رواية فريدة من نوعها الفصل الثالث عشر 13 بقلم سلمى يسري
رواية فريدة من نوعها الجزء الثالث عشر
رواية فريدة من نوعها البارت الثالث عشر
رواية فريدة من نوعها الحلقة الثالثة عشر
عبد الرحمن : ايه رأيك يا ريم
ماهر بتسرع : اكيد موافقة يعني يا بابا هو كويس اكيد موافقة
عبد الرحمن بهدوء : عايز اسمع رأيها يابني هي اللي هتتجوز …. ايه رأيك يا ريم موافقة يا حبيبتي
ريم بهدوء : موافقة يابابا
: هو ايه ده اللي موافقة
************𝑺𝒊𝒍𝒐𝒐𝒐𝒐♡*************
*في جامعة الاء ودينا*
دينا بزهق : اتصلي علي يزن يا زفتة خليه ييجي ياخدنا
الاء بقرف : حاضر متزقيش
بعد نص ساعه كان يزن داخل الجامعه يجيب الاء ودينا كان بيدور عليهم
دينا بتعب : ده كله في الطريق الجو حر مش قادرة اقعد تاني
الاء بلامبالاه : ممكن يكون في زحمة اصبري شوية
دينا لسة هتتكلم لقت أشرقت قربت عليهم
اشرقت بزعيق ل دينا : انتِ يا حرباية انتِ اللي قولتي ل يزن اني روحت الرحلة صح محدش غيرك يعملها طول عمرك بتغيري مني وحقودة وعمرك ما حبتيني ومصدقتي جاتلك الفرصة علشان توقعي بيننا اهو نجحتي يا عقربة وطلقني بسببك يا حرباية يا ….
دينا قاطعتها (ببرود كالعادة ) : استني عندك كده يا ماما مين دي اللي وقعت بينك وبين يزن انتِ يا حبيبتي اللي بوظتي حياتك بسبب انك عايزة تخرجي وتتمرقعي وتدوري علي حل شعرك ومش عاملاله احترام وبتتصرفي بمزاجك يبقي متجيش بقي بعد ما كل حاجه اتهدت فوق دماغك تلوميني انا وتقولي اني السبب لا يا حبيبتي انتِ السبب مش انا ويلا غوري شوفي رايحة فين متصدعنيش مش فاضيالك و آآه صح يزن اتقدم ل ريم صاحبة لمي هنبقي نعزمك علي الخطوبة يلا شوفي رايحة فين
أشرقت مشيت وهي بتعيط هي فعلا بتحب يزن بس هي دايما متسرعه وبتبوظ كل حاجه بغبائها وتسرعها …..وهي ماشية بتعيط قابلت يزن في وشها وشافها وهي بتعيط
يزن بقلق : انتِ بتعيطِ ليه انتِ تعبانة حصلك حاجة انطقي قولي في ايه
أشرقت مردتش عليه وسابته ومشيت ويزن كان هيروح وراها بس
دينا بتعب : اخيرا جيت الجو حر اوي يلا نمشي
يزن بقلق : هي أشرقت كانت بتعيط ليه مالها ايه اللي حصلها
دينا بلامبالاه : سيبك منها ماتشغلش دماغك بيها اكيد بتمثل علشان تستعطفك بس كويس انك طلقتها وريحتنا منها عيلة آآ..
يزن بعصبية : دينا متغلطيش ولمي لسانك احسن …. يلا هاتي الاء وتعالي
دينا بقرف : مش عارفة بيحبها وبيدافع عنها علي ايه عيلة باردة والله ما هخليه يرجعك يا أشرقت و ي انا ي انتِ
***********𝑺𝒊𝒍𝒐𝒐𝒐𝒐♡**************
في بيت أشرقت
أشرقت روحت البيت ولسة بتعيط نظرة القلق اللي في عين يزن خلتها تعرف انه بيحبها فعلا وخايف عليها بس هي بغبائها ضيعته منها
دخلت البيت اتفاجأت ب تيَّام وفهد وآيات
جريت علي آيات حضنتها اوي وعيطوا الاتنين
فهد بضحك : أشرقت دراما كوين مكانوش كام شهر يعني
أشرقت وهي لسة حاضنة آيات وبتعيط : بس يا عديم المشاعر والإنسانية يا باير يا عانس ياللي مش لاقي واحدة تعبرك
فهد بسخرية : اضحكتيني مع ان مكانش ليا نفس اضحك مين ده اللي مش لاقي واحدة تعبره ده انا يا قلب اخوكِ مفيش بنت في مصر معرفهاش وبإشارة مني الاقي كوم بنات تحت رجلي انتِ مش عارفة اخوكِ ولا ايه
أشرقت بعدت عن آيات اخيرا وبصتله : طيب يا دنجوان عصرك وزمانك هنشوف غرورك ده هيوديك فين
فهد بسخرية : هيوديني شقتي علشان عايز انام ..سلام يا أمي
أشرقت فجأة : استني عندك
فهد بزهق : في ايه تاني
أشرقت ضيقت عنيها : فين الحاجات اللي طلبتها منك *بصت ل تيَّام* دورك جاي
تيَّام بضحك : جاهز يا باشا
فهد بصلها ببرود : نسيت
أشرقت بصياعه : والله ابدا قال نسيت قال دي فيها قتل دي
فهد مسكها من قفاها : وريني شطارتك
أشرقت بدأت تعيط : والله يا فهد هزعل منك فين حاجتي
فهد حضنها : بس متعيطيش انتِ بقيتِ رهيفة المشاعر والأحاسيس كده امتي حاجتك في اوضتك يا حبيبتي كل اللي طلبتيه جبته
أشرقت بعدت عنه : طيب وسع كده انت ماسك فيا كده ليه عايزة اشوف حاجتي
فهد بذهول : واطية واطية يعني كان الله في عونك يا يزن يابني
أشرقت سمعت اسم يزن وقفت مكانها وبصت ل فهد : خلاص مبقاش في يزن
فهد باستغراب : مفيش يزن ازاي
أشرقت بدموع : طلقني
فهد بعصبية : طلقك ليه ايه اللي حصل هو لعب عيال
فاطمة : سيبها يابني ترتاح وانا هقولك في ايه
أشرقت دخلت اوضتها نامت علي الكنبة علشان السرير عليه شنط كتير (هدايا أخواتها ) عيطت لحد ما نامت
*********𝑺𝒊𝒍𝒐𝒐𝒐𝒐♡***********
فهد بعصبية : ازاي ده كله يحصل ومحدش بلغني باللي حصل ولا علشان سافرت يومين مبقاش ليا لازمة
تيَّام بهدوء : انت حاطط الحق كله علي يزن ليه أشرقت غلطانة بردو علي فكرة وطي صوتك الولاد نايمين صوتك عالي
فهد بسخرية : طبعا مين يشهد ما انت صاحبه الوحيد اكيد هتطلعه بريئ وعمره ما يغلط واختك تتفلق
كمل بتوعد : أنا عارف هوجع قلبه ازاي واكسره زي ما كسرها هوجعه في أقرب الناس ليه …..
***********𝑺𝒊𝒍𝒐𝒐𝒐𝒐♡*********
في بيت مازن
مراد بعصبية : موافقة علي ايه
مازن بتعجب : مراد انت رجعت أمته انت لحقت
مراد باستغراب ونزفزة : لحقت ايه انا مش فاهم حاجه فهموني في ايه
ريم قامت علشان تطلع اوضتها
مراد وقفها : استني عندك انا لازم اعرف في ايه فهموني هو ايه اللي لحقت و نظرة الاتهام دي هو في ايه
مازن : مش انت اتجوزت مايا وسافرت معاها شهر العسل
مراد بعصبية : انت هتستعبط اتجوز مين مازن بطل هزارك البارد ده
مازن بنرفزة : أنا لا بهزر ولا بستعبط مش حضرتك قولت انك خطبت مايا وفي نفس اليوم بالليل عرفنا انك كتبت كتابك عليها وخدتها وسافرت
مراد بعصبية : مازن متستعبطش انا معرفك ان موضوع خطوبتي لمايا ده لعبة وانت عارف مين بقي اللي قالك الكلام العبيط ده اني اتجوزت انا لا اتجوزت ولا اتنيلت انا كنت مسافر فعلا بس كنت مسافر دبي علشان كان في شغل هناك ولازم اخلصه ورجعت لما عرفت ان الهانم *بص لريم بشر* متقدملها عريس وبعدين لحظة بس مين قالك اني اتجوزت وسافرت
مازن : مايا هي اللي بعتتلي انكم اتجوزتوا وانت خدتها وسافرت
مراد بسخرية : وانت يا حنين صدقتها ومجربتش تتصل وتسألني
ريم بصت ل مراد ببرود : ايه لازمة الكلام ده كله دلوقتي *بصت لباباها* لو سمحت يا بابا قول ل يزن اني موافقة …..
****** 𝑺𝒊𝒍𝒐𝒐𝒐𝒐♡ *************
■ آيات احمد الكيلاني 23 سنة مرات تيَّام اخو أشرقت هي واشرقت بيست فريند من اول ما تيَّام خطبها طولها وسط بشرتها قمحي عيونها بني وعندها غمازات في خدودها ( كيوتة موت ) مخلفة توأم ولدين ( تيِّم ، تميم ) عندهم سنة لسة صغننين يعني
■ تيّام احمد 27 سنة طويل عريض زي اي بطل رواية عادي جدا خريج اعلام دكتور في الجامعة
■ فهد احمد 26 سنة خريج كلية هندسة عنده شركات برة وجوه مصر ناجح في شغله جدا بس ( بتاع بنات ) كان الله في عونك يا …. بلاش اقول مين اللي هتبقي
مراته خليها مفاجأة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فريدة من نوعها)
