رواية فرصه استثنائية الفصل التاسع 9 بقلم دودو محمد
رواية فرصه استثنائية الجزء التاسع
رواية فرصه استثنائية البارت التاسع
رواية فرصه استثنائية الحلقة التاسعة
فى فيلا علياء
فاق مهند من نومه وحس بحاجه على صدره بص بأستغراب لاقه سمر حطه راسها على صدره ونايمه ابتسم بحب ومد أيده على راسه وشال القماشه وبص على سمر وهى نايمه ومد أيده ومشى صوابعه على خدها وقربها من شفايفها ومشى صوبعه عليهم حست سمر بحركه على وشها فتحت عينيها ولاقت نفسها نايمه على صدر مهند وايده على وشها قامت بسرعه وبصت ليه بصدمه وقالت بتوتر
سمر :- ا.ا انت صحيت عامل ايه دلوقتى
مهند :- بحب اول مره انام كده علشان كنتى نايمه قريبه من قلبى
سمر :- قامت وقفت ودعكت فى ايديها وقالت ل.ل لاء واضح انك بقيت كويس اوى
مهند :- قام وقف بصعوبه حس بألم فى بطنه قال ااااه
سمر :- طلعت تجرى عليه وسندته وقالت انت ايه وقفك بس
مهند:- بصلها وهى قريبه منه ومشى أيده على خدها
سمر :- بصت ليه بتوتر وقالت م.م.ممكن بقى تقعد على السرير علشان مش هينفع تمشى وأنت كده
مهند :- مشى أيده على شفايفها وقال بحبك
سمر :- بلعت ريقها بصعوبه ولسه هتبعد
مهند :- حط أيده فى ضهرها وقربها ليه
سمر :- م.م.مهند س.س.سبنى
مهند :- قرب من شفايفها ولسه هيبوسها غمض عينه ورجع لوراه تانى وقعد على حرف السرير بتعب وبص لسمر وقال كفايه يا سمر فراق ارجوكى خلينا نتجوز بقى مش عايز امشى وراه مشاعرى واقرب منك انا بحبك وعايز اى حاجه تحصل ما بينا بالحلال
سمر :- اديته ضهرها ومردتش عليه
مهند :- وقف وراه ضهرها وحط أيده على كتفها وقال انا عارف ومتأكد انك بتحبينى يبقى ليه العند وافقى وخلينا نعيش مع بعض الباقى من عمرنا
سمر :- يا مهند انا مش قادره اسامحك على اللى انت عملته فيا فاكر لما جيت واترجيتك علشان مطلقنيش ومع ذلك طلقتنى فاكر لما حلفت ليك انى مظلومه و مصدقتنيش فاكر لما كسرت قلب فى عز ما كنت محتاجك جمبى انت وجعتنى اوى ومش بالسهل كده هقدر اسامحك وانسى كل ده
مهند :- قولتلك كان غصب عنى واى راجل مكانى كان هيعمل كده انا بحبك وغيرتى عليكى هى السبب كلنا غلطنا وكلنا اتحملنا نتيجة اغلطنا يا سمر ووقف قصادها وقال تعالى نبدء صفحه جديده وننسى اللى فات
سمر :- دموعها نزلت وبصت فى الارض ومردتش عليه
مهند :- مسح دموعها ورفع وشها وبص فى عينيها وقال انا مستعد اعمل اى حاجه فى الدنيا بس مشوفش دمعه واحده من عينيكى
سمر :- بصت ليه بحب واترمت فى حضنه وقالت انا بحبك اوى يا مهند
مهند :- ابتسم بفرحه وضمها فى حضنه وقال وانا بعشقك يا روح مهند وطول ما انا عايش فى الدنيا مش هخلى دموعك تنزل أبدآ وهعيشك احلى واجمل ملكه فى العالم كله
سمر :- بحبك اوى يا مهند اووووووى ومش قادره استغنى عنك تانى خلاص
مهند :- مسك راسها ما بين ايديه وقرب منها وباس راسها بحب وقال ربنا يخليكى ليا وميحرمنيش منك أبدآ
سمر :- بصت ليه بحب وابتسمت
مهند :- بعد عنها وقال انا لازم امشى دلوقتى
سمر :- بزعل ليه
مهند :- علشان لو قعد اكتر من كده هتحصل حاجات كتير خطر والشيطان هيكون مشرف معانا
سمر :- ابتسمت بكسوف وقالت انت غلس
مهند :- ضحك على كسوفها وقال ترجع علياء أن شاءالله ونتجوز وهخلي الكسوف ده ميعرفش طريقك تانى
سمر :- ابتسمت بكسوف وقالت انت هتمشى ازاى كده
مهند :- مش عارف
سمر :- التيشيرت بتاعك مقطوع من عند البطن وكله دم
مهند :- طيب والعمل دلوقتى
سمر :- استنى اشوف حاجه ليك من هدوم عمر الله يرحمه
مهند :- ده اللى هو ازاى انتى مش شايفه فرق الطول اكيد هتكون هدومه كلها قصيره عليا
سمر :- طيب هتعمل ايه
مهند :- هلبس التيشيرت بتاعى وابقى اشترى واحد تانى وانا ماشى
سمر :- ماشى
مهند :- هو فين
سمر :- طلعت فوق السرير علشان تجيب التيشيرت
مهند :- بص عليها وقال سمر انزلى الله يحرقك
سمر :- بصت ليه وقالت ايه فيه ايه
مهند :- ده شكل الشيطان هيجى ويربع دلوقتى انزلى يا مصيبه انا هجيبه
سمر :- انا مش فاهمه حاجه
مهند :- ولا هتفهمى علشان جاموسه انزلى يا بت اخلصى راعى شعورى كراجل متنيل معاكى فى الاوضه
سمر :- نزلت من فوق السرير وهى مش فاهمه حاجه
مهند :- قعد على السرير وميل بصعوبه وجاب التيشرت من وراه السرير مكان ما كان واقع ولبسه وقام وقف وقال حلوه طلعت السرير دى لما نتجوز ابقى اطلعيها علطول وقرصها فى خدها
سمر :- هو انا مش فاهمه حاجه بس من طريقتك بتقول أن نيتك سوده وقصدك مش تمام مهند :- ضحك وقال هبقى افهمك بعد الجواز وسابها ومشى
سمر :- ضحكت على كلامه ونزلت تجرى وراه وقالت م.م.مهند
مهند :- بصلها وقال ايوه
سمر :- انا خايفه
مهند :- خايفه من ايه
سمر :- مش عارفه بس مجرد ما انت نزلت وهتمشى حسيت نفسى خايفه اوى
مهند :- مسك ايديها وقال اللى حصل النهارده ده صعب شويه علشان كده انتى حاسه بخوف بس اطمنى يا سمر الزفت ده خلاص مش هيضيقك تانى لأنه محبوس دلوقتى
سمر :- بصت ليه بضعف وقالت انا مش بحس بالأمان غير وانت جمبى يا مهند
مهند :- ابتسم ليها بحب ومشى أيده على خدها وقال متعرفيش كلامك ده عامل فيا ايه قلبى طاير من كتر الفرحه والله واتنهد وقال لو ينفع كنت اتجوزتك دلوقتى حالا واخدك معايا البيت بس للاسف صعب ومقدرش اقعد معاكى هنا ميصحش وانا مش هرضاها ليكى بس هكلم عبدالرحمن واقوله اللى حصل واخليه يجى يقعد معاكى هنا لحد ما علياء ترجع وهقفل معاه وبعد كده هكلمك فى التليفون لحد ما يوصل عبدالرحمن علشان متحسيش بخوف
سمر :- م.م.ماشى
مهند :- طبطب على كتفها وابتسم ليها وسابها ومشى
سمر :- طلعت تجرى وقفلت الباب وراه بسرعه بخوف وطلعت تجرى على اوضتها
ومسكت تليفونها واتصلت على مهند وانتظرت الرد
مهند :- وهو بيضحك لدرجاتى واحشتك
سمر :- انا خايفه
مهند :- هى الفيلا دى مفيهاش شغالين
سمر :- فيه سعديه بس النهارده اجازه علشان هتروح تزور ابنها
مهند :- امممم طيب اقفلى دقيقه واحده بس وهرجع اكلمك تانى
سمر :- لاء متقفلش خليك معايا
مهند :- هقفل بس اتصل بأخوكى وهكلمك تانى
سمر :- لاء خليك معايا على التليفون
مهند :- ضحك وقال بحب طفله والله
سمر :- انا حاسه ان اى حد هيدخل عليا الاوضه دلوقتى وخايفه اوى والباب مكسور بتاع الاوضه ومش عارفه اقفله عليا
مهند :- هو زين ابن علياء فين
سمر :- يا خبر ابيض انا نسيته خليك معايا لما اروح اشوفه فى اوضه
مهند :- طيب انا معاكى
سمر :- خرجت من الاوضه وراحت عند اوضة زين وفتحت الباب ودخلت لاقيته نايم اتنهدت بأرتياح وقالت لسه نايم
مهند :- طيب صحي ياكل حرام ومنار نايمه صحيها هى كمان تاكل
سمر :- مش عارفه حاسه نفسى محتاسه عمرى قعد مع اطفال لوحدى
مهند :- اعتبريها تدريب علشان لما ربنا يكرمنا بأطفال تعرفى تربيهم
سمر :- ماشى
مهند :- اقفلى اكليهم وانا هكلم عبدالرحمن وارجع اكلمك تكونى انتى خلصتى
سمر :- طيب وقفلت مع مهند وصحيت زين وراحت على اوضة منار لاقيتها صاحيه وبتعيط اخدتها فى حضنها وقعدت تطبطب عليها ونزلت بيهم تحت تأكلهم
~•~•~•~•~•~•~•~•~•~•~•~•~•~•~•
عند علياء ومراد
بدأت الطياره تهبط من الجو فتح مراد عينه وبص على علياء لاقها لسه نايمه على كتفه خبط بأيده على وشها براحه وقال
مراد :- علياء يا علياء اصحى يلا احنا وصلنا
علياء :- فتحت عينيها واحده واحده وبصت حاوليها ولاقيت نفسها نايمه على كتف مراد بعدت عنه بصدمه وقالت بكسوف ا.ا انا مش عارفه نمت ازاى كده
مراد :- علشان انتى منمتيش خالص فى البيت اول ما الطياره استقرت فى الجو عينك راحت فى النوم ومحستيش بأى حاجه وطبيعى راسك توقع على كتفى ما انتى مكنتيش حاسه يعنى
علياء :- ا.ا ايوه فعلا مكنتش حاسه ونمت فتره كبيره اوى
مراد :- المهم دلوقتى اجهزى علشان خلاص وصلنا وبص اتجاه ساره وقال ساره يا ساره ساره انتى يا بنتى ولسه هيمد أيده علشان يخبط على كتفها
علياء :- ا.ا.استنا انا هصحيها
مراد :- ابتسم وقال ماشى وعدل نفسه
علياء :- ساره يا ساره وقالت بصوت عالى لو سمحتى
المضيفه :- جات وقالت افندم
علياء :- ممكن تخبطى على الانسه دى تصحيها
المضيفه :- حاضر وراحت تصحيها
مراد :- بضحك طيب ما انا كنت هصحيها زى المضيفه بالظبط
علياء :- بغيظ والله
مراد :- قعد يضحك وقال عسل وانتى غيرانه كده
علياء :- غيرت اتجاه وشها وابتسمت بكسوف
ساره :- بصت على مراد وعلياء وقالت هو احنا وصلنا
مراد :- ايوه خلاص الطياره بتهبط
وهبطت الطياره ووقفت ووبدأوا ينزلوا من الطياره وخلصوا الإجراءات الخاصه بالمطار واخدوا عربيه وصلتهم على الفندق ونزلوا التلاته وكل واحد فيهم قعد فى اوضه لوحدوا بعد ما علياء رفضت أنها تقعد فى اوضه واحده مع ساره ودخلوا التلاته الاوض بتاعتهم ودخلوا اخدوا شاور واتصلت علياء بسمر واطمنت على الأولاد وسمر طمنتها ومقالتش ليها حاجه وقفلت مع سمر واتصلت على تليفون مياده لاقيته مغلق اتنهدت وسابت التليفون جمبها ونامت على السرير بتعب
~•~•~•~•~•~•~•~•~
•~•~•~•~•~•
فى شقة مروان
دخل مروان الاوضه علشان يطمن على مياده لاقه عامر نايم فى حضنها ولسه هيتكلم
مياده :- شاورت ليه وقالت بصوت واطى ششش
مروان:- راح قعد جمبها على السرير ومشى أيده على دراعها وقال مياده
مياده :- بعدت أيده عن دراعها وقالت بصوت واطى مش وقت كلام يا مروان الولا هيصحى
مروان :- هاتى انيمه فى الاوضه التانيه عايز اتكلم معاكى
مياده :- مسكت عامر وقالت لاء سيب ابنى هنا فى حضنى يا مروان
مروان :- هجيبه ليكى تانى بس لما يصحى
مياده :- ل.ل.لاء بالله عليك سيبه نايم فى حضنى
مروان :- غمض عينه واتنهد وقال ماشى يا مياده ومسك ايديها وباسها وقال مياده انا بحبك اوعى تسبينى و تبعدى عنى انا ممكن اموت فيها انا اتجنن من غيرك والله العظيم
مياده :- غمضت عينيها وهى الدموع فيها وقالت سبنى ارجوك انا خلاص والله مبقتش طايقه العيشه معاك انا ممكن اتحمل اى حاجه فى الدنيا الا الضرب والاهانه يا مروان من يوم ما بقينا مع بعض وانت علطول بتشك فيا وعيشت معاك على امل انك تتغير بس للاسف حالتك بتسوء اكتر وقلبت معاك بمرض وضرب و اهانه وانا فعلا تعبت ومش قادره استحمل والله
مروان :- والله هتغير ومش همد ايدى عليكى تانى وهعملك كل اللى انتى عايزاه بس متسبنيش
مياده :- انت كل مره توعدنى انك هتتغير ومش بتنفذ وعدك ده علشان انت بقيت مريض لازم تتعالج يا مروان
مروان :- لو ده اللى هيخليكى معايا و متسبنيش هتعالج علشان خاطرك مياده انا بحبك انتى عمرى كله والله
مياده :- بدموع اطلع بره وسبنى يا مروان
مروان :- بلاش تكرهينى يا مياده
مياده :- يا مروان امشى بقى
مروان :- باس ايديها وقال انتى بتحبينى مش كده
مياده :- سحبت ايديها من أيده وقالت كفايه بقى اللى انت بتعمله ده قولتلك أخرج من الاوضه
ام مروان :- دخلت وقالت مالك شايفه نفسك على ابنى ليه ده ناقص يبوس رجلك علشان تسامحيه قوم يا ابنى دول نسوان مش وش نعمه انت راجل متذلش نفسك ليها خليها زى الكلبه كده واتجوز عليها ست ستها
مروان :- لا يا امى انا مش عايز حد غيرها انا بحب مياده ومستحيل المس واحده غيرها
ام مروان :- دى متستاهلش حبك ده يا ابنى عماله تتفرعن علشان شيفاك هتموت عليها
مياده :- لو سمحتى يا ماما دى حياتنا الشخصيه انا وجوزى ومش من حق اى حد يدخل فيها
ام مروان :- سامع يا حيلة امك مراتك بتقولى ايه بتقولى اطلعى منها ما اه ليها حق ما شايفه ابنى الوحيد دلدول ليها وعماله تتحكم فيه كأنها ماسكه عليك ذله ورينى هتبقى راجل ازاى وتجيب منها حق امك
مروان :- يا ماما ارجوكى بلاش تزوديها هى متقصدش
ام مروان :- يا فرحة قلبى بيك بتنصر مراتك على امك أنا مستحيل اقعد ثانيه واحده هنا ولسه هتمشى
مروان :- وقف وقال يا ماما استنى بس
ام مروان :- ماما ؟؟انسى الكلام دى يا ابن بطنى اعتبرنى موت خلاص وخليك قاعد جمبها بوس رجليها علشان ترضى عليك وشدت دراعها من أيده وخرجت من الاوضه
مروان :- بص لمياده وقال امنعيها تمشى يا مياده علشان خاطرى
مياده :- اعملها ايه يعنى هى حره عايزه تمشى تمشى
مروان :- دى امى برضه
مياده :- امك روح ليها انت إنما أنا لاء انا مغلطش فيها هى اللى اقتحمت عليا اوضى وأدخلت فى اللى ملهاش فيه
مروان :- معلش اعتبريها امك يا مياده وحياة عامر عندك روحى راضيها
مياده :- لاء يا مروان واتفضل اطلع من الاوضه وياريت تقفلها بالمفتاح زى ما بتعمل
مروان :- بص ليها بقلة حيله وخرج من الاوضه وسابها مفتوحه وراح عند أمه ومسك ايديها وقال علشان خاطرى يا ماما خليكى قاعده
ام مروان :- سحبت ايديها وقالت اوعى كده انا غلطانه أن سبت بيتى وسمعت كلامك وجيت معاك هنا
مروان :- يا ماما انتى ايه زعلك بس
ام مروان :- اللى زعلنى أن شايفه ابنى الوحيد عمال يتذلل لواحده علشان تسامحه وترضى عليه أنا ام وقلبى بيوجعنى لما اشوفك مذلول ليها بالشكل ده
مروان :- بحبها يا ماما ومقدرش اعيش من غيرها وليها حق تزعل انتى مشوفتيش جسمها عامل ازاى منى
ام مروان :- انت مش اول ولا اخر راجل يضرب مراته ما انا كتير اضربت من ابوك الله يرحمه وعيشت معاه خدامه ليه لحد ما مات عمرى ما عملت اللى مراتك بتعمله فيك ده استرجل كده واتقل عليها وهى اللى هتيجى تبوس رجليك ويا سلام لو اتجوزت عليها الغيره تشعلل فى قلبها
مروان :- لالالا مستحيل اعمل كده فى مياده انا مقدرش ابص لغيرها اصلا اللى فى قلبى مياده وبس ولو عملت زى ما بتقولى كده ابقى هظلم اللى هتجوزها لان مش هقدر اعدل معاهم و حبى كله هيبقى لمياده وبس
ام مروان :- خلاص خليك كده حايل فيها وانا ماشيه اروح بيتى بدل ما اقعد وقلبى يوجعنى على ابن بطنى وهو ذليل لواحده متسواش وخرجت من الاوضه
مروان :- خرج وراها وقال علشان خاطرى خليكى يا ماما
ام مروان :- انا قولت ماشيه يعنى ماشيه ومشيت لحد الباب
مياده :- خليكى يا ماما متمشيش ده بيت ابنك يعنى بيتك
مروان :- بفرحه اهو شوفتى يا ماما مياده قالتلك خليكى، خليكى بقى
ام مروان :- ابدآ انا ماشيه مستحيل اقعد فى البيت ده ثانيه واحده خليكى انتى قاعده تذلى فى ابنى علشان ترضى عليه
مياده :- حضرتك مستنتيش لما اكمل كلامى خليكى قاعده ده بيت ابنك وبالمره تخدى بالك منه
مروان :- بأستغراب يعنى ايه
مياده :- دخلت شالت ابنها وقالت يعنى خليها هى قاعده معاك وانا اللى همشى يا مروان خليها بقى تجبلك العروسه وطلاق مش عايزه اطلق انا كده كده مش هتجوز تانى بس قعد هنا مش قاعده
مروان :- لالالا مياده بلاش تمشى وتسبينى انا بحبك والله حقك عليا واللى انتى عايزاه هعمله ليكى وسيبك من كلام امى انا اصلا مقدرش اتجوز عليكى ومسكها من دراعها وقال مياده وحياة اغلى حاجه عندك متسبنيش والله العظيم ما هقدر اعيش من غيرك
مياده :- سيب دراعى يا مروان والله ما هقعد ولا ثانيه واحده فى البيت ده سيب دراعى بقولك
مروان :- دموعه نزلت منه وقال ابوس ايديك متمشيش مياده انا مروان حب عمرك اهون عليكى تمشى وتسبينى انا غبى وحمار علشان مديت ايدي عليكى والله مش هعملها تانى سامحينى يا مياده
ام مروان :- شدت مروان وبعدته عن مياده وقالت سيبها تمشى فى ستين داهيه المركب اللى تودى والله هجوزك ست ستها
مياده :- جوزيه بس قبل ما تظلمى بنات الناس معاكى خليه يتعالج الاول وياريت انتى كمان تتعالجى علشان شكل العيله كلها مريضه ونزلت وسابتهم
مروان :- لسه هيجرى وراها
ام مروان :- مسكته وقال استنى هنا مش هتروح وراها وانا هوريها ازاى تقول علينا كده ودينى لقهرها
مروان :- سبينى يا ماما مياده يا مياده متسبنيش ارجوكى انا بحبك وقعد على الأرض وقال بدموع انا اموت لو بعدى عنى مياااااده واترمى فى حضن أمه وقعد يعيط
مياده :- وقفت تاكسى وركبته وراحت على الفيلا عند علياء
~•~•~•~•~•~•~•~•~•~•~•~•~•~•
فى فيلا أدم
دخلت سلوى تجرى على الفيلا وشافت عمر شالته وقعدت تبوس فيه بأشتياق وتحضنه وتقول
سلوى :- واحشتنى اوى اوى يا عمر انا مش عارفه يومى كان هيعدى عليا ازاى من غير ما اشوفك
أدم :- قرب من ودنها وقال ياريتنى كنت عمر كان زمانى مكانه دلوقتى
سلوى :- بصت ليه بصدمه وبعدت عنه وقالت ل ل.لاء بقولك ايه م.م.مش علشان وافقت اجى معاك تفكرنى سهله ل.ل.لو سمحت الزم ادبك
أدم :- لسانك ده ايه يخربيتك بهزر مقصدش حاجه والله
سلوى :- ب.ب برضه الهزار بحدود
أدم :- سلوى انا لو عايز اعمل حاجه وحشه مش هعملها معاكى انتى بالذات مش علشان انتى وحشه لاء بس مقدرش اوجعك واجرحك انتى يا سلوى
سلوى :- ها ل.ل ليه انا بالذات بقى
أدم :- قرب منها اكتر ومسك ايديها وبص فى عينيها وقال علشان بح
سلوى :- سحبت ايديها ورجعت لوراه وقطعته وقالت متكملش ارجوك
أدم :- بأستغراب ليه يا سلوى
سلوى :- حضرتك مش واخد بالك من الفرق الاجتماعى اللى ما بينا أنا فى الاول والاخر مربيه ابنك وانت اصلا متعرفش حاجه عن حياتى ياريت بلاش تتهور لأن انا مش زى ما انت مفكر
أدم :- يعنى ايه مش فاهم
سلوى :- اتنهدت وقالت عن اذنك واخدت عمر وطلعت على اوضه
أدم :- بصلها بأستغراب وعدم فهم وخرج من الفيلا وركب عربيته ومشى
~•~•~•~•~•~•~•~•~•~•~•~•~•~•
عند مراد
كان نايم فى اوضه و زهقان مسك تليفون الاوضه واتصل على علياء وانتظر الرد وقال
مراد :- بتعملى ايه
علياء :- ولا حاجه نايمه على السرير
مراد :- طيب انا جعان تعالى ننزل ناكل
علياء :- ماشى هجهز نفسى
مراد :- ماشى باى وقفل السكه وقام لبس هدومه وخرج من الاوضه ولسه هيروح يخبط على باب اوضة علياء خرجت ساره من اوضتها وقال
ساره :- استاذ مراد
مراد :- احم رايحه فين كده
ساره :- لسه كنت جايه ليك الاوضه علشان اقولك انا جعانه
مراد :- اه ما احنا هننزل انا وعلياء تعالى معانا
ساره :- اوك
مراد :- خبط على باب اوضة علياء
علياء :- فتحت الباب وهى مبتسمه واول ما شافت ساره اتغاظت وبصت لمراد
مراد :- خلصتى
علياء :- بغيظ ايوه وخرجت وقفلت الباب ومشيت قدامهم
مراد :- علياء استنى
علياء :- بغيظ نعم
مراد :- تعالى عايزك وبص لساره وقال ثوانى يا ساره خليكى واقفه ومسك ايد علياء وراح بعيد عن ساره
علياء :- شدت ايديها وقالت سيب ايدى
مراد :- ممكن افهم فيه ايه
علياء :- والله يعنى مش عارف
مراد :- علشان ساره يعنى
علياء :- ايوه جايه معانا تعمل ايه لازم تجيبها معانا يعنى
مراد :- اولا انا مجبتش حد انا كنت جاى اخبط عليكى لاقيتها هى اللى خارجه من الاوضه وتقولى جعانه علشان كده قولتلها تيجى معانا
علياء :- هى اصلا مكانش لازم تيجى معانا من أساسه
مراد :- خلاص بقى يا علياء كبرى دماغك شويه من ناحيتها
علياء :- بصت الاتجاه التانى ومردتش عليه
مراد :- مسك ايديها وقال انا اه فرحان بغيرتك عليا وكل حاجه بس عايزك تعرفى أن انا بحبك انتى وعينى مش شايفه غيرك انتى وبس والله
علياء :- سحبت ايديها من أيده وقالت م.م.ماشى يلا بقى علشان جعانه
مراد :- ابتسم ليها وقال ماشى يلا
علياء :- ابتسمت ليه ومشيت قدامه
مراد :- مشى وراها وراحوا عند ساره وقال معلش يا ساره اتأخرنا عليكى يلا بينا ونزلوا التلاته تحت وراحوا على المطعم وطلبوا اكل وقعدوا ياكلوا
~•~•~•~•~•~•~•~•~•~•~•~•~•~•~•
فى فيلا علياء
جرس الباب رن بصت سمر ليه بخوف ومسكت زين ومنار فى حضنها وراحت وراه الباب وقالت بخوف
سمر :- م.م.مين
عبدالرحمن :- انا يا سمر افتحى متخافيش
سمر :- اتنهدت بأرتياح وفتحت الباب واترمت فى حضنه وقالت الحمدالله انك جيت انا كنت خايفه اوى
عبدالرحمن :- ما مهند اتصل بيا وقالى لو كنت مسكت الحيوان ده كنت قتلته بأيدي دول
سمر :- ده زباله اوى يا عبده انا كنت هموت والله
عبدالرحمن :- بعد الشر عليكى يا حبيبتى ودخل وقفل الباب وراه وشال زين وباسه وقرب من منار وباسها وقال ازيك يا حبيبتى
سمر :- مش راضيه تتكلم من ساعة اللى حصل ده مش عارفه ليه
عبدالرحمن :- هى شافت حاجه
سمر :- ايوه شافت الحيوان ده وهو بيتهجم عليا
عبدالرحمن :- تلاقيها بس خايفه من اللى شافته
سمر :- ربنا يستر
عبدالرحمن :- قعد على الكنبه وقعد زين على رجله وقال انا مش هسيبكم غير لما علياء ترجع
سمر :- ومراتك مش ناوى ترجعها
عبدالرحمن :- لاء
سمر :- ليه بس حتى علشان الاولاد
عبدالرحمن :- مريم دى اكبر غلطه فى حياتى والله دى واحده قلبها اسود و غلاويه
سمر :- كلنا كنا عارفين كل ده من قبل ما تتجوزها بس انت الحب عمى عينيك على الحقيقه ومينفعش دلوقتى تسيبها علشان فيه اولاد ما بينكم وهما اللى هيتظلموا فى النص ادبها شويه بس اوعى تطلقها علشان ولادك يا عبده
عبدالرحمن :- كنت عايش على أمل انها تتغير وعمرى ما اتعاملت معاها بقسوه ولا جرحتها اتعاملة معاها بالحسنه ومطمرش فيها كل ده
سمر :- معلش تعالى على نفسك شويه واستحملها دى مريضه متخدش عليها يا عبده وربى الولاد ما بينكم بلاش طلاق
عبدالرحمن :- ربنا يسهل المهم مهند كلمنى وطلب ايديك منى وقال لما ترجع علياء تتجوزوا علطول
سمر :- بفرحه بصت لعبدالرحمن
عبدالرحمن :- ها ايه رأيك
سمر :- بفرحه هزت راسها وقالت موافقه طبعآ
عبدالرحمن :- ربنا يسعدك يا حبيبتى
سمر :- و يصلحلك الحال يا عبده يارب وفى الوقت ده جرس الباب رن بصت لعبدالرحمن وقالت مين يا ترى
عبدالرحمن :- نزل زين وقام يفتح يشوف مين وفتح الباب لاقها مياده حضنها وقال ميزو واحشتينى
مياده :- جسمها وجعها من حضن عبدالرحمن ليها بس حاولت تستحمل علشان محدش يحس بحاجه
عبدالرحمن :- شال عامر منها وقال ادخلى يا حبيبتى
مياده :- دخلت وقالت عامل ايه يا حبيبى
عبدالرحمن :- الحمدالله يا حبيبتى
سمر :- حضنة مياده وقالت مياده حبيبتى الحمدالله انك بخير امبارح اتصلنا بيكى ولاقينا تليفونك مغلق اتصلنا على جوزك قال تليفونك بايظ وهيخليكى تكلمينا لما يروح البيت بس متصلتيش
مياده :- ا.ا.اه التليفون وقع منى فى الارض وباظ
سمر :- بأستغراب بس هو قال إن تليفونك وقع فى الميه
مياده :- ها ا.ا.اه قصدى وقع فى الميه
عبدالرحمن :- مالك يا مياده مش على بعضك كده ليه
مياده :- م.م.مفيش بس تعبانه شويه فين علياء
سمر :- علياء مسافره فى شغل مع مراد
مياده :- ا.ا.اه ماشى عن اذنكم هطلع اريح شويه فى الاوضه اللى فوق
سمر :- مياده انتى زعلانه مع مروان ولا ايه
مياده :- شويه زعل صغيرين وقولت اجى اريح اعصابى هنا يومين
عبدالرحمن :- مد أيده عليكى ولا حاجه
مياده :- ها ل ل لاء خالص مروان عمره ما يعمل كده احنا شدينا فى الكلام مع بعض مش اكتر
عبدالرحمن:- اوعى يكون هانك يا مياده اروح اموته والله
مياده :- لالالا يا عبدالرحمن محصلش حاجه لكل ده زى ما قولتلك احنا شدينا مع بعض فى الكلام مش اكتر واخدت عامر وطلعت بي على الاوضه
سمر :- شكلها فيه حاجه ومش عايزه تقولها لينا
عبدالرحمن :- اقسم بالله لو عمل ليها حاجه مش هرحمه
سمر :- هى اللى هتعرف منها كل حاجه علياء لما ترجع
عبدالرحمن :- أن شاءالله هطلع اغير هدومى واريح فى الاوضه شويه
سمر :- ماشى براحتك وقعدت هى بالعيال وعبد الرحمن ومياده كل واحد دخل اوضه يريح
~•~•~•~•~•~•~•~•~•~•~•~•~•~•
فى شقة حكمت
رجع مهند الشقه ودخل وهو الجرح تعبه وقعد على الكنبه وهو حاطط ايده على الجرح بصت ليه مريم بأستغراب وقالت
مريم :- مالك
مهند :- مفيش
مريم :- لاء فيه وقامت رفعت التيشيرت من على بطنه وبصت ليه بصدمه وقالت ايه ده اللى فى بطنك
حكمت :- فيه ايه يا بت
مريم :- ابنك مجروح فى بطنه وشكله الجرح كبير اوى يا اما
حكمت :- يا خبر من ايه ده يا ولا
مهند :- بعد عنه مريم وقال مفيش حاجه يا اما بنتك هى اللى مكبره الموضوع
مريم :- بكبر الموضوع؟ هو الموضوع كبير لوحده اكيد السبب مقصوفة الرقبه اللى اسمها سمر وهى بيجى ايه من وراها غير المصايب ووجع القلب
مهند :- براحه على نفسك شويه بدل ما تتحرقى من النار اللى جواكى منها سمر ملهاش دعوه يا سوسه
مريم :- والله العظيم هى السبب ما انت مش بتصحى بدرى اوى كده وتنزل من البيت غير علشانها تلاقى حد عكسها ولا حاجه وهى اتصلت بيك علشان تجيب حقها وحصلك ده بسببها والله البت دى هتكون سبب موتك
حكمت :- الكلام اللى اختك قالته ده صح يا مهند ؟؟
مهند :- يا اما محصلش حاجه ما انت عارفه بنتك بتحب تولعها
مريم :- طيب قول انت الحقيقه واللى حصلك ده من ايه
مهند :- بصلها بغيظ وقال انتى حسبى الله ونعم الوكيل فيكى يا شيخه شيطانه معانا فى البيت
حكمت :- ملكش دعوه بأختك وكلمنى انا ايه اللى حصل
مهند :- مفيش اتخانقت مع شويه عيال فى الشارع كانوا غيظنى
مريم :- شوفتى اهو والله بسببها بس هو مش عايز يقول
مهند :- يا بت اسكتى لديكى بالبوكس فى مناخيرك اخنفك
حكمت :- ماشى يا مهند انا مش هستنى لما ترجعلى جثه بسبب البرنسيسه بتاعتك البت دى هتنساها وهتتجوز اللى قولتلك عليها ولو معملتش كده لا انت ابنى ولا اعرفك
مهند :- يا ماما سمر ملهاش دعوه صدقينى وانا خلاص كلمة اخوها ووافق وهى وافقت ابوس ايديك يا اما بلاش تمشى وراه كلام بنتك السوسه دى
حكمت :- وانا بقى مش موافقه انك تتجوز سمر ولو اتجوزتها يبقى أنسى أن ليك أم يا مهند وقامت وقفت وقالت وده اخر كلام عندى عايز تكسب رضى امك جهز نفسك بليل وسابته ودخلت اوضتها
مهند :- ارتحتى انتى كده صح
مريم :- وانا مالى
مهند :- اللى بيحصل فيكى ده شويه وربنا من سواد قلبك وكرهك لناس وسابها ودخل اوضه
مريم :- رفعت ايديها فى الهوا وقعدت تطقطق بصوابعها فى الهوا وترقص وقالت يلا فى داهيه عقبال التانيه كمان وساره تنفذ اللى اتفقنا عليه واخلص منهم هما الاتنين جوز العقارب دول وسمعت صوت ابنها بيعيط قامت جريت ودخلت ترضعه
~•~•~•~•~•~•~•~•~•~•~•~•~•~•
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرصه استثنائية)
