رواية فرصتي الفصل الثاني 2 بقلم حورية
رواية فرصتي البارت الثاني
رواية فرصتي الجزء الثاني
رواية فرصتي الحلقة الثانية
سمعت صوت صراااخ
طالع من شقة هدي سلفتي .
نزلت اجري لتحت بسرعه
ودخلت الشقه عند هدي لقيتها جوزها ممدوح واقع بالأرض وهيا بتحاول تفوقه وعماله تصوت وتبكي
بسرعه جبت برفان وبحاول افوق فيه
شويه وخالد لقيته جمبي راجع من الشغل بسرعه
شاله ونزل بيه تحت
واخد عربيه وطلع بيه علي المستشفي
وانا وهدي طلعنا وراه
ولما وصلنا المستشفي انا وهدي سلفتي
جوزي خالد كان بره اوضة العنايه
المركزه
جريت هدي عليه وقالت ..
هدي ؛؛ خير يا خالد ماله ممدوح
خالد :: اهدي ان شاء الله مفيش حاجه . دلوقتي يطلع الدكتور ونعرف منه
شويه وطلعت ممرضه من الاوضه هدي كانت رايحه تجري عليها وفجاه وقفت مكانها . ولفت وشها بعيد
انا خدت بالي ان الممرضه شفتها وعماله تبص وراها ..
بدأت اتوغوش واحس فيه علاقه بين هدي والممرضه
شويه وطلع الدكتور
ووقفنا معاه وخالد جوزي كان بيكلمه
الدكتور ::: طبعا انت اخوه
خالد :: انا اخوه خالد يا دكتور
دكتور:: طيب الحمد لله انكم جبتوه بسرعه لأحسن دي كانت جلطه بالدماغ
والحمد لله لحقناها
خالد :: الحمد لله يا دكتور
الدكتور ادي لخالد ورقه وقاله
= عايز التحاليل دي بكره ضروري .. ساعه كدا وانا هخليكم تخدهوه معاكم
ولازم تعملوا تحاليل
خالد :: حاضر يا دكتور عنينا.
مشي الدكتور وخالد خد الورقه وقالي طالع بره وجاي ومشي
وقعدت انا وهدي لوحدنا قدام الاوضه اللا فيها ممدوح جوزها
شويه ولمحت الممرضه جايه من بعيد
وببص ورايا ملقتش قاعده مكانها فص ملح وداب
قمت ادور عليها ملقتهاش
شويه وجه خالد جوزي ومعاه الدكتور ودخلوا جوه . دقايق وطلع خالد ومعاه ممدوح وساند علي كتف جوزي ..
وانا طالعه وراهم لقيت ايد بتخبط علي كتفي .
بصيت ورايا ولقيت الممرضه اللي كانت بتبص الي هدي
بصتها وقلت ..
نعم خير في حاجه
لا بس بسأل الست الا كانت معاكم راحت فين
= معرفش . هي عملت حاجه
الممرضه :: لا بس بشبه عليها بواحده اعرفها
بصتلها وانا حاسه في لغز ولازم اعرفه منها
= لا معرفش انا .. بس ممكن تقوليلي قصتها اللي تشبه ليها
الممرضه:: لا ملوش لازم سلام..
وجريت من قدامي وانا مشيت ورا جوزي
وقررت اروح ليها مره تاني المستشفي
وصلنا البيت وخالد جوزي طلع ممدوح اوضته والغريب لقيت هدي في البيت
وعشان انا مش بتكلم معاها . مردتش اسألها فيه ايه
دخلت مع خالد الشقه وقعد ممدوح علي السرير بتاعه وانا سبتهم رايحه شقتي وانا طالعه بره رايحه شقتي سمعت صوت هدي بتتكلم بالتلفون جوه مطبخها وبتقول ”
الممرضه صاحبتك شافتني اتصرفي بسرعه قبل ما اتفضح .
طلعت شقتي وانا نفسي انزل بسرعه
واشوف الممرضه تاني واعرف منها اي الحكايه
**
تاني يوم الصبح قمت من نومي ولسبت هدومي وقبل ما اروح المدرسة
طلعت علي المستشفي
وطلعت عند العنايه المركزه ملقتش الممرضه
فضلت اسأل عليها لحد ما لقيت واحده معرفتها
ولما سألتها عليها قالتلي.
_ سناء اخدت اجازه كام يوم لأنها تعبانه لو عايزها ضروري خدي العنوان وروحيلها
اخدت منها العنوان ..
روحت المدرسه وبعد ما خلصت من المدرسه …
اخد تاكسي عشان اوصل للعنوان سناء الممرضه ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فرصتي)
