رواية فرصه استثنائية الفصل العاشر 10 بقلم دودو محمد
رواية فرصه استثنائية الجزء العاشر
رواية فرصه استثنائية البارت العاشر
رواية فرصه استثنائية الحلقة العاشرة
انتهى اليوم وجاء الليل ودخلت مريم الاوضه عند مهند لاقيته نايم على السرير وبيتكلم مع سمر بصت ليه وقالت بصوت عالى
مريم :- بتقولك ماما اجهز يلا علشان تروح تشوف العروسه
مهند :- حط أيده على السماعه وقال يلعن ابو شكلك اطلعى بره يا بت
مريم :- ايه اقولها ايه
مهند :- قوليلها مش رايح
مريم :- امك هتزعل ودى واحده مريضه بالضغط والسكر ولو حصلها حاجه هتبقى انت السبب
مهند :- امشى اطلعى بره بكرامتك احسن اقسم بالله احدفك من البلكونه وانا مجنون واعملها
مريم :- أنا مالى انت حر وخرجت وقفلت الباب وراها
مهند :- ايوه يا سمر معاكى
سمر :- عروسة ايه دى اللى هتروح تشوفها يا مهند
مهند :- اتنهد وقال مش انا قولتلك قبل كده أن امى جايبه عروسه ليا
سمر :- والله والمطلوب منى ايه بقى اجى ابارك ليكم
مهند :- يا بت انا مش هتجوز غيرك مهما يعملوا انا بحبك انتى خليكى واثقه من حبى ده
سمر :- انا مش خايفه غير من اختك الصراحه اصل دى عايزه جنازه وتشبع فيها لطم
مهند :- ولا اختى ولا الدنيا بحالها تقدر تبعدنى عنك بعشقك وربنا
سمر :- ابتسمت بحب وقالت وانا بحبك وبعشقك وبموت فيك ومقدرش اعيش من غيرك
مهند :- ياااااه بعد الكلام الجميل ده مين المجنون اللى يفكر يبعد عنك انت يا عسل
سمر :- ضحكت وقالت بموت فى خفة دمك
مهند :- وانا بعشق كل حاجه فيكى وفى الوقت ده دخلت حكمت وهى متعصبه وقالت كده يا مهند طيب خليها تنفعك وانت ولا ابنى ولا اعرفك وقلبى غضبان عليك ليوم الدين
مهند :- اقفلى دلوقتى يا سمر
سمر :- طيب فيه ايه
مهند :- اقفلى دلوقتى بس و هبقى اكلمك كمان شويه باى وقفل السكه مع سمر وبص لامه وقال يا ماما انا بحب سمر ومش هتجوز غيرها متخليش السوسه اللى جمبك دى توسوس فى ودانك وتقومك علينا
مريم :- وانا مالى انا قولتلها زى ما انت قولتلى
حكمت :- انا محدش وسوس فى دماغى يا مهند وجواز من سمر مش هيحصل وهتتجوز اللى اختارتها ليك
مهند :- انا مش هتجوز غير سمر يا اما مش اهم حاجه عندك سعادتى، انا سعادتى مع سمر
حكمت :- انا مش هستنى لما ترجعلى جثه البت دى مش بيجى من وراها غير المشاكل ووجع القلب
مهند :- مش كلامك ده يا اما ده كلام مقصوفة الرقبه اللى جمبك دى منك لله يا شيخه
مريم :- فيه ايه مش طايقني كده ليه كأنى مرات ابوك اه انا قولتلها كده بس علشان خايفه عليك البت دى طول عمرها وهى صفرا كده وبتاعة مشاكل ومدلعه وانت حمش وممكن تتحمق عليها وتموت اى حد ولا تروح فيها بسببها
مهند :- هى برضه اللى صفرا وبتاعة مشاكل شوف مين بيتكلم ام غل هى اللى بتقول كده
مريم :- سامعه يا ماما ابنك
حكمت :- اسكتى انتى هتقوم تلبس ولا لاء
مهند :- لاء
حكمت :- اخر كلام عندك
مهند :- اه انا بحب سمر ومش هتجوز غيرها
حكمت :- ماشى يا مهند وخرجت من الاوضه وخرجت وراها مريم
مهند :- اتنهد بغيظ واتصل بسمر تانى
سمر :- ايه عملت ايه
مهند :- ولا حاجه متشغليش بالك بحاجه انا ليكى وانتى ليا ومحدش هيقدر يبعدنا عن بعض مهما حصل
سمر:- بحبك
مهند :- بعشق امك
سمر :- قعدت تضحك
مهند :- اموت انا وقعدوا يتكلموا مع بعض لحد ما ناموا الاتنين
~•~•~•~•~•~•~•~•~•~•~•~•~•~•
عند علياء ومراد وساره
خلصوا اكل والتلاته طلعوا على الاوض بتاعتهم دخلت علياء الاوضه وهى متغاظه من وجود ساره معاهم غيرت هدومها ونامت على السرير والتليفون رن ردت عليه وقالت
علياء :- خير متصل ليه
مراد :- واحشتينى
علياء :- والله ده احنا لسه سايبين بعض لحقت
مراد :- انتى بتوحشيني حتى وانتى معايا يا علياء
علياء :- ما كفايه الاخت ساره اللى معانا فى كل حته نروح فيها
مراد :- تانى يا علياء
علياء :- بجد حاجه تخنق
مراد :- معلش هما يومين وهنرجع مصر ونتجوز ونبقى مع بعض علطول ومفيش حد هيشاركنا تانى أبدآ
علياء :- عارف انا هتجنن على منار وزين اول مره ابعد عنهم كده
مراد :- وانا كمان والله هتجنن عليهم
علياء :- مش عارفه قلقانه عليهم اوى كده ليه
مراد :- طيب اطمنتى عليهم
علياء:- ايوه اتصلت بسمر وطمنتنى عليهم بس قلقانه لسمر متعرفش تاخد بالها منهم اول مره سمر تقعد بأطفال اصلا
مراد :- ليه فين سعديه
علياء:- النهارده اجازه علشان رايحه تزور ابنها
مراد :- متخافيش أن شاءالله خير
علياء :- انا اتصلت بعبد الرحمن علشان يروح يقعد معاهم اليومين دول لاقيته هناك اصلا قالى أن سمر اتصلت بيه وهو نقل الفيلا لحد ما ارجع
مراد :- طيب خلاص قلقانه ليه ما معاهم عبدالرحمن
علياء:- مش عارفه بقى
مراد :- أهدى كده انتى بس علشان اول مره تبعدى عنهم كلها يومين ونرجع مصر أن شاءالله وتخديهم فى حضنك تانى
علياء :- أن شاءالله يلا بقى علشان هموت وانام
مراد :- ماشى يلا تصبحى على خير
علياء :- وانت من أهله باى وقفلت التليفون وحطت راسها على المخده وقعدت تفكر فى مراد لحد ما عينيها راحت فى النوم ونامت
~•~•~•~•~•~•~•~•~•~•~•~•~•~•
مر يومين على ابطالنا
صحى مهند من نومه وقام قعد على السرير ومسح بأيده على وشه واتنهد وقام خرج من الاوضه وقال
مهند :- صباح الخير
حكمت :- بصت الاتجاه التانى ومردتش عليه
مهند :- واخرت اللى انتى بتعمليه ده ايه مخصمانى بقالك يومين كل ده ليه علشان مرضتش اتجوز واحده تانيه غير اللى بحبها
حكمت :- مريم بت يا مريم
مريم :- خرجت من الاوضه وقالت نعم يا اما
حكمت :- قولى لاخوكى لسانه ميخطبش لسانى غير لما ينفذ اللى قولتله عليه
مريم :- بصت لمهند وقالت سمعت
مهند :- بص لمريم بقرف وسابها ومشى
مريم :- جدعه يا اما استمرى وهو هيلين فى الاخر ويسمع كلامك
حكمت :- ربنا يهديه ويبعد عنه البنت دى بقى
مريم :- يارب يا اما دى عقربه وماسكه فيه بأيديها واسنانها ربنا يكفينا شرها يارب ودخلت تانى اوضتها
مهند :- خرج من الحمام ودخل اوضه غير هدومه وخرج من غير ولا كلمه ونزل
حكمت :- بصت عليه وهو ماشى واتنهدت وقالت ربنا يصلح حالك يا ابنى يارب
~•~•~•~•~•~•~•~•~•~•~•~•~•~•
فى فيلا أدم
صحى أدم من نومه على صوت عمر فتح عينه وبص لعمر بأستغراب وقال
أدم :- عمر بتعمل ايه هنا
عمر :- بلعب
أدم :- فين سلوى
عمر :- معرفش
أدم :- قام قعد ومسك تليفونه واتصل على سلوى وانتظر الرد
سلوى :- خير يا استاذ أدم
أدم :- انتى فين مجتيش لحد دلوقتى ليه
سلوى :- اسفه اتأخرت شويه عمومآ ربع ساعه واكون عند حضرتك
أدم :- اتنهد وقال ماشى يا سلوى سلام وقفل السكه وبص لعمر وقال سلوى جايه دلوقتى خليك هنا متعملش حاجه على ما ادخل الحمام ماشى ولعب فى شعره وقام من على السرير ودخل الحمام وبعد وقت خرج من الحمام وهو حاطط البشكير حاولين وسطه وصدره عريان بص لاقه عمر بيلعب فى ورق الشغل بتاعه اتصدم وقال ولا بتعمل ايه وطلع يجرى عليه
عمر :- اخد ورقه من عنده وطلع يجرى بيها بره الاوضه
أدم :- هات يا عمر ده ورق مهم بتاع الشغل
عمر :- وهو ماسك الورقه قال لاء
أدم :- خرج من الاوضه وطلع يجرى عليه
عمر :- طلع يجرى من ابوه بس وهو بيجرى خبط فى سلوى
أدم :- وقف مره واحده لما لاقه سلوى قصاده علطول والمسافة قريبه ما بينهم بص ليها فى عينيها
سلوى :- بصت ليه بتوتر وكسوف ورجعت وراه وقالت ه.ه.هو ايه اللى حصل
أدم :- احم عمر اخد ورقه مهمه بتاعة الشغل وبيلعب بيها
سلوى :- اخدت الورقه من ايد عمر وقالت الورقه اهى
أدم :- مد أيده واخد منها الورقه وبصلها وقال انتى كنتى فين
سلوى :- ك.ك.كنت فى مشوار مهم
أدم :- ممكن اعرف نوع المشوار ايه بالظبط
سلوى :- بعدم فهم مش فاهمه يعنى ايه نوعه
أدم :- يعنى يخص أشخاص معينه ولا مشوار عادى
سلوى :- برضه مش فاهمه
أدم :- يعنى مشوار عاطفى فهمتى كده
سلوى :- اااه لاء حضرتك انا مليش فى السكه دى عن اذنك
أدم :- سلوى استنى
سلوى :- وقفت وهى ضهرها ليه ومن غير ما تبص ليه قالت نعم
أدم :- فيه ايه مالك بقالك يومين بتتهربى من الكلام معايا وبتحاولى متقعديش فى المكان اللى انا فيه ممكن افهم ليه كل ده
سلوى :- غمضت عينيها وقالت علشان المفروض ده اللى يحصل يا استاذ أدم
ادم :- وقف قصادها وقال انتى قولتى جمله من يومين بحاول افهم معناها يعنى ايه الجمله دى انا مش زى ما انت فاكر نفسى اعرف تقصدى ايه يا سلوى
سلوى :- لسه هتمشى
أدم :- مسكها من دراعها وقال مش هتعرفى تهربى منى المرادى يا سلوى جاوبينى تقصدى ايه بالجمله دى
سلوى :- ل.ل.لو سمحت سيب دراعى
أدم :- مش هسيبك غير لما تتكلمى يا سلوى
سلوى :- غمضت عينيها وقالت علشان انا مش انسه زى ما حضرتك مفكر انا متجوزه
أدم :- بصلها بصدمه وقال متجوزه
سلوى :- بدموع ايوه
أدم :- طيب ازاى
سلوى :- زى الناس عادى واحده متجوزه
أدم :- ساب دراعها وقال يعنى انتى دلوقتى على ذمة راجل
سلوى :- بصت ليه بدموع وهزت راسها
أدم :- بس انتى معجبه بيا ازاى وانتى متجوزه معقوله تكونى بالقذاره دى
سلوى :- متحكمش على الناس وانت متعرفش حاجه عن ظروفهم
أدم :- انا قدامك اهو عرفينى ظروفك، ظروف ايه دى اللى توصلك تبصى لراجل تانى وانتى متجوزه
سلوى :- ربنا أعلى واعلم بكل حاجه يا استاذ أدم
أدم :- ونعم بالله بس ممكن اعرف
سلوى :- دى حياتى الشخصيه ومش من حق اى حد يدخل فيها
أدم :- بس انا عرفتك كل حاجه عن حياتى
سلوى :- وانا مطلبتش منك تحكى انت اللى قولت من نفسك عن اذنك ولسه هتمشى
أدم :- مسكها من دراعها وقال استنى هنا رد عليا
سلوى :- لو سمحت سيب دراعى وخلينى اروح اشوف شغلى
أدم :- مش هسيبك تمشى غير لما تقوليلى كل حاجه
سلوى :- حاولت تشد دراعها من أيده وتمشى
أدم :- مسك دراعها اكتر وشدها وقعت فى حضنه
سلوى :- سندت بأيديها على صدره وبصت ليه بصدمه
أدم :- بص فى عينيها وسرح فيهم
سلوى :- زقته بعدته عنها ونزلت تجرى
أدم :- وقف مكانه مصدوم مش قادر يصدق أن سلوى فعلا متجوزه دخل اوضه وقفل الباب وراه وراح وقف قصاد المرايا ومسك ازازة البرفيوم بتاعه وحدفها على المرايا وكسرها وغمض عينه علشان يهدا وراح قعد على السرير وحط راسه ما بين ايديه
~•~•~•~•~•~•~•~•~•~•~•~•~•~•
فى فيلا علياء
صحيت مياده من نومها على صوت عامر ابنها قامت قعدت وشالته حطته على رجليها وقالت
مياده :- مالك يا حبيبى وحطت ايديها على راسه لاقيت حرارته مرتفعه جدا اتنهدت وقالت يا حبيبى انت سخن اوى
وقامت جابت ميه و قماشه وقعدت جمبه وبدأت تعمله كمادات والباب خبط قامت فتحت الباب وقالت تعالى يا سمر
سمر :- دخلت وقالت ماله عامر
مياده :- قعدت على السرير وقالت حرارته مرتفعه
سمر :- طيب من ايه
مياده :- مش عارفه
سمر :-طيب تعالى نروح بي الدكتور
مياده :- لالالا على ايه انا هعمله كمادات وهديله اى خافض للحراره وهيبقى كويس إن شاءالله
سمر :- يا بنتى اسمعى الكلام
مياده :- يا سمر خلاص بقى
سمر :- لو على الفلوس متشغليش بالك تعالى بس نروح نطمن عليه
مياده :- لاء يا سمر بس لو فيه خافض حراره من بتاع منار هاتيه
سمر :- مش عارفه هروح اشوفلك وخرجت من الاوضه وشويه وجت وقالت ده كويس اديله منه وإن شاءالله هيكون كويس
مياده :- اخدته منها واديته منه وقعدت تعمله كمادات
سمر :- مش ناويه تحكى بقى وتتكلمى يا مياده
مياده :- ها ا.ا.احكى ايه مش فاهمه
سمر :- ايه حصل بينك وبين مروان
مياده :- يا بنتى مفيش حاجه خلاف عادى زى اللى بيحصل فى اى بيت
سمر :- مروان مد أيده عليكى صح
مياده :- ل.ل لاء مين قال كده
سمر :- اصل مش مياده اللى هتسيب البيت علشان خلاف بسيط وبعدين انتى بدارى جسمك علطول بلبس مقفول علشان مش عايزه حد مننا يشوف جسمك والكدمات اللى فيه
مياده :- بلاش هبل مفيش حاجه من دى
سمر :- ورينى دراعك يا مياده
مياده :- ها ل.ل.ليه
سمر :- كده
مياده :- يا سمر خلاص بقى خلينى اشوف الولا المريض ده
سمر :- انا اتأكد أن مروان مد أيده عليكى وانا هقول لعبدالرحمن اخليه يتصرف معاه ولسه هتقوم من على السرير
مياده :- مسكت دراع سمر وقالت علشان خاطرى متقوليش حاجه لعبدالرحمن
سمر :- شوفتى كان عندى حق انتى ازاى تسمحى ليه يمد أيده عليكى يا مياده انتى عمرك ما كنتى ضعيفه كده ايه حصلك
مياده :- بدموع انا مش ضعيفه يا سمر بس انا ام مش عايزه ابنى يكبر فى مشاكل ويتعقد عايزه أعيشه فى جو هادى مروان مش وحش بيحبنى وانا متأكدة من ده بس كل مشكلته أن غيرته قلبت بشك وبقى مريض بى انا بعد عنه علشان يراجع نفسه ويتعالج وانا متأكدة أنه هيعمل كده لو حد عرف بالموضوع ده هبقى كبرت المشكله وهزعل الاطراف كلها من بعض ومش هستفاد حاجه وهبقى مضطره ابقى فى صف واحد منهم وسعتها هختار اخويا وهخسر مروان للابد خلينا كده لحد ما يتعالج يا سمر كلامى ده مش هتحسى بى غير لما تكونى ام
سمر :- وانا علشان ابقى ام اجى على كرامتى يا مياده طيب ما هو بيشوف نظرت عيونك الحزينه والوجع اللى فيهم بيشوف انكسارك وده هيولد منه شخصيه هشه ضعيفه انيل من أنه يعيش بعيد عن أبوه انا عندى تبعدى و يشوف امه عندها كرامه ست قويه و عظيمه بجد وسعتها هيطلع راجل بجد وفاهم معنى الكرامه والرجوله
مياده :- ده كلام يا سمر لكن لما تكونى ام هتعرفى أن الطفل مصلحته فى أن يعيش وسط أمه وأبوه ومروان مش وحش لدرجاتى هو مد أيده عليا مره او اتنين بالكتير وانا متأكدة أنه هيتغير علشانى
سمر :- ما هى المره ولا الاتنين دول لو اتساهلتى فيهم هتبقى كتير اوى يا مياده انتى حره نزلى من نفسك وكرامتك تحت مسمى الامومه الوهميه زيك زى ناس كتير اوى دلوقتى بتقول ياريت كنت عملت واقفه من المره الاولى انا مش عايزه اخرب عليكى حياتك ولا حاجه بس عايزه تعملى لنفسك قيمه وكرامه علشان تقدرى تعيشى اللى جاى من حياتك وانتى سعيده ومبسوطه وقامت وقفت وقالت ربنا يهديه ليكى يا مياده وسابتها وخرجت
مياده :- بصت على عامر بدموع واتنهدت وقعدت تعمله الكمادات
~•~•~•~•~•~•~•~•~•~•~•~•~•~•
فى شقة حكمت
جرس الباب رن ندهت حكمت من المطبخ وقالت
حكمت :- افتحى الباب يا مريم
مريم :- يووووه برضع الولا يا اما
حكمت :- يا بنتى انا بعمل الاكل
مريم :- هوف طيب خلاص وقامت فتحت الباب وقالت بفرحه عبده ايه جاى تخدنى
عبدالرحمن :- لاء انا جاى اشوف ولادى
مريم :- بزعل يعنى مش هترجعنى البيت
عبدالرحمن :- لاء وادخلى هاتى الولاد خلينى اشوفهم وامشى
مريم :- لو عايز لولادك بجد كنت رجعتنى البيت بس مدام مش ناوى ترجعنا يبقى ملكش عيال عندى
عبدالرحمن :- اقصرى الشر وادخلى هات العيال يا مريم
مريم :-لاء يا عبدالرحمن واللى عندك اعمله
حكمت :- جات من جوه وقالت مين يا مريم وراحت عند الباب وقالت عبدالرحمن تعالى يا ابنى ادخل
عبدالرحمن :- معلش يا خالتى مش هينفع انا استأذنت من مهند أن اجى اشوف الولاد النهارده وهو وافق
حكمت :- طيب ادخل يا حبيبى
عبدالرحمن :- والله ما هينفع بس بعد اذنك خليها تجيب الولاد اشوفهم
حكمت :- ادخلى يا مريم هاتى العيال من جوه
مريم :- لاء يا اما ملوش عيال عندى ميعملش فيها حنين اوى وهو مش طايق وجودنا فى البيت
عبدالرحمن :- اللهم طولك يا روح
حكمت :- اسمعى الكلام يا مريم وهاتى العيال لابوهم
مريم :- انا قولت لاء يعنى لاء وفى الوقت ده جات سجده ولسه هتجرى على ابوها مسكتها مريم وقالت امشى جوه يا بت
سجده :- بابا
عبدالرحمن :- غمض عينه وداس على أسنانه وقال انا ماسك اعصابى بالعافيه يا مريم قسمآ عظمآ لو مسبتيش البت هتشوفى منى وش عمرك ما شوفتيه قبل كده
مريم :- اللى عندك اعمله واخدت سجده ودخلت جوه
عبدالرحمن :- عجبك اللى مريم بتعمله ده يا خالتى
حكمت :- لا حولا ولا قوة الا بالله معلش يا ابنى اصبر عليها شويه وانا هخلى مهند يجيب ليك العيال لحد عندك تشوفهم
عبدالرحمن :- اتنهد وقال هصبر عليها علشان خاطرك انتى يا خالتى
حكمت :- ربنا يجبر بخاطرك يا ابنى يارب
عبدالرحمن :- عن اذنك
حكمت :- يا ابنى كنت دخلت شربت حاجه
عبدالرحمن :- معلش يا خالتى عندى شغل السلام عليكم ونزل وسابها
حكمت :- وعليكم السلام ورحمه الله وبركاته وقفلت الباب ودخلت عند مريم الأوضه وقالت واخرت اللى انتى بتعمليه ده ايه ده ابوهم وليه حق يشوفهم
مريم :- والله ما هخليه يشوف ضفرهم حتى خليه بقى يستغنى عننا خالص
حكمت :- يا بنتى بلاش دماغك الجزمه دى
مريم :- انا بقى دماغى جزمه خليه ينسى أن ليه ولاد من أساسه ويا انا يا هو لو مكنتش أخليه يجى يبوس رجلى علشان اسامحه وارجع معاه البيت مبقاش انا
حكمت :- لا حولا ولا قوه الا بالله العلي العظيم ربنا يهديكى يا بنتى ويصلح حالك وخرجت وسابتها
مريم :- قعدت تهز رجليها بغيظ وتقول ماشى يا عبدالرحمن
~•~•~•~•~•~•~•~•~•~•~•~•~•~•
عند سمر
خرجت من الفيلا ركبت عربيتها ومشيت بيها راحت على الشغل بتاعها وبعد وقت وصلت لاقت مهند واقف مستنيها نزلت من العربيه وهى مبتسمه وراحت عنده وقالت
سمر :- واقف من بدرى
مهند :- من شويه ايه اخرك كده
سمر :- كنت قاعده بتكلم مع مياده شويه
مهند :- ماشى انا جيت اشوفك بس وهروح افتح المحل
سمر :- مالك يا مهند
مهند :- مفيش
سمر :- لاء فيه شكلك زعلان من حاجه
مهند :- نفخ وقال امى مخصمانى ومش راضيه تكلمنى
سمر :- طيب ليه
مهند :- ما انتى عارفه
سمر :- علشان العروسه اللى جيباها ليك صح
مهند :- بصلها وهز راسه بمعنى ايوه
سمر :- بزعل خلاص اكسب رضاها ونفذ ليها اللى هى عايزاه
مهند :- ايه اللى انتى بتقوليه ده انتى مجنونه انا مش هاخد غيرك يا سمر
سمر :- يا سلام هتخدنى من غير رضى امك مش هينفع يا مهند
مهند :- انا مستنى اختك ومراد يرجعوا من السفر و هتجوزك يا سمر وامى مجرد ما تبعد عنها مريم وعن الزن فى ودانها هتقبل بالأمر الواقع
سمر :- اتنهدت وقالت مش عايزه اكون السبب فى المشاكل ما بينكم يا مهند ومش هاين عليا اشوفك وانت زعلان ومهموم كده
مهند :- مسك ايديها وقال انا عمرى ما ازعل طول ما انتى معايا يا سمر ده انا ما صدقت انك حنيتي عليا و سامحتينى وهتكملى معايا العمر كله انا بعشقك يا بت وابتسم ليها
سمر :- ابتسمت ليه وبصتله بحب وقالت وانا والله العظيم بحبك اوى ومقدرش اعيش من غيرك يا مهند
مهند :- ضحك وقال يخربيت طعامتك يا بت احمدى ربنا أننا فى الشارع كان زمانى دلوقتى مقطع الشفايف الجميله دى
سمر :- بكسوف مهند بطل قلة ادب
مهند :- هو انا طايل يا شيخه اتنيلى ده انا هموت عليها
سمر :- بضحك امشى يا غلس اتأخرت على الشغل
مهند :- باس ايديها وقال خلى بالك على نفسك
سمر :- حاضر وسحبت ايديها من أيده وابتسمت ليه ومشيت
مهند :- سمر
سمر :- وقفت وبصت ليه وقالت نعم
مهند :- بعت بوسه ليها فى الجو وقال بموت فيكى
سمر :- ابتسمت ليه بكسوف ودخلت تجرى على شغلها
مهند :- اتنهد بحب ووقف تاكسى ورجع على المحل بتاعه
~•~•~•~•~•~•~•~•~•~•~•~•~•~•
عند علياء ومراد
اتصل مراد بعلياء وبلغها أنها تنزل ليه تحت علشان يتغدوا وقفل معاها وقعد فى المطعم على الترابيزه واتفاجئ بساره جايه عليه اتنهد وقال
مراد :- ايه جابك دلوقتى ربنا يستر من ردة فعل علياء وابتسم لساره وقال ساره انتى رايحه فين كده
ساره :- ابتسمت ليه وقالت خبط على الباب عندك ملاقتكش قولت اكيد انت هنا جيت ليك
مراد :- ليه خير فيه حاجه
ساره :- لاء مفيش قولت تنزل معايا نتغدا
مراد :- اممم ا.ا اه اقعدى انا مستنى علياء
ساره :- قعدت وابتسمت ليه وقالت ممكن تطلب لينا حاجه نشربها على ما تنزل مدام علياء
مراد :- ها ا.ا اه طبعآ تشربى ايه
ساره :- اي حاجه على ذوقك
مراد :- ابتسم ليها وطلب اتنين عصير و شويه جه العصير وحط الكوبايه قصاد ساره وقال اشربى
ساره :- بأبتسامه شكرآ وفى الوقت ده جات علياء واتعصبت لما شافت ساره بصت لمراد وقالت
علياء:- عايزاك ثانيه
مراد :- وقف وراح معاها
علياء :- ممكن افهم جبتها ليه معاك
مراد :- والله انا مجبتش حد معايا هى اللى جات وقعدت معايا
علياء :- بص بقى انا جبت أخرى منها انا ماسكه نفسى عليها بالعافيه لو مسكتها هقطع شعرها
مراد :- قعد يضحك
علياء:- بغيظ بتضحك على ايه
مراد :- اصلك عسل اوى وانتى غيرانه ومتعصبه كده
علياء :- والله
مراد :- وحياتك عندى
علياء :- بأبتسامه متغيرش الموضوع لو سمحت
مراد :- خلاص بقى يا علياء النهارده اخر يوم وكلها كام ساعه وراجعين مصر استحمليها الكام ساعه دول علشان خاطرى
علياء :- نفخت وقالت لما نشوف اخرتها معاها ايه
مراد :- يلا امشى ومشوا الاتنين ورجعوا قعدوا على الترابيزه ومسك العصير وقال خدى اشربى لحد ما الاكل يجى
علياء :- مش عايزه
مراد :- ماشى وشرب العصير وجه الاكل اكلوا وبعد وقت انتهوا من الاكل ووقفت علياء بغيظ وقالت
علياء :- انا طالعه انام الكام ساعه دول
مراد :- بأستغراب هتنامى من دلوقتى
علياء :- بصت بقرف لساره وقالت اه بدل ما اتجلط من الغيظ وانت ايه مطول ولا ايه حكايتك
مراد :- هحاسب ووراكى علطول وربنا
علياء :- ماشى وسابتهم وطلعت على اوضتها
مراد :- حاسب وبص لساره وقال قاعده ولا طالعه اوضك
ساره :- قالت ها ل ل لاء طالعه معاك
مراد :- وقف وقال طيب يلا بس حس بدوخه ومسك راسه
ساره :- م.م.مالك
مراد :- مش عارف دوخت مره واحده
ساره :- طيب هات ايديك اسندك
مراد :- ل.ل.لاء شكرآ وحاول يمشى بس الدوخه زادت عليه وكان هيوقع
ساره :- مسكته وقالت خلى بالك تعالى اوصلك اوضك
مراد :- وهو بيحاول يفتح عينه قال ماشى وطلع مع ساره فوق وفتح عينه بالعافيه ومشى أيده على شفايف ساره وقرب منها
ساره :- ا ا استاذ مراد مينفعش اللى حضرتك بتعمله ده امشى معايا
مراد :- افتحى اوضك
ساره :- ها
مراد :- افتحى اوضك بقولك
ساره :- ب.ب بس
مراد :- مشى صوابعه على شفايفها وقال ششش اسمعى اللى بقولك عليه
ساره :- فتحت باب اوضتها ودخلت فيها وهى سانده مراد
مراد :- قفل الباب وسند ضهر ساره عليه وقرب منها ولسه هيبوسها
ساره :- ل.ل.لاء انت هتعمل ايه انا معرفش أن هيحصل كده
مراد :- شدها ليه وقال هعمل ايه هبوسك
ساره :- يا نهار اسوح الله يحرقك يا مريم انتى مقولتيش أن الحبايه هتعمل كده وزقت مراد وقالت ل.ل.ل لاء مش هينفع ارجوك ابعد عنى
مراد :- شالها وحطها على السرير
ساره :- قامت جريت ووقفت وقالت ابوس ايدك بلاش تقرب منى منك لله يا مريم
مراد :- طلع يجرى وراها وقال تعالى بقولك
ساره :- بعدت عنه وقالت ابوس ايدك فؤق يا خبر اسود ومنيل ياريت ما حطيت الحبايه فى العصير
مراد :- مسكها وقرب منها وقعد يبوس فيها
ساره :- دموعها نزلت وقعدت تزق فيه وتبعده عنها وتقول ابوس ايدك فوق بلاش تعمل فيا كده ابعد عنى ارجوك بلاش ارجوك مراد فوق وحياه بنتك وقعدت تعيط
مراد :- قام وقف وهز راسه جامد ومسك راسه بألم شديد وغمض عينه ورجع فتحها وبص لساره وشافها علياء لحظة ما اغتصابها رجع لوراه وقعد يهز راسه يمين وشمال ويقول أنا آسف يا علياء مكنتش اقصد اعمل فيكى كده اسف وحس الدنيا بتلف بيه ووقع على الأرض واغمى عليه
ساره :- يا خبر اسود ومنيل وراحت عنده وقعدت تخبط على وشه ودموعها نازله وتقول مراد يا مراد رد عليا ابوس ايدك رد عليا ربنا ينتقم منك يا مريم وقعدت على السرير بخوف وضمة رجلها عند صدرها وقعدت تعيط وبعد وقت طويل بدء مراد يحرك راسه يمين وشمال وفتح عينه لاقه نفسه نايم على الأرض قام قعد واتصدم لما شاف ساره قاعده على السرير وبتعيط بص حاوليه بصدمه وقام وقف وقال
مراد :- ا.ا.انا فين
ساره :- بدموع فى اوضى
مراد :- ف.ف فى اوضك بعمل ايه وجيت ازاى ومين عمل فى هدومك كده
ساره :- بدموع ا ا انت
مراد :- بصدمه انا
ساره :- هزت راسها بدموع وقالت ايوه انت دخلتنى هنا واتهجمت عليا
مراد :- بصدمه انا عملت كده طيب ازاى انا مش فاكر حاجه اصلا ا ا انا مستحيل اعمل كده وحط أيده على وشه وقال ازاى لا لا لا اكيد فى حاجه غلط وبص لساره وقال رد عليا ازاى ده حصل
ساره :- قعدت تعيط بخوف
مراد :- اتنهد ورجع أيده على شعره وقال انا لازم افهم انا ليه مش فاكر اى حاجه وراح قعد جمب ساره وقال ردى عليا قوليلى ان محصلش حاجه انا اكيد بحلم لاء اكيد ده كابوس وقال بعصبيه ردددددددى عليا ازاى ده حصل
ساره :- عيطت اكتر بخوف
مراد :- قعد فى الارض بدموع وقال مستحيل يكون ده حصل انا مستحيل اخون علياء مستحيل وقعد يعيط
وفى الوقت ده الباب خبط قامت ساره بصعوبه من على السرير وراحت فتحت الباب
علياء :- اتصدمت من منظر ساره وبصت ليها من فوق لتحت وزقتها ودخلت لاقت مراد عندها فى الاوضه بصت ليه بصدمه ودموعها نزلت منها وطلعت تجرى من الاوضه
مراد :- قام بدموع من على الأرض وطلع يجرى وراها وقال علياء استنى ارجوكى افهمك
علياء :- وقفت بدموع وقالت ليه، ليه تعمل كده ليه
مراد :- صدقينى انا مش فاكر ايه اللى حصل ولا عارف انا عملت ايه
علياء :- هزت راسها يمين وشمال ودموعها نزلت منها اكتر ودخلت الاوضه وقفلت الباب وسندت عليه وحطت ايديها على بؤقها وقعدت فى الارض وقعدت تعيط
مراد :- خبط على الباب بدموع وقال علياء ابوس ايديك افتحى الباب علياء ردى عليا انا بحبك انتى ومستحيل اعمل كده علياء يا عليااااااء وقعد فى الارض وسند على الباب وقال بدموع اقسم بالله ما فاكر ايه اللى حصل ولا أعرف انا ازاى دخلت اوضتها علياء انا بحبك ومقدرش اقرب من اى واحده غيرك علياء ردى عليا وحياة بنتنا وقعد يعيط
~•~•~•~•~•~•~•~•~•~•~•~•~•~•~•
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرصه استثنائية)
