حيلة امك
زين ببرائة : ب خمار مامي يا بابي اثله طويل اوي
يزن بخوف : شاطر يا حبيب ابوك انا وانت واخوك هنبات برة البيت النهاردة ….. صحيح امال فين اخوك
زين بطفولية : هقولك ثر يا بابي علشان انت مث غريب
يزن بانتباه : قول يا اخويا قول
زين بهمس طفولي : اياد عند عمو فهد بيلعب مع عائشة بنت طنط دينا علشان هو بيحبها وهيتجوزها بعد ما يخلثوا الحضانة
يزن بصدمة : احيه انت عارف فهد لو عرف هيعمل ايه ده هيعمل من فخاد اخوك شاورما
تمت
لقراءة الرواية كاملة اضغط على : (رواية فريدة من نوعها)
