رواية فريدة الالفي الفصل العشرون 20 بقلم فريدة أحمد
رواية فريدة الالفي الجزء العشرون
رواية فريدة الالفي البارت العشرون
رواية فريدة الالفي الحلقة العشرون
نعم جي ليه
قالتها شهيرة بجمود ل نوح اللي رد بهدوء وقال… جاي اخد اختي
في نفس اللحظة كان ياسين نازل من علي السلم اول ما شاف نوح قال… اهلا اهلا. يا الف اهلا..
وهو بيقرب عليه….. نوح باشا منورنا وجاي لحد هنا بنفسه دا ايه السعادة اللي انا فيها دي. اتفضل يانوح باشا
نوح… انا مش جاي اتفضل. انا جاي اخد اختي وماشي علطول
ياسين… اختك اللي هي مراتي
نوح… هتطلقها
ياسين ببرود… ومين بقا اللي هيخليني اطلقها
نوح…. انا
ياسين… ياراجل خضتني
نوح بضيق من بروده قال بغضب… طلق اختي بدال ماانت عارف انا ممكن اعمل ايه
ياسين بنفس بروده قال … لا عادي. انا عندي فضول اعرف انت هتعمل ايه. ها وريني يلا
نوح بغضب… ياسيين خرج اختي من حسباتك. اختي ملهاش دخل باللي بينا
فوق
فريدة اول ماسمعت صوت نوح نزلت علي تحت تجري بلهفة وهي مش مصدقة نفسها
جريت فريدة بلهفة علي نوح اللي واقف واترمت في حضنه بفرحة وهي بتقول بدموع… وحشتني وحشتني اووي
طبطب عليها بحنان وهو بيضمها ليه وقال… انتي اكتر ياروحي
مسك وشها بين ايديه وقال.. انتي كويسه ياحبيبتي
فريدة هزت راسها وقالت… ايوا. بس انت كنت واحشني اوي
وحضنته تاني
نوح… انا معاكي ياحبيبتي
ياسين وشهيرة كانو واقفين بيتابعو الموقف بهدوء
نو ل فريدة…. يلا يا يافريدة علشان هترجعي معايا
بصت فريدة ل ياسين اللي واقف ساكت مستني رد فعلها
مسك نوح ايدها… يلا يافريدة
ولسه هيتحرك لكن فريده وقفت مكانها
نوح بصلها… في ايه
ردت بالرد اللي صدمه وقالت.. انا مش عاوزه ارجع معاك يانوح
نوح بصدمة… انتي بتقولي ايه..
وبحدة… تعالي معايا يلا.
رقت نبرته وقالها بحنية… متخافيش ياحبيبتي محدش هيقدر يمنعك ترجعي معايا
فريدة… انا مش خايفة يانوح. بس انا مش عاوزه ارجع..
وراحت وقفت جمب ياسين وقالت…. انا هفضل مع جوزي
نوح بغضب… بتقولي ايه. انتي اتجننتي.
وراح عندها وهو بيشدها من ايدها .. تعالي معايا يلا
وهو بيشدها من ايدها بالغصب ولسه هياخدها ويمشي لكن وقف لما ياسين قال بغضب …. نوووح
وقربب وقف قدامه يمنعه وقال.. انت عارف كويس اني اقدر امنعك تاخدها حتي لو هي عاوزة ترجع معاك. ف امشي بهدوء احسن
نوح بص ل فريدة وياسين بغضب ولسه هيتحرك
فريدة مسكت ايده وقالت… متزعلش مني
بس هو بصلها بغضب وراح يخرج من الباب قابل مها في وشه داخلة
فضلو الاتنين يبصوا لبعض كتير من غير كلام وفي عيونهم كلام كتير جدا نفسهم يقولو لبعض ومشاعر حب واشتياق وعتاب
نوح غمض عينه واتنهد وسحب نفسه ومشي من غير اي كلام وهو غضبان من اخته
جوا ياسين باس راس فريدة اللي كانت واقفة دموعها في عيونها وهي متضايقة جدا من نفسها. هي مش عارفه هي كده اتسرعت ولا عملت الصح.
وراحت علطول طلعت الاوضة وفضلت تعيط
طلع ياسين وراها دخل وقرب عليها وهي قاعدة علي السرير ودموعها نازلة
مسك ايديها وقعد قدامها ورفع ايده مسحلها دموعها
وهو بيرفع وشها ليه قال.. انا قولتلك مش عاوزك تبقي زعلانة ابدا. لو حابة تروحي انا مش همنعك يافريدة
فريدة بدموع… انا رفضت ارجع معاه علشانك. بس انا فعلا اهلي وحشوني اوي وعاوزة اروحلهم
ياسين… خلاص ابقي روحي عادي. انا مش همنعك ابدا
نامي دلوقتي وبكرة ابقي روحيلهم. بس اوعديني انك ترجعيلي تاني
فريدة ابتسمت وياسين باسها وقال… انا حبيتك اوي يافريدة
..
عند مها كانت طلعت اوضتها وفضلت تعيط وهي بتفتكر كل ذكراياتها مع نوح وهما مع بعض وهي مو، جوعة وحاسه ان جر، حها اتفـ تح من تاني
…
تاني يوم ياسين في شركته قاعد علي مكتبه وهو بيفكر في فريده خايف يخسرها بس كان مبسوط ان هي رفضت ترجع مع نوح وفضلت معاه
ياسين في نفسه… هعوضك يافريدة
اتنهد ومسك تليفونه وطلب نهي اللي اول ماردت عليه قالها بجمود.. مش بتيجي الشركة ليه
نهي… انا محتاجة اجازة يا ياسين بيه بعد اذن حصرتك
ياسين… ليه
نهي بكذب… تعبانة شوية
لكن ياسين طبعا كان عارف انها بتكذب قالها… انا عارف اللي عمر عملو معاكي. تعالي ونبقي نتصرف في موضوعك انتي وهو. الشغل مالوش علاقة باللي حصل
كمل بحدة وقال… وبعدين الزاي تسيبي الشركة وتمشي من غير ماتقولي
نهي… انا اسفة حضرتك
ياسين بحده… بكرة تبقي في الشركة. مفهوم. الساعة عشرة تكوني علي مكتبك
نهي… بس
قاطعها ياسين… كلامي خلص
نهي… تمام حضرتك
…
عند فريدة
كانت بتلبس وهي مبسوطه جدا ان اخيرا هتشوف اهلها
خلصت ونزلت كان ياسين مستنيها تحت قدام الفيلا في العربية
قربت ركبت معاه ووصلها بيت اهلها
بعد وقت
وقف ياسين بالعربية قدام فيلا ابوها وقال… حمدالله على السلامة. يلا انزلي
فريدة فتحت باب العربية لكن قبل ماتنزل بصتله وقالت… شكرا
ياسين مسك ايدها با، سها وقال… انا عيوني ليكي. بالليل هكلمك تخرجيلي علشان اخدك
فريده… حاضر
ولسه هتنزل
ياسين… استني
فريدة بصتله
ياسين قرب با، سها علي خدها وقال.. يلا انزلي
فريدة ابتسمت عليه و نزلت من العربية ودخلت
وياسين لف بالعربية وطلع علي الشركة
في الداخل
كانت عايدة قاعدة بتتفرح علي التلفزيون
عايدة بصوت عالي لما سمعت جرس الباب… احلام شوفي مين علي الباب
خرجت احلام من المطبخ وهي بتقول… حاضر ياهانم
وراحت تشوف مين
احلام بفرحة اول مافتحت الباب قالت… فريدة هانم
فريدة ببتسامة…. ازيك يا احلام
احلام بفرحة… كويسه. الزاي حضرتك انتي عاملة ايه. وحشاني اووي
فريدة… انتي كمان وحشاني اوي يا احلام
وهي بتدخل… امال فين ماما
احلام… جوه في الليڤينج ده اللي بتقولو عليه
فريدة ضحكت وهي داخلة
عايدة من جوا… مين يا احلام
احلام بفرحة… دي دي الهانم الصغيرة جات ياهانم
عايده قامت وهي مش مصدقة وخرجت لاقت فريدة داخلة
فريدة قربت عليها وحضنتها باشتياق
عايدة… حبيبتي. حبيبتي. عاملة ايه ياروحي
فريدة وهي بتبوس ايدها.. الحمدلله ياماما
عايدة وهي بتحرك ايدها علي وش فريدة… يااه يافريدة متتصوريش وحشاني قد ايه
وهي عمالة بتحضن فيها وهي مش مصدقة ان بنتها رجعت وشايفاها قدامها
بعدين بصتلها باستفهام و قالت بتساؤل. بس انتي جيتي الزاي
فريدة… ياسين اللي جابني
عايدة بتعجب… دا بجد
فريدة… اه والله
عايدة بعتاب… ينفع اللي عملتيه ده. اخوكي يروحلك ترفضي ترجعي معاه
فريدة… ماما ياسين بقا جوزي. وبصراحة هو بيعاملني كويس جدا
قاطعهم دخول نوح بهدوء
عايدة بفرحة…. شوفت المفاجأة دي يانوح
نوح … اه.. شوفت
وراح يطلع علي اوضته بلا مبالاة وهو متجاهل فريدة
بس فريدة بسرعة قربت عليه ووقفت قدامه وقالت باسف… انا اسفة.. علشان خاطري متزعلش منى
ومسكت ايده… انا اسفة
نوح سحب ايده منها بهدوء وطلع
فريدة عينها اتملت دموع وهي بتبص عليه بحزن
قربت عايدة طبطبت عليها وقالت.. معلش ياحبيبتي. هو بردو معذور ومن حقو
فريدة بدموع… بس انا مش هستحمل انه يزعل مني ياماما
عايدة… هو ميقدرش يزعل منك ما انتي عارفة روحو فيكي. شوية وهيروق.. متزعليش نفسك
كملت وهي بتحاول تفرفشها… يلا تعالي بقا نقعد نحكي مع بعض انتي وحشاني اوي. موحشتكيش ولا ايه. موحشتكيش اوضتك البيت موحشكيش
ابتسمت فريدة وقالت…. كلكو وحشتوني وكل حاجة هنا وحشاني
في اللحظة دي دخل ابوها وقال.. وياتري انا كمان وحشتك
فريدة… ب بابا
…..
عند نهي كانت قاعدة بتقلب في تليفونها بملل قاطعها جرس الباب
اتنهدت وقامت تفتح اتفاجأت ب عمر
نهي بغضب… انت جاي هنا ليه
وراحت علطول تقفل الباب في وشه لكن عمر كان اقوي منها زق الباب ودخل رغما عنها وقفل الباب وسحب المفتاح من منو وحطو في جيبه
نهي بغضب.. انت بتعمل ايه ياحيوان. هات المفتاح واخرج برا
قال وهو بيقرب .. ايه هو حلال ل غيري وحرام عليا. انا كمان عاوز ادوق
وقرب عليها وو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فريدة الالفي)
