رواية فرصه استثنائية الفصل الرابع عشر 14 بقلم دودو محمد
رواية فرصه استثنائية الجزء الرابع عشر
رواية فرصه استثنائية البارت الرابع عشر
رواية فرصه استثنائية الحلقة الرابعة عشر
اشرقت شمس صباح يوم جديد بنورها الساطع فى سماء القاهره لتبدء علياء بفتح عيونها قامت قعدت على السرير وبصت على مراد وهو نايم فى الارض وقامت وقفت اخدت الغطا وراحت عنده وحطته عليه حس بيها مراد فتح عينه ومسك ايديها وقام قعد وباس ايديها وابتسم ليها وقال
مراد :- صباح الخير
علياء :- سحبت ايديها وقالت صباح النور
مراد :- عرفتى تنامى امبارح
علياء :- ا.ا.ايوه عرفت انام
مراد :- وصحيتى بدرى ليه كده
علياء :- لاء عادى انا متعوده اصحى فى الوقت ده ومشيت لحد الباب
مراد :- رايحه فين كده
علياء :- هصحى منار وزين علشان افطرهم وهنزل أودى منار المدرسه لان لسه الباص ميعرفش عنوان هنا
مراد :- جهزيها انتى وانا هوديها
علياء :- ابتسمت ليه وقالت ماشى وخرجت من الاوضه وراحت على اوضة منار وزين
مراد :- قام دخل الحمام وبعد وقت خرج ولبس هدومه واده فرضه وخرج من الاوضه
منار :- اول ما شافته طلعت تجرى عليه بفرحه
مراد :- شالها وباسها وقال صباح الخير يا قلب بابا
منار :- صباح النور انا فرحانه اوى ان احنا هنعيش معاك هنا علطول
مراد :- اخدها فى حضنه وقال وانا مش مصدق نفسى ربنا يديمكم فى حياتى احلى واجمل فرحه يارب وراح قعد على الكرسى وقال اجى اساعدك فى حاجه يا علياء
علياء :- من المطبخ ياريت تيجى تاخد بس زين علشان ماسك فيا ومش عارفه اعمل حاجه
مراد :- حط منار على الكرسى ودخل المطبخ شال زين وقال زيزو تاعب ماما معاك ليه
علياء :- مش عارفه ماسك الزن ليه
مراد :- انا هعرف اسكته متشغليش بالك بي هاتى الاطباق اخدها معايا
علياء :- خليك انت علشان شايل زين وانا هوديهم
مراد :- هاتى بس أيدي دى فاضيه
علياء :- ابتسمت ليه واديته الاطباق
مراد :- خرج حط الاطباق على السفره وقعد وحط زين على رجله وباسه وقعد يلعب معاه
علياء :- جات وقعدت وقالت مراد انا فيه شوية حاجات فى الفيلا عايزه اجيبهم من هناك
مراد :- وهو بيأكل زين قال حاجات ايه
علياء :- حاجات هدوم وحاجات تخصنى
مراد :- لاء يا علياء اى حاجه محتاجها خدى اشتريها بلاش تجيبى اى حاجه من الفيلا علشان خاطرى
علياء :- ليه بس ما انا عندى هدوم كتير فى الفيلا
مراد :- بس مش بفلوسى انتى والعيال ملزومين منى واى حاجه عايزاها انتى وهما انا اللى هجبها ليكم من فلوسى انا واى حاجه فى الفيلا خليها زى ما هى وفلوس الشركه تحطيهم فى البنك بأسم زين لما يكبر يبقى هو حر فيها لكن انتى وهو ومنار انا اللى هصرف عليكم
علياء :- بصت ليه بحب وقالت انت جميل اوى يا مراد راجل بجد وانا واثقه فيك وسانده ضهرى عليك وانا مش خايفه، ربنا يخليك ليا وميحرمنيش منك
مراد :- بحب ويخليكى ليا وميحرمنيش منكم أبدآ
وقعدوا يأكلوا وبعد وقت خلصوا اكل وجهزت علياء منار واخدها مراد وداها المدرسه وراح على الشركه
علياء :- قامت شالت الاطباق وبدأت ترتب البيت
~•~•~•~•~•~•~•~•~•~•~•~•~•~•~•~•
فى فيلا ادم
صحى ادم على صوت تليفونه مد ايده ومسكه وبص فيه لقه رقم الراجل المسؤول يجيب جوز سلوى قام قعد بسرعه على السرير ورد عليه وقال بلهفه
ادم :- ها طمنى عملتوا ايه
الراجل :- اخيرآ عرفنا نوصل ليه بعد شهر من البحث عليه لقينا فى المغرب
ادم :- الله ينور عليكم يا رجاله أمته تكونوا هنا
الراجل :- انا فعلا جينا هنا ساعه ونكون عندك فى الفيلا
ادم :- بفرحه عاااااش يا رجاله حقكم موجود وزياده كمان
الراجل :- عيب يا باشا احنا اهم حاجه عندنا رضاك
ادم :- تسلم يا غالى سلام وقفل السكه وقام دخل الحمام وبعد وقت خرج ولبس هدومه واده فرضه وخرج من الاوضه ونزل تحت لقه سلوى قاعده فى الجنينه وبتأكل عمر راح عندها وقال صباح الخير
سلوى :- صباح النور وكملت اكل عمر
ادم :- قعد وقال مالك
سلوى :- ولا حاجه
ادم :- بس انا شايفك زعلانه وحزينه
سلوى :- انا كنت عارفه أن مش هنعرف نوصله انا خلاص رضيت اعيش كده
ادم :- انتى مش واثقه فيا يا سلوى
سلوى :- واثقه فيك طبعآ بس هو مش سهل و مش هنعرف نوقعه ونوصله كتر خيرك تعبتك معايا
ادم :- ولو قولتلك أن نص ساعه بالكتير وهيكون زى الكلب تحت رجليك هتصدقى
سلوى :- بصت ليه بصدمه وقالت انت وصلت ليه صح
ادم :- ابتسم ليها وهز راسه وقال ايوه ورجالتى جاين بي فى السكه
سلوى :- وقفت بفرحه واترمت فى حضنه وقالت بجد انت حاجه عظيمه اوووووى
ادم :- اتصدم من اللى حصل وقال سلوى طول ما انا عايش فى الدنيا مش هسمح لأى حاجه تحصلك تجرحك وتنزل دموعك انا هعيش علشان اسعدك وبس وضمها فى حضنه وباسها من رقابتها
سلوى :- اخدت بالها من اللى عملته بعدت عنه بكسوف ومشيت ايديها على رقابتها وقالت ا.ا.اسفه مش عارفه عملت كده ازاى بس من فرحتى اندفعت
ادم :- ضحك وقال طيب كويس أن الفرحه بتخليكى تندفعى كده ده انا كل شويه هعمل حاجه تفرحك علشان استفاد بالحضن ده
سلوى :- اديته ضهرها ودعكت ايديها فى بعض وقالت بكسوف خ.خ.خلاص لو سمحت انا مش عارفه عملت كده ازاى والله
ادم :- بضحك خلاص هسكت والله بس متنسيش كل فرحه بحضن وسابها ودخل جوه وهو بيضحك على كسوف سلوى
سلوى :- غمضت عينيها بكسوف وقالت غبيه ازاى تعملى كده ازاى هتعيشى وتموتى مفضوحه هوريه وشى ازاى بس هوف ربنا ما يحرمنى من الهبل والعبط اللى انا فيهم دول واخدت نفس عميق وخرجته بهدوء ودخلت جوه وقالت ا.ا.احضرك الفطار
ادم :- اقعدى انتى ملكه وهما بيحضروا ليا وليكى الفطار
سلوى :- ها
ادم :- شكلك مش بتفهمى غير بلغة الاحضان
سلوى :- احيه هو انت هتمسكها عليا ولا ايه
ادم :- قعد يضحك وقال اقعدى اقعدى ده انتى مشكله
سلوى :- قعدت والفطار جه وقعدوا الاتنين ياكلوا وجرس الباب رن سلوى اتوترت وتلقائيآ مسكت ايد ادم بخوف
ادم :- بص على ايديها وهى ماسكه ايده وبتترعش طبطب عليها بأيده التانيه وابتسم ليها وقال متخافيش يا سلوى انا جمبك
سلوى :- بصت ليه بدموع وداست على ايده اكتر
ادم :- مد ايده مسح دموعها وقال علشان خاطرى بلاش دموعك دى
سلوى :- هزت راسها وقالت حاضر
ادم :- ابتسم ليها وفى الوقت ده دخلوا الرجاله وهما مكتفين جوز سلوى ورموه فى الارض
سلوى :- اول ما شافته افتكرت كل اللى عمله فيها قامت جريت وقعدت قصاده وقعدت تضرب فيه وقالت ندل وجبان انا بكرهك بكرهك وقعدت تضربه على وشه وتخربشه
ادم :- قام جرى وشال سلوى وبعدها عنه وقال أهدى يا سلوى هجبلك حقك والله
سلوى :- وهى بتحاول تهرب من ادم سبنى عليه اقطعه بأسنانى اخلص منه كل اللى كان بيعمله فيا
ادم :- مسكها وقال هيحصل وهعملك كل اللى انتى عايزاه أهدى بس الاول اخليه يطلقك ماشى
سلوى :- وهى بتبص لجوزها بقرف قالت ماشى
ادم :- خليكى واقفه مكانك متتحركيش
سلوى :- هزت راسها بالموافقه
ادم :- بصلها مده وسابها وراح وقف قصاد جوزها ومسكه من شعره وقال كنت عامل نفسك راجل عليها اوى علشان ست إنما دلوقتى انت مرا علشان فى ايد رجاله ورحمة امى لاندمك على اليوم اللى اتكتبت فيه ذكر فى البطاقه يا حيلة امك
وجدى :- ضحك بأستفزاز وقال واديتك ايه مقابل الخدمه دى أصل دى واحده و*** وانا عارفها
سلوى :- طلعت تجرى عليه وقالت يا ابن ال*** بقى انا كده
ادم :- حط ايده ومنعها توصله وقال قولتلك أهدى يا سلوى
سلوى :- انت مش سامع بيقول عليا ايه
ادم :- ضربه بالبوكس فى وشه وقال ما انا هندمه على كلامه ده
سلوى :- فرحت لما ادم ضربه ورجعت وراه تتفرج عليه
وجدى :- مدام انت راجل اوى فكنى وخليك راجل لراجل بدل ما انت بتتحامى فى رجالتك
ادم :- انا ارجل منك يا زباله انت مفكرنى خايف منك ده انا بنفخه منى اطيرك وبص لرجالته وقال فكوه
سلوى :- بقلق بلاش يا ادم
ادم :- طمنها بعينيه
وجدى :- بص لسلوى بغيظ والرجاله فكوه ولسه هيروح يمسك سلوى
ادم :- مسكه ولف دراعه وراه ضهره ونيمه على الأرض وقال هو ده اخرك تواجه ست إنما تخاف تواجه راجل علشان انت جبان وخ*** طلقها ياض
وجدى :- وهو تحت ايد ادم قال مش هطلق واللى عندك اعمله
ادم :- لاء يا روح امك عندى كتير هطلق بالذوق ولا اخليك تطلق بالعافيه
وجدى :- مش هطلق ومتقدرش تعمل حاجه
ادم :- قام وقف وقال لاء اقدر يا روح امك وطلع مسدس من جيبه وصدره ليه وقال طلقه واحده وبدل ما تكون مطلقه تكون ارمله وفى تلك الحالتين هى المستفاده
سلوى :- بخوف لاء يا ادم اوعى تعمل كده هضيع نفسك
ادم :- اسكتى انتى يا سلوى وحط ايده على الزناد وقال هطلق ولا طلقه واحده تطلع فى نفوخك تريحنا منك
وجدى :- مش هطلق وقام وقف ونفض هدومه وقال واللى عندك اعملوا ومشى
ادم :- ضرب رصاصه جمبه وقال أنا مش بهدد التانيه اقسم بالله هتكون فيك
سلوى :- انتفضت من مكانها ورجعت لوراه بخوف
وجدى :- وقف مكانه بخوف وبص ليه
ادم :- هطلق
وجدى :- لاء
ادم :- راح مسكه بغيظ وقعد يضرب فيه وقال هطلقها يعنى هطلقها
وجدى :- والدم نازل من وشه قال هطلقها هطلقها
ادم :- مسكه من شعره وقال طلقها اخلص
وجدى :- بص لسلوى وقال انتى طالق
سلوى :- اتنهدت بأرتياح وغمضت عينيها بفرحه
ادم :- طلقها بالتلاته
وجدى :- انتى طالق بالتلاته
ادم :- بص لراجل من رجالته وقال هات المأذون انا اتصلت بي وقعد وجدى على الكرسى وكتفه وقال هطلقها رسمى يا روح امك علشان متلعبش علينا واعمل حسابك لو فكرت تقرب منها هيكون اخر يوم فى عمرك فاهم
وجدى :- وهو مش قادر يتكلم هز راسه بالموافقه
وبعد دقايق وصل المأذون وطلقهم ومشى
ادم :- بص لرجلته وقال خدوه قوموا معاه بالواجب
واخدته الرجاله وبص لسلوى لقها واقفه وبتبص ليه بحب ابتسم ليها وقال مبروك
سلوى :- اتنهدت بحب وقالت الله يبارك فيك شكرآ ليك بجد انا مش عارفه من غيرك كنت هعمل ايه
ادم :- قرب منها وقال أنا بعمل معاكى اللى تستحقيه يا سلوى انتى اللى زيك اتخلقت علشان تعيش ملكه وبس
سلوى :- بصت على الأرض بكسوف وقالت عن اذنك
ادم :- منعها تمشى وقال سلوى
سلوى :- بصت ليه وقالت نعم
ادم :- مسك ايديها وبص فى عينيها وقال بحبك
سلوى :- اتصدمت وسحبت ايديها من ايده ورجعت لوراه وبصت ليه من غير ولا كلمه
ادم :- مالك يا سلوى سكتى ليه أنا متأكد انك انتى كمان بتحبينى زى ما بحبك
سلوى:- اتوترت وقالت ع.ع.عن اذنك ولسه هتمشى
ادم :- مسكها من دراعها وقرب من ودنها وقال تتجوزينى ؟
سلوى :- بصت ليه وقالت ها
ادم :- تتجوزينى يا سلوى ؟
سلوى :- بلعت ريقها بتوتر وقالت م.م.ممكن بس تدينى فرصه افكر وابقى ارد عليك
ادم :- اتنهد وقال ممكن بس ياريت متتأخريش عليا فى الرد علشان انا وعمر مبقناش قادرين نستغنى عنك يا سلوى
سلوى :- ا.ا.ان شاءالله عن اذنك وسابته وراحت تشوف عمر
ادم :- بصلها وهى ماشيه واتنهد بحب وخرج ركب عربيته وراح على شغله
~•~•~•~•~•~•~•~•~•~•~•~•~•~•~•~
فى شقة مهند
صحيت سمر من نومها وبصت جنبها لقيت مهند مش موجود استغربت وقامت خرجت من الاوضه وبصت عليه وسمعت صوت فى المطبخ دخلت المطبخ وربعت ايديها على صدرها وابتسمت بحب وقعدت تبص ليه مهند اخد باله من سمر ابتسم ليها وراح باسها فى خدها وقال
مهند :- صباح الورد والياسمين على احلى عيون فى الدنيا
سمر :- بأبتسامة حب صباح النور بتعمل ايه فى المطبخ
مهند :- بحضر الفطار لحبيبت قلبى
سمر :- اترمت فى حضنه وقالت بحبك اوووووى اوى يا مهند
مهند :- ضمها فى حضنه وباس راسها وقال وانا بعشقك يا روح قلب مهند
سمر :- بعدت عنه وقالت الشيف مهند بقى هيفطرنى ايه
مهند :- فول طعميه جبنه رومى العصير الطازه اللى انتى بتحبيه ها ايه رأيك انفع
سمر :- باسته فى خده وقالت تنفع جدآ وقعدت على الكرسى
مهند :- قعد جمبها وقال سمورتى
سمر :- وهى بتاكل قالت اممم
مهند :- هى الظروف دى لسه فاضل فيها كتير
سمر :- وقفت اكل وقالت احم ل.ل.لاء آخرها بكره
مهند :- اتنهد وقال لسه بكره
سمر :- حطت اللقمه فى بؤقها وقالت ا.ا.ايوه
مهند :- طيب وقعد ياكل
سمر :- مهند
مهند :- نعم
سمر :- كنت هتعمل ايه لو كنت رفض اتجوزك
مهند :- كنت هخطفك واتجوزك بالعافيه
سمر :- والله
مهند :- والله، انا كنت مستعد اعمل اى حاجه علشان تبقى معايا علطول يا سمر
سمر :- بصت فى عينه وقالت بتحبنى
مهند :- مسك ايديها وقال ياااااه بحبك بس انا بموت فيكى وبعشقك انتى كنتى نجمه عاليا اوى فى السما وما صدقت طولتك وشاور على رجله وقال تعالى
سمر :- قامت وقفت وراحت قعدت على رجله بكسوف
مهند :- انتى فرحت عمرى يا سمر عارفه كتير اوى كنت بحس انك مسؤوله منى من قبل كل المشاكل دى كلها من ساعة ما كنتى لسه بيبى وكنت اخدك من امى واشيلك والعبك وتضحكى ليا كنت بشوف نظره فى عينك بتشدنى ليكى وكبرتى وكبرت معاكى النظره دى يا سمر لحد دلوقتى شيفها فى عينك نظره فيها حاجات كتير اوى نظرة قوه وفى نفس الوقت ضعف نظره بتزود دقات قلبى كل ما اسرح فيهم نظره شقيه وخجوله بتولع قلبى من نحيتك انا مهما اوصفلك اللى بشوفه فى عينك مش هخلص من هنا لمليون سنه قدام
سمر :- انا بقى بحس بالامان طول ما انت جمبى بحس بالقوه واول ما تبعد بحس ان انا ضعيفه جدا ومسكت ايده وقالت اوعى فى نص الطريق تسيب ايدى يا مهند
مهند :- اسيب ايديك انا لاخر لحظه فى عمرى هفضل ماسكها وباس ايديها وقال أنا بحبك بجنون يا سمر
سمر :- ابتسمت ليه بحب ولفت دراعها حاولين رقابته وباسته فى خده وحطت راسها على كتفه وقالت بعشقك بكل ما فيك
مهند :- ضمها اكتر فى حضنه وباسها من خدها
~•~•~•~•~•~•~•~•~•~•~•~•~•~•~•~
فى شقة عبدالرحمن
صحى عبدالرحمن من نومه ودخل الحمام واخد شاور واتوضى وخرج لبس هدومه واده فرضه وخرج من الاوضه ودخل المطبخ علشان يعمل القهوه لقه مريم واقفه فى المطبخ بصلها بأستغراب ولسه هيعمل القهوه
مريم :- صباح الخير
عبدالرحمن :- صباح النور
مريم :- متعملش قهوه انا عملت ليك الفطار
عبدالرحمن :- غريبه ايه حصل فى الدنيا بقى مريم بنفسها تقوم تحضرى الفطار
مريم :- وفيها ايه مش جوزى
عبدالرحمن :- ده على اساس السنين اللى فاتت دى كنت جوز شبشب صح
مريم :- عمومآ انا حضرت ليك الفطار عايز تفطر افطر مش عايز براحتك
عبدالرحمن :- بص فى الساعه وقال مفيش وقت أصل خطيبتى مستنيانى علشان أوصلها معايا حتى مش هلحق اشرب القهوه باى ولسه هيمشى
مريم :- وقفت قصاده وقالت هو انت بتتكلم بجد يعنى انت فعلا ناوى تتجوز
عبدالرحمن :- اومال بهزر ايوه خطبت وكمان شهر هتجوز
مريم :- بدموع يبقى طلقنى انا مش هقبل اعيش مع ضره انا كل ده كنت مفكره انك بتهددنى كده وخلاص لكن مدام الموضوع بجد انا مش هقعد معاك ثانيه واحده
عبدالرحمن :- براحتك لو عايزه اطلقك هطلقك معنديش اى مشكله بس عيالى مش هتخديهم انتى ام مهمله وغير امنه على ولادى
مريم :- بس دول ولادى انا ومن حقى انا والقانون فى صفى
عبدالرحمن :- والله خلاص خليها بالقانون وابقى اقفى فى الصف كويس ولسه هيمشى
مريم :- بقولك طلقنى
عبدالرحمن :- ما قولتلك معنديش اى مشكله اطلقك عادى
مريم :-بدموع دلوقتى
عبدالرحمن :- على الريق كده طيب افطرى الاول
مريم :- هه خفه
عبدالرحمن :- اوعى كده من سكتى هتأخر على خطيبتى
مريم :- بغيظ مسكته من دراعه وقالت استنى هنا انا بكلمك
عبدالرحمن :- اللهم طولك يا روح بقولك هتأخر
مريم :- يعنى هتتأخر على السفيره عزيزه بقولك طلقنى
عبدالرحمن :- شكلك واحشك الحزام يا مريم
مريم :- طلقنى بقولك مش عايزه اعيش معاك
عبدالرحمن :- بصلها مده وقال انتى وسكت شويه وغمض عينه وقال امشى يا مريم من وشى دلوقتى
مريم :- لاء مش هتحرك من هنا غير لما تطلقنى
عبدالرحمن :- شدها من دراعها وفتح باب الاوضه وحدفها فيها وقال انتى ليكى عين كمان تتكلمى انتى ايه يا شيخه مش بتتهدى أبدآ وبصلها بقرف وسابها ومشى
مريم :- اترمت على السرير وقعدت تعيط
عبدالرحمن :- خرج من باب الشقه وقفله بالمفتاح ونزل ركب عربيته وراح على شغله
~•~•~•~•~•~•~•~•~•~•~•~•~•~•~•~•
فى فيلا علياء
صحيت مياده من نومها وبصت على عامر ملاقتهوش جمبها اتخضت وقامت من على سريرها جرى ونزلت تجرى على تحت وقالت بصوت عالى
مياده :- عامر يا عامر سعديه يا سعديه
سعديه :- ايوه يا ست هانم
مياده :- مشوفتيش عامر ابنى
سعديه :- ايوه بره فى الجنينه مع استاذ مروان
مياده :- مروان هو هنا
سعديه :- ايوه من شويه
مياده :- ماشى روحى انتى ووقفت تتابعهم من بعيد وهما بيلعبوا مع بعض وتضحك على ضحكهم وبعد وقت خرجت وراحت عندهم مروان اول ما شافها شال عامر وراح عندها وقال
مروان :- واحشتينى
مياده :- جاى ليه يا مروان
مروان :- مش كفايه بعد كده يا مياده ارجعى بيتك علشان خاطرى
مياده :- لاء يا مروان مش راجعه
مروان :- بدموع انا محتاجك جمبى
مياده :- وانا مرتاحه فى البعد عنك
مروان :- مياده انا بتعالج لسه والله بس فعلا البيت وحش من غيرك انتى وعامر ومش قادر اعيش من غيركم ارجعى معايا ولو عملت ليكى حاجه امشى ومترجعيش ليا تانى انا فعلا اتغيرت علشانكم وعايز نبقى مع بعض من تانى يا مياده
مياده :- اديته ضهرها ومردتش عليه
مروان :- هتقعدى هنا لوحدك تعملى ايه اخواتك كل واحد راح عاش حياته وبقيتى وحيده ارجعى بيتك خليه ينور تانى
مياده :- غمضت عينيها وقالت امشى يا مروان
مروان :- وقف قدامها وقال كفايه عند يا مياده انا عارف ان غلط فى حقك كتير واعترفت بذنبى وروحت اتعالجت علشانك انتى وابننا اعمل ايه تانى علشان تسامحينى
مياده :- بصت ليه بدموع وقالت بكل سهوله جاى تقولى اسف ارجعى اصل انت دوست على رجلى وانت مش واخد بالك وبتعتذرى لاء يا مروان انت وجعتنى وكسرتنى كرهتنى فى حياتى خلتنى اتمنى الموت علطول علشان ارتاح من عذاب قلبى لاء يا مروان اسفك مش هيرجع ليا كرامتى اللى انت هنتها بضربك فيا وشكك اللى دايمآ كان بيقلل قيمتى قصاد عينى انت وجعتنى جامد اوى يا مروان واسفك ده مش هيرجع ليا كرامتى مهما عملت
مروان :- بدموع عارف كل ده بس غصب عنى حبى ليكى هو اللى وصلنى للحاله دى مياده انا بحبك والله العظيم بحبك ومقدرش اعيش من غيرك
مياده :- انهارت وقعدت تضرب فى صدره وتعيط وتقول وانا بكرهك يا مروان بكرهك اللى بيحب حد ميعملش فيه كده حرام عليك ابعد وسبنى فى حالى بقى
مروان :- شدها فى حضنه وقال بدموع شششش أهدى يا مياده حقك عليا اهدى وحياة عامر ابننا
مياده :- مسكت فيه اكتر وقالت بدموع انا لا مرتاحه وانا معاك ولا وانا بعيده عنك انا بتعذب بسببك يا مروان حرام عليك بقى كفايه
مروان :- باسها من خدها وقال ابوس ايديك كفايه انا بتعذب لما بشوفك كده تعالى ننسى كل اللى فات ونبدء من جديد وانا اوعدك أن اللى حصل زمان مش هيحصل تانى والله
مياده :- بعدت عن حضنه ومسحت دموعها وقالت اعتبر الفتره دى اختبار ليك يا مروان بس والله لو حصل غلطه صغيره منك مش هقعد معاك ثانيه واحده
مروان :- بفرحه موافق وانا متأكد أن انا مش هغلط معاكى زى زمان يلا بينا
مياده :- لسه مخلصتش كلامى
مروان :- قولى كل اللى انتى عايزه تقوليه وانا موافق على اى حاجه
مياده :- ارجع شغلى تانى وتبطل تراقب تليفونى وتسألنى اتأخرتى ليه ولا كنت بعمل ايه
مروان :- بس يا مياده أن
مياده :- قطعته وقالت لو عايزنى ارجع تبقى هى دى شروطى
مروان :- اتنهد وقال ماشى يا مياده موافق فيه حاجه تانى
مياده :- ايوه امك عايزه تقعد عندنا معنديش مانع بس متدخلش ما بينى وبينك ليها عندى اخدمها وأشوف كل طلبتها اكتر من كده مش هقبل
مروان :- امى رجعت شقتها تانى علشان رفض اتجوز عليكى
مياده :- اتنهدت وقالت ماشى
مروان :- فيه حاجه تانى
مياده :- هزت راسها يمين وشمال وقالت لاء
مروان :- طيب يلا بينا
مياده :- هطلع اجيب الشنطه بتاعتى واجهز نفسى
مروان :- ماشى
مياده :- طلعت اوضتها غيرت هدومها واخدت الشنطه بتاعة هدومها هى وعامر ونزلت بيها من على السلم
مروان :- طلع يجرى واخد الشنطه من ايديها ومسك ايد عامر وخرجوا التلاته وقفلوا الباب وراها وركبوا العربيه وراحوا على الشقه بتاعتهم
~•~•~•~•~•~•~•~•~•~•~•~•~•~•~•~•~
فى شقة مراد
رجع مراد من الشغل ومعاه منار وفتح الباب ودخلوا الاتنين وبص لمنار وقال
مراد :- يا ترى ماما فين
منار :- ممكن تكون نايمه
مراد :- نايمه معتقدش بس فيه ريحة اكل حلوه يبقى اكيد هى فى المطبخ ادخلى اوضك غير هدومك وانا هدخل اشوفها
منار :- ماشى وسابته ودخلت اوضتها
مراد :- دخل المطبخ لقه علياء واقفه بتعمل الأكل راح عندها وباسها من خدها
علياء :- بكسوف م.م.مراد
مراد :- ابتسم ليها وقال واحشتينى
علياء :- ا.ا.الاكل ثوانى ويكون جاهز
مراد :- على مهلك بس برضه واحشتينى
علياء :- م.م.ماشى قولى عملت ايه النهارده فى يومك
مراد :- ابتسم وقال اتهربى ماشى عمومآ يا ستى اليوم النهارده كان ناقصه وجودك مكانش فيه شغل مهم وروحت جبت منار من المدرسه وجيت على هنا علطول وعندى كمان ساعه ميعاد مع الدكتور بتاعى تيجى معايا
علياء :- ينفع
مراد :- اه طبعآ هو كان عايز يقابلك من الجلسه اللى فاتت وانا محبتش ازعجك واقولك
علياء :- مفيش ازعاج ولا حاجه انا هبقى سعيده لما نتشارك كل حاجه مع بعض
مراد :- قرب منها ورجع شعرها لوراه وقال بجد يا علياء
علياء :- هزت راسها بكسوف وقالت ا.ا.ايوه
مراد :- مشى ايده على وشها بحب ونزل بيها على شفايفها وبص عليهم ولسه هيقرب منها
علياء :- بعدت عنه وقالت ا.ا الأكل هيتحرق واديته ضهرها وقعدت تقلب الأكل وهى متوتره
مراد :- ابتسم وقال أنا عارف ان الأكل مش هيتحرق ولا حاجه انتى اللى بتتهربى ،بس لازم نساعد بعض يا علياء علشان نقدر نكمل حياتنا طبيعى
علياء :- لفت ليه وقالت بدموع غصب عنى يا مراد
مراد :- بس يا علياء انا مش مستعجل والله انا بقول نحاول نساعد بعض لكن عمرى ما هغصب عليكى فى حاجه ومسح دموعها وقال أهدى بقى علشان خاطرى
علياء :- بصت ليه بحب واترمت فى حضنه ومسكت فيه وقعدت تعيط
مراد :- على قد ما هو كان زعلان علشان دموع علياء لكن فرحان أنها فى حضنه وبإرادتها طبطب عليها وقال احنا فى طريقنا للعلاج يا علياء كونك انك فى حضنى دلوقتى ده اول طريق العلاج
علياء :- انتبهت لكلامه وبصت لحضنه ورفعت راسها بأستغراب وقالت أنا مش خايفه منك انا فعلا فى حضنك يا مراد و مش حاسه بخوف وحطت راسها على صدره ولفت دراعها حاولين وسطه وغمضت عينيها وابتسمت
مراد :- ابتسم ليها بحب وفرحه ورفع دراعه وضمها فى حضنه جامد وقرب من راسها وباسها واتنهد بحب
~•~•~•~•~•~•~•~•~•~•~•~•~•~•~•~•
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرصه استثنائية)
