رواية فريدة من نوعها الفصل التاسع عشر 19 بقلم سلمى يسري

رواية فريدة من نوعها الجزء التاسع عشر

رواية فريدة من نوعها البارت التاسع عشر

رواية فريدة من نوعها الحلقة التاسعة عشر

يزن بهدوء : اسمه ايه
الاء بصتله بتوتر : سيف صاحبك
مكانش باين عليه الصدمة كان هادي خالص ، بصلها بهدوء : كلمك امتي
الاء بخوف : يز….
يزن قاطعها بنفس الهدوء ولسة بياكل : جاوبي بس
الاء بدأت تعيط : كلمني في المستشفي لما نزلت اجيب اكل هو شافني هناك وكلمني بس والله مكملنا 5 دقايق
يزن بص للطبق تاني ولسة بياكل : روحي اوضتك
عياطها زاد : يزن
يزن من غير ما يبصلها : أنا قولت علي اوضتك اتفضلي من غير كلام
راحت اوضتها من سكات تكمل عياط لحد الصبح
______Salma Youssry _____.
في اوضة يزن ساب الاكل هو كان بيمثل انه بياكل علشان ميشوفهاش وهي بتعيط
يزن بعصبية : شايفني ب قرون رايح تكلم اختي من ورايا يا سيف ورحمة امي لاوريك
اتصل علي سيف اللي رد بهزار : لحقت وحشتك
يزن بعصبية : انت فين
سيف استغرب عصبيته : مالك في ايه
يزن بعصبية اكبر : رد انجز وقول انت فين
سيف بإستغراب : في البيت هكون فين
يزن بعصبية : تعالي علي البيت عندي
سيف بهدوء : بيتك لوحدك ولا بتاعك انت واخواتك
يزن بنرفزة : نفسك تيجي بيتي انا واخواتي صح لا يا خفيف الفيلا بتاعتي
سيف بعصبية : بقولك ايه انا ساكت علي قلة أدبك من الصبح علشان باين انك متضايق من حاجه لكن هتسوء فيها وتقل أدبك اكتر هزعلك ف لم الدور كده واهدي
يزن حاول يتكلم بهدوء : تعالي علي الفيلا بتاعتي
سيف بزهق : جاي غور بقي
_______Salma Youssry ______.
في اوضة الاء يزن خبط مرتين ودخل لقاها بتعيط بصلها ببرود : أنا خارج خلي بالك من لمي ودينا ساعتين بالكتير وهاجي
كانت لسة هتتكلم مش بسرعه وخرج برة البيت خالص
كملت وصلة العياط بتاعتها ….
_______Salma Youssry _____.
لمي صحيت عايزة تشرب مش هتقدر تقوم واوضة الاء بعيدة هي سابت اوضتها هي ودينا ليهم وراحت اوضتها لوحدها ( شقتهم كبيرة ) لمي حاولت تقوم علشان تشرب دماغها فيها جرح كبير ودراعها مكسور ورجليها كمان و الكدمات اللي في جسمها ، حاولت تقوم بصعوبة قامت تسند علي الحيطة وبتعيط من الوجع مش هتعرف ترجع السرير ولا هتعرف تكمل علشان تجيب الماية جات تتحرك تاني وقعت ودماغها اتخبطت في حرف الترابيزة الازاز ووقعت سايحة في دمها ….
_______Salma Youssry _____.
في بيت مازن كان بيحاول يتصل علي لمي بس هي مبتردش علي الموبايل حاسس في حاجة غلط هو خايف اتصل عليها كتير وبردو مبتردش ( دينا في غيبوبة تقريبا لو في طبل بلدي جنبها مبتصحاش) اتصل علي يزن رد من اول مرة
مازن بقلق : انت في البيت انا بتصل علي لمي بقالي ساعه مبتردش روح شوفها مالها
يزن بدأ يقلق : أنا برة البيت وسايب الاء معاهم
مازن بزعيق : انت غبي اسيبهم لوحدهم ازاي لو واحدة منهم حصلها حاجه مش هيعرفوا يساعدوا بعض
يزن بنرفزة : أنا لسة خارج من البيت وكانوا كويسين انت بتزعل ليه
مازن بعصبية وصوت عالي : علشان انت غبي انا رايح علي بيتك وانت اتصل باختك تشوف لمي
يزن بقلق ونرفزة : طيب
_______Salma Youssry _____.
في بيت يزن بعد نص ساعه
الاء كانت نايمة في اوضتها مش حاسة بحاجة ، برة يزن ومازن وصلوا يزن دخل الاول علشان دينا اول ما دخل لقي سرير لمي فاضي لف بعينه في الأوضة اتصدم لما لقاها واقعة علي الارض وفي دم كتير حواليها جري عليها شالها بسرعه وخرج كان مازن برة اول ما شاف لمي اتصدم وشها كله دم ودماغها كله دم
يزن خرج ب لمي بسرعه ومازن بيجري وراه يزن كان بيسوي العربية بأقصي سرعه ومازن ورا ولمي علي رجله نبضات قلبها ضعيف ودماغها بتنزف
وصلوا المستشفي اللي قريبة من البيت 10 دقايق
نزلوا بسرعه ومازن شايلها الممرضين خدوها ودخلتها اوضة العمليات
____Salma Youssry ___.
بعد ساعه الدكتور خرج بصلهم بعصبية : ايه الإهمال ده المريضة لسة خارجة من حادثة ودة باين من الجروح اللي في دماغها والكسور والجرح فتح تاني واقوي كمان من الولاني دي بقالها اكتر من ساعه بتنزف بسبب اهمالكم خسرت دم كتير وفصيلة دمها نادرة جدا لو ملحقتوش تجيبوا 7 أكياس دم من الفصيلة دي احنا هنخسرها ، في اقل من 24 ساعه ممكن تموت…….