رواية فرصه استثنائية الفصل العشرون 20 بقلم دودو محمد
رواية فرصه استثنائية الجزء العشرون
رواية فرصه استثنائية البارت العشرون
رواية فرصه استثنائية الحلقة العشرون
فلاش بااااااك
بصت سلوى ليه بدموع ولسه هتمشى رصاصه خرجت وجات فيها بص ليها ادم بصدمه واخدها فى حضنه قبل ما توقع على الأرض وشاف الدم نازل منها دموعه نزلت منه وقال
ادم :- لالالا سلوى ارجوكى متسبنيش ردى عليا سلوى انا بحبك والله العظيم بحبك
سلوى :- فتحت عينيها بألم وبصت فى عينه وابتسمت ونطقت بصعوبه وقالت مش عايزه حاجه من الدنيا تانى كفايه عليا أن هموت وانا فى حضنك وغمضت عينيها
ادم :- بصريخ سلوى لااااااا وفى الوقت ده فقد الوعى وبعد وقت فاق وبص حاوليه وشاف ناس لابسه ابيض كتير اتكلم بصعوبه وسأل اللى قدامه وقال لو سمحتى انا فين
الممرضه :- انت فى مستشفى حكومى
ادم :- بص على نفسه وقال مستشفى حكومى انا مش فاهم حاجه انا هنا بعمل ايه وبص على هدومه وقال ايه الدم اللى على هدومى ده وسكت شويه ودموعه نزلت وقال سلوى هى فين وحاول يقوم بس اتفاجئ ايده متكلبشه فى السرير بص للممرضه وقال ايه ده ليه حطين البتاع ده فى ايدى
الممرضه :- علشان انت متهم بقضية قتل
ادم :- انا متهم انتى بتقولى ايه شيلى الزفت ده خلينى اروح اطمن على خطيبتى
الممرضه :- ممنوع بقولك
ادم :- بعصبيه بقولك شيلى الزفت ده
الممرضه :- بصت ليه وسابته وخرجت
ادم :- انتوا يا بهايم حد يفك البتاع ده عايز اروح اطمن على سلوى انتوا يا اغبيه
العسكرى :- دخل وقال ايه الدوشه اللى انت عاملها دى
ادم :- فك الزفت ده
العسكرى :- مينفعش انت متهم
ادم :- متهم بأيه انا عايز اطمن على خطيبتى وقعد يشد ايده
العسكرى :- على فكره مش هتعرف تفك نفسك وهتجرح ايدك على الفاضى وسابه وخرج
ادم :- انا عايز افهم انا هنا بعمل ايه حد يرد عليااااااا سلوى انتى فين سلووووووى
وبعد وقت دخل وكيل النيابه وبدء يحقق معاه
وكيل النيابه :- اسمك ومحل إقامتك وسنك
ادم :- مش هرد عليك انا عايز افهم انا هنا بعمل ايه
وكيل النيابه :- انت هنا متهم بشروع فى قتل المجنى عليها سلوى عاطف محمد
ادم :- انا مستحيل اقتل سلوى انا عايز اطمن عليها دى خطيبتى
وكيل النيابه :- تسمى ايه وجودك فى مكان الحادث والسلاح المستخدم في الجريمه كان فى ايدك وعليه بصامتك
ادم :- محصلش احنا كنا واقفين انا وهى بنتكلم ورصاصه جات فيها ووقعت فى الارض معرفش جات منين وفاجئه اغمى عليا ومحستش بأى حاجه غير لما فؤقت دلوقتى
وكيل النيابه :- تقصد تقول أن حد تانى غيرك اللى أطلق عليها الرصاص
ادم :- ايوه حتى اسألوها
وكيل النيابه :- حالة المتهمه خطر ودخلت فى غيبوبه واتحطت تحت الاجهزه الطبيه يعنى مش هينفع نسألها قتلتها ليه جاوب
ادم :- بدموع قولتلك مقتلتهاش انا بحبها ازاى هعمل فيها كده ازاى
وكيل النيابه :- بس الادله كلها ضدك الإنكار مش هيفيدك
ادم :- انا عايز اشوفها ارجوك
وكيل النيابه :- اتكلم يا ادم وقول الحقيقه
ادم :- بدموع والله ما عملتلها حاجه ازاى اقتلها وهى كل حياتى فيه حد يقتل عمره ابوس ايدك عايز اشوفها
وكيل النيابه :- ممنوع وهتتحول لنيابه لاستكمال التحقيقات وقام وقف وخرج من الأوضه
ادم :- قعد يشد فى ايده ودموعه نازله منه وقال سلوووووووى وسكت شويه وقال هى ملك اللى عملت فيها كده ودينى ما هسيبك يا ملك وقعد يعيط وبعد وقت دخل العسكرى وفك الكلبشات واخده على النيابه وبعد التحقيق معاه دخل الحبس الاحتياطى لاستكمال التحقيق وطلب المحامى الخاص بى ومر عدة أيام وحالة سلوى زى ما هى وادم بيتحقق معاه والمحامى بتاع ادم قدر يوصل لملك علشان يتفاوض معاها ويخرج ادم من الحبس بس رفضت وقالت ليه أن لسه انتقامها منتهاش وبلغ المحامى الكلام ده لادم وتتهورت حالته وقلقه على سلوى والمحامى اخد ابنه عمر يعيش معاه لحد ما يخرج ادم ومر اسبوع على الحاله دى وعلياء ومراد عرفوا وراحوا عنده وطلبوا يقابلوا
مراد :- مين ليه يد فى الموضوع ده يا ادم
ادم :- بوجع ملك يا مراد اللى حاولت تموت علياء قبل كده
علياء :- وبتعمل معاك كده ليه
ادم :- بتنتقم منى علشان انا كنت السبب فى حبسها لما وقعتها واعترفت عليها
مراد :- طيب فين ابنك
ادم :- قاعد عند المحامى بتاعى
مراد :- ادينا العنوان نروح نخده لحد ما تخرج من هنا بالسلامه
ادم :- لاء خليه قاعد مع المحامى مش عايز اتعبكم
علياء :- ايه اللى انت بتقوله ده وبعدين متقلقش هو هيقعد مع زين ابن عمه فى اوضه واحده هاخد بالى منه لحد ما تخرج يا ادم
ادم :- شكرآ يا علياء انتى بجد احسن اخت فى الدنيا دى ربنا ميحرمنيش منكم
مراد :- انا مش هسكت هفضل وراه الموضوع ده لحد ما اوصل للحقيقه هخرجك من هنا قريب اوى
ادم :- روح (….) هناك اسأل على الدكش ده راجل من رجالتى جدع وهيساعدك توصل لطليق سلوى
مراد :- سلوى مين
ادم :- اخت ملك واللى انا متهم بقتلها
مراد :- اه ماشى
ادم :- الدكش هيفهمك كل حاجه هو عارف قوله انا من طرف ادم وقوله اماره باريس والبنت بتاعة الفندق هو هيفهم علطول ويعرف انك تبعى
مراد :- ماشى
ادم :- علياء معلش هتعبك معايا روحى اطمنى على سلوى فى المستشفى وطمنينى عليها
علياء :- حاضر
وقاموا وقفوا الاتنين
مراد :- خبط على كتف ادم وقال اجمد يا ادم وان شاءالله تخرج من هنا قريب
ادم :- انا مش مهم المهم سلوى تبقى كويسه
مراد :- أن شاءالله وخرجوا من النيابه وراح ادم على الحبس بتاعه وراح مراد اخد عمر من عند المحامى واخده معاه الشقه واخدت بالها منه علياء وراح مراد عند الدكش علشان يدورا على طليق سلوى وراحت علياء المستشفى علشان تطمن على سلوى وكانت لسه حالتها زى ما هى وبلغت مراد ومراد بلغ ادم ومر اسبوع على ادم فى التحقيق ومراد والدكش بيدورا على امجد طليق سلوى
دخل العسكرى بلغ ادم أن فيه زياره ليه سأله ادم مين قاله ميعرفش وراح ادم مع العسكرى ودخل من الباب واتفاجئ بسلوى دموعه نزلت منه وطلع يجرى عليها واخدها فى حضنه
سلوى :- مسكت فيه اكتر ودموعها نزلت منه وقالت انا اسفه
ادم :- بدموع انا اللى اسف يا سلوى أن قسيت عليكى انا السبب فى كل اللى حصلك ده
سلوى :- حطت ايديها على بؤقه وقالت ششش متقولش كده يا ادم انا عمرى كله فداك
ادم :- باس ايديها وقال أنا فرحان اوى انك بقيتى كويسه فؤقتى أمته
سلوى :- من يومين بس كانوا حطينى تحت الملاحظه واول ما خرجت جيت على هنا علطول وقولت لظابط انك مش انت اللى عملت فيا كده بس محتاج إثبات قوى علشان يفرجوا عنك
ادم :- مسك وشها ما بين ايديه وقال مش مهم اى حاجه المهم انك بقيتى كويسه
وفى الوقت ده الباب اتفتح ودخل وكيل النيابه وقال
وكيل النيابه :- مبروك أثبتت برائتك
سلوى :- بفرحه بجد يا باشا
وكيل النيابه :- ايوه عثرنا على اللى عمل فيكى كده
ادم :- مين
العسكرى :- دخل وفى ايده امجد
سلوى :- امجد انا كنت متأكدة انك انت اللى عملت كده احسن ربنا وقعك فى شر اعمالك
وكيل النيابه :- أمضى هنا ويلا مع السلامه
ادم :- بص لسلوى بحب وراح مضى وقال عن اذن سعادتك ومسك ايد سلوى وخرج من المكتب
مراد :- مبروك البراءه
ادم :- مراد الدكش هو انتوا اللي جبتوه
الدكش :- ايوه حمدالله على السلامه
ادم :- الله يسلمكم وصلتوا ليه ازاى
مراد :- الدكش ورجالته وصلوا ليه بعد ما سألوا عليه واتأكدوا منه وراحنا جبناه واعترف أن هو اللى عمل كده وضرب مدام سلوى بالرصاص ورش عليك من وراه بنج قرب مناخيرك واغمى عليك مسكك المسدس وهرب هو علشان يثبت التهمه عليك واللى خطط كده هو وملك علشان يخلصوا من مدام سلوى وتتحبس انت زى ما حبستها
ادم :- لدرجاتى ربنا ينتقم منهم على الشر اللى جواهم وبص لمراد وقال شكرآ يا مراد طول عمرك فى ضهرى بتحمينى زى اخويا الكبير بالظبط وبص لدكش وقال الله ينور عليك يا دكش حقك انت والرجاله موجود متقلقش
الدكش :- المهم انك خرجت بالسلامه يا باشا والفلوس دى اخر حاجه
ادم :- بص لسلوى لاقى دموعها نازله مد ايده مسحها وابتسم ليها ومسك ايديها وقال يلا بينا
سلوى :- ابتسمت ليه ومشيت معاه
~•~•~•~•~•~•~•~•~•~•~•~•~•~•~•~•
بااااااااك
فاق ادم من سرحانه على تنطيط ابنه عمر على السرير ابتسم ليه وقام قعد وشده فى حضنه وباسه وقال
ادم :- صباح الشقاوة
عمر :- سلوى فين
ادم :- اسمها ماما سلوى من النهارده هتعيش معانا علطول ومش هتسيبنا تانى أبدآ
عمر :- قام وقف على السرير وقعد ينط ويقول هيييا هييييا
ادم :- ضحك وقال فرحان
عمر :- اوى اوى
ادم :- وانا فرحان اوى اوى اوى وقام وقف وشال عمر على كتفه ونزل تحت علشان يفطروا
~•~•~•~•~•~•~•~•~•~•~•~•~•~•~•~•
فى شقة مهند
قامت سمر من نومها ملاقتش مهند جمبها اتنهدت بتعب وقامت من على السرير وخرجت من الاوضه لاقت مهند قاعد مع ابنه وبيتفرجوا على التليفزيون راحت عندهم وقالت
سمر :- صباح الخير
مهند :- صباح الورد والفل والياسمين على اجمل عيون حلوين
سمر :- صاحى بدرى يعنى النهارده
مهند :- فريد يا ستى صاحى بدرى ومش عايز يقعد لوحده
سمر :- مالك يا حبيبى صحيت بدرى ليه
فريد :- بقرف مفيش
سمر :- قعدت جمبه ومشيت ايديها على شعره وقالت انت زعلان من حاجه
فريد :- وقف وقال عايز اروح عند ماما
مهند :- بص لسمر ورجع بصله وقام وقف وقال يا حبيبى امك سافرت مع جوزها وهى اللى سابتك ورفضت تخدك معاها علشان جوزها عايز كده
فريد :- بس انا مش بحب هنا
سمر :- وقفت وقالت ليه يا حبيبى حد زعلك ربنا يعلم انا بحبك ازاى ده انت هتبقى اخو اللى فى بطنى ده
فريد :- ماما قالت انك بتكرهينى وعمرك ما هتحبينى
مهند :- اتنهد وقال يا حبيبى متصدقش كلام امك سمر طيبه اوى وبتحبك من يوم ما جيت تعيش معانا هنا عملت ليك حاجه زعلتك
فريد :- لاء
مهند :- اهو شوفت يعنى هى مش وحشه
سمر :- طبطبت عليه وقالت وعد منى عمرى ما هفرق بينك وبين اخوك أبدآ وانتوا الاتنين عندى واحد
مهند :- ابتسم ليها بحب واخدها فى حضنه وقال اصيله يا قلبى ربنا ميحرمنيش منك يارب وباس راسها وقال يلا تعالوا نحضر الفطار مع بعض ايه رأيكم
سمر وفريد :- اشطا موافقين ودخلوا المطبخ يحضروا الفطار مع بعض
~•~•~•~•~•~•~•~•~•~•~•~•~•~•~•~•~•~•~•
فى الشركه……فى مكتب عبدالرحمن
دخلت تسنيم المكتب عند عبدالرحمن وابتسمت ليه وقالت
تسنيم :- هو ممكن امشى بدرى النهارده
عبدالرحمن :- مفيش مشكله بس فيه حاجه ولا ايه
تسنيم :- مفيش بس انا واحمد خطيبى نازلين نختار الفرش بتاعنا النهارده
عبدالرحمن :- ااااه الف مبروك ربنا يسعدكم يارب
تسنيم :- يارب ويصلح حالك مع مراتك حرام عليك كفايه عليها كده
عبدالرحمن :- مريم خلاص صفحه وقطعتها من حياتى
تسنيم :- بس حرام فيه اطفال ما بينكم ايه ذنبهم
عبدالرحمن :- ملهمش ذنب وانا كمان مليش ذنب
تسنيم :- حاول مره كمان علشان ولادك
عبدالرحمن :- للاسف تعبت ومبقاش عندى طاقه استحملها تانى
تسنيم :- اتنهدت وقالت براحتك ربنا معاك عن اذنك وخرجت وسابته
عبدالرحمن :- رجع بضهره لوراه واتنهد وافتكر اللى حصل ما بينه هو وتسنيم بعد اللى حصل ما بينهم من تسع شهور
~•~•~•~•~•~•~•~•~•~•~•~•~•~•~•~•~•~•~•
فلاش بااااك
مر كذا يوم بعد اللى حصل ما بين عبدالرحمن وتسنيم وبطلت تسنيم تنزل الشركه جاب عبدالرحمن عنوانها من الملف اللى فى الشركه وراح عندها وطلع عند باب شقتها ورن الجرس فتحت تسنيم الباب واتصدمت من وجود عبدالرحمن بصت ليه بأستغراب وقالت
تسنيم :- انت بتعمل ايه هنا
عبدالرحمن :- تسنيم انا ضميرى بيأنبنى من ساعة اللى حصل ده ارجوكى سامحينى
تسنيم :- استاذ عبدالرحمن ملوش لزوم حضرتك تيجى لحد بيتى علشان تتأسف ليا احنا منعرفش بعض غير من يومين بس وجبت ليا شغل ومحصلش نصيب أكمل فيه يبقى ليه كل ده
عبدالرحمن :- انا كنت سبب فى قطع عيشك من المطعم وسببت ليكى مشاكل وسيبتى الشغل فى الشركه بسببى وانا كده اذيتك ومش بحب أذى حد ياريت ترجعى الشغل لو سمحتى
تسنيم :- حضرتك انا مبحبش المشاكل ووضح كده أن حضرتك حياتك كلها مشاكل وبتجيب رجلى فى الموضوع علشان كده البعد احسن ليا وليك
عبدالرحمن :- ارجعى وانا اوعدك مش هحطك فى مشاكل بسببى خالص
تسنيم :- ممكن افهم حضرتك مهتم برجوعى ليه
عبدالرحمن :- علشان انا كنت فى يوم من الايام زيك وبدور على شغل وكنت فى أمس الحاجة لكل مليم علشان كنت بتعلم وعايز اصرف على نفسى ولما شوفتك شوفت فيكى نفسى ولما سيبتى الشغل بسببى حسيت بالذنب وقررت اعوضك وشغلتك فى الشركه بس ومكنتش اقصد احطك فى مشاكلى والله ارجعى وانا هفهم طليقتى كل حاجه
تسنيم :- لما اقول لأحمد خطيبى
عبدالرحمن :- بأستغراب انتى مخطوبه
تسنيم :- ايوه وقولت ليه اللى حصل كله وهو قالى مروحش الشركه دى تانى هقوله وأشوف هيقولى ايه لو وافق هنزل الشغل بكره مش موافق خلاص هدور على شغل غيره
عبدالرحمن :- تمام ربنا يسعدك عن اذنك
تسنيم:- اتفضل ودخلت وقفلت الباب
عبدالرحمن :- بص على الباب وهو بيتقفل واتنهد ونزل ركب عربيته ورجع على شقته وطلع فى الاسانسير وراح عند باب الشقه اتفاجئ بمريم قاعده ليه على السلم اتجاهل وجودها وفتح الباب ولسه هيدخل
مريم :- بدموع عبدالرحمن
عبدالرحمن :- وقف من غير ما يرد عليها
مريم :- راحت عنده وقالت عبدالرحمن انا اسفه والله ما هعمل اى حاجه تزعلك تانى ارجوك سامحنى
عبدالرحمن :- كفايه لحد كده يا مريم وكل واحد مننا فى طريق انا مستحيل افكر ارجعك تانى
مريم :- عارفه ان انا غلط كتير بس اتعلمت من غلطى والله عبدالرحمن انا بحبك ومش قادره اعيش من غيرك
عبدالرحمن :- للاسف انا كرهتك ومبقاش فى قلبى حب ليكى امشى يا مريم ومتجيش هنا تانى ودخل ولسه هيقفل الباب
مريم :- انا مستعده اعمل اى حاجه تطلبها منى بس سامحنى لو عايزنى اروح لاخواتك البنات وابوس راسهم معنديش مشكله اهم حاجه متتجوزش حد غيرى وسامحنى
عبدالرحمن :- خلاص يا مريم كلامك ده وقته راح متحاوليش علشان انا مستحيل اسامحك تانى اتفضلى امشى وقفل الباب فى وشها
مريم :- بصت على الباب وقعدت تعيط ونزلت وقفت تاكسى وركبته وراحت على بيت امها ودخلت على اوضتها واترمت على السرير وقعدت تعيط
حكمت :- دخلت وراها وقالت كنتى فين كده يا بنتى
مريم :- بدموع روحت اطلب من عبدالرحمن يسامحنى رفض يا ماما انا مش هقدر اعيش من غيره ولا اشوفه مع واحده غيرى
حكمت :- ليه يا بنتى ترخصى من نفسك خلاص بقى كفايه كل شئ قسمه ونصيب كفايه تهينى نفسك ليه وعيشى حياتك وارضى بالمكتوب انتى اللى عملتى فى نفسك كده ولازم ترضى بى بقى
مريم :- يا ماما افهمينى عبدالرحمن ده حب عمرى وصعب عليا لما اشوفه مع حد غيرى انا معترفه ان غلط فى حقه كتير بس اتعلمت والله العظيم اتعلمت ومش هعمل كده تانى
حكمت :- سبيها على ربنا واللى عايزه هيكون
مريم :- بدموع ونعم بالله
حكمت :- قومى كده اتوضى وصلى واستغفرى ربنا كتير وهو قادر يطيب خاطرك وريح قلبك يا حبيبتى
مريم :- بدموع حاضر ودخلت الحمام واتوضت وصليت وقعدت تقراه فى المصحف
وتانى يوم نزلت تسنيم الشغل من تانى وعرفت عبدالرحمن على احمد خطيبها وبقى يربطهم هما التلاته علاقة صداقه قويه وعلاقة مريم بمراد رجعت زى الاول وسامحها ورجعت تانى الشركه بس من غير ما تتعامل مع عبدالرحمن
~•~•~•~•~•~•~•~•~•~•~•~•~•~•~•~•~•~•~•
بااااااك
فاق عبدالرحمن على صوت السكرتير وهو بيبلغه أن الاجتماع هيبدء قام وراح الاجتماع وكان قاعد مراد ومعاه مريم دخل قعد على الكرسى اللى قصاد مريم من غير ما يبص ليها بصت ليه مريم واتنهدت وبدء الاجتماع وبعد وقت انتهى وخرجوا التلاته
مريم :- مراد
مراد :- اممم ايوه يا مريم
مريم :- ياريت تبلغه أن بنته عايزه تشوفه ياريت يفضى نفسه يوم ويجى ليها
عبدالرحمن :- بص لمراد وقال ياريت يا مراد تبقى تجيب بنتى عندك وابقى اجى اشوفها
مريم :- بنتى مش هتروح عند حد لو عايز يشوفها يبقى يجى يشوفها فى البيت وسابتهم ومشيت
عبدالرحمن :- عجبك اللى اختك بتعمله ده يا مراد
مراد :- والله العظيم اللى انتوا بتعملوا ده شغل عيال ما كفايه بقى وارجعوا لبعض وخلصونا
عبدالرحمن :- لاء رجوع ايه انا مرتاح كده ارجع تانى لصداع ووجع القلب
مراد :- على فكره يا عبدالرحمن مريم اتغيرت بجد وهى لسه بتحبك ورفضت كذا عريس علشان مش هتقدر تعيش مع حد غيرك
عبدالرحمن :- بصدمه عريس
مراد :- اه والله كذا عريس يتقدم ليها وهى بترفض
عبدالرحمن :- بعصبيه طيب على الله توافق على حد وانا اخد منها الولاد
مراد :- اولا الولاد لو امهم اتجوزت هيعيشوا مع امى جدتهم وانت ملكش تخدهم ثانيآ بقى ايه غيظك إذا كانت تتجوز ولا لاء مش انت خلاص طلقتها ومش عايزها شاغل بالك بيها ليه هى حره وابقى روح لولادك شوفهم دى النظره ليهم بالدنيا كلها هما فرحة البيت والضحكه الحلوه وخبط على كتفه وسابه ومشى
عبدالرحمن :- بص عليه وهو ماشى واتنهد ورجع مكتبه وهو بيفكر فى كلام مراد ليه
~•~•~•~•~•~•~•~•~•~•~•~•~•~•~•~•~•~•~•
عند مياده
اخدها مروان المستشفى وولدت وجابت بنت وسميتها هدير قعد جمبها مروان وباس راسها وقال
مروان :- حمدالله على السلامه يا قلبى البنت طالعه زى القمر
مياده :- الله يسلمك يا حبيبى اكيد طالعه شبهك طبعآ
مروان :- لاء خالص كلها انتى
مياده :- طيب هما مش جابوها ليها
مروان :- دلوقتى هيجبوها وفى الوقت ده الباب خبط ودخلت الممرضه ومعها هدير اخدتها مياده منها وشالتها بفرحه وبصت لمروان وقالت دى جميله اوى يا مروان
مروان :- مش بقولك كلها انتى
مياده :- مسكت ايديها وباستها وقالت تعالى يا عامر شوف هدير اختك
عامر :- قرب منها وقال وحشه
مروان :- ليه يا حبيبى دى اختك حبيبتك قرب منها وبوسها يلا
عامر :- لاء وحشه وقعد بعيد
مياده :- تعالى يا حبيب ماما وشالته قعدته على رجليها وقالت بص دى صغنونه وحلوه ازاى دى جايبه حاجات حلوه كتير ليك
عامر :- حلوه
مياده :- اه وشلتها ليك اديها بوسه وقولها شكرآ
عامر :- باسها وقال شكرآ يا هدير
مروان :- بص ليها بأعجاب وقال طول عمرك بتعرفى تتصرفى فى المواقف اللى زى دى
مياده :- ابتسمت ليه وقالت اعمل ايه بقيت خبره
وفى الوقت ده الباب خبط ودخلت علياء وسمر
مروان :- علياء سمر تعالوا اتفضلوا
مياده :- ليه بس جيتوا وانتوا الاتنين حوامل
علياء :- مقدرتش استحمل مكونش معاكى فى وقت زى ده
سمر :- وانا كنت هموت وأشوف البيبى واخدتها منها وقالت بسم الله ماشاءالله جميله اوى يا ميزو ربنا يخليها ليكم وتشوفوها احلى عروسه
مياده :- عقبال ما ربنا يقومك بالسلامه يا حبيبتى اهو هانت فاضل شهر
علياء :- اومال انا اعمل ايه لسه بدرى عليا
مياده :- أن شاءالله ربنا يكملك على خير ويقومك بالسلامه يارب
مروان :- اقعدوا طيب واقفين ليه
الاتنين قعدوا على السرير جمب مياده
علياء :- حبيب خالتو عامل ايه وحضنته وباسته
مياده :- البيه غيران من أخته
علياء :- كلهم كده فاكره منار كانت بتغير من زين ازاى ولا عبدالرحمن وهو صغير لما سمر اتولدت بقى يقول عليها دى وحشه انا مش بحبها بكره يكبروا ويفهموا كل حاجه ويبقى روحهم فى بعض
مياده :- يارب يا لولو
سمر :- قوليلى بقى تعبتى وانتى بتولدى اصل انا خايفه اوى وحطت ايديها على بطنها
مياده :- لاء خالص ده انا ولد فى غمضت عين متقلقيش أن شاءالله ربنا يجعلها ساعه سهله يا حبيبتى
سمر :- يارب
مياده :- اومال فين عبدالرحمن ومراد ومهند
علياء :- جاين فى السكه
عبدالرحمن :- فتح الباب وقال مبروك يا ام عامر تتربى فى عزكم يارب وسلم على مروان
مياده :- الله يبارك فيك يا حبيبى
مهند :- مبروك يا مياده مبروك يا مروان
مروان :- الله يبارك فيك يا مهند عقبال ما تفرح بعوضك يارب
مهند :- انتم السابقون ونحنوا اللاحقون
مراد :- تتربى فى عزكم يارب وتفرحوا بيهم يارب
مروان :- تسلم يا غالى تفرح بولادك يارب
مياده :- مش ناوى بقى ربنا يهديك يا عبدالرحمن وترجع مراتك
عبدالرحمن :- مش وقته الكلام ده يا مياده
علياء :- لاء وقته يا عبده كفايه كده تسع شهور وانت مطلقها هى اتعلمت الدرس واتغيرت فعلا والله العظيم البت دى بتحبك هى بس مجنونه شويه واتغيرت خلاص
عبدالرحمن :- يا جماعه قفلوا على الموضوع ده بقى
مراد :- انا لسه كنت بتكلم معاه واحنا فى الشركه فى الموضوع ده
مهند :- انتوا هتتحايلوا عليه ما خلاص كل شئ قسمه ونصيب انا اختى مش رخيصه اوى كده علشان نبوس ايده يرجعها
سمر :- قامت وقفت وراحت عنده وقالت اهدا يا حبيبى هو مش قصده حاجه هو بس واخد على خاطره من اللى كانت بتعملوا فيه
مهند :- واتزفتت واتأسفت ليه واتغيرت تعمل ايه تانى تبوس رجله علشان يسامحها احنا بنتنا مش رخيصه علشان نتحايل عليه
عبدالرحمن :- وانا مقولتش رخيصه بس مش قادر اسامحها على اللى عملته معايا
مهند :- بعصبيه ما عنك ما سامحتها هتموت من غيرك يعنى
مروان :- تعالى معايا يا مهند
مهند :- مش رايح فى حته
مروان :- تعالى بس واخدوا وخرجوا بره
عبدالرحمن :- انا اشتريت خاطرك يا مراد ومرضتش ارد عليه اقسم بالله لو حد تانى انا كنت دفنته مكانه
مراد :- استهدوا بالله بس هو برضه من حقه دى اختنا وكرامتها تهمنا
عبدالرحمن :- وانا دوست على كرامتها فى ايه طلقتها بكل ادب واحترام ومجتش عليها
علياء :- خلاص يا جماعه وحدوا الله بس احنا عايزين نصلح الموضوع مش نمسك فى بعض
مياده :- اديها فرصه واحده ولو رجعت زى الاول طلقها ومترجعش ليها تانى
سمر :- سامحها يا عبده وانسى اللى فات وابدء معاها صفحه جديده علشان خاطر عيالك
عبدالرحمن :- ربنا يسهل
وفى الوقت ده دخل مروان ومعاه مهند وقال
مروان :- استهدوا بالله كده واللى ربنا عايزه هيكون
عبدالرحمن ومهند :- ونعم بالله وكل واحد اخد مراته وروح على بيته
~•~•~•~•~•~•~•~•~•~•~•~•~•~•~•~•~•~•~•~•
انتهى النهار وجاء الليل واتجمع ادم وسلوى وامها وخالها ومراد وعلياء فى الفيلا ووصل المأذون وبدء فى كتب الكتاب وحط ادم ايده فى ايد خالها وبعد وقت انتهى المأذون وكتب الكتاب ومضت سلوى على الورق وراح ادم وقف قصادها وباس راسها وبص فى عينيها بحب وقال
ادم :- مبروك يا احلى واجمل حاجه حصلتلى
سلوى :- بكسوف ا.ا.الله يبارك فيك
والكل بارك ليهم
علياء :- مين يصدق دنجوان عصره يوقع ومحدش يسمى عليه
ادم :- ايه يا علياء ما خلاص يا اختى الكلام ده كان زمان إنما أنا دلوقتى عينى مش بتترفع فى واحده نهائى
علياء :- الجواز تأديبآ وتهذيبآ وإصلاح هو ده الإصلاح وقعدت تضحك
ادم :- ايه يا عم مراد واقف ساكت ليه ما تشوف صرفه فى مراتك
مراد :- حط ايده على كتف علياء وقال أنا مراتى تقول اللى هى عايزاه براحتها
ادم :- جبتك يا عم المعين تعنى منك له
علياء :- ساكته ليه يا عروسه اوعى تخافى منه من اول ليله ادبحيله القطه
سلوى :- بضحك دى القطه ادبحت من زمان أوى وعلى يدى
ادم :- الله اكبر انتو اتفقتوا مع بعض عليا روحت خلاص فى الرجلين
سلوى :- بضحك بعد الشر عليك يا حبيبى
ادم :- ايوه بقى وغمز ليها
مراد :- انا بقول شكلنا بقى وحش كده انا هاخد مراتى واخلع
ادم :- والله تبقى عملت احلى واجب مع السلامه والقلب دعيلك
والاربعه ضحكوا ومراد اخد علياء ومشوا والكل مشى ادم بص لسلوى وقال ايه مش يلا
سلوى :- ي.ي.يلا ايه
ادم :- نلعب كاراتيه
سلوى :- ههه خفه
ادم :- قرب منها ومسك وشها بين ايده وقال أنا مش مصدق نفسى انك بقيتى ليا وبتاعتى
سلوى :- بكسوف وا.ا.انا كمان مش مصدقه نفسى
ادم :- قرب من شفايفها ولسه هيبوسها
عمر :- انتو بتعملوا ايه
سلوى :- زقت ادم بعيد عنها وقالت ها و.و.ولا حاجه تاكل يا حبيبى
عمر :- لاء مش عايز
ادم :- مسكه من هدومه بغيظ وقال انت يا لا منمتش ليه
عمر :- عايز ماما سلوى تنام معايا
ادم :- بغيظ نعم يا روح امك روح يالا نام فى اوضك
عمر :- مليش دعوه انا عايز ماما سلوى
سلوى :- بس يا حبيبى متزعلش هنام معاك
ادم :- لا والله طيب وانا كمان مليش دعوه عايز سلوى تنام معايا
سلوى :- والله
ادم :- وربنا ده انا هموت عليكى
سلوى :- ادم الولد واقف
ادم :- امشى ياض نام فى اوضك
عمر :- مسك ايد سلوى وقال يلا بينا يا ماما
سلوى :- يلا يا حبيب ماما ومشوا مع بعض
عمر :- لف براسه وبص لادم وطلع لسانه ليه
ادم :- بغيظ يا ابن ال طالع لمين الولا ده اخد منى المزه ابن المبقعه وطلع على اوضه بغيظ وقعد ينتظر سلوى وبعد وقت طويل دخلت سلوى الاوضه بصلها بغيظ وقال كل ده بتعملى ايه
سلوى :- ايه مكانش عايز ينام واخد وقت طويل على ما نام
ادم :- وربنا لعلقه ابن المضايقه ده
سلوى :- قعدت تضحك عليه
ادم :- وقف وقال بتضحكى عجبك اللى حصل ده صح
سلوى :- وهو ايه فهمه بس ده طفل صغير
ادم :- طفل ده انا وانتى اللى اطفال بالنسبه ليه وقرب منها وقال سيبك من كل ده نورتى اوضى يا قلبى
سلوى :- ليه هو انا اول مره ادخل فيها
ادم :- لاء مش اول مره تدخليها بس اول مره تدخليها واحنا متجوزين وقرب من شفايفها ولسه هيبوسها
سلوى :- بعدت عنه وقالت ا.ا انا هدخل الحمام وسابته ودخلت الحمام
ادم :- بغيظ هو ايه حكاية ام البوسه اللى مش عارف اخدها دى وغير هدومه وقعد على السرير ينتظر خروجها وبعد وقت خرجت سلوى من الحمام بعد ما غيرت هدومها وبصت على ادم لاقيته على السرير ونايم اتصدمت وراحت قعدت جمبه على السرير وقالت
سلوى :- انت نمت
ادم :- مردش عليها
سلوى :- اتنهدت وحطت عليه الغطا ونامت جمبه وقعدت تبص عليه واتفاجئت بأدم بيشدها فى حضنه قالت ا.ا ايه ده انت صاحى منمتش
ادم :- انام ايه ده انا قتيل الليله وقرب منها وباسها وبعد وقت بعد عنها وبص فى عينيها وقال اخيرآ
سلوى :- بصت ليه بكسوف وقالت هو ايه اللى اخيرآ
ادم :- اخد البوسه
سلوى :- ضربته على كتفه بكسوف وقالت غلس متكسفنيش بقى
ادم :- هو انتى لسه شوفتى حاجه وقرب منها وباسها و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•~•~•~•~•~•~•
مر شهر على ابطالنا
فى الشركه
دخلت مريم الاجتماع متأخره وهى بتنهج وقالت
مريم :- اسفه يا جماعه اتأخرت عليكم
مراد :- ولا يهمك اقعدى احنا لسه هنبدء
مريم :- قعدت على الكرسى اللى قصاد عبدالرحمن ومبصتش ليه
احد العملاء بص لمريم بأعجاب وقرب من زميل ليه وقال
…….:- شايف المزه دى بجد حلوه اوى
رد عليه زميله وقال :- فعلا جميله جدآ
…….:- بعد الاجتماع هحاول اتعرف عليها شكلها مش مخطوبه ولا متجوزه واقضى معاها يومين حلوين
عبدالرحمن :- سمع كلامهم وداس على أسنانه وبص ليهم بغيظ
وبعد وقت انتهى الاجتماع وخرجوا من غرفة الاجتماع وسمعت مريم حد بينادى عليها ويقول
……:- انسه يا انسه
مريم :- وقفت بأستغراب وبصت ليه وقالت حضرتك بتنادى عليا انا
……..:- ايوه انا كرم اللى كنت معاكم فى الاجتماع
مريم :- اهلا بحضرتك اتفضل تأمرنى بحاجه
كرم :- انا كنت عايز بس اشكرك على مجهودك اللى بتبذليه فى شغلك ده
مريم :- شكرآ لحضرتك بس انا بقوم بشغلى مش اكتر عن اذن حضرتك
كرم :- يا انسه ثوانى بس
مريم :- نفخت وقالت خير حضرتك فيه حاجه تانى
كرم :- ها ا.ا.اه هو حضرتك اسمك ايه
مريم :- وانت مالك بأسمى
كرم :- ها ع.ع.علشان لو فيه حاجه فى الشغل وكده اجى اقابل حضرتك
مريم :- اولا حضرتك لو فيه مشكله بتيجى تقابل استاذ مراد مش انا وعلى فكره استاذ مراد يبقى اخويه ثانيآ واضح جدآ أن حضرتك مش ناوى على شغل وبتعاكس وبدليل انك جيت ورايا تكلمنى بعيد عن الرجاله وانا مش هقبل بكده وثالثآ انا مدام مش انسه اتفضل حضرتك من غير مطرود ولسه هتمشى اتفاجئت بعبدالرحمن واقف وراها اتوترت وقالت ا ا انت
عبدالرحمن :- شد مريم وراه ووقف قصاد كرم وقال لما تدخل شركات محترمه ابقى اتعلم الادب يا روح امك وضربه بالبوكس فى وشه
مريم :- بصدمه عبدالرحمن اهدا وشدته بعيد عن كرم
كرم :- مسكه من هدومه وضربه بالبوكس فى وشه وقال انا هعرفك ازاى تمد ايدك عليا
عبدالرحمن :- مسكه من هدومه وضربه فى وشه وقال هتعمل ايه يعنى ،انت واحد و*** وانا هعرفك تحترم نفسك ازاى
والموظفين اتجمعوا وبعدوهم عن بعض وجه مراد وقال
مراد :- فيه ايه يا عبدالرحمن
عبدالرحمن :- البيه كان بيعاكس مريم
مراد :- بص لكرم وقال حضرتك ازاى تعمل كده دى اختى والمفروض انكم شركه محترمه والناس اللى فيها ناس محترمه وبتحترم وظيفتها
وفى الوقت ده جه صديق كرم وقال
…….:- احنا اسفين يا جماعه هو ميقصدش هو بس كان بيسأل الانسه على حاجه وحصل سوء فهم احنا اسفين مره كمان واخد كرم ومشى
مراد :- خلاص يا جماعه كل واحد على شغله
وبص لمريم وقال وانتى يا مريم روحى مكتبك وبص لعبدالرحمن وقال وانت تعالى معايا
عبدالرحمن :- بص بغيظ لمريم وداس على أسنانه وقال بعد كده لما تلاقى واحد بينادى عليكى متقفيش ليه فاهمه
مريم :- وانت مالك أقف ليه ولا مقفش يخصك فى ايه
عبدالرحمن :- متنسيش انك ام ولادى وسمعتك تخصنى
مريم :- وانا معملتش حاجه تسوء سمعتكم وبعرف اوى اتصرف ازاي فى المواقف زى دى انت مش واصى عليا انت فى الاول والاخر تبقى طليقى وأبو ولادى مش اكتر فاهم وسابته ومشيت
عبدالرحمن :- شايف اختك بتعمل ايه
مراد :- هى مغلطتش انت اللى غيرتك عليها واضحه اوى ومعصباك
عبدالرحمن :- انا لا غيران ولا زفت
مراد :- طيب امشى معايا على مكتبى
عبدالرحمن :- لاء مش رايح فى حته انا داخل مكتبى وسابه ودخل مكتبه
مراد :- ابتسم على غيرة عبدالرحمن على مريم ورجع تانى على مكتبه
مريم :- دخلت المكتب بتاعها وقفلت الباب وراها وابتسمت بفرحه على غيرة عبدالرحمن عليها وقعدت على الكرسى وقالت بفرحه اخيرآ أتأكد أنه لسه بيحبنى هيييييح وقعدت تشوف شغلها
~•~•~•~•~•~•~•~•~•~•~•~•~•~•~•~•~•~•~•
فى شقة مهند
حست سمر بوجع جامد فى ضهرها مسكت تليفونها وطلبت رقم انجى وانتظرت الرد
انجى :- قلبى اللى مطنشنى
سمر :- بتعب انجى فيه خبط جامد فى ضهرى كده تبقى ولاده
انجى :- بقلق طيب فيه حاجات تانيه غير الخبط ده
سمر :- بتعب زى ايه مش فاهمه
انجى :- يعنى فيه (……)
سمر :- ا.ا ايوه فيه
انجى :- تبقى ولاده يا سمر بس لسه بدرى على ما تولدى بصى اقفلى وانا جايه ليكى
سمر :- تعالى على المستشفى انا هتصل بمهند يجى يودينى
انجى :- ماشى باى وقفلت السكه
سمر :- قفلت مع انجى واتصلت على مهند وقالت بتعب تعالى بسرعه يا مهند انا تعبانه اوى
مهند :- ماشى انا جاى حالا وقفل السكه
سمر :- قعدت تروح وتيجى فى الشقه بتعب وبعد وقت وصل مهند لاقه سمر بتعيط طلع يجرى عليها وقال
مهند :- مالك يا حبيبتى
سمر :- بدموع تعبانه اوى يا مهند
مهند :- طيب تعالى يلا على المستشفى
سمر :- هات العبايه طيب
مهند :- دخل جاب العبايه ولبسها لسمر ونزلوا ركبوا تاكسى وراحوا على المستشفى وكشف عليها الدكتور وقال إنها ولاده
سمر :- مسكت ايد مهند وقالت أنا خايفه اوى يا مهند
مهند :- طبطب على ايديها وباسها وقال متخافيش يا حبيبتى أن شاءالله هتولدى مازن وهتبقى زى الفل
سمر :- يارب يا حبيبى يارب
ودخلت سمر تولد وفضل مهند قلقان على سمر واتصل على أخواتها وبلغهم وبعد وقت ولدت سمر وخرجت الممرضه بالمولد وقالت
الممرضه :- مبروك عريس زى القمر
مهند :- اخده منها وقال وسمر عامله ايه
الممرضه :- كويسه الحمدالله وشويه وهتدخل اوضتها
مهند :- باس مازن بفرحه واخدته الممرضه منه تانى وشويه والكل اتجمع ودخلت سمر اوضتها وقعد جمبها مهند وباس راسها وقال حمدالله على السلامه يا قلبى
سمر :- بتعب الله يسلمك يا حبى
علياء :- حمدالله على السلامه يا سموره اخيرآ بقيتى ام وهتعقلى
سمر :- ضحكت وقالت الله يبارك فيكى يا لولو بس انا زى ما انا هفضل سمر المجنونه
مياده :- استعدى بقى يا حلوه لسهر الليالى وودعى النوم
سمر :- ربنا يبشرك بالخير بس على قلبى زى العسل يسهر براحته حبيب ماما
مياده :- كلنا بنقول كده فى اولها وبعد كده نفضل نعيط علشان عايزين ننام شويه
مروان :- فعلا اسأل مجرب شهر مش عارفين ننام من الست هانم
مهند :- والله يا جماعه مش عارف اقولكم ايه على كلامكم ده انتو بتطمنونا ولا بتخوفونا
مراد :- انا واحد لسه مجربش ومش باقى على الدنيا بحاجه ومقدرش أفيدك
عبدالرحمن :- وانا بقى جربت وبقولكم والله احسن واحلى ايام اه هتبقوا عايزين تناموا بس ضحكتهم وفرحتهم بليل تنسيك الدنيا بحالها
الكل بص لبعض على كلام عبدالرحمن
علياء :- ربنا يريح قلبك ويسعدك يا حبيبى
وفى الوقت ده دخلت مريم وقالت
مريم :- حمدالله على سلامتك يتربى فى عزكم
سمر :- الله يسلمك يا مريم
مهند :- تعالى يا مريم اقعدى
مريم :- لالالا انا جيت ابارك ليكم على المولود وماشيه علطول
علياء :- ليه خليكى يا مريم قاعده معانا
مريم :- لاء شكرآ انا لازم اروح علشان العيال مش ساكتين مع ماما وبعدين ماما عايزه تيجى تطمن على سمر هروح اقعد انا بيهم وهى تيجى
مياده :- خليكى ومراد يروح يجيبها هى والعيال فى العربيه احنا هنتجنن عليهم واحشنى اوى والله
مريم :- معلش مره تانيه
مهند :- تعالى اوصلك طيب
مريم :- لالالا خليك انت مع مراتك انا هروح لوحدى
مراد :- تعالى انا اوصلك
مريم :-ماشى ولسه هيخرجوا
عبدالرحمن:- اتنهد وقال استنوا
الكل بص لبعض بأستغراب
مراد :- فيه حاجه يا عبدالرحمن
عبدالرحمن :- احم ا.ا اه فيه
مراد :- خير
عبدالرحمن :- كنت بقول كفايه لحد كده ونرجع تانى لبعض علشان العيال وكده
مراد :- مش فاهم انت عايز ايه
عبدالرحمن :- عايز نرجع انا ومريم لبعض
مريم :- كانت فرحانه وبصت الاتجاه التانى علشان عيونها متفضحهاش
مياده :- بفرحه الله ينور عليك هو ده الكلام الصح يا عبده
علياء :- احسن قرار اخده يا عبده ربنا يسعدك يارب
سمر :- ايوه بقى من إنجازات اليوم اللى انا ولد فيه بركاتى والله انا طول عمرى اقول على نفسى بركه
مهند :- اركنى انتى يا ست بركه على جنب وبص لمريم وقال ايه رأيك يا مريم
مريم :- مردتش عليه
مراد :- انا شايف أن احسن قرار انك توافقى علشان فيه اولاد ما بينكم يا حبيبتى
مريم :- بصت ليهم كلهم وبصت لعبدالرحمن وهزت راسها بالموافقه
سمر :- لو مكنتش لسه والده كنت زغرط ليكم والله مبروك يا بودى مبروك يا مريم
علياء :- ربنا يصلح ليكم الحال يارب
مياده :- كده بقى العيله بتاعتنا اكتملت ربنا يجمعنا دايمآ على الفرحه
وفى الوقت ده دخلت انجى وقالت
انجى :- ايه ده هو انا فاتنى حاجه ولا ايه
سمر :- لااااا ده انتى فاتك كتير اوووووى
هيثم :- ليه قولتلها بس هتقرف امى علشان انا السبب فى تأخيرها
وفى الوقت ده جه ادم وسلوى
ادم :- حمدالله على السلامه يا سمر تتربى فى عزكم يارب
سمر :- الله يسلمك يا ادم ومبروك على جوازك معلش متأخره شويه بس غصب عنى والله كنت تعبانه
ادم :- الله يبارك فيكى ولا يهمك
علياء :- عامله ايه يا عروسه
سلوى :- الحمدالله كويسه
ادم :- شال البيبى وقال بسم الله ماشاءالله خدى يا سلوى اتوحمى عليه
سمر :- ايه ده هى حامل
ادم :- بفرحه لسه عارفين الخبر ده دلوقتى حالا قبل ما ندخل عندك
علياء :- مبروك يا سلوى ربنا يكملك على خير
سلوى. :- الله يبارك فيكى
انجى :- ده يوم الحوامل بقى اصل انا لسه عارفه ان انا حامل قبل ما اجى هنا علطول
سمر :- بجد مبروك يا انجى
مياده :- مبروك يا انجى ربنا يكملك على خير
علياء :- يارب نفضل دايمآ فرحانين ومبسوطين
مريم :- بصت لعبدالرحمن بحب وقالت يارب
عبدالرحمن :- ابتسم ليها وقال يارب والكل كان مبسوط وسعيد وانتهى اليوم وكل واحد اخد مراته وروح على بيته وعبدالرحمن كتب كتاب مريم واخد العيال وراحوا على البيت والكل عاش سعيد ومبسوط
#النهايه
#تمت_بحمد_الله
~•~•~•~•~•~•~•~•~•~•~•~•~•~•~•~•~•~•~
لقراءة الرواية كاملة اضغط على : (رواية فرصه استثنائية)
